Mot 21
21
Andũ ma Ĩsilaeli Maisinda Akanaani
1 #
Mot 33.40
Mũsumbĩ Mũkanaani wa Alati ũla watwĩe ngalĩko ya ĩtheo ya nthĩ ya Kanaani ĩla yĩtawa Nengevu, nĩweewie kana andũ ma Ĩsilaeli nĩmokĩte mesĩlĩte nzĩanĩ ya Athalimu. Nĩwaendie kũmokita na akwata amwe moo. 2Nĩvo ĩndĩ andũ ma Ĩsilaeli meevĩtie kũla kwĩ Mwĩai Ngai mayasya atĩĩ, “Watũnenga vinya wa kũkita andũ aa na kũmasinda, nĩtũkwananga#21.2 Nĩtũkwananga Ii nĩ syĩndũ ila syanengawe Mwĩai Ngai kwa nzĩa ya kũsyananga vyũ ndũa syoo vyũ.” 3Mwĩai Ngai nĩweethukĩĩisye andũ ma Ĩsilaeli na atuma masinda andũ ma Kanaani. Andũ ma Ĩsilaeli nĩmaminie andũ asu vyũ, na maananga ndũa syoo, na meeta vandũ vau Olima.
Nzoka Ĩseũvĩtw'e na Kyũma kya Mbulonzi
4 #
Kũt 2.1
Andũ ma Ĩsilaeli nĩmaumie Kĩĩmanĩ kya Olu na mathi na nzĩa ĩla yelekele Ũkanga Mũtune, nĩ kana mathyũlũlũke nthĩ ya Etomu. Me nzĩanĩ nĩmambĩĩie kũkw'a ngoo, 5#1Ako 10.9 na mambĩĩa kũnyungunyĩsya nũndũ wa Ngai na Mwose mayasya atĩĩ, “Nĩkĩ mwatumisye nthĩ ya Misili tũke kũkw'ĩĩa kũũ weũnĩ? Kũndũ kũũ kũiĩ lĩu o na kũiĩ kĩw'ũ! Yu nĩtũkolete lĩu ũũ mũthũku!” 6Nĩvo ĩndĩ Mwĩai Ngai waeteie andũ ma Ĩsilaeli nzoka syĩ sumu. Nzoka isu nĩsyamaũmangie na aingĩ moo makw'a. 7Andũ ma Ĩsilaeli nĩmaendie vala ve Mwose na mamwĩa atĩĩ, “Nĩtũvĩtisye yĩla tũnyungunyĩisye nũndũ wa Mwĩai Ngai na nũndũ waku. Yu voya Mwĩai Ngai nĩ kana atũvetangĩe nzoka ii.” Kwoou Mwose nĩwamavoyeie. 8Mwĩai Ngai nĩwaneenie na Mwose amwĩa atĩĩ, “Seũvya nzoka ya kyũma kya mbulonzi na ũimĩkĩa mũtĩnĩ ĩũlũ; mũndũ o na wĩva ũla waũmwa nĩ nzoka na aisisya nzoka ĩsu ya kyũma kya mbulonzi ndakakusaa.” 9#2Asu 18.4; Yoa 3.14 Kwoou Mwose nĩwaseũvisye nzoka ya kyũma kĩtawa mbulonzi na amĩkĩa mũtĩnĩ ĩũlũ. Mũndũ o na wĩva ũla waũmawa nĩ nzoka na aisisya nzoka ĩsu ya mbulonzi ndakusaa.
Andũ ma Ĩsilaeli Maithi Moavi
10Andũ ma Ĩsilaeli nĩmaendeeie na kyalo kyoo na mathi kwamba maeema moo Ovothi. 11Kuma Ovothi nĩmaendie ĩngĩ na mamba maeema moo Iye-avalimu, weũnĩ ũla wĩ ngalĩko ya wumĩlonĩ wa syũa wa kĩsio kya nthĩ ya Amoavi. 12Nĩmaendeeie na kyalo kyoo na mathi kwambĩla maeema moo Mwandanĩ wa Nzeleti. 13Nĩmaumie vau na mathi kwamba maeema moo ngalĩkonĩ ya ĩũlũ ya Ũsĩ wa Alinoni ũla wĩ weũnĩ ũendete kũvika kĩsionĩ kya nthĩ kya Aamoli. Ũsĩ wa Alinoni nĩw'o waĩ mũvaka wa Amoavi na Aamoli. 14Kĩu nĩkyo kĩtumi Ĩvuku ya Makaũ ma Mwĩai Ngai #21.14 Ĩvuku ya makaũ ma Mwĩai Ngai Yĩĩ nĩ ĩvuku yaandĩkĩtwe mbathi sya tene ila syainawa ĩvinda ya kaũ yĩandĩkĩtwe atĩĩ,
“Ndũa ya Vaevu ĩla yĩ Suva,
na syanda sya Ũsĩ wa Alinoni,
15na kĩvaũũko kya syanda kĩla kĩendete kũvika ndũanĩ ya Ali,
na kĩkaendeea kũvika mũvakanĩ wa Moavi.”
16Kuma Alinoni andũ ma Ĩsilaeli nĩmaendeeie na kyalo nginya mavika vandũ vetawa Mbeeli. Mbeeli nĩ kĩthima na nĩvo Mwĩai Ngai waneeneie na Mwose amwĩa atĩĩ, “Ũmbany'a andũ ma Ĩsilaeli vamwe, nakwa nĩngũmanenga kĩw'ũ.” 17Ĩvindanĩ yĩu, andũ ma Ĩsilaeli nĩmainie wathi ũũ:
“We kĩthima, vulutya kĩw'ũ kyaku;
nĩtũũkĩthokya na mbathi!
18Kĩthima kĩla atongoi menzie
kĩla kyavukũiwe nĩ andũ me ndaĩa na maĩ na ndata sya kĩ-ũsumbĩ na ndata ingĩ syoo.”
Andũ ma Ĩsilaeli nĩmaumie weũnĩ mathi kũvika ndũanĩ ya Matana, 19na maendeea na kyalo kyoo mathi Naalieli. Kuma Naalieli nĩmaendie Mbamothi, 20na kuma Mbamothi mathi mwandanĩ ũla wĩ kĩsionĩ kya nthĩ ya Amoavi, na wĩ ĩtheo wa Kĩĩma kya Visika, kĩla kyelekele ngalĩko ya ĩtheo ya weũ.
Andũ ma Ĩsilaeli Maisinda Mũsumbĩ Sioni na Oku
(Kũt 2.26—3.11)
21Andũ ma Ĩsilaeli nĩmatũmie andũ mathi kũla kwĩ Sioni mũsumbĩ wa Aamoli makamwĩe atĩĩ, 22“Tũnenge mwanya tũvĩtĩle nthĩ yaku. Ithyĩ tũitia nzĩa na kwĩsĩla isesinĩ syaku, kana mĩũndanĩ ya mĩsavivũ, o na tũinyw'a kĩw'ũ kuma ithimanĩ syaku. Twĩĩsĩla nzĩanĩ ĩla nene nginya tũvĩtũke kĩsio kya nthĩ yaku.” 23Ĩndĩ mũsumbĩ Sioni nĩwaleile kũnenga andũ ma Ĩsilaeli mwanya wa kũvĩtĩla kĩsionĩ kya nthĩ yake. Nĩwoombanisye asikalĩ make na mathi ndũanĩ ya Yaasa ĩla yaĩ weũnĩ na mokita na andũ ma Ĩsilaeli. 24Kaũnĩ ũsu andũ ma Ĩsilaeli nĩmooaie Mũsumbĩ Sioni na moosa nthĩ yake ĩla yumĩte Ũsĩnĩ wa Alinoni ĩkathi ngalĩko ya ĩũlũ kũvika Ũsĩnĩ wa Yavoki nginya nthĩ ya Aamimoni; mũvaka wa nthĩ ya Aamimoni waĩ mwiĩĩe ũkalũma.#21.24 Mũvaka wa nthĩ ya Aamimoni: Maandĩko amwe maĩtye Yaseli nĩ yo yaĩ mũvaka wa Aamimoni 25Andũ ma Ĩsilaeli nĩmakwatie ndũa syonthe sya Aamoli vamwe na ndũa ya Esivoni na motũi ala maithyũlũlũkĩte na matũa nthĩnĩ wasyo. 26Esivoni nĩw'o waĩ mũsyĩ mũnene wa Sioni mũsumbĩ wa Aamoli. Mũsumbĩ Sioni vau mbeenĩ nĩwokitĩte na mũsumbĩ wa Moavi na akakwata nthĩ yake yonthe kũthi kũvika Ũsĩnĩ wa Alinoni. 27Kĩu nĩkyo kĩtumaa aini ma mbathi maina mayasya atĩĩ,
“Ũkai ndũanĩ ya Esivoni, na ĩyakwa ĩngĩ,
ndũa ya mũsumbĩ Sioni nĩlũlũmĩĩlw'e!
28 #
Yel 48.45-46
Ĩvinda yĩmwe kuma ndũanĩ ya Esivoni
asikalĩ ma kaũ ma mũsumbĩ Sioni nĩmaumie mailyĩ ta mwaki;
Nĩmaanangie ndũa ya Ali ĩla yĩ Moavi,
na maananga iĩma ila syĩ ngalĩko ya ĩũlũ ya Alinoni.
29Kyeva nĩ kwenyu, inyw'ĩ andũ ma Moavi!
Inyw'ĩ ala mũthaithaa ngai ĩla yĩtawa Kemosi nĩmwathela!
Ngai yenyu nĩyatũmie aũme makĩa mathi kwĩvitha nthĩ ĩte yoo,
na aka menyu matw'ĩka ngombo sya Sioni mũsumbĩ wa Aamoli.
30Ĩndĩ yu nĩtũmasindĩte,
kuma Esivoni kũthi kũvika Ndivoni,
na nĩtũmaminĩte kũthi kũvika Novia,
ĩla ĩendete kũvika Meteva.”
31Kwoou andũ ma Ĩsilaeli nĩmatũie kĩsionĩ kya nthĩ kya Aamoli. 32Mwose nĩwatũmie andũ makamanye kwa kĩmbithĩ ũndũ ndũa ya Yaseli ĩilyĩ. Andũ ma Ĩsilaeli nĩmakwatie ndũa ĩsu na motũi ala mamĩthyũlũlũkĩte, na malũngya Aamoli onthe ala matwĩe vo.
33Nĩvo ĩndĩ andũ ma Ĩsilaeli mavĩndũkie mathi na nzĩa ĩla ĩendete Mbasani. Mũsumbĩ Oku wa Mbasani na asikalĩ make onthe nĩmaendie kũkitĩa na andũ ma Ĩsilaeli vandũ vetawa Etilei. 34Mwĩai Ngai nĩweeie Mwose atĩĩ, “Ndũkakĩe Mũsumbĩ Oku nũndũ nĩngũũnenga vinya wa kũmũsinda, vamwe na asikalĩ make onthe, na nthĩ yake yonthe. Mwĩke ũndũ weekanie na Sioni mũsumbĩ wa Aamoli ũla wasumbĩkĩte Esivoni.” 35Kwoou andũ ma Ĩsilaeli nĩmooaie Mũsumbĩ Oku, ana make, na andũ make onthe. Mayaatialya mũndũ o na ũmwe. Nĩmoosie nthĩ yake mamĩmesya.
Currently Selected:
Mot 21: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 21
21
Andũ ma Ĩsilaeli Maisinda Akanaani
1 #
Mot 33.40
Mũsumbĩ Mũkanaani wa Alati ũla watwĩe ngalĩko ya ĩtheo ya nthĩ ya Kanaani ĩla yĩtawa Nengevu, nĩweewie kana andũ ma Ĩsilaeli nĩmokĩte mesĩlĩte nzĩanĩ ya Athalimu. Nĩwaendie kũmokita na akwata amwe moo. 2Nĩvo ĩndĩ andũ ma Ĩsilaeli meevĩtie kũla kwĩ Mwĩai Ngai mayasya atĩĩ, “Watũnenga vinya wa kũkita andũ aa na kũmasinda, nĩtũkwananga#21.2 Nĩtũkwananga Ii nĩ syĩndũ ila syanengawe Mwĩai Ngai kwa nzĩa ya kũsyananga vyũ ndũa syoo vyũ.” 3Mwĩai Ngai nĩweethukĩĩisye andũ ma Ĩsilaeli na atuma masinda andũ ma Kanaani. Andũ ma Ĩsilaeli nĩmaminie andũ asu vyũ, na maananga ndũa syoo, na meeta vandũ vau Olima.
Nzoka Ĩseũvĩtw'e na Kyũma kya Mbulonzi
4 #
Kũt 2.1
Andũ ma Ĩsilaeli nĩmaumie Kĩĩmanĩ kya Olu na mathi na nzĩa ĩla yelekele Ũkanga Mũtune, nĩ kana mathyũlũlũke nthĩ ya Etomu. Me nzĩanĩ nĩmambĩĩie kũkw'a ngoo, 5#1Ako 10.9 na mambĩĩa kũnyungunyĩsya nũndũ wa Ngai na Mwose mayasya atĩĩ, “Nĩkĩ mwatumisye nthĩ ya Misili tũke kũkw'ĩĩa kũũ weũnĩ? Kũndũ kũũ kũiĩ lĩu o na kũiĩ kĩw'ũ! Yu nĩtũkolete lĩu ũũ mũthũku!” 6Nĩvo ĩndĩ Mwĩai Ngai waeteie andũ ma Ĩsilaeli nzoka syĩ sumu. Nzoka isu nĩsyamaũmangie na aingĩ moo makw'a. 7Andũ ma Ĩsilaeli nĩmaendie vala ve Mwose na mamwĩa atĩĩ, “Nĩtũvĩtisye yĩla tũnyungunyĩisye nũndũ wa Mwĩai Ngai na nũndũ waku. Yu voya Mwĩai Ngai nĩ kana atũvetangĩe nzoka ii.” Kwoou Mwose nĩwamavoyeie. 8Mwĩai Ngai nĩwaneenie na Mwose amwĩa atĩĩ, “Seũvya nzoka ya kyũma kya mbulonzi na ũimĩkĩa mũtĩnĩ ĩũlũ; mũndũ o na wĩva ũla waũmwa nĩ nzoka na aisisya nzoka ĩsu ya kyũma kya mbulonzi ndakakusaa.” 9#2Asu 18.4; Yoa 3.14 Kwoou Mwose nĩwaseũvisye nzoka ya kyũma kĩtawa mbulonzi na amĩkĩa mũtĩnĩ ĩũlũ. Mũndũ o na wĩva ũla waũmawa nĩ nzoka na aisisya nzoka ĩsu ya mbulonzi ndakusaa.
Andũ ma Ĩsilaeli Maithi Moavi
10Andũ ma Ĩsilaeli nĩmaendeeie na kyalo kyoo na mathi kwamba maeema moo Ovothi. 11Kuma Ovothi nĩmaendie ĩngĩ na mamba maeema moo Iye-avalimu, weũnĩ ũla wĩ ngalĩko ya wumĩlonĩ wa syũa wa kĩsio kya nthĩ ya Amoavi. 12Nĩmaendeeie na kyalo kyoo na mathi kwambĩla maeema moo Mwandanĩ wa Nzeleti. 13Nĩmaumie vau na mathi kwamba maeema moo ngalĩkonĩ ya ĩũlũ ya Ũsĩ wa Alinoni ũla wĩ weũnĩ ũendete kũvika kĩsionĩ kya nthĩ kya Aamoli. Ũsĩ wa Alinoni nĩw'o waĩ mũvaka wa Amoavi na Aamoli. 14Kĩu nĩkyo kĩtumi Ĩvuku ya Makaũ ma Mwĩai Ngai #21.14 Ĩvuku ya makaũ ma Mwĩai Ngai Yĩĩ nĩ ĩvuku yaandĩkĩtwe mbathi sya tene ila syainawa ĩvinda ya kaũ yĩandĩkĩtwe atĩĩ,
“Ndũa ya Vaevu ĩla yĩ Suva,
na syanda sya Ũsĩ wa Alinoni,
15na kĩvaũũko kya syanda kĩla kĩendete kũvika ndũanĩ ya Ali,
na kĩkaendeea kũvika mũvakanĩ wa Moavi.”
16Kuma Alinoni andũ ma Ĩsilaeli nĩmaendeeie na kyalo nginya mavika vandũ vetawa Mbeeli. Mbeeli nĩ kĩthima na nĩvo Mwĩai Ngai waneeneie na Mwose amwĩa atĩĩ, “Ũmbany'a andũ ma Ĩsilaeli vamwe, nakwa nĩngũmanenga kĩw'ũ.” 17Ĩvindanĩ yĩu, andũ ma Ĩsilaeli nĩmainie wathi ũũ:
“We kĩthima, vulutya kĩw'ũ kyaku;
nĩtũũkĩthokya na mbathi!
18Kĩthima kĩla atongoi menzie
kĩla kyavukũiwe nĩ andũ me ndaĩa na maĩ na ndata sya kĩ-ũsumbĩ na ndata ingĩ syoo.”
Andũ ma Ĩsilaeli nĩmaumie weũnĩ mathi kũvika ndũanĩ ya Matana, 19na maendeea na kyalo kyoo mathi Naalieli. Kuma Naalieli nĩmaendie Mbamothi, 20na kuma Mbamothi mathi mwandanĩ ũla wĩ kĩsionĩ kya nthĩ ya Amoavi, na wĩ ĩtheo wa Kĩĩma kya Visika, kĩla kyelekele ngalĩko ya ĩtheo ya weũ.
Andũ ma Ĩsilaeli Maisinda Mũsumbĩ Sioni na Oku
(Kũt 2.26—3.11)
21Andũ ma Ĩsilaeli nĩmatũmie andũ mathi kũla kwĩ Sioni mũsumbĩ wa Aamoli makamwĩe atĩĩ, 22“Tũnenge mwanya tũvĩtĩle nthĩ yaku. Ithyĩ tũitia nzĩa na kwĩsĩla isesinĩ syaku, kana mĩũndanĩ ya mĩsavivũ, o na tũinyw'a kĩw'ũ kuma ithimanĩ syaku. Twĩĩsĩla nzĩanĩ ĩla nene nginya tũvĩtũke kĩsio kya nthĩ yaku.” 23Ĩndĩ mũsumbĩ Sioni nĩwaleile kũnenga andũ ma Ĩsilaeli mwanya wa kũvĩtĩla kĩsionĩ kya nthĩ yake. Nĩwoombanisye asikalĩ make na mathi ndũanĩ ya Yaasa ĩla yaĩ weũnĩ na mokita na andũ ma Ĩsilaeli. 24Kaũnĩ ũsu andũ ma Ĩsilaeli nĩmooaie Mũsumbĩ Sioni na moosa nthĩ yake ĩla yumĩte Ũsĩnĩ wa Alinoni ĩkathi ngalĩko ya ĩũlũ kũvika Ũsĩnĩ wa Yavoki nginya nthĩ ya Aamimoni; mũvaka wa nthĩ ya Aamimoni waĩ mwiĩĩe ũkalũma.#21.24 Mũvaka wa nthĩ ya Aamimoni: Maandĩko amwe maĩtye Yaseli nĩ yo yaĩ mũvaka wa Aamimoni 25Andũ ma Ĩsilaeli nĩmakwatie ndũa syonthe sya Aamoli vamwe na ndũa ya Esivoni na motũi ala maithyũlũlũkĩte na matũa nthĩnĩ wasyo. 26Esivoni nĩw'o waĩ mũsyĩ mũnene wa Sioni mũsumbĩ wa Aamoli. Mũsumbĩ Sioni vau mbeenĩ nĩwokitĩte na mũsumbĩ wa Moavi na akakwata nthĩ yake yonthe kũthi kũvika Ũsĩnĩ wa Alinoni. 27Kĩu nĩkyo kĩtumaa aini ma mbathi maina mayasya atĩĩ,
“Ũkai ndũanĩ ya Esivoni, na ĩyakwa ĩngĩ,
ndũa ya mũsumbĩ Sioni nĩlũlũmĩĩlw'e!
28 #
Yel 48.45-46
Ĩvinda yĩmwe kuma ndũanĩ ya Esivoni
asikalĩ ma kaũ ma mũsumbĩ Sioni nĩmaumie mailyĩ ta mwaki;
Nĩmaanangie ndũa ya Ali ĩla yĩ Moavi,
na maananga iĩma ila syĩ ngalĩko ya ĩũlũ ya Alinoni.
29Kyeva nĩ kwenyu, inyw'ĩ andũ ma Moavi!
Inyw'ĩ ala mũthaithaa ngai ĩla yĩtawa Kemosi nĩmwathela!
Ngai yenyu nĩyatũmie aũme makĩa mathi kwĩvitha nthĩ ĩte yoo,
na aka menyu matw'ĩka ngombo sya Sioni mũsumbĩ wa Aamoli.
30Ĩndĩ yu nĩtũmasindĩte,
kuma Esivoni kũthi kũvika Ndivoni,
na nĩtũmaminĩte kũthi kũvika Novia,
ĩla ĩendete kũvika Meteva.”
31Kwoou andũ ma Ĩsilaeli nĩmatũie kĩsionĩ kya nthĩ kya Aamoli. 32Mwose nĩwatũmie andũ makamanye kwa kĩmbithĩ ũndũ ndũa ya Yaseli ĩilyĩ. Andũ ma Ĩsilaeli nĩmakwatie ndũa ĩsu na motũi ala mamĩthyũlũlũkĩte, na malũngya Aamoli onthe ala matwĩe vo.
33Nĩvo ĩndĩ andũ ma Ĩsilaeli mavĩndũkie mathi na nzĩa ĩla ĩendete Mbasani. Mũsumbĩ Oku wa Mbasani na asikalĩ make onthe nĩmaendie kũkitĩa na andũ ma Ĩsilaeli vandũ vetawa Etilei. 34Mwĩai Ngai nĩweeie Mwose atĩĩ, “Ndũkakĩe Mũsumbĩ Oku nũndũ nĩngũũnenga vinya wa kũmũsinda, vamwe na asikalĩ make onthe, na nthĩ yake yonthe. Mwĩke ũndũ weekanie na Sioni mũsumbĩ wa Aamoli ũla wasumbĩkĩte Esivoni.” 35Kwoou andũ ma Ĩsilaeli nĩmooaie Mũsumbĩ Oku, ana make, na andũ make onthe. Mayaatialya mũndũ o na ũmwe. Nĩmoosie nthĩ yake mamĩmesya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011