Ali 19
19
Mĩao Ĩũlũ wa Ũtheu na Ũsili wa Katĩ
1Mwĩai Ngai nĩwaneenie na Mwose amwĩa atĩĩ, 2#Ali 11.44-45; 1Vet 1.16 “Neena na andũ onthe ma Ĩsilaeli ũmee no nginya methĩwe me atheu, nũndũ Nyie Mwĩai Ngai, Ngai wenyu, nĩ mũtheu. 3#Kuma 20.8,12; Kũt 5.12,16 Kĩla ũmwe wenyu no nginya anengae ĩthe na inyia wake ndaĩa, na kwĩanĩasya Mwĩao ĩũlũ wa mũthenya wa Savato. Ninyie Mwĩai Ngai, Ngai wenyu.
4 #
Ali 26.1; Kuma 20.23; 34.17; Kũt 27.15 “Mũikathaithe ngai sya mĩvw'anano na mũikeseũvĩsye ngai sya kyũma na kũithaitha. Ninyie Mwĩai Ngai, Ngai wenyu.
5“Yĩla mwooaa nyamũ mũmbumĩsye nyie Mwĩai Ngai nthembo sya ngwatanĩo, ĩanĩasyai mĩao ĩla nĩmũnengete, na ngeetĩkĩlaa nthembo syenyu. 6No nginya mũye nyama sya nyamũ ĩsu mũthenyanĩ ũla mwamyũaa kana mũthenyanĩ ũla ũatĩĩe. Nyama ĩla yĩtiala ĩvikye mũthenya wa katatũ no nginya ĩvĩvw'e, 7Ethĩwa ĩkaĩwa mũthenyanĩ wa katatũ, ĩkeethĩwa yĩ mbuku, na Nyie Mwai Ngai ndiketĩkĩla nthembo ĩsu. 8Mũndũ o na wĩva ũla wĩya nyama ĩsu akeethĩwa e na ĩvĩtyo ya kũvukya kĩla kĩvathĩtwe kwondũ wakwa nyie Mwĩai Ngai, na akaeka kũtalwa ta ũmwe wa andũ makwa.
9 #
Ali 23.22; Kũt 24.19-22 “Yĩla mũũketha syĩndũ ila mũvandĩte, mũikakethae nginya ndee sya mĩũnda na mũikasyokae kũkolany'a iia sya ngetha ya mbaa mbeke ila itialĩte mĩũndanĩ mwamina ngetha. 10Mũikakethae mĩsavivũ yenyu na kũtia mĩũnda ĩsu ĩte kĩndũ, o na mũikakolanasye nzavivũ ila ivalũkangĩte nthĩ. Ekanai na nzavivũ isu kwondũ wa andũ ala ngya na aeni. Ninyie Mwĩai Ngai, Ngai wenyu.
11 #
Kuma 20.15,16; Kũt 5.19,20 “Mũikoye kana kũkengana, kana kũneena ndeto sya ũvũngũ ũmwe kwa ũla ũngĩ. 12#Kuma 20.7; Kũt 5.11; Mat 5.33 Mũikevĩte wĩvĩto wa ũvũngũ ĩsyĩtwanĩ yakwa; mweeka ũu mũkatuma nĩvũthw'a. Ninyie Mwĩai Ngai, Ngai wenyu.
13 #
Kũt 24.14-15
“Mũndũ ndaĩlĩte kũthĩny'a mũtũi wake kana kũmũvena syĩndũ syake. Wanenga mũndũ wĩa akũtethesye, ndũkalee kũmũĩva mũthenya ũsu; ndũkekale na ĩtuvi yake kũvika mũthenya ũla ũatĩĩe. 14#Kũt 27.18 Ndũkaumanĩe mũndũ ũtew'aa nthĩ, kana kwia kĩndũ mbee wa kĩlalinda kĩkĩvalũkye. Mũkĩe Ngai waku. Ninyie Mwĩai Ngai.
15 #
Kuma 23.6-8; Kũt 16.19 “Ndũkaumasye sila ũte wa katĩ; mũikendeeasye ala ngya kana kũkĩa andũ ala athwii, ĩndĩ umĩasya mũtũi waku ũtw'ĩo wa ũlũngalu. 16Ndũkathi kĩla vandũ ũitavya andũ ndeto sya ũvũngũ ĩũlũ wa mũndũ ũngĩ; o ta ũu ndũkaneene ũndũ o na ũmwe ũtonya kũtuma mũtũi waku akwata ũsilĩlo wa kũawa. Ninyie Mwĩai Ngai.
17 #
Mat 18.15
“Ndũkamene mwana-a-ia waku ngoonĩ yaku. Ĩw'ana na mũtũi waku ndakese kũtuma ũlika naĩnĩ. 18#Mat 5.43; 19.19; 22.39; Mk 12.31; Lk 10.27; Alo 13.9; Aka 5.14; Yak 2.8 Ndũkeyĩĩvanĩsye kana kwĩkalaa ũmũmenete mũndũ ũla ũngĩ, ĩndĩ mwende mũtũi waku o tondũ we wĩyendete mwene. Ninyie Mwĩai Ngai.
19 #
Kũt 22.9-11
“Ĩanĩasyai motw'ĩo makwa. Mũikaaeke indo syenyu isyaane na nyamũ ingĩ ite sya mũthemba wasyo Mũikaavande mĩthemba ĩlĩ ya mbeũ mũũndanĩ ũmwe. Mũikaaĩkĩe ngũa ĩtumĩtwe na ndii sya mĩthemba ĩlĩ.
20“Ethĩwa mũndũ-ũme nĩwamanyana kĩ-mwĩĩ na mũthũkũmi mwĩĩtu wĩvaĩtw'e nĩ mũndũ-ũme ũngĩ, na mũndũ mũka ũsu ti mũĩvĩe kĩndũ kana akathaw'a, mũthũkũmi ũsu mwĩĩtu na mũndũ-ũme ũsu wamanyana kĩ-mwĩĩ nake no nginya makanw'e. Ĩndĩ mayaĩlĩte kũawa nũndũ mũthũkũmi ũsu mwĩĩtu ti mũthasye. 21Mũndũ-ũme ũsu no nginya aete ndũũme mũvĩanĩ wa Ĩeema ĩtheu ya kũkomanĩa na Ngai na kũmyumya yĩthĩwe nthembo kwondũ wa ũekeo wa mavĩtyo. 22Mũthembi nĩathembe ndũũme ĩsu yĩthĩwe nthembo kwondũ wa ũekeo wa mavĩtyo, nĩ kana mũndũ-ũme ũsu athew'e naĩ yake, nakwa nyie Ngai nĩĩthĩwa naekea mũndũ-ũme ũsu naĩ yake.
23“Mwamina kũlika nthĩ ya Kanaani na kũvanda mũthemba o na wĩva wa mĩtĩ ya matunda, talaai matunda ma mĩtĩ ĩsu kwĩthĩwa me mavuku vandũ va myaka ya mbee itatũ. Ĩvindanĩ yĩu mũyaĩlĩte kũya matunda ma mĩtĩ ĩsu. 24Mwakanĩ wa kana matunda ma mĩtĩ ĩsu onthe makavathawa methĩwe matheu, na kumw'a methĩwe nthembo ya kũndũngĩa mũvea#19.24 Kũndũngĩa mũvea, kana kwondũ wa kũndaĩa nyie Mwĩai Ngai. 25Ĩndĩ mwakanĩ wa katano nĩmũtonya kũya matunda ma mũtĩ ũsu. Ethĩwa mũkeekaa maũndũ asu mĩtĩ yenyu ĩkasyaa matunda maingĩ. Ninyie Mwĩai Ngai, Ngai wenyu.
26 #
Mwa 9.4; Ali 7.26-27; 17.10-14; Kũt 12.16,23; 15.23; 18.10 “Mũikaye nyama o na yĩva yĩna nthakame. Mũikaaĩke maũndũ o na meva ma kũaũsya kana ma ũwe. 27#Ali 21.5; Kũt 14.1 Mũikenzwe ithũkũ mĩtwenĩ yenyu, o na mũikatile mĩthya ya ing'ew'a syenyu, 28na mũikatemange mĩĩ yenyu kana kwĩtemanga nthoo nĩ kana mwonany'e kana nĩmũkũĩĩa andũ akw'ũ. Ninyie Mwĩai Ngai. 29#Kũt 23.17 “Ndũkekĩĩthye mwĩĩtu waku nthoni kwa kũmũtw'ĩkĩthya ĩlwaya ya kĩ-ũthaithi;#19.29 Ĩlwaya ya kĩ-ũthaithi: Aa nĩ aka meethĩawa nyũmbanĩ sya Akanaani sya kũthaithĩa ngai ila syatumaa indo na mĩũnda ĩsyaa. Akanaani maĩkĩĩaa kana kũmanyana kĩ-mwĩĩ na malwaya asu kwatumaa mĩũnda yĩthĩwa na ũsyao na indo isyaana. Weeka ũu wĩĩthĩwa wambĩĩa kũthaitha ngai ingĩ na nthĩ ĩyusũa ũlaalai. 30#Ali 26.2 Ĩanĩasyai mwĩao wa Savato, na kũnengae ndaĩa vandũ vala nĩthaithĩawa. Ninyie Mwĩai Ngai.
31 #
Kũt 18.11; 1Sam 28.3; 2Asu 23.4; Ĩsa 8.19 “Mũyaĩlĩte kũkũlya ũtao kuma kwa mũndũ mũe kana andũnĩ ala mamanyaa maũndũ kwĩsĩla mavevanĩ ma andũ ala makwie. Mweeka ũu mũkeethĩwa mwavukw'a nĩ andũ asu. Ninyie Mwĩai Ngai, Ngai wenyu.
32“Nengae mũndũ ũla mũkũũ ndaĩa, na kũmwĩnyivĩasya. Mũkĩe Ngai waku. Ninyie Mwĩai Ngai.
33 #
Kuma 22.21; Kũt 24.17-18; 27.19 “Mũikamwĩke naĩ mũeni ũla ũtwĩe nthĩ yenyu. 34Aeni ala matwĩe nthĩ yenyu methĩawe kwenyu ta amwe ma andũ ma Ĩsilaeli, na mũimenda o tondũ mwĩyendete ene. Lilikanai kana o nenyu mwaĩ aeni mwĩ nthĩ ya Misili. Ninyie Mwĩai Ngai, Ngai wenyu.
35 #
Kũt 25.13-16; Nth 20.10; Esek 45.10 “Ndũkatũmĩe ithimo sya ũvũngũ yĩla ũũthima ũasa, ũito kana wingĩ wa kĩndũ. 36Tũmĩaai ithimi syaw'o, mavia maw'o ala matũmĩawa kwa kũthima, na ithimi syaw'o ila ingĩ itũmĩawa kwa kũthima. Ninyie Mwĩai Ngai, Ngai wenyu ũla wamumisye nthĩ ya Misili. 37Ĩanĩasyai motw'ĩo na myamũlo yakwa yonthe. Ninyie Mwĩai Ngai.”
Currently Selected:
Ali 19: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 19
19
Mĩao Ĩũlũ wa Ũtheu na Ũsili wa Katĩ
1Mwĩai Ngai nĩwaneenie na Mwose amwĩa atĩĩ, 2#Ali 11.44-45; 1Vet 1.16 “Neena na andũ onthe ma Ĩsilaeli ũmee no nginya methĩwe me atheu, nũndũ Nyie Mwĩai Ngai, Ngai wenyu, nĩ mũtheu. 3#Kuma 20.8,12; Kũt 5.12,16 Kĩla ũmwe wenyu no nginya anengae ĩthe na inyia wake ndaĩa, na kwĩanĩasya Mwĩao ĩũlũ wa mũthenya wa Savato. Ninyie Mwĩai Ngai, Ngai wenyu.
4 #
Ali 26.1; Kuma 20.23; 34.17; Kũt 27.15 “Mũikathaithe ngai sya mĩvw'anano na mũikeseũvĩsye ngai sya kyũma na kũithaitha. Ninyie Mwĩai Ngai, Ngai wenyu.
5“Yĩla mwooaa nyamũ mũmbumĩsye nyie Mwĩai Ngai nthembo sya ngwatanĩo, ĩanĩasyai mĩao ĩla nĩmũnengete, na ngeetĩkĩlaa nthembo syenyu. 6No nginya mũye nyama sya nyamũ ĩsu mũthenyanĩ ũla mwamyũaa kana mũthenyanĩ ũla ũatĩĩe. Nyama ĩla yĩtiala ĩvikye mũthenya wa katatũ no nginya ĩvĩvw'e, 7Ethĩwa ĩkaĩwa mũthenyanĩ wa katatũ, ĩkeethĩwa yĩ mbuku, na Nyie Mwai Ngai ndiketĩkĩla nthembo ĩsu. 8Mũndũ o na wĩva ũla wĩya nyama ĩsu akeethĩwa e na ĩvĩtyo ya kũvukya kĩla kĩvathĩtwe kwondũ wakwa nyie Mwĩai Ngai, na akaeka kũtalwa ta ũmwe wa andũ makwa.
9 #
Ali 23.22; Kũt 24.19-22 “Yĩla mũũketha syĩndũ ila mũvandĩte, mũikakethae nginya ndee sya mĩũnda na mũikasyokae kũkolany'a iia sya ngetha ya mbaa mbeke ila itialĩte mĩũndanĩ mwamina ngetha. 10Mũikakethae mĩsavivũ yenyu na kũtia mĩũnda ĩsu ĩte kĩndũ, o na mũikakolanasye nzavivũ ila ivalũkangĩte nthĩ. Ekanai na nzavivũ isu kwondũ wa andũ ala ngya na aeni. Ninyie Mwĩai Ngai, Ngai wenyu.
11 #
Kuma 20.15,16; Kũt 5.19,20 “Mũikoye kana kũkengana, kana kũneena ndeto sya ũvũngũ ũmwe kwa ũla ũngĩ. 12#Kuma 20.7; Kũt 5.11; Mat 5.33 Mũikevĩte wĩvĩto wa ũvũngũ ĩsyĩtwanĩ yakwa; mweeka ũu mũkatuma nĩvũthw'a. Ninyie Mwĩai Ngai, Ngai wenyu.
13 #
Kũt 24.14-15
“Mũndũ ndaĩlĩte kũthĩny'a mũtũi wake kana kũmũvena syĩndũ syake. Wanenga mũndũ wĩa akũtethesye, ndũkalee kũmũĩva mũthenya ũsu; ndũkekale na ĩtuvi yake kũvika mũthenya ũla ũatĩĩe. 14#Kũt 27.18 Ndũkaumanĩe mũndũ ũtew'aa nthĩ, kana kwia kĩndũ mbee wa kĩlalinda kĩkĩvalũkye. Mũkĩe Ngai waku. Ninyie Mwĩai Ngai.
15 #
Kuma 23.6-8; Kũt 16.19 “Ndũkaumasye sila ũte wa katĩ; mũikendeeasye ala ngya kana kũkĩa andũ ala athwii, ĩndĩ umĩasya mũtũi waku ũtw'ĩo wa ũlũngalu. 16Ndũkathi kĩla vandũ ũitavya andũ ndeto sya ũvũngũ ĩũlũ wa mũndũ ũngĩ; o ta ũu ndũkaneene ũndũ o na ũmwe ũtonya kũtuma mũtũi waku akwata ũsilĩlo wa kũawa. Ninyie Mwĩai Ngai.
17 #
Mat 18.15
“Ndũkamene mwana-a-ia waku ngoonĩ yaku. Ĩw'ana na mũtũi waku ndakese kũtuma ũlika naĩnĩ. 18#Mat 5.43; 19.19; 22.39; Mk 12.31; Lk 10.27; Alo 13.9; Aka 5.14; Yak 2.8 Ndũkeyĩĩvanĩsye kana kwĩkalaa ũmũmenete mũndũ ũla ũngĩ, ĩndĩ mwende mũtũi waku o tondũ we wĩyendete mwene. Ninyie Mwĩai Ngai.
19 #
Kũt 22.9-11
“Ĩanĩasyai motw'ĩo makwa. Mũikaaeke indo syenyu isyaane na nyamũ ingĩ ite sya mũthemba wasyo Mũikaavande mĩthemba ĩlĩ ya mbeũ mũũndanĩ ũmwe. Mũikaaĩkĩe ngũa ĩtumĩtwe na ndii sya mĩthemba ĩlĩ.
20“Ethĩwa mũndũ-ũme nĩwamanyana kĩ-mwĩĩ na mũthũkũmi mwĩĩtu wĩvaĩtw'e nĩ mũndũ-ũme ũngĩ, na mũndũ mũka ũsu ti mũĩvĩe kĩndũ kana akathaw'a, mũthũkũmi ũsu mwĩĩtu na mũndũ-ũme ũsu wamanyana kĩ-mwĩĩ nake no nginya makanw'e. Ĩndĩ mayaĩlĩte kũawa nũndũ mũthũkũmi ũsu mwĩĩtu ti mũthasye. 21Mũndũ-ũme ũsu no nginya aete ndũũme mũvĩanĩ wa Ĩeema ĩtheu ya kũkomanĩa na Ngai na kũmyumya yĩthĩwe nthembo kwondũ wa ũekeo wa mavĩtyo. 22Mũthembi nĩathembe ndũũme ĩsu yĩthĩwe nthembo kwondũ wa ũekeo wa mavĩtyo, nĩ kana mũndũ-ũme ũsu athew'e naĩ yake, nakwa nyie Ngai nĩĩthĩwa naekea mũndũ-ũme ũsu naĩ yake.
23“Mwamina kũlika nthĩ ya Kanaani na kũvanda mũthemba o na wĩva wa mĩtĩ ya matunda, talaai matunda ma mĩtĩ ĩsu kwĩthĩwa me mavuku vandũ va myaka ya mbee itatũ. Ĩvindanĩ yĩu mũyaĩlĩte kũya matunda ma mĩtĩ ĩsu. 24Mwakanĩ wa kana matunda ma mĩtĩ ĩsu onthe makavathawa methĩwe matheu, na kumw'a methĩwe nthembo ya kũndũngĩa mũvea#19.24 Kũndũngĩa mũvea, kana kwondũ wa kũndaĩa nyie Mwĩai Ngai. 25Ĩndĩ mwakanĩ wa katano nĩmũtonya kũya matunda ma mũtĩ ũsu. Ethĩwa mũkeekaa maũndũ asu mĩtĩ yenyu ĩkasyaa matunda maingĩ. Ninyie Mwĩai Ngai, Ngai wenyu.
26 #
Mwa 9.4; Ali 7.26-27; 17.10-14; Kũt 12.16,23; 15.23; 18.10 “Mũikaye nyama o na yĩva yĩna nthakame. Mũikaaĩke maũndũ o na meva ma kũaũsya kana ma ũwe. 27#Ali 21.5; Kũt 14.1 Mũikenzwe ithũkũ mĩtwenĩ yenyu, o na mũikatile mĩthya ya ing'ew'a syenyu, 28na mũikatemange mĩĩ yenyu kana kwĩtemanga nthoo nĩ kana mwonany'e kana nĩmũkũĩĩa andũ akw'ũ. Ninyie Mwĩai Ngai. 29#Kũt 23.17 “Ndũkekĩĩthye mwĩĩtu waku nthoni kwa kũmũtw'ĩkĩthya ĩlwaya ya kĩ-ũthaithi;#19.29 Ĩlwaya ya kĩ-ũthaithi: Aa nĩ aka meethĩawa nyũmbanĩ sya Akanaani sya kũthaithĩa ngai ila syatumaa indo na mĩũnda ĩsyaa. Akanaani maĩkĩĩaa kana kũmanyana kĩ-mwĩĩ na malwaya asu kwatumaa mĩũnda yĩthĩwa na ũsyao na indo isyaana. Weeka ũu wĩĩthĩwa wambĩĩa kũthaitha ngai ingĩ na nthĩ ĩyusũa ũlaalai. 30#Ali 26.2 Ĩanĩasyai mwĩao wa Savato, na kũnengae ndaĩa vandũ vala nĩthaithĩawa. Ninyie Mwĩai Ngai.
31 #
Kũt 18.11; 1Sam 28.3; 2Asu 23.4; Ĩsa 8.19 “Mũyaĩlĩte kũkũlya ũtao kuma kwa mũndũ mũe kana andũnĩ ala mamanyaa maũndũ kwĩsĩla mavevanĩ ma andũ ala makwie. Mweeka ũu mũkeethĩwa mwavukw'a nĩ andũ asu. Ninyie Mwĩai Ngai, Ngai wenyu.
32“Nengae mũndũ ũla mũkũũ ndaĩa, na kũmwĩnyivĩasya. Mũkĩe Ngai waku. Ninyie Mwĩai Ngai.
33 #
Kuma 22.21; Kũt 24.17-18; 27.19 “Mũikamwĩke naĩ mũeni ũla ũtwĩe nthĩ yenyu. 34Aeni ala matwĩe nthĩ yenyu methĩawe kwenyu ta amwe ma andũ ma Ĩsilaeli, na mũimenda o tondũ mwĩyendete ene. Lilikanai kana o nenyu mwaĩ aeni mwĩ nthĩ ya Misili. Ninyie Mwĩai Ngai, Ngai wenyu.
35 #
Kũt 25.13-16; Nth 20.10; Esek 45.10 “Ndũkatũmĩe ithimo sya ũvũngũ yĩla ũũthima ũasa, ũito kana wingĩ wa kĩndũ. 36Tũmĩaai ithimi syaw'o, mavia maw'o ala matũmĩawa kwa kũthima, na ithimi syaw'o ila ingĩ itũmĩawa kwa kũthima. Ninyie Mwĩai Ngai, Ngai wenyu ũla wamumisye nthĩ ya Misili. 37Ĩanĩasyai motw'ĩo na myamũlo yakwa yonthe. Ninyie Mwĩai Ngai.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011