Ali 21
21
Mĩao ĩla Athembi Maĩlĩte Kũatĩĩa
1Mwĩai Ngai nĩwaneenie na Mwose amwĩa atĩĩ, “Neena na ana ma Alũni, ala nĩ athembi ũmee kana mũthembi ndaĩlĩte kwĩvukya kwa kũkiita mwĩĩ wa mũndũ mũkw'ũ wa mũsyĩ wake, 2ate o ethĩwa nĩ inyia wake, ĩthe wake, mwana wake, mwĩĩtu wake, mwana-a-inyia, 3kana mwĩĩtu-a-inyia ũtaamanyana kĩ-mwĩĩ na mũndũ-ũme na ũte mũtwae, ũla wĩkalaa kwake. 4Ndaĩlĩte kwivukya yĩla andũ ala maileny'e ũndũ nake kwa nzĩa ya mũtwaano makw'a.
5 #
Ali 19.27-28; Kũt 14.1 “Mũthembi ndaĩlĩte kwenza mũtwe akatiwa na ũvaa kana kũtilanga mĩthya ya kĩng'ee kyake kana kũtemanga mwĩĩ wake nĩ kana onany'e kana e na kyeva. 6Mũthembi aĩlĩte kwĩthĩwa e mũtheu kũla nĩĩ nyie Ngai wake na ndaĩlĩte kũtuma ĩsyĩtwa yakwa yĩvũthw'a, nũndũ ambumĩasya nyie Mwĩai Ngai nthembo ya kũvĩvw'a, lĩu wa Ngai wake na no nginya ethĩwe e mũtheu. 7Mũthembi ndaĩlĩte kũtwaa mũndũ mũka ĩlwaya, kana mũndũ mũka ũmanyanĩte kĩ-mwĩĩ na mũndũ-ũme, kana mũndũ mũka ũminĩte kũtaanĩsya na mũũme; mũthembi nĩ mũndũ mũtheu. 8Andũ no nginya matale mũthembi kwĩthĩwa e mũndũ mũtheu nũndũ nĩwe ũmbumĩasya nthembo sya lĩu. Ninyie Mwĩai Ngai; nĩ mũtheu na nĩnĩtheasya andũ makwa. 9Ethĩwa mwĩĩtu wa mũthembi nĩweevukya kwa kũtw'ĩka ĩlwaya, mwĩĩtu ũsu ethĩawa avũthya ĩthe wake, na nĩavĩvw'e akw'e.
10“Mũthembi ũla Mũnene ũminĩte kwĩtĩkĩw'a mauta mũtwe na akavathwa ekĩae ngũa sya kĩ-ũthembi ndaĩlĩte kũekana na nzw'ĩĩ yake ĩte nzanũe, kana kũtembũanga ngũa syake onany'e kana e na kyeva. 11Ndaĩlĩte kwĩvukya kwa kũthengeea mwĩĩ wa mũndũ mũkw'ũ, o na ethĩwa nĩ wa ĩthe kana wa inyia wake. 12Nũndũ wa kwĩthĩwa nĩmwĩtĩkĩsye mauta akavathwa kwondũ wakwa, ndaĩlĩte kuma Ĩeemanĩ yakwa ĩtheu kana kũvukya vandũ vakwa vala vatheu. Ninyie Mwĩai Ngai. 13No nginya atwae mwĩĩtu ũtaamanyana kĩ-mwĩĩ na mũndũ-ũme. 14Ndaĩlĩte kũtwaa mũndũ mũka ndiwa, kana mũndũ mũka wataanĩisye na mũũme, kana mũndũ mũka ũvukĩtw'e, kana ĩlwaya. Aĩlĩte kũtwaa mwĩĩtu wa mbaĩ yake ũtaamanyana kĩ-mwĩĩ na mũndũ-ũme. 15Alea kwĩka ũu, syana syake ila syaĩlĩte kwĩthĩwa syĩ ntheu ikeethĩawa syĩ mbuku. Ninyie Mwĩai Ngai ũla ũmũvathĩte ethĩwe Mũthembi Mũnene.”
16Mwĩai Ngai nĩwaneenie na Mwose amwĩa atĩĩ, 17“Tavya Alũni ũmwĩe ĩvindanĩ yonthe yĩla yũkĩte vai ũmwe wa nzyawa syake ũla wĩ na kĩema waĩlĩte kũthengeea kĩthembeo na kũmbumĩsya nthembo sya lĩu. 18Mũndũ o na wĩva ũla wĩ na kĩema, kĩlalinda, wĩ na maũũ mathũku, wĩ na ũthyũ mũtemange, kana mũndũ wĩ na ĩmutha yĩtailyĩ ya andũ ala angĩ, 19mũndũ wĩ na kĩema kya kw'oko kana kya kũũ, 20mũndũ wĩ nguu mũongo, kana mũkuvĩ mũno, kana mũndũ ũtonaa nthĩ nesa, kana mũndũ wĩ na ũwau wa kĩkonde, kana mũndũ mũvakũe, ndaĩlĩte kumya nthembo ĩsu. 21Nzyawa o na yĩva ya mũthembi Alũni ĩla yĩna kĩema ndyaĩlĩte kũmbumĩsya nthembo sya kũvĩvw'a. Nũndũ e na kĩema ndakathembe lĩu wa Ngai wake. 22Mũndũ wa mũthemba ũsu nũtonya kũya lĩu ũla nyie Mwĩai Ngai numĩw'e wĩthĩwe nthembo; lĩu ũla mũtheu na ũla mũtheu mũno. 23Ĩndĩ nũndũ wa kwĩthĩwa e na kĩema, mũndũ ũsu ndakathengee suka ũla ũaanĩtye vala Vandũ Vatheu, kana kũthengeea kĩthembeonĩ. Ndaĩlĩte kũvukya syĩndũ isu ntheu, nũndũ ninyie Mwĩai Ngai, ũla ũtheasya syĩndũ isu.”
24Asu nĩmo maũndũ ala Mwose watavisye Alũni, ana ma Alũni, na andũ onthe ma Ĩsilaeli.
Currently Selected:
Ali 21: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 21
21
Mĩao ĩla Athembi Maĩlĩte Kũatĩĩa
1Mwĩai Ngai nĩwaneenie na Mwose amwĩa atĩĩ, “Neena na ana ma Alũni, ala nĩ athembi ũmee kana mũthembi ndaĩlĩte kwĩvukya kwa kũkiita mwĩĩ wa mũndũ mũkw'ũ wa mũsyĩ wake, 2ate o ethĩwa nĩ inyia wake, ĩthe wake, mwana wake, mwĩĩtu wake, mwana-a-inyia, 3kana mwĩĩtu-a-inyia ũtaamanyana kĩ-mwĩĩ na mũndũ-ũme na ũte mũtwae, ũla wĩkalaa kwake. 4Ndaĩlĩte kwivukya yĩla andũ ala maileny'e ũndũ nake kwa nzĩa ya mũtwaano makw'a.
5 #
Ali 19.27-28; Kũt 14.1 “Mũthembi ndaĩlĩte kwenza mũtwe akatiwa na ũvaa kana kũtilanga mĩthya ya kĩng'ee kyake kana kũtemanga mwĩĩ wake nĩ kana onany'e kana e na kyeva. 6Mũthembi aĩlĩte kwĩthĩwa e mũtheu kũla nĩĩ nyie Ngai wake na ndaĩlĩte kũtuma ĩsyĩtwa yakwa yĩvũthw'a, nũndũ ambumĩasya nyie Mwĩai Ngai nthembo ya kũvĩvw'a, lĩu wa Ngai wake na no nginya ethĩwe e mũtheu. 7Mũthembi ndaĩlĩte kũtwaa mũndũ mũka ĩlwaya, kana mũndũ mũka ũmanyanĩte kĩ-mwĩĩ na mũndũ-ũme, kana mũndũ mũka ũminĩte kũtaanĩsya na mũũme; mũthembi nĩ mũndũ mũtheu. 8Andũ no nginya matale mũthembi kwĩthĩwa e mũndũ mũtheu nũndũ nĩwe ũmbumĩasya nthembo sya lĩu. Ninyie Mwĩai Ngai; nĩ mũtheu na nĩnĩtheasya andũ makwa. 9Ethĩwa mwĩĩtu wa mũthembi nĩweevukya kwa kũtw'ĩka ĩlwaya, mwĩĩtu ũsu ethĩawa avũthya ĩthe wake, na nĩavĩvw'e akw'e.
10“Mũthembi ũla Mũnene ũminĩte kwĩtĩkĩw'a mauta mũtwe na akavathwa ekĩae ngũa sya kĩ-ũthembi ndaĩlĩte kũekana na nzw'ĩĩ yake ĩte nzanũe, kana kũtembũanga ngũa syake onany'e kana e na kyeva. 11Ndaĩlĩte kwĩvukya kwa kũthengeea mwĩĩ wa mũndũ mũkw'ũ, o na ethĩwa nĩ wa ĩthe kana wa inyia wake. 12Nũndũ wa kwĩthĩwa nĩmwĩtĩkĩsye mauta akavathwa kwondũ wakwa, ndaĩlĩte kuma Ĩeemanĩ yakwa ĩtheu kana kũvukya vandũ vakwa vala vatheu. Ninyie Mwĩai Ngai. 13No nginya atwae mwĩĩtu ũtaamanyana kĩ-mwĩĩ na mũndũ-ũme. 14Ndaĩlĩte kũtwaa mũndũ mũka ndiwa, kana mũndũ mũka wataanĩisye na mũũme, kana mũndũ mũka ũvukĩtw'e, kana ĩlwaya. Aĩlĩte kũtwaa mwĩĩtu wa mbaĩ yake ũtaamanyana kĩ-mwĩĩ na mũndũ-ũme. 15Alea kwĩka ũu, syana syake ila syaĩlĩte kwĩthĩwa syĩ ntheu ikeethĩawa syĩ mbuku. Ninyie Mwĩai Ngai ũla ũmũvathĩte ethĩwe Mũthembi Mũnene.”
16Mwĩai Ngai nĩwaneenie na Mwose amwĩa atĩĩ, 17“Tavya Alũni ũmwĩe ĩvindanĩ yonthe yĩla yũkĩte vai ũmwe wa nzyawa syake ũla wĩ na kĩema waĩlĩte kũthengeea kĩthembeo na kũmbumĩsya nthembo sya lĩu. 18Mũndũ o na wĩva ũla wĩ na kĩema, kĩlalinda, wĩ na maũũ mathũku, wĩ na ũthyũ mũtemange, kana mũndũ wĩ na ĩmutha yĩtailyĩ ya andũ ala angĩ, 19mũndũ wĩ na kĩema kya kw'oko kana kya kũũ, 20mũndũ wĩ nguu mũongo, kana mũkuvĩ mũno, kana mũndũ ũtonaa nthĩ nesa, kana mũndũ wĩ na ũwau wa kĩkonde, kana mũndũ mũvakũe, ndaĩlĩte kumya nthembo ĩsu. 21Nzyawa o na yĩva ya mũthembi Alũni ĩla yĩna kĩema ndyaĩlĩte kũmbumĩsya nthembo sya kũvĩvw'a. Nũndũ e na kĩema ndakathembe lĩu wa Ngai wake. 22Mũndũ wa mũthemba ũsu nũtonya kũya lĩu ũla nyie Mwĩai Ngai numĩw'e wĩthĩwe nthembo; lĩu ũla mũtheu na ũla mũtheu mũno. 23Ĩndĩ nũndũ wa kwĩthĩwa e na kĩema, mũndũ ũsu ndakathengee suka ũla ũaanĩtye vala Vandũ Vatheu, kana kũthengeea kĩthembeonĩ. Ndaĩlĩte kũvukya syĩndũ isu ntheu, nũndũ ninyie Mwĩai Ngai, ũla ũtheasya syĩndũ isu.”
24Asu nĩmo maũndũ ala Mwose watavisye Alũni, ana ma Alũni, na andũ onthe ma Ĩsilaeli.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011