MATHAYO 18
18
Ũmanyĩsyo wa wĩnyivyo
(MALIKO 9.33–37; Luka 9.46–48)
1Saa ũsu amanyĩw’a mooka vala ve Yesũ, makyasya, Nũũ ĩndĩ ũla mũnene ũsumbĩnĩ wa ĩtu? 2Na eeta kana kanini, akaũngamya katĩ woo, 3#Mt 19.14; Yoa 3.3–5.na asya, Nĩ w’o nĩngũmwĩa, Mwalea kũalyũka mwĩthĩwe ta syana nini, mũikalika nongi ũsumbĩnĩ wa ĩtu. 4O ũla ĩndĩ ũkenyivya ta kana kaa kanini, ũsu nĩ mũnene ũsumbĩnĩ wa ĩtu. 5#Mt 10.40; Yoa 13.20.Na o ũla ũkosa kana kamwe kanini kailyĩ kaa syĩtwanĩ yakwa embosa nyie: 6#Lk 17.1,2.ĩndĩ ũla ũkalulutĩkya kamwe ka tũũ tũnini tũla tũmbĩtĩkĩlaa, nĩwaĩle kwoveewa ngingo ĩvia ĩnene ya ũthia, na akĩkw’a kyũngũnĩ kya ũkanga.
Kũsũvĩa kũlulutĩkya angĩ
(MALIKO 9.42–48; Luka 17.1–2)
7Woo nĩ wa nthĩ kwondũ wa molulutĩkyo! Nũndũ molulutĩkyo maitĩa kũka; ĩndĩ woo nĩ wa mũndũ ũla ũtumaa ũlulutĩkyo wũka! 8#Mt 5.29,30.Na ethĩwa kw’oko kwaku kana kũũ kwaku nĩkũũkũlulutĩkya, kũtile, wĩkye kũasa naku: nĩ ũseo kwaku ũlike thayũnĩ na kĩthu kya kw’oko kana kya kũũ, kwĩ ũkĩkw’a wĩ na moko elĩ kana maũũ elĩ mwakinĩ wa tene na tene. 9Na ethĩwa itho yaku nĩyĩũkũlulutĩkya, yumye, wĩkye kũasa naku: nĩ ũseo kwaku ũlike thayũnĩ wĩ nthongo, kwĩ ũkĩkw’a wĩ na metho elĩ nthĩnĩ wa Ngiena ya mwaki. 10#Aevl 1.14.Sisyai mũikavũthye kamwe ka tũũ tũnini: nũndũ nĩngũmwĩa, kana alaĩka matw’o ĩtunĩ mavinda onthe monaa ũthyũ wa Asa wakwa ũla wĩ ĩtunĩ. 11Nũndũ Mwana wa mũndũ nĩwokie kũtangĩĩa kĩla kyaĩte.
Ngelekan’yo ya ĩlondu yau
(Luka 15.3–7)
12Mwĩona ata? Ethĩwa mũndũ o na wĩva e na malondu ĩana, na yĩmwe yamo yĩkyaa, ndeũtia ala mĩongo kenda na kenda, na akĩthi iĩmanĩ kũmantha yĩla yau? 13Na ethĩwa nũnũũyona, nĩ w’o nĩngũmwĩa, nũnũũyĩtanĩa yĩu mbee wa ala mĩongo kenda na kenda mate mau. 14No ta ũu ti kwenda kwa Ĩthe wenyu ũla wĩ ĩtunĩ, kamwe ka tũũ tũnini kae.
Ũndũ twaĩle kwĩka na avĩtan’ya
(Luka 17.3)
15 #
Ali 19.17; Lk 17.3; Aka 6.1. Na mwana‐a‐au akwĩka naĩ, thi, ũmwon’ye ĩvĩtyo yake wĩ nake mwĩ inyw’oka: akwĩw’a, nĩwamwona mwana‐a‐au. 16#Kũt 19.15.Ĩndĩ alea ũkwĩw’a, osa ũngĩ ũmwe kana elĩ vamwe naku, nĩ kana kwa makanyw’a ma ngũsĩ ilĩ kana itatũ kĩla ndeto ĩlũme. 17#1 Ako 5.13.Na alea ũmew’a mo, yĩtavye ĩkanisa: na alea kwĩw’a ĩkanisa nayo, kwaku nĩethĩwe ta Mũndũ‐wambaĩ‐ingĩ na ta mumya wa koti. 18#Mt 16.19; Yoa 20.23.Nĩ w’o nĩngũmwĩa, Maũndũ o na meva ala mũkova kũũ nthĩ makethĩwa me move ĩtunĩ; na maũndũ o na meva ala mũkathasya kũũ nthĩ makethĩwa me mathasye ĩtunĩ.
Ngwatanĩo mboyanĩ
19 #
Mko 11.24. Ĩngĩ nĩngũmwĩa, ethĩwa elĩ ma inyw’ĩ makeew’ana kũũ nthĩ ũndũnĩ o na wĩva ũla makavoya, makeekwa ũndũ ũsu nĩ Asa wakwa ũla wĩ ĩtunĩ. 20#Mt 28.20; Yoa 14.23.Nĩkwĩthĩwa vala ve elĩ kana atatũ mombene syĩtwanĩ yakwa, nyie nĩ vo katĩ woo.
Vata wa ũekeo na ngelekan’yo ya ngombo ĩte tei
(Luka 17.4)
21Na ĩndĩ Vetelo athi, amwĩa, Mwĩaĩi, nĩ mavinda meana ata mwana‐a‐asa aimbĩka naĩ nĩmũekee? Kũvika ya mũonza? 22#Lk 17.4. Yesũ amwĩa, Ndiũkũtavya kũvika ya mũonza; ĩndĩ kũvika mũonza kũndũ mĩongo mũonza. 23Kwondũ wa ũu ũsumbĩ wa ĩtu ũilyĩ ta mũsumbĩ ũmwe, ũla wendie ũtalo kwa ngombo syake. 24Na ambĩlĩlya ũtala, aetewe ĩmwe ĩla yaĩ na thiĩ nake wa mbesa sya talendi ngili ĩkũmi. 25Ĩndĩ nĩkwĩthĩwa ĩtyaĩ na kĩndũ kya ũĩva, vwana wayo eeaa ĩtewe, yo na kĩveti kyayo, na syana, na syonthe ila yaĩ nasyo, kũĩva ũla thiĩ. 26Na ĩndĩ ĩla ngombo yavalũka nthĩ na yamũthaitha, ĩkyasya, Vwana, nandũa kavola, nakwa ngakũĩva syonthe. 27Na vwana wa ngombo ĩsu amĩw’ĩa tei, na amĩthasya, na amĩekea ũla thiĩ. 28Ĩndĩ ngombo ĩsu yaumaala, yoona ũmwe wa athũkũmi ala angĩ, ũla waĩ na thiĩ nayo wa silingi ĩana yĩmwe: amũkwata, na amũkwata mĩmeo, ĩkyasya, Ndĩva kĩla ngũũandũa. 29Na ĩndĩ mũthũkũmi ũsu avalũka nthĩ na amwĩsũva, akyasya, Nandũa kavola, nakwa ngakũĩva. 30Nayo ndĩaaĩtĩkĩla: ĩndĩ yathi yamwĩkĩa kolokolonĩ, mũvaka yĩla ũkaĩva ũla thiĩ. 31Na ĩndĩ athũkũmi ala angĩ moona ũndũ weekwa, meew’a woo mũno, na mathi mamũtavya vwana woo w’onthe ũndũ kweekwa. 32Na ĩndĩ vwana wayo amĩta kwake, na amĩtavya, We ngombo nthũku, ngũekeie thiĩ ũsu w’onthe, nũndũ nũmbĩsũvie: 33naku ndwaĩlwe nĩ kũmwĩw’ĩa tei mũthũkũmi ũngĩ, tondũ nyie ngwĩw’ĩie tei? 34#Mt 5.26.Na vwana wayo athata, na amĩnengane kwa athĩn’ya, mũvaka yĩla ĩkaĩva thiĩ ũsu w’onthe. 35#Mt 6.14,15.Asa wakwa wa ĩtunĩ akamwĩka inyw’ĩ o ta ũu, mwalea kũekanĩa kĩla mũndũ na mwana‐a‐ĩthe kuma ngoonĩ syenyu.
Currently Selected:
MATHAYO 18: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MATHAYO 18
18
Ũmanyĩsyo wa wĩnyivyo
(MALIKO 9.33–37; Luka 9.46–48)
1Saa ũsu amanyĩw’a mooka vala ve Yesũ, makyasya, Nũũ ĩndĩ ũla mũnene ũsumbĩnĩ wa ĩtu? 2Na eeta kana kanini, akaũngamya katĩ woo, 3#Mt 19.14; Yoa 3.3–5.na asya, Nĩ w’o nĩngũmwĩa, Mwalea kũalyũka mwĩthĩwe ta syana nini, mũikalika nongi ũsumbĩnĩ wa ĩtu. 4O ũla ĩndĩ ũkenyivya ta kana kaa kanini, ũsu nĩ mũnene ũsumbĩnĩ wa ĩtu. 5#Mt 10.40; Yoa 13.20.Na o ũla ũkosa kana kamwe kanini kailyĩ kaa syĩtwanĩ yakwa embosa nyie: 6#Lk 17.1,2.ĩndĩ ũla ũkalulutĩkya kamwe ka tũũ tũnini tũla tũmbĩtĩkĩlaa, nĩwaĩle kwoveewa ngingo ĩvia ĩnene ya ũthia, na akĩkw’a kyũngũnĩ kya ũkanga.
Kũsũvĩa kũlulutĩkya angĩ
(MALIKO 9.42–48; Luka 17.1–2)
7Woo nĩ wa nthĩ kwondũ wa molulutĩkyo! Nũndũ molulutĩkyo maitĩa kũka; ĩndĩ woo nĩ wa mũndũ ũla ũtumaa ũlulutĩkyo wũka! 8#Mt 5.29,30.Na ethĩwa kw’oko kwaku kana kũũ kwaku nĩkũũkũlulutĩkya, kũtile, wĩkye kũasa naku: nĩ ũseo kwaku ũlike thayũnĩ na kĩthu kya kw’oko kana kya kũũ, kwĩ ũkĩkw’a wĩ na moko elĩ kana maũũ elĩ mwakinĩ wa tene na tene. 9Na ethĩwa itho yaku nĩyĩũkũlulutĩkya, yumye, wĩkye kũasa naku: nĩ ũseo kwaku ũlike thayũnĩ wĩ nthongo, kwĩ ũkĩkw’a wĩ na metho elĩ nthĩnĩ wa Ngiena ya mwaki. 10#Aevl 1.14.Sisyai mũikavũthye kamwe ka tũũ tũnini: nũndũ nĩngũmwĩa, kana alaĩka matw’o ĩtunĩ mavinda onthe monaa ũthyũ wa Asa wakwa ũla wĩ ĩtunĩ. 11Nũndũ Mwana wa mũndũ nĩwokie kũtangĩĩa kĩla kyaĩte.
Ngelekan’yo ya ĩlondu yau
(Luka 15.3–7)
12Mwĩona ata? Ethĩwa mũndũ o na wĩva e na malondu ĩana, na yĩmwe yamo yĩkyaa, ndeũtia ala mĩongo kenda na kenda, na akĩthi iĩmanĩ kũmantha yĩla yau? 13Na ethĩwa nũnũũyona, nĩ w’o nĩngũmwĩa, nũnũũyĩtanĩa yĩu mbee wa ala mĩongo kenda na kenda mate mau. 14No ta ũu ti kwenda kwa Ĩthe wenyu ũla wĩ ĩtunĩ, kamwe ka tũũ tũnini kae.
Ũndũ twaĩle kwĩka na avĩtan’ya
(Luka 17.3)
15 #
Ali 19.17; Lk 17.3; Aka 6.1. Na mwana‐a‐au akwĩka naĩ, thi, ũmwon’ye ĩvĩtyo yake wĩ nake mwĩ inyw’oka: akwĩw’a, nĩwamwona mwana‐a‐au. 16#Kũt 19.15.Ĩndĩ alea ũkwĩw’a, osa ũngĩ ũmwe kana elĩ vamwe naku, nĩ kana kwa makanyw’a ma ngũsĩ ilĩ kana itatũ kĩla ndeto ĩlũme. 17#1 Ako 5.13.Na alea ũmew’a mo, yĩtavye ĩkanisa: na alea kwĩw’a ĩkanisa nayo, kwaku nĩethĩwe ta Mũndũ‐wambaĩ‐ingĩ na ta mumya wa koti. 18#Mt 16.19; Yoa 20.23.Nĩ w’o nĩngũmwĩa, Maũndũ o na meva ala mũkova kũũ nthĩ makethĩwa me move ĩtunĩ; na maũndũ o na meva ala mũkathasya kũũ nthĩ makethĩwa me mathasye ĩtunĩ.
Ngwatanĩo mboyanĩ
19 #
Mko 11.24. Ĩngĩ nĩngũmwĩa, ethĩwa elĩ ma inyw’ĩ makeew’ana kũũ nthĩ ũndũnĩ o na wĩva ũla makavoya, makeekwa ũndũ ũsu nĩ Asa wakwa ũla wĩ ĩtunĩ. 20#Mt 28.20; Yoa 14.23.Nĩkwĩthĩwa vala ve elĩ kana atatũ mombene syĩtwanĩ yakwa, nyie nĩ vo katĩ woo.
Vata wa ũekeo na ngelekan’yo ya ngombo ĩte tei
(Luka 17.4)
21Na ĩndĩ Vetelo athi, amwĩa, Mwĩaĩi, nĩ mavinda meana ata mwana‐a‐asa aimbĩka naĩ nĩmũekee? Kũvika ya mũonza? 22#Lk 17.4. Yesũ amwĩa, Ndiũkũtavya kũvika ya mũonza; ĩndĩ kũvika mũonza kũndũ mĩongo mũonza. 23Kwondũ wa ũu ũsumbĩ wa ĩtu ũilyĩ ta mũsumbĩ ũmwe, ũla wendie ũtalo kwa ngombo syake. 24Na ambĩlĩlya ũtala, aetewe ĩmwe ĩla yaĩ na thiĩ nake wa mbesa sya talendi ngili ĩkũmi. 25Ĩndĩ nĩkwĩthĩwa ĩtyaĩ na kĩndũ kya ũĩva, vwana wayo eeaa ĩtewe, yo na kĩveti kyayo, na syana, na syonthe ila yaĩ nasyo, kũĩva ũla thiĩ. 26Na ĩndĩ ĩla ngombo yavalũka nthĩ na yamũthaitha, ĩkyasya, Vwana, nandũa kavola, nakwa ngakũĩva syonthe. 27Na vwana wa ngombo ĩsu amĩw’ĩa tei, na amĩthasya, na amĩekea ũla thiĩ. 28Ĩndĩ ngombo ĩsu yaumaala, yoona ũmwe wa athũkũmi ala angĩ, ũla waĩ na thiĩ nayo wa silingi ĩana yĩmwe: amũkwata, na amũkwata mĩmeo, ĩkyasya, Ndĩva kĩla ngũũandũa. 29Na ĩndĩ mũthũkũmi ũsu avalũka nthĩ na amwĩsũva, akyasya, Nandũa kavola, nakwa ngakũĩva. 30Nayo ndĩaaĩtĩkĩla: ĩndĩ yathi yamwĩkĩa kolokolonĩ, mũvaka yĩla ũkaĩva ũla thiĩ. 31Na ĩndĩ athũkũmi ala angĩ moona ũndũ weekwa, meew’a woo mũno, na mathi mamũtavya vwana woo w’onthe ũndũ kweekwa. 32Na ĩndĩ vwana wayo amĩta kwake, na amĩtavya, We ngombo nthũku, ngũekeie thiĩ ũsu w’onthe, nũndũ nũmbĩsũvie: 33naku ndwaĩlwe nĩ kũmwĩw’ĩa tei mũthũkũmi ũngĩ, tondũ nyie ngwĩw’ĩie tei? 34#Mt 5.26.Na vwana wayo athata, na amĩnengane kwa athĩn’ya, mũvaka yĩla ĩkaĩva thiĩ ũsu w’onthe. 35#Mt 6.14,15.Asa wakwa wa ĩtunĩ akamwĩka inyw’ĩ o ta ũu, mwalea kũekanĩa kĩla mũndũ na mwana‐a‐ĩthe kuma ngoonĩ syenyu.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956