Mot 22
22
Mbalaki Mũsumbĩ wa Moavi Aitũmana Mbalaamu
1Andũ ma Ĩsilaeli nĩmaendeeie na kyalo kyoo na mathi kwamba maeema moo ũiĩnĩ wa Moavi, ũla wĩ ngalĩko ya wumĩlonĩ wa syũa ya Ũsĩ wa Yolotani na wĩ mũingo wa ndũa ya Yeliko.
2Yĩla Mbalaki mwana wa Nzivoli mũsumbĩ wa Moavi weewie ũndũ andũ ma Ĩsilaeli meekanĩte na Aamoli, 3na ũndũ andũ ma Ĩsilaeli maingĩvĩte, we na andũ make onthe nĩmakwatiwe nĩ w'ĩa mwingĩ mũno. 4Amoavi nĩmatavisye atongoi ma andũ ma nthĩ ya Mitiani mamea atĩĩ, “Oyu mĩtũkĩ nguthu ĩno ya andũ nĩkũmina syĩndũ ila itũthyũlũlũkĩte o tondũ nzaũ ĩĩsaa nyeki kĩsesinĩ.” Kwoou Mũsumbĩ Mbalaki 5#Mot 31.8; 2Vet 2.15-16; Yuta 11 nĩwatũmie andũ makete Mbalaamu mwana wa Mbeoli ũla watwĩe ndũanĩ ya Vetholi, ĩla yĩ vakuvĩ na Ũsĩ wa Euvalati nthĩ ĩla wasyaĩwe. Mbalaki nĩwameie makamwĩe atĩĩ, “Nĩngwenda ũmanye kana ve andũ ma mbaĩ nima mokie kuma nthĩ ya Misili. Andũ ma mbaĩ ĩsu nĩmanyaĩĩkĩte kĩla vandũ na nĩmekũtũvena nthĩ yaitũ. 6Andũ asu nĩ aingĩ kwĩ ithyĩ na kwoou ũka ũmaumanĩe. Nĩvatonyeka weeka ũu ngethĩwa ndonya kũmasinda na ngĩmalũngya maume nthĩ ĩno. Nĩnĩsĩ vyũ kana yĩla waneena ndeto sya kũathima andũ nĩmaathimawa, na yĩla waneena ndeto sya kũumanĩa andũ nĩmakwatawa nĩ kĩumo.”
7Atongoi ma andũ ma Moavi na Mitiani nĩmaendie makuĩte ndĩvi ĩla yaĩvawa nĩ andũ yĩla mathi kũaũsya. Mavika vala ve Mbalaamu nĩmamũtavisye ũndũ Mbalaki watũmanĩte. 8Mbalaamu nĩwameie atĩĩ, “Komelai kũũ, na ũnĩ ngamũtavya ũndũ Mwĩai Ngai ũkũndavya.” Kwoou atongoi asu nĩmekalile kũu me na Mbalaamu.
9Ngai nĩwookie vala ve Mbalaamu na amũkũlya atĩĩ, “Andũ aa me kwaku nĩ aaũ?”
10Mbalaamu amũsũngĩa amwĩa atĩĩ, “Mũsumbĩ Mbalaki wa Moavi nũmatũmie moke kũndavya 11kana ve andũ ma mbaĩ nima mokie kuma nthĩ ya Misili na nĩmanyaĩĩkĩte kĩla vandũ. Eenda nĩthi ngamaumanĩe nĩ kana atonye kũmasinda na kũmalũngya mathi.”
12Nĩvo ĩndĩ Ngai weeie Mbalaamu atĩĩ, “Ndũkaendany'e na andũ aa, na ndũkaumanĩe andũ ma Ĩsilaeli, nũndũ nyie nĩnĩmaathimĩte.”
13Ũnĩ ũsu kwakya Mbalaamu nĩweeie andũ asu matũmĩtwe nĩ Mbalaki atĩĩ, “Ĩnũkai; Mwĩai Ngai nũmbatie ngĩendany'a nenyu.” 14Kwoou andũ asu nĩmasyokie kũla kwĩ Mbalaki na mamwĩa kana Mbalaamu nũleile ayũkany'a namo.
15Mbalaki nĩwatũmie atongoi angĩ aingĩ na me ndaĩa kwĩ ala watũmĩte mbeenĩ. 16Nĩmaendie vala ve Mbalaamu na mamwĩa atĩĩ, “Mbalaki mwana wa Nzivoli ekwĩa atĩĩ, ‘Mwa ndũkasiĩĩwe nĩ kĩndũ ũlee kũka kũla nĩĩ. 17Nĩngũũtuva nesa mũno, na nĩngwĩka kĩla ũũndavya kyonthe. Ũka ũnumanĩĩe andũ aa.’ ”
18Ĩndĩ Mbalaamu nĩwasũngĩie andũ asu matũmĩtwe amea atĩĩ, “O na Mbalaki akanenga silĩva na thaavu w'onthe ũla wĩ nyũmbanĩ yake ya kĩ-ũsumbĩ, ndyĩsa kũlea kũatĩĩa mwĩao ũla Mwĩai Ngai, Ngai wakwa wĩaĩte, o na ethĩwa nĩ ũndũ mũnene kana mũnini. 19Komelai kũũ o ũndũ atongoi ala angĩ maneekie na nĩ ngũmanya kana Mwĩai Ngai nũkũndavya ũndũ ũngĩ.”
20Ũtukũ ũsu, Ngai nĩwookie vala ve Mbalaamu na amwĩa, “Ethĩwa andũ aa mooka kũkwĩta mũendany'e, endany'a namo, ĩndĩ ĩka o ũndũ ngũũtavya.” 21Kwoou ũnĩ ũsu kwakya Mbalaamu nĩwaamũkie, ailĩĩla matandĩko ĩng'oinĩ yake na yamũkua aendany'a na ala atongoi ma Amoavi.
Mbalaamu na Ĩng'oi yake Maikomana na Mũlaĩka
22Ngai nĩwathatie yĩla Mbalaamu wambĩĩie kyalo kya kũthi kwa Mbalaki. Mbalaamu alĩsĩte ĩng'oinĩ yake na aendanĩtye na athũkũmi make elĩ, mũlaĩka wa Mwĩai Ngai nĩwaũngamie mbee wake na amũsiĩĩa. 23Yĩla ĩng'oi yĩu yoonie mũlaĩka wa Mwĩai Ngai aũngamĩte nzĩanĩ akwete ũvyũ, nĩyaumie nzĩanĩ na yalika mũũndanĩ. Mbalaamu nĩwayĩkũnie na ayĩtũnga nzĩanĩ. 24Nĩvo ĩndĩ mũlaĩka ũsu wa Mwĩai Ngai waũngamie kasĩlanĩ katheke kala kaĩ na ngũta ngalĩko syelĩ, kesĩlĩte katĩ wa mĩũnda ĩlĩ ya mĩsavivũ. 25Yĩla ĩng'oi yĩu yoonie mũlaĩka ũsu, nĩyeethũũnanisye na ũkũta na yavinyĩanĩsya kũũ kwa Mbalaamu na ũkũta ũsu. Kwoou Mbalaamu nĩwakũnie ĩng'oi yĩu ĩngĩ. 26Mũlaĩka ũsu nĩwaendie mbee ĩngĩ na aũngamĩla vandũ vatheke vala vataĩ ũthei wa kwathũka ngalĩko ya kw'oko kwa aũme kana ya kw'oko kwa aka. 27Yĩla ĩng'oi yĩu yoonie mũlaĩka, nĩyatindiie o yĩkuĩte Mbalaamu. Nĩwathatiw'e mũno nĩ ĩng'oi yĩu na ayĩkũna na ndata yake. 28Nĩvo ĩndĩ Mwĩai Ngai wanengie ĩng'oi yĩu ũtonyi wa kũneena, na yakũlya Mbalaamu atĩĩ, “Nakwĩka ata nĩ kana ũngũne mavinda asu atatũ?”
29Mbalaamu ayĩsũngĩa, “We nĩwambũĩa ngũĩ! Kethĩwa nĩnĩkwete ũvyũ, no nĩkũae oyu.”
30Ĩng'oi nĩyamũkũlilye atĩĩ, “Nyie ndi ĩng'oi yaku yĩla yĩũkuaa kĩla ĩvinda kũvika ũmũnthĩ? Naakwĩka ũndũ ta ũũ ĩngĩ?”
Mbalaamu nĩwayĩsũngĩie ayĩa, “Aiee.”
31Nĩvo ĩndĩ Mwĩai Ngai wavingũie metho ma Mbalaamu nake oona mũlaĩka wa Mwĩai Ngai aũngamĩte nzĩanĩ akwete ũvyũ. Mbalaamu nĩwakomie nthĩ na ĩvu. 32Mũlaĩka wa Mwĩai Ngai amũkũlya atĩĩ, “Wakũna ĩng'oi yaku mavinda asu atatũ nĩkĩ? Nooka nzĩanĩ ngũsiĩĩe nũndũ ndwaĩlĩte kwĩthĩwa ũendete kyalo kĩĩ. 33Ĩng'oi yaku yambona nĩyeeveta nzĩanĩ mavinda atatũ. Kethĩwa yĩineka ũu vate nzika nĩthĩwa nakũaa na ngĩekana nayo.”
34Mbalaamu nĩwasũngĩie mũlaĩka ũsu amwĩa atĩĩ, “Nĩnĩvĩtĩtye nũndũ ndyĩĩsĩ kana wĩĩũngamĩte nzĩanĩ ũnziĩĩe. Ethĩwa ndũkwenda ngĩendeea na kyalo kĩĩ nĩngũsyoka mũsyĩ.”
35Ĩndĩ mũlaĩka amwĩa atĩĩ, “Endany'a na andũ aa, ĩndĩ ũkaneenaa o kĩla nĩkũtavasya.” Kwoou Mbalaamu nĩwaendeeie na kyalo e na ala andũ matũmĩtwe nĩ Mbalaki.
Mũsumbĩ Mbalaki Aithokya Mbalaamu
36Yĩla Mbalaki weewie kana Mbalaamu nĩwũkĩte, nĩwaendie kũmũthaũa ndũanĩ yĩtawa Ali. Ndũa ĩsu yĩ mũvakanĩ wa kĩsio kya nthĩ kya Amoavi, vakuvĩ na Ũsĩ wa Alinoni. 37Mbalaki nĩwakũlilye Mbalaamu atĩĩ, “Ũnaleile kũka yĩla nĩnakũtũmanie ĩvinda ya mbee nĩkĩ? Ũnasũanĩaa kana nditonya ũkũnenga ĩtuvi yĩla yĩkwĩanĩe?”
38Mbalaamu nĩwamũsũngĩie amwĩa atĩĩ, “Yu nĩnooka vala ũĩ, ĩndĩ nditonya kũneena ũndũ o na ũmwe, ate o kĩla Ngai ũkũndavya.” 39Nĩvo ĩndĩ Mbalaamu na Mbalaki maendanisye ndũanĩ ya Kiliathi-usothi. 40Me kũu Mbalaki nĩwathembie ng'ombe na malondu, na anenga Mbalaamu na atongoi me ndaĩa ala maĩ vamwe nake nyama imwe.
Wathani wa Mbee wa Mbalaamu
41Ũnĩ ũsu kwakya Mbalaki nĩwaendanisye na Mbalaamu na mambata vandũ vetawa Mbamothi-mbaali, vala Mbalaamu waĩ atonya kwona andũ amwe ma Ĩsilaeli.
Currently Selected:
Mot 22: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 22
22
Mbalaki Mũsumbĩ wa Moavi Aitũmana Mbalaamu
1Andũ ma Ĩsilaeli nĩmaendeeie na kyalo kyoo na mathi kwamba maeema moo ũiĩnĩ wa Moavi, ũla wĩ ngalĩko ya wumĩlonĩ wa syũa ya Ũsĩ wa Yolotani na wĩ mũingo wa ndũa ya Yeliko.
2Yĩla Mbalaki mwana wa Nzivoli mũsumbĩ wa Moavi weewie ũndũ andũ ma Ĩsilaeli meekanĩte na Aamoli, 3na ũndũ andũ ma Ĩsilaeli maingĩvĩte, we na andũ make onthe nĩmakwatiwe nĩ w'ĩa mwingĩ mũno. 4Amoavi nĩmatavisye atongoi ma andũ ma nthĩ ya Mitiani mamea atĩĩ, “Oyu mĩtũkĩ nguthu ĩno ya andũ nĩkũmina syĩndũ ila itũthyũlũlũkĩte o tondũ nzaũ ĩĩsaa nyeki kĩsesinĩ.” Kwoou Mũsumbĩ Mbalaki 5#Mot 31.8; 2Vet 2.15-16; Yuta 11 nĩwatũmie andũ makete Mbalaamu mwana wa Mbeoli ũla watwĩe ndũanĩ ya Vetholi, ĩla yĩ vakuvĩ na Ũsĩ wa Euvalati nthĩ ĩla wasyaĩwe. Mbalaki nĩwameie makamwĩe atĩĩ, “Nĩngwenda ũmanye kana ve andũ ma mbaĩ nima mokie kuma nthĩ ya Misili. Andũ ma mbaĩ ĩsu nĩmanyaĩĩkĩte kĩla vandũ na nĩmekũtũvena nthĩ yaitũ. 6Andũ asu nĩ aingĩ kwĩ ithyĩ na kwoou ũka ũmaumanĩe. Nĩvatonyeka weeka ũu ngethĩwa ndonya kũmasinda na ngĩmalũngya maume nthĩ ĩno. Nĩnĩsĩ vyũ kana yĩla waneena ndeto sya kũathima andũ nĩmaathimawa, na yĩla waneena ndeto sya kũumanĩa andũ nĩmakwatawa nĩ kĩumo.”
7Atongoi ma andũ ma Moavi na Mitiani nĩmaendie makuĩte ndĩvi ĩla yaĩvawa nĩ andũ yĩla mathi kũaũsya. Mavika vala ve Mbalaamu nĩmamũtavisye ũndũ Mbalaki watũmanĩte. 8Mbalaamu nĩwameie atĩĩ, “Komelai kũũ, na ũnĩ ngamũtavya ũndũ Mwĩai Ngai ũkũndavya.” Kwoou atongoi asu nĩmekalile kũu me na Mbalaamu.
9Ngai nĩwookie vala ve Mbalaamu na amũkũlya atĩĩ, “Andũ aa me kwaku nĩ aaũ?”
10Mbalaamu amũsũngĩa amwĩa atĩĩ, “Mũsumbĩ Mbalaki wa Moavi nũmatũmie moke kũndavya 11kana ve andũ ma mbaĩ nima mokie kuma nthĩ ya Misili na nĩmanyaĩĩkĩte kĩla vandũ. Eenda nĩthi ngamaumanĩe nĩ kana atonye kũmasinda na kũmalũngya mathi.”
12Nĩvo ĩndĩ Ngai weeie Mbalaamu atĩĩ, “Ndũkaendany'e na andũ aa, na ndũkaumanĩe andũ ma Ĩsilaeli, nũndũ nyie nĩnĩmaathimĩte.”
13Ũnĩ ũsu kwakya Mbalaamu nĩweeie andũ asu matũmĩtwe nĩ Mbalaki atĩĩ, “Ĩnũkai; Mwĩai Ngai nũmbatie ngĩendany'a nenyu.” 14Kwoou andũ asu nĩmasyokie kũla kwĩ Mbalaki na mamwĩa kana Mbalaamu nũleile ayũkany'a namo.
15Mbalaki nĩwatũmie atongoi angĩ aingĩ na me ndaĩa kwĩ ala watũmĩte mbeenĩ. 16Nĩmaendie vala ve Mbalaamu na mamwĩa atĩĩ, “Mbalaki mwana wa Nzivoli ekwĩa atĩĩ, ‘Mwa ndũkasiĩĩwe nĩ kĩndũ ũlee kũka kũla nĩĩ. 17Nĩngũũtuva nesa mũno, na nĩngwĩka kĩla ũũndavya kyonthe. Ũka ũnumanĩĩe andũ aa.’ ”
18Ĩndĩ Mbalaamu nĩwasũngĩie andũ asu matũmĩtwe amea atĩĩ, “O na Mbalaki akanenga silĩva na thaavu w'onthe ũla wĩ nyũmbanĩ yake ya kĩ-ũsumbĩ, ndyĩsa kũlea kũatĩĩa mwĩao ũla Mwĩai Ngai, Ngai wakwa wĩaĩte, o na ethĩwa nĩ ũndũ mũnene kana mũnini. 19Komelai kũũ o ũndũ atongoi ala angĩ maneekie na nĩ ngũmanya kana Mwĩai Ngai nũkũndavya ũndũ ũngĩ.”
20Ũtukũ ũsu, Ngai nĩwookie vala ve Mbalaamu na amwĩa, “Ethĩwa andũ aa mooka kũkwĩta mũendany'e, endany'a namo, ĩndĩ ĩka o ũndũ ngũũtavya.” 21Kwoou ũnĩ ũsu kwakya Mbalaamu nĩwaamũkie, ailĩĩla matandĩko ĩng'oinĩ yake na yamũkua aendany'a na ala atongoi ma Amoavi.
Mbalaamu na Ĩng'oi yake Maikomana na Mũlaĩka
22Ngai nĩwathatie yĩla Mbalaamu wambĩĩie kyalo kya kũthi kwa Mbalaki. Mbalaamu alĩsĩte ĩng'oinĩ yake na aendanĩtye na athũkũmi make elĩ, mũlaĩka wa Mwĩai Ngai nĩwaũngamie mbee wake na amũsiĩĩa. 23Yĩla ĩng'oi yĩu yoonie mũlaĩka wa Mwĩai Ngai aũngamĩte nzĩanĩ akwete ũvyũ, nĩyaumie nzĩanĩ na yalika mũũndanĩ. Mbalaamu nĩwayĩkũnie na ayĩtũnga nzĩanĩ. 24Nĩvo ĩndĩ mũlaĩka ũsu wa Mwĩai Ngai waũngamie kasĩlanĩ katheke kala kaĩ na ngũta ngalĩko syelĩ, kesĩlĩte katĩ wa mĩũnda ĩlĩ ya mĩsavivũ. 25Yĩla ĩng'oi yĩu yoonie mũlaĩka ũsu, nĩyeethũũnanisye na ũkũta na yavinyĩanĩsya kũũ kwa Mbalaamu na ũkũta ũsu. Kwoou Mbalaamu nĩwakũnie ĩng'oi yĩu ĩngĩ. 26Mũlaĩka ũsu nĩwaendie mbee ĩngĩ na aũngamĩla vandũ vatheke vala vataĩ ũthei wa kwathũka ngalĩko ya kw'oko kwa aũme kana ya kw'oko kwa aka. 27Yĩla ĩng'oi yĩu yoonie mũlaĩka, nĩyatindiie o yĩkuĩte Mbalaamu. Nĩwathatiw'e mũno nĩ ĩng'oi yĩu na ayĩkũna na ndata yake. 28Nĩvo ĩndĩ Mwĩai Ngai wanengie ĩng'oi yĩu ũtonyi wa kũneena, na yakũlya Mbalaamu atĩĩ, “Nakwĩka ata nĩ kana ũngũne mavinda asu atatũ?”
29Mbalaamu ayĩsũngĩa, “We nĩwambũĩa ngũĩ! Kethĩwa nĩnĩkwete ũvyũ, no nĩkũae oyu.”
30Ĩng'oi nĩyamũkũlilye atĩĩ, “Nyie ndi ĩng'oi yaku yĩla yĩũkuaa kĩla ĩvinda kũvika ũmũnthĩ? Naakwĩka ũndũ ta ũũ ĩngĩ?”
Mbalaamu nĩwayĩsũngĩie ayĩa, “Aiee.”
31Nĩvo ĩndĩ Mwĩai Ngai wavingũie metho ma Mbalaamu nake oona mũlaĩka wa Mwĩai Ngai aũngamĩte nzĩanĩ akwete ũvyũ. Mbalaamu nĩwakomie nthĩ na ĩvu. 32Mũlaĩka wa Mwĩai Ngai amũkũlya atĩĩ, “Wakũna ĩng'oi yaku mavinda asu atatũ nĩkĩ? Nooka nzĩanĩ ngũsiĩĩe nũndũ ndwaĩlĩte kwĩthĩwa ũendete kyalo kĩĩ. 33Ĩng'oi yaku yambona nĩyeeveta nzĩanĩ mavinda atatũ. Kethĩwa yĩineka ũu vate nzika nĩthĩwa nakũaa na ngĩekana nayo.”
34Mbalaamu nĩwasũngĩie mũlaĩka ũsu amwĩa atĩĩ, “Nĩnĩvĩtĩtye nũndũ ndyĩĩsĩ kana wĩĩũngamĩte nzĩanĩ ũnziĩĩe. Ethĩwa ndũkwenda ngĩendeea na kyalo kĩĩ nĩngũsyoka mũsyĩ.”
35Ĩndĩ mũlaĩka amwĩa atĩĩ, “Endany'a na andũ aa, ĩndĩ ũkaneenaa o kĩla nĩkũtavasya.” Kwoou Mbalaamu nĩwaendeeie na kyalo e na ala andũ matũmĩtwe nĩ Mbalaki.
Mũsumbĩ Mbalaki Aithokya Mbalaamu
36Yĩla Mbalaki weewie kana Mbalaamu nĩwũkĩte, nĩwaendie kũmũthaũa ndũanĩ yĩtawa Ali. Ndũa ĩsu yĩ mũvakanĩ wa kĩsio kya nthĩ kya Amoavi, vakuvĩ na Ũsĩ wa Alinoni. 37Mbalaki nĩwakũlilye Mbalaamu atĩĩ, “Ũnaleile kũka yĩla nĩnakũtũmanie ĩvinda ya mbee nĩkĩ? Ũnasũanĩaa kana nditonya ũkũnenga ĩtuvi yĩla yĩkwĩanĩe?”
38Mbalaamu nĩwamũsũngĩie amwĩa atĩĩ, “Yu nĩnooka vala ũĩ, ĩndĩ nditonya kũneena ũndũ o na ũmwe, ate o kĩla Ngai ũkũndavya.” 39Nĩvo ĩndĩ Mbalaamu na Mbalaki maendanisye ndũanĩ ya Kiliathi-usothi. 40Me kũu Mbalaki nĩwathembie ng'ombe na malondu, na anenga Mbalaamu na atongoi me ndaĩa ala maĩ vamwe nake nyama imwe.
Wathani wa Mbee wa Mbalaamu
41Ũnĩ ũsu kwakya Mbalaki nĩwaendanisye na Mbalaamu na mambata vandũ vetawa Mbamothi-mbaali, vala Mbalaamu waĩ atonya kwona andũ amwe ma Ĩsilaeli.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011