Ali 20
20
Ũkany'o kwa Andũ ala Mate Ewi
1Mwĩai Ngai nĩwaneenie na Mwose amwĩa atĩĩ, 2“Neena na andũ ma Ĩsilaeli ũmee mũndũ o na wĩva wa Ĩsilaeli, kana mũeni ũla ũtũaa katĩ woo, anengane kana kake kathembwe ũthaithinĩ wa ngai ya mũvw'anano ĩla yĩtawa Moleki, nĩakimangwe na mavia nĩ andũ onthe ma Ĩsilaeli akw'e. 3Nyie ngathatĩa mũndũ ũsu ũnenganĩte kana kake kũla kwĩ ngai ĩsu yĩtawa Moleki na akatuma Ĩeema yakwa ĩtheu yĩvuka, na kũtuma ĩsyĩtwa yakwa yĩvũthw'a. Ndikatala mũndũ ũsu kwĩthĩwa e ũmwe wa andũ makwa. 4Ĩndĩ ethĩwa andũ onthe makekala ta matekwona yĩla mũndũ ũsu wanengane kana kake kathembewe ngai ĩsu ya Moleki na mailea kũmũaa, 5nyie mwene ngathatĩa mũndũ ũsu vamwe na andũ ma mũsyĩ wake, na o ta ũu ngathatĩa andũ onthe ala me na ngwatanĩo na mũndũ ũsu kwa kwĩthĩwa ate mũĩkĩĩku kwakwa na kũthaitha ngai ĩsu ya Moleki. Ndikatala andũ asu kwĩthĩwa me andũ makwa.
6“Ngathatĩa mũndũ ũla ũendaa kũkũlya ũtao kuma kwa mũndũ mũe, kana andũnĩ ala mamanyaa maũndũ kwĩsĩla mavevanĩ ma andũ ala makwie. Nyie ngathatĩa mũndũ ũsu na ndikamũtala kwĩthĩwa ũmwe wa andũ makwa. 7Ĩthesyei mwĩthĩwe mwĩ atheu, nũndũ ninyie Mwĩai Ngai, Ngai wenyu. 8Ĩanĩasyai motw'ĩo makwa, na kwĩkaa ũndũ mekwasya. Ninyie Mwĩai Ngai ũla ũmũtheasya.”
9 #
Kuma 21.17; Mat 15.4; Mk 7.10 O ĩngĩ Mwĩai Ngai nĩwanengie Mwose motw'ĩo aa aimwĩa atĩĩ, “Ethĩwa mũndũ nĩwauma ĩthe kana nyinyia, nĩoawe; kĩkw'ũ kyake kĩkeethĩwa kyumanĩte na ĩvĩtyo yake.
10 #
Kuma 20.14; Ali 18.20; Kũt 5.18 “Ethĩwa mũndũ nĩweeka ũlaalai na kĩveti kya mũtũi wake, mũndũ ũsu na kĩveti kĩu meeka ũu no nginya moawe. 11#Ali 18.8; Kũt 22.30; 27.20 Ethĩwa mũndũ nĩwamanyana kĩ-mwĩĩ na kĩveti kya ĩthe wake, mũndũ ũsu ethĩawa eekĩĩthya ĩthe wake nthoni. Mũndũ ũsu na kĩveti kĩu nĩmoawe. Kĩkw'ũ kyoo kĩkeethĩwa kyumanĩte na naĩ yoo. 12#Ali 18.15 Ethĩwa mũndũ nĩwamanyana kĩ-mwĩĩ na mũka-a-mwana wake, me elĩ no nginya moawe. Nĩmekĩte naĩ ya kũmanyana kĩ-mwĩĩ kwa andũ maileny'e ũndũ, na kĩkw'ũ kyoo kĩkeethĩwa kyumanĩte na naĩ yoo. 13#Ali 18.22 Ethĩwa mũndũ-ũme nĩwamanyana kĩ-mwĩĩ na mũndũ-ũme ũngĩ, ũndũ ũsu meeka nĩ mũthũku mũno, na me elĩ no nginya moawe. Kĩkw'ũ kyoo kĩkeethĩwa kyumanĩte na naĩ yoo. 14#Ali 18.17; Kũt 27.23 Ethĩwa mũndũ nĩwatwaa kĩveti na asyoka atwaa inyia wa kĩveti kĩu, ũsu nĩ ũndũ mũthũku mũno; me atatũ nĩmavĩvw'e na mwaki makw'e. Ũndũ wa mũthemba ũsu ndwaĩlĩte kwĩsa kwĩtĩkĩlw'a katĩ wenyu. 15#Kuma 22.19; Ali 18.23; Kũt 27.21 Ethĩwa mũndũ-ũme nĩwamanyana kĩ-mwĩĩ na nyamũ, nĩoawe na o ta ũu nyamũ ĩsu nayo ĩyũawa. 16Ethĩwa mũndũ mũka nĩwathengeanĩa na nyamũ na amanyana kĩ-mwĩĩ nayo nĩoawe, na o ta ũu nyamũ ĩsu ĩyũawa. Kĩkw'ũ kya mũndũ mũka ũsu na nyamũ ĩsu kĩkeethĩwa kyumanĩte na ũndũ ũsu mũthũku meeka.
17 #
Ali 18.9; Kũt 27.22 “Ethĩwa mũndũ nĩwatwaa mwĩĩtu-a-inyia kana mwĩĩtu-a-ĩthe, na kũmanyana kĩ-mwĩĩ nake, nĩ ũndũ wĩ nthoni. Nĩmalũngw'e kuma andũnĩ ma Ĩsilaeli andũ onthe masyaĩĩsye. Mũndũ ũsu ethĩawa amanyana kĩ-mwĩĩ na mwĩĩtu-a-inyia na no nginya aĩvĩe naĩ yake. 18#Ali 18.19 Ethĩwa mũndũ nĩwamanyana kĩ-mwĩĩ na mũndũ mũka yĩla wĩ mweinĩ wake me elĩ nĩmalũngw'e kuma andũnĩ ma Ĩsilaeli, nũndũ nĩmalea kũatĩĩa motw'ĩo ala maĩlĩte kũatĩĩwa ĩvindanĩ ya ũvuku.
19 #
Ali 18.12-14
“Ndũkamanyane kĩ-mwĩĩ na mwĩĩtu ũla ũsyaanĩw'e na inyia waku, kana na ĩthe waku. Ala meeka ũu no nginya maĩvĩe naĩ yoo ya kũmanyana kĩ-mwĩĩ kwa andũ maileny'e ũndũ. 20Ethĩwa mũndũ nĩwamanyana kĩ-mwĩĩ na kĩveti kya mwendw'a-ĩthe, mũndũ ũsu ethĩawa avũthya mwendw'a-ĩthe. Mũndũ-ũme ũsu e na kĩveti kĩu no nginya maĩvĩe naĩ yoo; makakw'a mate na syana. 21#Ali 18.16 Ethĩwa mũndũ nĩwoosa kĩveti kya mwaana-a-inyia akĩtwaa, ethĩawa eeka ũndũ mũvuku na kwĩkĩĩthya mwana-a-inyia nthoni. Ena kĩveti kĩu makakw'a mate na syana.”
22Nĩvo ĩndĩ Mwĩai Ngai waisye, “Ĩanĩasyai motw'ĩo na myamũlo yakwa yonthe, nĩ kana mũikalũngwe mume nthĩ ya Kanaani ĩla nyie nĩmũtwaĩte mũkalike. 23Mũikaatĩĩe syĩthĩo sya mbaĩ ila ngũlũngya syume nthĩ ĩsu nĩ kana mũlike vo. Nĩmeekie maũndũ asu onthe mathũku na kwoou manthatya mũno. 24Ĩndĩ nyie Mwĩai Ngai nĩnĩmwathĩte kũmũnenga nthĩ ĩsu yoo nthwii na nou yĩthĩwe yenyu. Ninyie Mwĩai Ngai, Ngai wenyu na nĩnĩmũvathĩte kuma mbaĩnĩ ila ingĩ sya andũ. 25Kwoou ĩndĩ inyw'ĩ no nginya mũmanye kĩvathũkany'o katĩ wa nyamũ ila ntheu na ila mbuku, na katĩ wa nyũnyi ila ntheu na ila mbuku. Mũikaaĩvukye kwa kũya nyamũ kana nyũnyi kana kasamũ o na keva kala katambũkaa ĩũlũ wa nthĩ, ila nĩminĩte kũmũtavya kana nĩ mbuku. 26No nginya mwĩthĩwe mwĩ atheu na kwĩthĩwa mwĩ makwa nĩ weka, nũndũ ninyie Mwĩai Ngai na nĩ mũtheu. Nĩmũvathĩte kuma andũnĩ ma mbaĩ ila ĩngĩ mwĩthĩwe mwĩ makwa nĩ weka.
27“Mũndũ-ũme kana mũndũ mũka ũla ũmanyaa maũndũ kwĩsĩla mavevanĩ ma andũ ala akw'ũ kana mũndũ mũe, nĩakimangwe na mavia akw'e; kĩkw'ũ kyake kĩkeethĩwa kyumanĩte na naĩ yake.”
Currently Selected:
Ali 20: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 20
20
Ũkany'o kwa Andũ ala Mate Ewi
1Mwĩai Ngai nĩwaneenie na Mwose amwĩa atĩĩ, 2“Neena na andũ ma Ĩsilaeli ũmee mũndũ o na wĩva wa Ĩsilaeli, kana mũeni ũla ũtũaa katĩ woo, anengane kana kake kathembwe ũthaithinĩ wa ngai ya mũvw'anano ĩla yĩtawa Moleki, nĩakimangwe na mavia nĩ andũ onthe ma Ĩsilaeli akw'e. 3Nyie ngathatĩa mũndũ ũsu ũnenganĩte kana kake kũla kwĩ ngai ĩsu yĩtawa Moleki na akatuma Ĩeema yakwa ĩtheu yĩvuka, na kũtuma ĩsyĩtwa yakwa yĩvũthw'a. Ndikatala mũndũ ũsu kwĩthĩwa e ũmwe wa andũ makwa. 4Ĩndĩ ethĩwa andũ onthe makekala ta matekwona yĩla mũndũ ũsu wanengane kana kake kathembewe ngai ĩsu ya Moleki na mailea kũmũaa, 5nyie mwene ngathatĩa mũndũ ũsu vamwe na andũ ma mũsyĩ wake, na o ta ũu ngathatĩa andũ onthe ala me na ngwatanĩo na mũndũ ũsu kwa kwĩthĩwa ate mũĩkĩĩku kwakwa na kũthaitha ngai ĩsu ya Moleki. Ndikatala andũ asu kwĩthĩwa me andũ makwa.
6“Ngathatĩa mũndũ ũla ũendaa kũkũlya ũtao kuma kwa mũndũ mũe, kana andũnĩ ala mamanyaa maũndũ kwĩsĩla mavevanĩ ma andũ ala makwie. Nyie ngathatĩa mũndũ ũsu na ndikamũtala kwĩthĩwa ũmwe wa andũ makwa. 7Ĩthesyei mwĩthĩwe mwĩ atheu, nũndũ ninyie Mwĩai Ngai, Ngai wenyu. 8Ĩanĩasyai motw'ĩo makwa, na kwĩkaa ũndũ mekwasya. Ninyie Mwĩai Ngai ũla ũmũtheasya.”
9 #
Kuma 21.17; Mat 15.4; Mk 7.10 O ĩngĩ Mwĩai Ngai nĩwanengie Mwose motw'ĩo aa aimwĩa atĩĩ, “Ethĩwa mũndũ nĩwauma ĩthe kana nyinyia, nĩoawe; kĩkw'ũ kyake kĩkeethĩwa kyumanĩte na ĩvĩtyo yake.
10 #
Kuma 20.14; Ali 18.20; Kũt 5.18 “Ethĩwa mũndũ nĩweeka ũlaalai na kĩveti kya mũtũi wake, mũndũ ũsu na kĩveti kĩu meeka ũu no nginya moawe. 11#Ali 18.8; Kũt 22.30; 27.20 Ethĩwa mũndũ nĩwamanyana kĩ-mwĩĩ na kĩveti kya ĩthe wake, mũndũ ũsu ethĩawa eekĩĩthya ĩthe wake nthoni. Mũndũ ũsu na kĩveti kĩu nĩmoawe. Kĩkw'ũ kyoo kĩkeethĩwa kyumanĩte na naĩ yoo. 12#Ali 18.15 Ethĩwa mũndũ nĩwamanyana kĩ-mwĩĩ na mũka-a-mwana wake, me elĩ no nginya moawe. Nĩmekĩte naĩ ya kũmanyana kĩ-mwĩĩ kwa andũ maileny'e ũndũ, na kĩkw'ũ kyoo kĩkeethĩwa kyumanĩte na naĩ yoo. 13#Ali 18.22 Ethĩwa mũndũ-ũme nĩwamanyana kĩ-mwĩĩ na mũndũ-ũme ũngĩ, ũndũ ũsu meeka nĩ mũthũku mũno, na me elĩ no nginya moawe. Kĩkw'ũ kyoo kĩkeethĩwa kyumanĩte na naĩ yoo. 14#Ali 18.17; Kũt 27.23 Ethĩwa mũndũ nĩwatwaa kĩveti na asyoka atwaa inyia wa kĩveti kĩu, ũsu nĩ ũndũ mũthũku mũno; me atatũ nĩmavĩvw'e na mwaki makw'e. Ũndũ wa mũthemba ũsu ndwaĩlĩte kwĩsa kwĩtĩkĩlw'a katĩ wenyu. 15#Kuma 22.19; Ali 18.23; Kũt 27.21 Ethĩwa mũndũ-ũme nĩwamanyana kĩ-mwĩĩ na nyamũ, nĩoawe na o ta ũu nyamũ ĩsu nayo ĩyũawa. 16Ethĩwa mũndũ mũka nĩwathengeanĩa na nyamũ na amanyana kĩ-mwĩĩ nayo nĩoawe, na o ta ũu nyamũ ĩsu ĩyũawa. Kĩkw'ũ kya mũndũ mũka ũsu na nyamũ ĩsu kĩkeethĩwa kyumanĩte na ũndũ ũsu mũthũku meeka.
17 #
Ali 18.9; Kũt 27.22 “Ethĩwa mũndũ nĩwatwaa mwĩĩtu-a-inyia kana mwĩĩtu-a-ĩthe, na kũmanyana kĩ-mwĩĩ nake, nĩ ũndũ wĩ nthoni. Nĩmalũngw'e kuma andũnĩ ma Ĩsilaeli andũ onthe masyaĩĩsye. Mũndũ ũsu ethĩawa amanyana kĩ-mwĩĩ na mwĩĩtu-a-inyia na no nginya aĩvĩe naĩ yake. 18#Ali 18.19 Ethĩwa mũndũ nĩwamanyana kĩ-mwĩĩ na mũndũ mũka yĩla wĩ mweinĩ wake me elĩ nĩmalũngw'e kuma andũnĩ ma Ĩsilaeli, nũndũ nĩmalea kũatĩĩa motw'ĩo ala maĩlĩte kũatĩĩwa ĩvindanĩ ya ũvuku.
19 #
Ali 18.12-14
“Ndũkamanyane kĩ-mwĩĩ na mwĩĩtu ũla ũsyaanĩw'e na inyia waku, kana na ĩthe waku. Ala meeka ũu no nginya maĩvĩe naĩ yoo ya kũmanyana kĩ-mwĩĩ kwa andũ maileny'e ũndũ. 20Ethĩwa mũndũ nĩwamanyana kĩ-mwĩĩ na kĩveti kya mwendw'a-ĩthe, mũndũ ũsu ethĩawa avũthya mwendw'a-ĩthe. Mũndũ-ũme ũsu e na kĩveti kĩu no nginya maĩvĩe naĩ yoo; makakw'a mate na syana. 21#Ali 18.16 Ethĩwa mũndũ nĩwoosa kĩveti kya mwaana-a-inyia akĩtwaa, ethĩawa eeka ũndũ mũvuku na kwĩkĩĩthya mwana-a-inyia nthoni. Ena kĩveti kĩu makakw'a mate na syana.”
22Nĩvo ĩndĩ Mwĩai Ngai waisye, “Ĩanĩasyai motw'ĩo na myamũlo yakwa yonthe, nĩ kana mũikalũngwe mume nthĩ ya Kanaani ĩla nyie nĩmũtwaĩte mũkalike. 23Mũikaatĩĩe syĩthĩo sya mbaĩ ila ngũlũngya syume nthĩ ĩsu nĩ kana mũlike vo. Nĩmeekie maũndũ asu onthe mathũku na kwoou manthatya mũno. 24Ĩndĩ nyie Mwĩai Ngai nĩnĩmwathĩte kũmũnenga nthĩ ĩsu yoo nthwii na nou yĩthĩwe yenyu. Ninyie Mwĩai Ngai, Ngai wenyu na nĩnĩmũvathĩte kuma mbaĩnĩ ila ingĩ sya andũ. 25Kwoou ĩndĩ inyw'ĩ no nginya mũmanye kĩvathũkany'o katĩ wa nyamũ ila ntheu na ila mbuku, na katĩ wa nyũnyi ila ntheu na ila mbuku. Mũikaaĩvukye kwa kũya nyamũ kana nyũnyi kana kasamũ o na keva kala katambũkaa ĩũlũ wa nthĩ, ila nĩminĩte kũmũtavya kana nĩ mbuku. 26No nginya mwĩthĩwe mwĩ atheu na kwĩthĩwa mwĩ makwa nĩ weka, nũndũ ninyie Mwĩai Ngai na nĩ mũtheu. Nĩmũvathĩte kuma andũnĩ ma mbaĩ ila ĩngĩ mwĩthĩwe mwĩ makwa nĩ weka.
27“Mũndũ-ũme kana mũndũ mũka ũla ũmanyaa maũndũ kwĩsĩla mavevanĩ ma andũ ala akw'ũ kana mũndũ mũe, nĩakimangwe na mavia akw'e; kĩkw'ũ kyake kĩkeethĩwa kyumanĩte na naĩ yake.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011