Mot 23
23
1Mbalaamu nĩweeie Mbalaki atĩĩ, “Nzeũvĩsye ithembeo mũonza vaa, na ũindetee tũsalũ mũonza na ndũũme mũonza.”
2Mbalaki nĩweekie ũndũ weeiwe, na e na Mbalaamu mathembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu. 3Nĩvo ĩndĩ Mbalaamu weeie Mbalaki atĩĩ, “Ũngama vakuvĩ na nthembo yaku ya kũvĩvw'a, nakwa nĩngũthi vandũ ũtee. Nokwĩthĩwa Mwĩai Ngai atonya kũka tũkakomana. Kyonthe kĩla ũkũmbuanĩsya nĩngũũtavya.” Mbalaamu nĩwambatie kĩĩmanĩ vandũ vate kĩndũ. 4Ngai nĩwakomanie nake, na Mbalaamu amwĩa atĩĩ, “Nĩnĩseũvĩtye ithembeo mũonza na ĩũlũ wa kĩla kĩmwe nĩnĩthembete kasalũ na ndũũme.”
5Mwĩai Ngai nĩwanengie Mbalaamu ũtũmani ũla waaĩlĩte kũtwaĩa Mbalaki, na amwĩa nĩasyoke vala ũĩ akamũtavye. 6Kwoou Mbalaamu nĩwasyokie na eethĩa Mbalaki aũngamĩte vakuvĩ na ĩla nthembo yake ya kũvĩvw'a e vamwe na atongoi ma Amoavi.
7Nĩvo ĩndĩ Mbalaamu waneenie wathani ũũ:
“Mbalaki andetete kuma Silia,
Mũsumbĩ wa Amoavi andetete kuma iĩmanĩ ila syĩ ngalĩko ya wumĩlonĩ wa syũa akambĩa,
‘Ũka ũnumanĩĩe andũ ma Ĩsilaeli,
ũka ũneene ĩũlũ wa kũminwa kwoo.’
8Ndonya ata kũumanĩa andũ ala Ngai ũtaumanĩĩte?
Ndonya ata kũneena ĩũlũ wa wanangĩko wa
andũ ala Mwĩai Ngai ũtaĩtye manangwe?
9Kuma mavianĩ matũlu nĩngũmona,
kuma iĩmanĩ nĩnĩmene.
Nĩona andũ mekalaa me oka;
na mayĩtalaa kwĩthĩwa me ũndũ ũmwe na mbaĩ ila ingĩ.
10Nzyawa sya Ĩsilaeli syĩana kĩtoo,
nĩ mbingĩ ũkethĩa iitalĩka.
Eka mũminũkĩlyo wa thayũ wakwa wĩĩthĩwa ta woo,
nĩkw'e ta ala alũngalu.”
11Nĩvo ĩndĩ Mbalaki weeie Mbalaamu atĩĩ, “Wambĩka ata? Ngũetete vaa ũumanĩe amaitha makwa, ĩndĩ weeka kũmaathima.” 12Mbalaamu nĩwamũsũngĩie amwĩa atĩĩ, “Nyie ndonya kũneena o kĩla Mwĩai Ngai ũmbĩĩte nĩneene.”
Wathani wa Kelĩ wa Mbalaamu
13Mbalaki nĩweeie Mbalaamu, “Ũka tũthi vala ũtonya kwona andũ amwe ma Ĩsilaeli. Numanĩĩe andũ asu kuma vau.” 14Mbalaki nĩwatwaie Mbalaamu kĩsesinĩ kĩla kĩ Nzovimu, mũthyanĩ wa Kĩĩma kya Visika. Vau o navo Mbalaamu nĩwaakie ithembeo mũonza, na athembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu.
15Mbalaamu nĩweeie Mbalaki atĩĩ, “Ũngama vakuvĩ na nthembo yaku ya kũvĩvw'a nakwa nĩngũthi kũkomanĩa na Ngai vaya mbeange.”
16Mwĩai Ngai nĩwakomanie na Mbalaamu na amũnenga ũtũmani ũla waaĩlĩte kũtwaĩa Mbalaki na amwĩa nĩasyoke vala ũĩ akamũtavye. 17Mbalaamu nĩwasyokie na eethĩa Mbalaki aũngamĩte vakuvĩ na ĩla nthembo yake ya kũvĩvw'a, e vamwe na atongoi ma Amoavi. Mbalaki nĩwamũkũlilye atĩĩ, “Mwĩai Ngai akwĩa ata?” 18Nĩvo ĩndĩ Mbalaamu waneenie wathani ũũ:
“Ũkĩla we Mbalaki na ũyĩthukĩĩsya,
mbĩthukĩĩsye we mwana wa Nzivoli.
19Ngai ti mũndũ, ũndũ ũneena ũvũngũ;
Ngai ti ta mũndũ, ũla ũtonya kũvĩndũa mosũanĩo make.
Kyonthe kĩla wathana nĩwĩanĩasya;
nũneenaa na ayĩanĩsya.
20Nyie nĩneeaĩwa nĩathime,
Ngai nũathimĩte, na nditonya kũalyũla ũathimo ũsu.
21Mwĩai Ngai ndaaona ũthũku wa andũ ma Ĩsilaeli,
kana akona andũ asu me na ĩvĩtyo;
Mwĩai Ngai, Ngai woo e vamwe namo,
na maneenaa mayasya kana nĩwe mũsumbĩ woo.
22Ngai nĩwe wamaumisye nthĩ ya Misili,
vinya wake wa kũmokitĩa nĩ ta wa mboo.
23Nĩw'o, vai ũoi kana kũaũsya kũtonya kũtũmĩwa,
nĩ kana andũ ma Ĩsilaeli mekwe naĩ.
Yu andũ makaneenaa ĩũlũ wa andũ ma Ĩsilaeli mayasya,
‘Sisyai maũndũ ala Ngai wĩkĩte!’
24Andũ ma Ĩsilaeli mailyĩ ta mũnyambũ mũka ũkĩlĩte;
mailyĩ ta mũnyambũ mũũme ũũngamĩte,
ndũthũmũaa nginya yĩla wĩũaa nyamũ,
ũmĩye na kũnyw'a nthakame ya yo.”
25Nĩvo ĩndĩ Mbalaki weeie Mbalaamu atĩĩ, “Nĩwalea kũumanĩa andũ ma Ĩsilaeli, ĩndĩ ndũkamaathime o na vanini!”
26Mbalaamu nĩwamũkũlilye atĩĩ, “Nyie ndikũtavisye kana no nginya nĩke maũndũ ala Mwĩai Ngai ũndavĩtye?”
Wathani wa Katatũ wa Mbalaamu
27Mbalaki nĩweeie Mbalaamu atĩĩ, “Ũka tũthi ngũtwae vandũ vangĩ. Nĩ kwĩthĩwa Ngai endeew'a nĩ ũkũnenga mwanya ũmbumanĩĩe andũ ma Ĩsilaeli wĩ vau.” 28Kwoou Mbalaki nĩwamũtwaie mũthyanĩ wa kĩĩma kĩtawa Veoli kĩla kyelekele weũnĩ. 29Mbalaamu nĩweeie Mbalaki atĩĩ, “Mbakĩe ithembeo mũonza vaa na ũindetee tũsalũ mũonza na ndũũme mũonza.” 30Mbalaki nĩweekie ũndũ weeiwe na athembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu.
Currently Selected:
Mot 23: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mot 23
23
1Mbalaamu nĩweeie Mbalaki atĩĩ, “Nzeũvĩsye ithembeo mũonza vaa, na ũindetee tũsalũ mũonza na ndũũme mũonza.”
2Mbalaki nĩweekie ũndũ weeiwe, na e na Mbalaamu mathembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu. 3Nĩvo ĩndĩ Mbalaamu weeie Mbalaki atĩĩ, “Ũngama vakuvĩ na nthembo yaku ya kũvĩvw'a, nakwa nĩngũthi vandũ ũtee. Nokwĩthĩwa Mwĩai Ngai atonya kũka tũkakomana. Kyonthe kĩla ũkũmbuanĩsya nĩngũũtavya.” Mbalaamu nĩwambatie kĩĩmanĩ vandũ vate kĩndũ. 4Ngai nĩwakomanie nake, na Mbalaamu amwĩa atĩĩ, “Nĩnĩseũvĩtye ithembeo mũonza na ĩũlũ wa kĩla kĩmwe nĩnĩthembete kasalũ na ndũũme.”
5Mwĩai Ngai nĩwanengie Mbalaamu ũtũmani ũla waaĩlĩte kũtwaĩa Mbalaki, na amwĩa nĩasyoke vala ũĩ akamũtavye. 6Kwoou Mbalaamu nĩwasyokie na eethĩa Mbalaki aũngamĩte vakuvĩ na ĩla nthembo yake ya kũvĩvw'a e vamwe na atongoi ma Amoavi.
7Nĩvo ĩndĩ Mbalaamu waneenie wathani ũũ:
“Mbalaki andetete kuma Silia,
Mũsumbĩ wa Amoavi andetete kuma iĩmanĩ ila syĩ ngalĩko ya wumĩlonĩ wa syũa akambĩa,
‘Ũka ũnumanĩĩe andũ ma Ĩsilaeli,
ũka ũneene ĩũlũ wa kũminwa kwoo.’
8Ndonya ata kũumanĩa andũ ala Ngai ũtaumanĩĩte?
Ndonya ata kũneena ĩũlũ wa wanangĩko wa
andũ ala Mwĩai Ngai ũtaĩtye manangwe?
9Kuma mavianĩ matũlu nĩngũmona,
kuma iĩmanĩ nĩnĩmene.
Nĩona andũ mekalaa me oka;
na mayĩtalaa kwĩthĩwa me ũndũ ũmwe na mbaĩ ila ingĩ.
10Nzyawa sya Ĩsilaeli syĩana kĩtoo,
nĩ mbingĩ ũkethĩa iitalĩka.
Eka mũminũkĩlyo wa thayũ wakwa wĩĩthĩwa ta woo,
nĩkw'e ta ala alũngalu.”
11Nĩvo ĩndĩ Mbalaki weeie Mbalaamu atĩĩ, “Wambĩka ata? Ngũetete vaa ũumanĩe amaitha makwa, ĩndĩ weeka kũmaathima.” 12Mbalaamu nĩwamũsũngĩie amwĩa atĩĩ, “Nyie ndonya kũneena o kĩla Mwĩai Ngai ũmbĩĩte nĩneene.”
Wathani wa Kelĩ wa Mbalaamu
13Mbalaki nĩweeie Mbalaamu, “Ũka tũthi vala ũtonya kwona andũ amwe ma Ĩsilaeli. Numanĩĩe andũ asu kuma vau.” 14Mbalaki nĩwatwaie Mbalaamu kĩsesinĩ kĩla kĩ Nzovimu, mũthyanĩ wa Kĩĩma kya Visika. Vau o navo Mbalaamu nĩwaakie ithembeo mũonza, na athembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu.
15Mbalaamu nĩweeie Mbalaki atĩĩ, “Ũngama vakuvĩ na nthembo yaku ya kũvĩvw'a nakwa nĩngũthi kũkomanĩa na Ngai vaya mbeange.”
16Mwĩai Ngai nĩwakomanie na Mbalaamu na amũnenga ũtũmani ũla waaĩlĩte kũtwaĩa Mbalaki na amwĩa nĩasyoke vala ũĩ akamũtavye. 17Mbalaamu nĩwasyokie na eethĩa Mbalaki aũngamĩte vakuvĩ na ĩla nthembo yake ya kũvĩvw'a, e vamwe na atongoi ma Amoavi. Mbalaki nĩwamũkũlilye atĩĩ, “Mwĩai Ngai akwĩa ata?” 18Nĩvo ĩndĩ Mbalaamu waneenie wathani ũũ:
“Ũkĩla we Mbalaki na ũyĩthukĩĩsya,
mbĩthukĩĩsye we mwana wa Nzivoli.
19Ngai ti mũndũ, ũndũ ũneena ũvũngũ;
Ngai ti ta mũndũ, ũla ũtonya kũvĩndũa mosũanĩo make.
Kyonthe kĩla wathana nĩwĩanĩasya;
nũneenaa na ayĩanĩsya.
20Nyie nĩneeaĩwa nĩathime,
Ngai nũathimĩte, na nditonya kũalyũla ũathimo ũsu.
21Mwĩai Ngai ndaaona ũthũku wa andũ ma Ĩsilaeli,
kana akona andũ asu me na ĩvĩtyo;
Mwĩai Ngai, Ngai woo e vamwe namo,
na maneenaa mayasya kana nĩwe mũsumbĩ woo.
22Ngai nĩwe wamaumisye nthĩ ya Misili,
vinya wake wa kũmokitĩa nĩ ta wa mboo.
23Nĩw'o, vai ũoi kana kũaũsya kũtonya kũtũmĩwa,
nĩ kana andũ ma Ĩsilaeli mekwe naĩ.
Yu andũ makaneenaa ĩũlũ wa andũ ma Ĩsilaeli mayasya,
‘Sisyai maũndũ ala Ngai wĩkĩte!’
24Andũ ma Ĩsilaeli mailyĩ ta mũnyambũ mũka ũkĩlĩte;
mailyĩ ta mũnyambũ mũũme ũũngamĩte,
ndũthũmũaa nginya yĩla wĩũaa nyamũ,
ũmĩye na kũnyw'a nthakame ya yo.”
25Nĩvo ĩndĩ Mbalaki weeie Mbalaamu atĩĩ, “Nĩwalea kũumanĩa andũ ma Ĩsilaeli, ĩndĩ ndũkamaathime o na vanini!”
26Mbalaamu nĩwamũkũlilye atĩĩ, “Nyie ndikũtavisye kana no nginya nĩke maũndũ ala Mwĩai Ngai ũndavĩtye?”
Wathani wa Katatũ wa Mbalaamu
27Mbalaki nĩweeie Mbalaamu atĩĩ, “Ũka tũthi ngũtwae vandũ vangĩ. Nĩ kwĩthĩwa Ngai endeew'a nĩ ũkũnenga mwanya ũmbumanĩĩe andũ ma Ĩsilaeli wĩ vau.” 28Kwoou Mbalaki nĩwamũtwaie mũthyanĩ wa kĩĩma kĩtawa Veoli kĩla kyelekele weũnĩ. 29Mbalaamu nĩweeie Mbalaki atĩĩ, “Mbakĩe ithembeo mũonza vaa na ũindetee tũsalũ mũonza na ndũũme mũonza.” 30Mbalaki nĩweekie ũndũ weeiwe na athembea kasalũ kamwe na ndũũme ĩmwe ĩũlũ wa kĩla kĩmwe kya ithembeo isu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011