Ali 18
18
Kũvatanwa kwa Molaalai
1Mwĩai Ngai nĩwaneenie na Mwose amwĩa atĩĩ, 2“Neena na andũ ma Ĩsilaeli ũmee ninyie Mwĩai Ngai, Ngai wenyu. 3Mũikaaĩke maũndũ ala mekawa nĩ andũ ma nthĩ ya Misili, nthĩ ĩla mwatwĩe, na mũikaaĩke maũndũ ala andũ ma Kanaani mekaa, nthĩ ĩla nĩmũtwaĩte. Mũikaatĩĩae motw'ĩo moo. 4No nginya mwĩanĩsye myamũlo yakwa na kwĩanĩsya motw'ĩo makwa, na kwĩka maũndũ ala ngũmwĩaĩa. Ninyie Mwĩai Ngai, Ngai wenyu. 5#Nee 9.29; Esek 18.9; 20.11-13; Lk 10.28; Alo 10.5; Aka 3.12 Kwoou ĩanĩasyai motw'ĩo na myamũlo yakwa; mũndũ o na wĩva ũla wĩĩanĩasya mĩao yakwa akekala thayũ. Ninyie Mwĩai Ngai.
6“Mũndũ o na wĩva ndakamanyane kĩ-mwĩĩ na mũndũ wa mũsyĩ woo. Ninyie Mwĩai Ngai. 7Ndũkekĩĩthye ĩthe waku nthoni kwa kũmanyana kĩ-mwĩĩ na inyia waku ũla ũkũsyaĩte. Ũsu nĩ inyia waku, ndũkamanyane kĩ-mwĩĩ nake. 8#Ali 20.11; Kũt 22.30; 27.20 Ndũkamanyane kĩ-mwĩĩ na kĩveti kya ĩthe waku. Kũu nĩ kwĩkĩĩthya ĩthe waku nthoni. 9#Ali 20.17; Kũt 27.22 Ndũkamanyane kĩ-mwĩĩ na mwĩĩtu-a-inyia waku, kana mwĩĩtu wa kĩveti kĩngĩ kya ĩthe waku, o na ethĩwa mũeewe mũsyĩnĩ ũmwe kana makaeewa mĩsyĩnĩ yĩ kĩvathũkany'o. 10Ndũkamanyane kĩ-mwĩĩ na mwĩsũkũũe waku mwĩĩtu; ũsu wĩĩthĩwa wĩ ũndũ wĩ nthoni kwaku. 11Ndũkamanyane kĩ-mwĩĩ na mwĩĩtu wa kĩveti kĩla kĩngĩ kya ĩthe waku; ũsu o nake nĩmũsyaanĩw'e. 12#Ali 20.19-20 Ndũkamanyane kĩ-mwĩĩ na mwĩĩtu-a-inyia wa ĩthe waku, nũndũ mwĩĩtu ũsu na ĩthe waku nĩmaileny'e ũndũ. 13Ndũkamanyane kĩ-mwĩĩ na mwĩĩtu ũla ũsyaanĩw'e na inyia waku nũndũ e na inyia waku nĩmaileny'e ũndũ. 14Ndũkamanyane kĩ-mwĩĩ na kĩveti kya mwendw'au waku; ũsu nĩ ta inyia waku. 15#Ali 20.12 Ndũkamanyane kĩ-mwĩĩ na mũka-a-mwana waku; nĩ kĩveti kya mwana waku, 16#Ali 20.21 kana ũmanyane kĩ-mwĩĩ na kĩveti kya mwana-a-inyia waku. 17#Ali 20.14; Kũt 27.23 Ndũkamanyane kĩ-mwĩĩ na mũndũ mũka, na ũimanyana kĩ-mwĩĩ na mwĩĩtu wa mũndũ mũka ũsu, kana mwĩsũkũũe wake mwĩĩtu; asu nĩ andũ maileny'e ũndũ nake, na ĩsu nĩ naĩ nthũku ya kũmanyana kĩ-mwĩĩ kwa andũ maileny'e ũndũ. 18Ndũkatwae mwĩĩtu ũla ũsyaanĩw'e na kĩveti kyaku ũmanyane nake kĩ-mwĩĩ ĩvindanĩ yĩla kĩveti kyaku kĩ thayũ.
19 #
Ali 20.18
“Ndũkamanyane kĩ-mwĩĩ na mũndũ mũka ĩvindanĩ yĩla mũndũ wĩ mweinĩ wake, nũndũ mũndũ mũka ũsu nĩ mũvuku ĩvindanĩ yĩu. 20#Ali 20.10 Ndũkamanyane kĩ-mwĩĩ na kĩveti kya mũndũ ũngĩ; weeka ũu ũkeethĩwa weevukya. 21#Ali 20.1-5 Ndũkanengane o na kamwe ka syana syaku kathembewe ngai ya mũvw'anano ĩla yĩtawa Moleki, nũndũ weeka ũu ũkatuma ĩsyĩtwa ya Ngai wenyu yĩvũthya. Ninyie Mwĩai Ngai. 22#Ali 20.13 Ndũkamanyane kĩ-mwĩĩ na mũndũ-ũme ũngĩ ũndũ mũndũ-ũme ũmanyanaa kĩ-mwĩĩ na mũndũ mũka. Ngai nũthataw'a nĩ ũndũ ũsu. 23#Kuma 22.18; Ali 20.15-16; Kũt 27.21 Mũndũ-ũme kana mũndũ mũka ndakamanyane kĩ-mwĩĩ na nyamũ; ĩsu nĩ naĩ nthũku.
24“Mũikaaĩvukye kwa kwĩka ũmwe wa maũndũ asu, nũndũ ũu nĩw'o mbaĩ ila ngũlũngya syume nthĩ ya Kanaani nĩ kana mũlike vo syeevukisye. 25Nthĩ ĩsu nĩyavukiw'e nĩ maũndũ mathũku ala andũ asu mekaa na kwoou nyie Mwĩai Ngai nĩngũkany'a andũ asu na kũtuma ĩ nthĩ ĩmalea andũ ala matũaa nthĩnĩ wayo. 26Ĩndĩ no nginya inyw'ĩ mwĩanĩasye motw'ĩo na myamũlo yakwa. Vai mũndũ o na wĩva waĩlĩte kwĩka maũndũ asu mathũku, o na ethĩwa nĩ ũmwe wa andũ ma Ĩsilaeli kana mũeni ũtwĩe katĩ wenyu. 27Maũndũ asu mathũku nĩmeekiwe nĩ andũ ala matwĩe nthĩ ya Kanaani mbee wenyu, na kwoou nthĩ ĩsu yavukw'a nĩmo. 28Mweeka maũndũ asu mathũku na kũvukya nthĩ ya Kanaani, ngamũlea na kũmũlũngya mume nthĩ ĩsu, o tondũ nalũngilye mbaĩ ila syaĩ vo mbee wenyu. 29Ethĩwa mũndũ o na wĩva akeeka ũmwe wa maũndũ asu mathũku akaeka kũtalwa ta ũmwe wa andũ makwa.
30“Kwoou ĩanĩasyai mĩao ĩla nĩmũnengete na mũikaaĩke ũmwe wa maũndũ asu mathũku, ala meekawa nĩ andũ ala matwĩe nthĩ ya Kanaani mbee wenyu. Mũikaaĩvukye kwa kwĩka maũndũ asu. Ninyie Mwĩai Ngai, Ngai wenyu.”
Currently Selected:
Ali 18: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 18
18
Kũvatanwa kwa Molaalai
1Mwĩai Ngai nĩwaneenie na Mwose amwĩa atĩĩ, 2“Neena na andũ ma Ĩsilaeli ũmee ninyie Mwĩai Ngai, Ngai wenyu. 3Mũikaaĩke maũndũ ala mekawa nĩ andũ ma nthĩ ya Misili, nthĩ ĩla mwatwĩe, na mũikaaĩke maũndũ ala andũ ma Kanaani mekaa, nthĩ ĩla nĩmũtwaĩte. Mũikaatĩĩae motw'ĩo moo. 4No nginya mwĩanĩsye myamũlo yakwa na kwĩanĩsya motw'ĩo makwa, na kwĩka maũndũ ala ngũmwĩaĩa. Ninyie Mwĩai Ngai, Ngai wenyu. 5#Nee 9.29; Esek 18.9; 20.11-13; Lk 10.28; Alo 10.5; Aka 3.12 Kwoou ĩanĩasyai motw'ĩo na myamũlo yakwa; mũndũ o na wĩva ũla wĩĩanĩasya mĩao yakwa akekala thayũ. Ninyie Mwĩai Ngai.
6“Mũndũ o na wĩva ndakamanyane kĩ-mwĩĩ na mũndũ wa mũsyĩ woo. Ninyie Mwĩai Ngai. 7Ndũkekĩĩthye ĩthe waku nthoni kwa kũmanyana kĩ-mwĩĩ na inyia waku ũla ũkũsyaĩte. Ũsu nĩ inyia waku, ndũkamanyane kĩ-mwĩĩ nake. 8#Ali 20.11; Kũt 22.30; 27.20 Ndũkamanyane kĩ-mwĩĩ na kĩveti kya ĩthe waku. Kũu nĩ kwĩkĩĩthya ĩthe waku nthoni. 9#Ali 20.17; Kũt 27.22 Ndũkamanyane kĩ-mwĩĩ na mwĩĩtu-a-inyia waku, kana mwĩĩtu wa kĩveti kĩngĩ kya ĩthe waku, o na ethĩwa mũeewe mũsyĩnĩ ũmwe kana makaeewa mĩsyĩnĩ yĩ kĩvathũkany'o. 10Ndũkamanyane kĩ-mwĩĩ na mwĩsũkũũe waku mwĩĩtu; ũsu wĩĩthĩwa wĩ ũndũ wĩ nthoni kwaku. 11Ndũkamanyane kĩ-mwĩĩ na mwĩĩtu wa kĩveti kĩla kĩngĩ kya ĩthe waku; ũsu o nake nĩmũsyaanĩw'e. 12#Ali 20.19-20 Ndũkamanyane kĩ-mwĩĩ na mwĩĩtu-a-inyia wa ĩthe waku, nũndũ mwĩĩtu ũsu na ĩthe waku nĩmaileny'e ũndũ. 13Ndũkamanyane kĩ-mwĩĩ na mwĩĩtu ũla ũsyaanĩw'e na inyia waku nũndũ e na inyia waku nĩmaileny'e ũndũ. 14Ndũkamanyane kĩ-mwĩĩ na kĩveti kya mwendw'au waku; ũsu nĩ ta inyia waku. 15#Ali 20.12 Ndũkamanyane kĩ-mwĩĩ na mũka-a-mwana waku; nĩ kĩveti kya mwana waku, 16#Ali 20.21 kana ũmanyane kĩ-mwĩĩ na kĩveti kya mwana-a-inyia waku. 17#Ali 20.14; Kũt 27.23 Ndũkamanyane kĩ-mwĩĩ na mũndũ mũka, na ũimanyana kĩ-mwĩĩ na mwĩĩtu wa mũndũ mũka ũsu, kana mwĩsũkũũe wake mwĩĩtu; asu nĩ andũ maileny'e ũndũ nake, na ĩsu nĩ naĩ nthũku ya kũmanyana kĩ-mwĩĩ kwa andũ maileny'e ũndũ. 18Ndũkatwae mwĩĩtu ũla ũsyaanĩw'e na kĩveti kyaku ũmanyane nake kĩ-mwĩĩ ĩvindanĩ yĩla kĩveti kyaku kĩ thayũ.
19 #
Ali 20.18
“Ndũkamanyane kĩ-mwĩĩ na mũndũ mũka ĩvindanĩ yĩla mũndũ wĩ mweinĩ wake, nũndũ mũndũ mũka ũsu nĩ mũvuku ĩvindanĩ yĩu. 20#Ali 20.10 Ndũkamanyane kĩ-mwĩĩ na kĩveti kya mũndũ ũngĩ; weeka ũu ũkeethĩwa weevukya. 21#Ali 20.1-5 Ndũkanengane o na kamwe ka syana syaku kathembewe ngai ya mũvw'anano ĩla yĩtawa Moleki, nũndũ weeka ũu ũkatuma ĩsyĩtwa ya Ngai wenyu yĩvũthya. Ninyie Mwĩai Ngai. 22#Ali 20.13 Ndũkamanyane kĩ-mwĩĩ na mũndũ-ũme ũngĩ ũndũ mũndũ-ũme ũmanyanaa kĩ-mwĩĩ na mũndũ mũka. Ngai nũthataw'a nĩ ũndũ ũsu. 23#Kuma 22.18; Ali 20.15-16; Kũt 27.21 Mũndũ-ũme kana mũndũ mũka ndakamanyane kĩ-mwĩĩ na nyamũ; ĩsu nĩ naĩ nthũku.
24“Mũikaaĩvukye kwa kwĩka ũmwe wa maũndũ asu, nũndũ ũu nĩw'o mbaĩ ila ngũlũngya syume nthĩ ya Kanaani nĩ kana mũlike vo syeevukisye. 25Nthĩ ĩsu nĩyavukiw'e nĩ maũndũ mathũku ala andũ asu mekaa na kwoou nyie Mwĩai Ngai nĩngũkany'a andũ asu na kũtuma ĩ nthĩ ĩmalea andũ ala matũaa nthĩnĩ wayo. 26Ĩndĩ no nginya inyw'ĩ mwĩanĩasye motw'ĩo na myamũlo yakwa. Vai mũndũ o na wĩva waĩlĩte kwĩka maũndũ asu mathũku, o na ethĩwa nĩ ũmwe wa andũ ma Ĩsilaeli kana mũeni ũtwĩe katĩ wenyu. 27Maũndũ asu mathũku nĩmeekiwe nĩ andũ ala matwĩe nthĩ ya Kanaani mbee wenyu, na kwoou nthĩ ĩsu yavukw'a nĩmo. 28Mweeka maũndũ asu mathũku na kũvukya nthĩ ya Kanaani, ngamũlea na kũmũlũngya mume nthĩ ĩsu, o tondũ nalũngilye mbaĩ ila syaĩ vo mbee wenyu. 29Ethĩwa mũndũ o na wĩva akeeka ũmwe wa maũndũ asu mathũku akaeka kũtalwa ta ũmwe wa andũ makwa.
30“Kwoou ĩanĩasyai mĩao ĩla nĩmũnengete na mũikaaĩke ũmwe wa maũndũ asu mathũku, ala meekawa nĩ andũ ala matwĩe nthĩ ya Kanaani mbee wenyu. Mũikaaĩvukye kwa kwĩka maũndũ asu. Ninyie Mwĩai Ngai, Ngai wenyu.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011