Mot 33
33
Kũla Andũ ma Ĩsilaeli me Kyalonĩ Mambie Maeema
1Ũelesyo ũũ ũatĩĩe nĩwonanĩtye masyĩtwa ma kũndũ kw'onthe kũla andũ ma Ĩsilaeli mambie maeema moo ĩtina wa kuma nthĩ ya Misili, kwĩanana na mbaĩ syoo matongoew'e nĩ Mwose na Alũni. 2Mwose nĩwaandĩkie masyĩtwa ma kũndũ kw'onthe kũla andũ ma Ĩsilaeli mambie maeema o tondũ Mwĩai Ngai wamwĩaĩĩte. Kyalo kyoo kyailyĩ ta ũũ:
3Andũ ma Ĩsilaeli maumie nthĩ ya Misili mũthenyanĩ wa ĩkũmi na itano mweinĩ wa mbee wa mwaka, mũthenya ũla waatĩĩe mamina kũya Mboka ya Vasaka ya mbee. Nĩmaumie ndũanĩ ya Lamesesi me na ũsindi mũnene andũ ma nthĩ ya Misili mamasyaĩĩsye. 4Ĩvindanĩ yĩu andũ ma Misili maendee kũthika ana moo ma mbee ma aũme ala Mwĩai Ngai wooaĩte. Kwa kwĩka ũu, Mwĩai Ngai nĩwoonanisye kana e ũtonyi mbee wa ngai sya andũ ma nthĩ ya Misili.
5Kwoou andũ ma Ĩsilaeli mauma ndũanĩ ya Lamesesi nĩmaendie kwamba maeema moo Sukothi. 6Kuma Sukothi nĩmaendeeie na kyalo na mamba maeema moo Ethamu, ĩla yĩ ũtee wa weũ. 7Kuma Ethamu nĩmavĩndũkie meelekela vandũ veetawa Vi-ailothi vala vaĩ ngalĩko ya wumĩlonĩ wa syũa ya Mbaali-nzevoni, na mamba maeema moo vakuvĩ na Mikitoli. 8Nĩmaumie Vi-ailothi na mainga Ũkanga Mũtune mathi kumĩlĩĩla weũnĩ wa Ethamu; ĩtina wa kyalo kya mĩthenya ĩtatũ nĩmambie maeema moo Mala. 9Kuma Mala, nĩmaendie kwambĩla maeema moo Elimu, vala vaĩ na ithima sya kĩw'ũ ĩkũmi na ilĩ na mĩtĩ ya mĩkĩndũ mĩongo mũonza.
10Andũ ma Ĩsilaeli mauma Elimu nĩmaendie kwamba maeema moo vakuvĩ na Ũkanga Mũtune. 11Kuma vau nĩmaendie kwamba maeema moo weũnĩ wa Sini. 12Kuma weũnĩ wa Sini nĩmaendeeie na kyalo mathi kwamba maeema moo Ndovika. 13Kuma Ndovika nĩmaendeeie na kyalo mathi kwamba maeema moo Alusi. 14Kuma Alusi nĩmaendie kwamba maeema moo Levitimu. Levitimu kũyaĩ kĩw'ũ andũ matonya kũnyw'a.
15Kuma Levitimu nĩmaendeeie na kyalo mathi kwamba maeema moo weũnĩ wa Sinaĩ. 16Kuma weũnĩ wa Sinaĩ nĩmaendeeie na kyalo mathi kwamba maeema moo Kĩvilothi-ataava. 17Kuma Kĩvilothi-ataava nĩmaendeeie na kyalo mathi kwamba maeema moo Aaselothi. 18Kuma Aaselothi nĩmaendeeie na kyalo mathi kwamba maeema moo Lithima. 19Kuma Lithima nĩmaendeeie na kyalo mathi kwamba maeema moo Limoni-velesi. 20Kuma Limoni-velesi nĩmaendeeie na kyalo mathi kwamba maeema moo Livina. 21Kuma Livina nĩmaendeeie na kyalo mathi kwamba maeema moo Lisa. 22Kuma Lisa nĩmaendeeie na kyalo mathi kwamba maeema moo Keelatha. 23Kuma Keelatha nĩmaendeeie na kyalo mathi kwamba maeema moo Kĩĩmanĩ kya Sieveli. 24Kuma Kĩĩmanĩ kya Sieveli nĩmaendeeie na kyalo mathi kwamba maeema moo Alata. 25Kuma Alata nĩmaendeeie na kyalo mathi kwamba maeema moo Makelothi. 26Kuma Makelothi nĩmaendeeie na kyalo mathi kwamba maeema moo Taathi. 27Kuma Taathi nĩmaendeeie na kyalo mathi kwamba maeema moo Tela. 28Kuma Tela nĩmaendeeie na kyalo mathi kwamba maeema moo Mithika. 29Kuma Mithika nĩmaendeeie na kyalo mathi kwamba maeema moo Asimona. 30Kuma Asimona nĩmaendeeie na kyalo mathi kwamba maeema moo Moselothi. 31Kuma Moselothi nĩmaendeeie na kyalo mathi kwamba maeema moo Mbene-yaakani. 32Kuma Mbene-yaakani nĩmaendeeie na kyalo mathi kwamba maeema moo Olu-akitikati. 33Kuma Olu-akitikati nĩmaendeeie na kyalo mathi kwamba maeema moo Yotivatha. 34Kuma Yotivatha nĩmaendeeie na kyalo mathi kwamba maeema moo Avilona. 35Kuma Avilona nĩmaendeeie na kyalo mathi kwamba maeema moo Esioni-ngeveli. 36Kuma Esioni-ngeveli nĩmaendeeie na kyalo mathi kwamba maeema moo weũnĩ wa Nzini, ũla kwa ĩsyĩtwa yĩngĩ wĩtawa Katesi. 37Kuma Katesi nĩmaendeeie na kyalo mathi kwamba maeema moo Kĩĩmanĩ kya Olu, kĩla kĩ ũtee wa nthĩ ya Etomu.
38Mũthembi Alũni nĩwambatie Kĩĩmanĩ kya Olu o tondũ Mwĩai Ngai weeaĩte. Nĩwakw'ĩĩie vau mũthenyanĩ wa mbee wa mwei wa katano, mwakanĩ wa mĩongo ĩna ĩtina wa andũ ma Ĩsilaeli mauma nthĩ ya Misili. 39Alũni aĩ na ũkũũ wa myaka ĩana na mĩongo ĩlĩ na ĩtatũ yĩla wakw'ĩĩe Kĩĩmanĩ kĩu kya Olu.
40 #
Mot 21.1
Mũsumbĩ Mũkanaani wa Alati ũla watwĩe ngalĩko ya ĩtheo ya nthĩ ya Kanaani ĩla yĩtawa Nengevu nĩweewie kana andũ ma Ĩsilaeli nĩmookĩte.
41Andũ ma Ĩsilaeli nĩmaumie Kĩĩmanĩ kya Olu, na maendeea na kyalo mathi kwamba maeema moo Nzalimona. 42Kuma Nzalimona nĩmaendeeie na kyalo mathi kwamba maeema moo Vunoni. 43Kuma Vunoni nĩmaendeeie na kyalo mathi kwamba maeema moo Ovothi. 44Kuma Ovothi nĩmaendeeie na kyalo mathi kwamba maeema moo Iye-avalimu, ĩla yĩ kĩsionĩ kya Moavi. 45Kuma Iye-avalimu nĩmaendeeie na kyalo mathi kwamba maeema moo Ndivoni-ngati. 46Kuma Ndivoni-ngati nĩmaendeeie na kyalo mathi kwamba maeema moo Alimoni-ndivilathaimu. 47Kuma Alimoni-ndivilathaimu nĩmaendeeie na kyalo mathi kwamba maeema moo iĩmanĩ sya Avalimu, ila syĩ vakuvĩ na kĩĩma kĩla kĩtawa Nevo. 48Kuma iĩmanĩ sya Avalimu nĩmaendeeie na kyalo mathi kwamba maeema moo ũiĩnĩ wa Moavi, mũingo wa Ũsĩ wa Yolotani vakuvĩ na Yeliko. 49Nĩmambie maeema moo vakuvĩ na Ũsĩ wa Yolotani ũiĩnĩ wa Moavi kuma Mbethi-yesimothi kũthi kũvika Aveli-sitimu.
Maũndũ ala Andũ ma Ĩsilaeli Maaĩlĩte Kwĩka Malika Kanaani
50Mwĩai Ngai nĩwaneeneie na Mwose ũiĩnĩ wa Moavi mũingo wa Ũsĩ wa Yolotani, vakuvĩ na Yeliko amwĩa atĩĩ, 51“Neena na andũ ma Ĩsilaeli ũmatavye kana mwamina kũinga Ũsĩ wa Yolotani mũlike nthĩ ya Kanaani, 52no nginya mũlũngye andũ onthe ala matũaa nthĩ ĩsu. Anangai mĩvw'anano ya ngai syoo ĩla ĩseũvĩtw'e na mavia masũvye na kyũma kĩtwekethye, na o ta ũu mũyananga kũndũ kwoo kw'onthe kũla mathaithĩaa. 53Osai nthĩ ĩsu yoo na mũitũa vo, nũndũ nĩnĩmũnengete yo yĩthĩwe yĩ yenyu. 54#Mot 26.54-56 Aanai nthĩ ĩsu kwa nzĩa ya kũkũna kula kwĩanana na mbaĩ syenyu; mbaĩ ĩla yĩna andũ aingĩ ĩnengwe kĩsio kĩnene kya nthĩ, na ĩla yĩna andũ anini ĩinengwa kĩsio kĩnini kya nthĩ. Kĩsio kĩla mbaĩ yĩkwata kwa kũkũna kula nĩkyo kĩĩthĩwa kyoo. Aany'ai nthĩ ĩsu kwĩanana na mbaĩ sya aaũmae menyu. 55Ĩndĩ mwalea kũlũngya andũ onthe ala matũaa nthĩ ya Kanaani, ala metiala makeethĩawa meany'a thĩna kwenyu ta kĩvuti kĩ methonĩ menyu, kana ta mĩw'a ĩmũtonyete mbaunĩ syenyu, na makamũthĩnasya mwĩ nthĩ ĩsu mwĩtũa. 56Mwalea kũmalũngya kuma nthĩ ĩsu, nakwa ngamũmina o tondũ navangĩte kũmamina.”
Currently Selected:
Mot 33: KAMBA
Highlight
Share
Compare
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011