Ntha 1

Andû a Isiraeli nîmaavinyîrîrue marî Misiri

1 # Kîam 46.8-27 Anake a Jakovu arîa maathiîcanirie nake Misiri, marî wa mûndû na andû a mûciî wake, maarî: 2Reubeni, Simioni, Lawi, Juda, 3Isakaru, Zebuluni, Benjamini, 4Dani, Nafutali, Gadi na Asheri. 5Andû acio onthe arîa maarî njiarwa cia Jakovu maarî andû mîrongo mûgwanja.#1.5 Mîrongo mûgwanja: Mandîko mamwe ma tene maugaga mîrongo mûgwanja na atano. Vîndî îo Josefu mûvîcî wa Jakovu aarî Misiri. 6Vuvarî Josefu na a mûrwang'ina na andû arîa onthe maaumire nao Misiri nîmaakuire. 7#Ciîko 7.17 Nwatî njiarwa ciao, nîciaciaranire nao Aisiraeli magîtuîka eengî na makîgîa na vinya magîcûra vûrûrirî wa Misiri.

8 # Ciîko 7.18 Nakuo nîgwacokire gûkîgîa na mûthamaki wîngî wa kwathana Misiri. Mûthamaki ûcio ndaicî Josefu. 9Nake mûthamaki nîwerire andû ake atîrî, “Andû aya a Isiraeli nî eengî mûno na marî na vinya kûrî tue. 10#Ciîko 7.19 Mbaara îngiumîra, andû aya nwa manyitanîre na nthû cietû magatûvoota, na nwamaûre makauma gûkû vûrûrirî. Nîtûcarie njîra îrîa îngîgiria mongerereke makîria.” 11Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki. 12Nwatî wa ûrîa andû a Isiraeli maathiîcaga na mbere kûvinyîrîrua nî andû a Misiri, nwaguo andû a Isiraeli moongererekaga makîria na makîthiî na mbere gwîcûra vûrûrirî ûcio. Nao andû a Misiri nîmeetigîre andû a Isiraeli, 13na andû a Misiri makîrutithia andû a Isiraeli wîra mûrito. 14Nîmaatûmire mûtûûrîre wao ûtuîka mûmû na njîra ya kûmarutithia wîra wa mîako na wa mîgûnda matekûmeguîra ntha.

15Mûthamaki wa Misiri nîwacokire akîarîria Sifira na Pua, aka arîa maatethagîrîria aka Ahibirania gûciara. 16Nîwamerire atîrî, “Vîndî îrîa mûgûtethia aka Ahibirania gûciara ûragagani kaana ethîrwa nî kavîcî, nwatî ethîrwa nî kerîtu mûkareka gatûûre.” 17Nwatî Sifira na Pua nîmeetigîrîte Ngai na kwoguo nîmaaregire kwathîkîra mûthamaki. Vandû va ûguo nîmaarekire tûvîcî tûtûûre mwoyo. 18Nake mûthamaki wa Misiri nîwetire aka acio Sifira na Pua arîa maatethagîrîria aka Ahibirania gûciara, akîmaûria atîrî “Mûreka ûû nîkî? Mûrareka twana twa tûvîcî tûtûûra mwoyo nîkî?”

19Nao aka acio nîmaacokerie mûthamaki atîrî, “Aka a Ahibirania matiîkariî ta aka a andû a Misiri. O marî vinya na nîmagîcaga twana na îvenya wana mbere ya ûmwe wa cietû akinya.” 20Kwoguo Ngai nîwekire aka acio mateethagîrîria arîa engî gûciara maûndû maro, nao andû a Isiraeli nîmaathiîre na mbere kwongereraka na kûgîa vinya. 21Nîûndû aka acio nîmeetigîrîte Ngai, Ngai nîwamarathimire na akîmava mîciî yao o ene. 22#Ciîko 7.19 Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Currently Selected:

Ntha 1: KKB

Highlight

Copy