Ali 22
22
Nthembo ila Ngai Wĩtĩkĩlaa
1Mwĩai Ngai nĩwaneenie na Mwose amwĩa atĩĩ, 2“Neena na Alũni na ana make ũmee mayaĩlĩte kũtuma ĩsyĩtwa yakwa ĩtheu yĩvũthw'a, na kwoou manenge ndaĩa syĩndũ ila ntheu andũ ma Ĩsilaeli mavathĩte mambumĩsye. Ninyie Mwĩai Ngai. 3Ĩvindanĩ yonthe yĩla yũkĩte ethĩwa ũmwe wa nzyawa syoo akathengeea nthembo ntheu ila andũ ma Ĩsilaeli mavathĩte syĩthĩwe syakwa e mũvuku, mũndũ ũsu ndakaathũkũme kĩthembeonĩ kyakwa ĩngĩ. Ninyie Mwĩai Ngai.
4“Ethĩwa ũmwe wa nzyawa sya Alũni e na ũwau mũthũku wa kĩkonde kana e na ũwau wa kumwa nĩ mavia kũndũnĩ kwake kwa kĩmbithĩ, ndakaye nthembo isu ntheu nginya yĩla ũkethĩwa e mũtheu. O ta ũu mũthembi akeethĩawa e mũvuku ethĩwa nĩwakiita kĩndũ kĩvukĩtw'e nĩ mwĩĩ wa mũndũ mũkw'ũ kana ethĩwa mũthembi ũsu nũkumw'a nĩ mbeũ syake sya kũsyaa. 5O ta ũu akeethĩawa e mũvuku akiita nyamũ mbuku kana mũndũ wĩna ũvuku wa mũthemba o na wĩva. 6Mũthembi o na wĩva ũla weethĩwa e mũvuku nũndũ wa maũndũ asu, akaendeeaa kwĩthĩwa e mũvuku nginya ĩa mawĩoo, na o na ũu wĩ o vo ndakaye nthembo isu ntheu nginya yĩla wĩthamba. 7Syũa yamina kũthũa oou, akeethĩawa e mũtheu, na ĩndĩ nũtonya kũya nthembo isu ntheu, ila nĩsyo lĩu wake. 8Mũthembi ndaĩlĩte kũya nyama sya nyamũ ngw'ũ, kana yũaĩtwe nĩ nyamũ sya kĩthekanĩ, nũndũ nyama isu nikũmũvukya. Ninyie Mwĩai Ngai.
9“Athembi onthe no nginya maatĩĩe motw'ĩo asu namanenga. Malea kwĩka ũu makeethĩawa mavĩtya na makakusaa, nũndũ nĩmaleete kwĩka ũndũ motw'ĩo makwa matheu mekwasya. Ninyie Mwĩai Ngai ũla ũmatheasya.
10“Vai mũndũ o na ũmwe ũte wa mũsyĩ wa athembi wailĩte kũya nthembo isu ntheu. Mũeni ũla wĩkalaa kwake o na mũthũkũmi wake ndaĩlĩte kũya nthembo ĩsu. 11Ĩndĩ ethĩwa mũthembi nĩwathooa ngombo na mbesa syake, kana ethĩwa e na ngombo ĩsyaĩwe mũsyĩ kwake, ngombo ĩsu nĩtonya kũya lĩu wa mũthembi. 12Ethĩwa mwĩĩtu wa mũthembi nĩwatwawa nĩ mũndũ ũte mũthembi, mwĩĩtu ũsu ndaĩlĩte kũya nthembo isu ntheu. 13Ĩndĩ ethĩwa mwĩĩtu wa mũthembi nĩ ndiwa, kana nĩwataanĩisye na mũũme na nde syana, na aisyoka mũsyĩ kwa ĩthe wake, nũtonya kũya lĩu ũla mũthembi ũnengawe o tondũ waĩsaa atanamba kũtwawa. Mũndũ wa mũsyĩ wa athembi nowe ũtonya kũya lĩu ũsu.
14“Ethĩwa mũndũ o na wĩva ũte wa mũsyĩ wa athembi nĩwaya lĩu ũsu mũtheu atesĩ, no nginya aĩve mũthembi lĩu ũsu w'onthe na ayongela kĩlungu kĩmwe kya itano kyaw'o. 15Athembi mayaĩlĩte kũvukya nthembo ntheu ila andũ ma Ĩsilaeli mambumĩasya nyie Mwĩai Ngai, 16kwa kwĩtĩkĩlya mũndũ ũtaĩlĩte kũiya aiye. Ũndũ ũsu nũtumaa mũndũ ũsu ethĩwa avĩtya na ũimũetee ũkany'o. Ninyie Mwĩai Ngai, na ninyie nĩtheasya nthembo isu.”
17Mwĩai Ngai nĩwaneenie na Mwose amwĩa atĩĩ, 18“Neena na Alũni, ana make na andũ onthe ma Ĩsilaeli ũmanenge motw'ĩo aa: Yĩla ũmwe wa andũ ma Ĩsilaeli kana ũmwe wa aeni ala matwĩe katĩ woo waete nthembo ya kũvĩvw'a yumĩtw'e kwondũ wa kwĩanĩsya wĩvĩto kana yumĩtw'e yĩthĩwe nthembo ya kumw'a na ngoo ya kwenda, 19nyamũ ĩla ĩkumw'a no nginya yĩthĩwe nũme ĩte kĩema: Tũsalũ, nthenge, kana ndũũme, nĩ kana nyie Mwĩai nĩtĩkĩle nthembo ĩsu. 20#Kũt 17.1 Mũikathembe nthembo ya nyamũ yĩna kĩema, nũndũ nyie Mwĩai Ngai ndimĩtĩkĩla. 21Yĩla mũndũ wambumĩsya nyie Mwĩai Ngai nthembo ya ngwatanĩo nĩ kana eanĩsye wĩvĩto, kana yĩthĩwe nthembo yumĩtw'e na ngoo ya kwenda, nyamũ ĩla ĩkumw'a no nginya yĩthĩwe ĩte kĩema nĩ kana nĩmĩtĩkĩle. 22Mũikambumĩsye nthembo ya nyamũ ĩtonaa nthĩ, kana yĩ kĩema, kana yĩ ĩmutha ĩtile kana yĩna kĩtau kana yĩna ũwau wa kĩthuma ũtavoa mĩtũkĩ kana yĩna ũng'ũũ; nyamũ ya mũthemba ũsu ndyaĩlĩte kũmĩw'a kĩthembeonĩ ta nthembo ya kũvĩvw'a na mwaki. 23Mũndũ nũtonya kũthemba nyamũ ĩtailyĩ nyamũ ila ingĩ nũndũ yĩna ĩmutha ĩkuvĩ kana ĩasa yĩthĩwe nthembo yumĩtw'e kwa ngoo ya kwenda. Ĩndĩ nyamũ ya mũthemba ũsu ndĩtĩkĩlĩtw'e kumw'a yĩthĩwe nthembo ya kwĩanĩsya wĩvĩto. 24Mũikanthembee nyie Mwĩai Ngai nyamũ mbakũe, kana ũũme wayo mũtile, kana mũvinyĩĩe, kana mũtile ũkaumw'a. Kũthemba nyamũ ya mũthemba ũsu kũyĩtĩkĩlĩtw'e nthĩ yenyu.
25“Mũikambumĩsye nyie Mwĩai Ngai nthembo ya kũvĩvw'a ya nyamũ kuma kwa mũndũ ũte ũmwe wa andũ ma Ĩsilaeli. Nyamũ ya mũthemba ũsu ĩkatalawa ta nthũku na ndĩketĩkĩlwa.” 26O ta ũu Mwĩai Ngai nĩwaneenie na Mwose amwĩa atĩĩ, 27“Yĩla kasaũ, katena ka mbũi kana katena ka ĩlondu kasyawa, no nginya kekalany'e na nyinyia vandũ va mĩthenya mũonza. Ĩndĩ kuma mũthenyanĩ wa nyanya, nyie Mwĩai Ngai ngaketĩkĩla kaumw'a ta nthembo ya kũvĩvw'a. 28Mũikathembe ng'ombe na kasaũ kayo, kana ĩlondu na katena kayo, kana mbũi na katena kayo mũthenyanĩ ũmwe. 29Yĩla mũkũmbumĩsya nyie Mwĩai Ngai nthembo ya kũtũnga mũvea, atĩĩaĩ mĩao nĩ kana nyie nĩmwĩtĩkĩle. 30Ĩsaai nthembo ĩsu mũthenyanĩ o ũla yaumw'a, na mũikatialye kĩndũ kĩvikye kĩoko mũthenya ũla ũatĩĩe. Ninyie Mwĩai Ngai.
31“Kwoou ĩndĩ kwatai mĩao yakwa na mũyĩka ũndũ ĩkwasya; ninyie Mwĩai Ngai. 32Mũikeke ũndũ ũtuma ĩsyĩtwa yakwa ĩtheu yĩvũthw'a; andũ onthe ma Ĩsilaeli no nginya mamanye kana nyie nĩ mũtheu. Ninyie Mwĩai Ngai ũla ũmũtheasya, 33na wamumisye nthĩ ya Misili nĩ kana nĩtw'ĩke Ngai wenyu. Ninyie Mwĩai Ngai.”
Currently Selected:
Ali 22: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ali 22
22
Nthembo ila Ngai Wĩtĩkĩlaa
1Mwĩai Ngai nĩwaneenie na Mwose amwĩa atĩĩ, 2“Neena na Alũni na ana make ũmee mayaĩlĩte kũtuma ĩsyĩtwa yakwa ĩtheu yĩvũthw'a, na kwoou manenge ndaĩa syĩndũ ila ntheu andũ ma Ĩsilaeli mavathĩte mambumĩsye. Ninyie Mwĩai Ngai. 3Ĩvindanĩ yonthe yĩla yũkĩte ethĩwa ũmwe wa nzyawa syoo akathengeea nthembo ntheu ila andũ ma Ĩsilaeli mavathĩte syĩthĩwe syakwa e mũvuku, mũndũ ũsu ndakaathũkũme kĩthembeonĩ kyakwa ĩngĩ. Ninyie Mwĩai Ngai.
4“Ethĩwa ũmwe wa nzyawa sya Alũni e na ũwau mũthũku wa kĩkonde kana e na ũwau wa kumwa nĩ mavia kũndũnĩ kwake kwa kĩmbithĩ, ndakaye nthembo isu ntheu nginya yĩla ũkethĩwa e mũtheu. O ta ũu mũthembi akeethĩawa e mũvuku ethĩwa nĩwakiita kĩndũ kĩvukĩtw'e nĩ mwĩĩ wa mũndũ mũkw'ũ kana ethĩwa mũthembi ũsu nũkumw'a nĩ mbeũ syake sya kũsyaa. 5O ta ũu akeethĩawa e mũvuku akiita nyamũ mbuku kana mũndũ wĩna ũvuku wa mũthemba o na wĩva. 6Mũthembi o na wĩva ũla weethĩwa e mũvuku nũndũ wa maũndũ asu, akaendeeaa kwĩthĩwa e mũvuku nginya ĩa mawĩoo, na o na ũu wĩ o vo ndakaye nthembo isu ntheu nginya yĩla wĩthamba. 7Syũa yamina kũthũa oou, akeethĩawa e mũtheu, na ĩndĩ nũtonya kũya nthembo isu ntheu, ila nĩsyo lĩu wake. 8Mũthembi ndaĩlĩte kũya nyama sya nyamũ ngw'ũ, kana yũaĩtwe nĩ nyamũ sya kĩthekanĩ, nũndũ nyama isu nikũmũvukya. Ninyie Mwĩai Ngai.
9“Athembi onthe no nginya maatĩĩe motw'ĩo asu namanenga. Malea kwĩka ũu makeethĩawa mavĩtya na makakusaa, nũndũ nĩmaleete kwĩka ũndũ motw'ĩo makwa matheu mekwasya. Ninyie Mwĩai Ngai ũla ũmatheasya.
10“Vai mũndũ o na ũmwe ũte wa mũsyĩ wa athembi wailĩte kũya nthembo isu ntheu. Mũeni ũla wĩkalaa kwake o na mũthũkũmi wake ndaĩlĩte kũya nthembo ĩsu. 11Ĩndĩ ethĩwa mũthembi nĩwathooa ngombo na mbesa syake, kana ethĩwa e na ngombo ĩsyaĩwe mũsyĩ kwake, ngombo ĩsu nĩtonya kũya lĩu wa mũthembi. 12Ethĩwa mwĩĩtu wa mũthembi nĩwatwawa nĩ mũndũ ũte mũthembi, mwĩĩtu ũsu ndaĩlĩte kũya nthembo isu ntheu. 13Ĩndĩ ethĩwa mwĩĩtu wa mũthembi nĩ ndiwa, kana nĩwataanĩisye na mũũme na nde syana, na aisyoka mũsyĩ kwa ĩthe wake, nũtonya kũya lĩu ũla mũthembi ũnengawe o tondũ waĩsaa atanamba kũtwawa. Mũndũ wa mũsyĩ wa athembi nowe ũtonya kũya lĩu ũsu.
14“Ethĩwa mũndũ o na wĩva ũte wa mũsyĩ wa athembi nĩwaya lĩu ũsu mũtheu atesĩ, no nginya aĩve mũthembi lĩu ũsu w'onthe na ayongela kĩlungu kĩmwe kya itano kyaw'o. 15Athembi mayaĩlĩte kũvukya nthembo ntheu ila andũ ma Ĩsilaeli mambumĩasya nyie Mwĩai Ngai, 16kwa kwĩtĩkĩlya mũndũ ũtaĩlĩte kũiya aiye. Ũndũ ũsu nũtumaa mũndũ ũsu ethĩwa avĩtya na ũimũetee ũkany'o. Ninyie Mwĩai Ngai, na ninyie nĩtheasya nthembo isu.”
17Mwĩai Ngai nĩwaneenie na Mwose amwĩa atĩĩ, 18“Neena na Alũni, ana make na andũ onthe ma Ĩsilaeli ũmanenge motw'ĩo aa: Yĩla ũmwe wa andũ ma Ĩsilaeli kana ũmwe wa aeni ala matwĩe katĩ woo waete nthembo ya kũvĩvw'a yumĩtw'e kwondũ wa kwĩanĩsya wĩvĩto kana yumĩtw'e yĩthĩwe nthembo ya kumw'a na ngoo ya kwenda, 19nyamũ ĩla ĩkumw'a no nginya yĩthĩwe nũme ĩte kĩema: Tũsalũ, nthenge, kana ndũũme, nĩ kana nyie Mwĩai nĩtĩkĩle nthembo ĩsu. 20#Kũt 17.1 Mũikathembe nthembo ya nyamũ yĩna kĩema, nũndũ nyie Mwĩai Ngai ndimĩtĩkĩla. 21Yĩla mũndũ wambumĩsya nyie Mwĩai Ngai nthembo ya ngwatanĩo nĩ kana eanĩsye wĩvĩto, kana yĩthĩwe nthembo yumĩtw'e na ngoo ya kwenda, nyamũ ĩla ĩkumw'a no nginya yĩthĩwe ĩte kĩema nĩ kana nĩmĩtĩkĩle. 22Mũikambumĩsye nthembo ya nyamũ ĩtonaa nthĩ, kana yĩ kĩema, kana yĩ ĩmutha ĩtile kana yĩna kĩtau kana yĩna ũwau wa kĩthuma ũtavoa mĩtũkĩ kana yĩna ũng'ũũ; nyamũ ya mũthemba ũsu ndyaĩlĩte kũmĩw'a kĩthembeonĩ ta nthembo ya kũvĩvw'a na mwaki. 23Mũndũ nũtonya kũthemba nyamũ ĩtailyĩ nyamũ ila ingĩ nũndũ yĩna ĩmutha ĩkuvĩ kana ĩasa yĩthĩwe nthembo yumĩtw'e kwa ngoo ya kwenda. Ĩndĩ nyamũ ya mũthemba ũsu ndĩtĩkĩlĩtw'e kumw'a yĩthĩwe nthembo ya kwĩanĩsya wĩvĩto. 24Mũikanthembee nyie Mwĩai Ngai nyamũ mbakũe, kana ũũme wayo mũtile, kana mũvinyĩĩe, kana mũtile ũkaumw'a. Kũthemba nyamũ ya mũthemba ũsu kũyĩtĩkĩlĩtw'e nthĩ yenyu.
25“Mũikambumĩsye nyie Mwĩai Ngai nthembo ya kũvĩvw'a ya nyamũ kuma kwa mũndũ ũte ũmwe wa andũ ma Ĩsilaeli. Nyamũ ya mũthemba ũsu ĩkatalawa ta nthũku na ndĩketĩkĩlwa.” 26O ta ũu Mwĩai Ngai nĩwaneenie na Mwose amwĩa atĩĩ, 27“Yĩla kasaũ, katena ka mbũi kana katena ka ĩlondu kasyawa, no nginya kekalany'e na nyinyia vandũ va mĩthenya mũonza. Ĩndĩ kuma mũthenyanĩ wa nyanya, nyie Mwĩai Ngai ngaketĩkĩla kaumw'a ta nthembo ya kũvĩvw'a. 28Mũikathembe ng'ombe na kasaũ kayo, kana ĩlondu na katena kayo, kana mbũi na katena kayo mũthenyanĩ ũmwe. 29Yĩla mũkũmbumĩsya nyie Mwĩai Ngai nthembo ya kũtũnga mũvea, atĩĩaĩ mĩao nĩ kana nyie nĩmwĩtĩkĩle. 30Ĩsaai nthembo ĩsu mũthenyanĩ o ũla yaumw'a, na mũikatialye kĩndũ kĩvikye kĩoko mũthenya ũla ũatĩĩe. Ninyie Mwĩai Ngai.
31“Kwoou ĩndĩ kwatai mĩao yakwa na mũyĩka ũndũ ĩkwasya; ninyie Mwĩai Ngai. 32Mũikeke ũndũ ũtuma ĩsyĩtwa yakwa ĩtheu yĩvũthw'a; andũ onthe ma Ĩsilaeli no nginya mamanye kana nyie nĩ mũtheu. Ninyie Mwĩai Ngai ũla ũmũtheasya, 33na wamumisye nthĩ ya Misili nĩ kana nĩtw'ĩke Ngai wenyu. Ninyie Mwĩai Ngai.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011