Kîam 45
45
Josefu nîwemenyithanirie kûrî aa mûrwang'ina
1 #
Ciîko 7.13
Josefu nîwegwire atî ndangîvota kwîyûmîrîria rîngî arî mbere ya ndungata ciake. Nîwathanire onthe maume nja. Gûtirî mûndû wîngî wanarî ûmwe warî vo Josefu akîîmenyithania kûrî aa mûrwang'ina. 2Nake Josefu nîwarîrire augîrîrîtie mûno nginya Amisiri makîgua. Wana andû arîa maarî kwa mûthamaki wa Misiri mûciî nîmegwire. 3Josefu nîwerire aa mûrwang'ina atîrî, “Nînie Josefu. Vava arî wa mwoyo?” Nwatî rîrîa aa mûrwang'ina meegwire ûguo, nîmaamakire nginya makîremwa nî kûmûcokeria ûndû. 4Josefu nîwacokire akîmera atîrî, “Namûthaitha ûkani vakuvî.” Nao nîmaathiîre vakuvî nake na akîmeera atîrî, “Nînie Josefu, mûrwanyûkwe ûrîa mwendirie Misiri. 5Nwatî mûtikegue naaî kana mwîmene nîûndû atî nîmwamendirie gûkû Misiri. Nama nî Ngai wandûmire gûkû mbere yenyu nîguo ngaavonokia mîoyo ya andû. 6Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa. 7Ngai aandûmire gûkû mbere yenyu nîguo ngaatûma mue na njiarwa cienyu mûtigare gûkû nthî. 8Kwoguo tîmue mwandûmire gûkû, nwatî nî Ngai wandûmire. Ngai nîanduîte mûndû wa gûtaaraga mûthamaki wa Misiri, mûrûngamîrîri wa mûciî wake na mûtongoria wa Misiri kuonthe.
9 #
Ciîko 7.14
“Rîu vinyûrani mûcoke kûrî vava mûmwîre mûvîcî Josefu arauga atîrî, ‘Ngai nîwanduire mûtongoria wa Misiri kuonthe. Kwoguo nyûrûrûka narua ûke kûrî nie ûtagûcererwa. 10Nîûgaatûûra vûrûrirî wa Gosheni, na wîthagîrwe ûrî vakuvî na nie; we, ciana ciaku, ciana cia ciana ciaku, ng'ondu ciaku, mbûri ciaku, ng'ombe ciaku, vamwe na indo cionthe irîa ûrî nacio. 11Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”
12Josefu nîwathiîre na mbere kûmera atîrî, “Rîu mue muonthe, wa nawe Benjamini, nîmwona na mwegua nama atî nînie Josefu. 13Îrani vava ûrîa nie nîrî na ûvoti mûnene gûkû Misiri, na mûmwîre maûndû monthe marîa mwîyonerete, na mûcoke mûmûrete gûkû narua.”
14Josefu na mûrwang'ina Benjamini nîmaakumbatanire na oîrî makîrîra. 15Josefu wa akîrîraga, nîwamumunyire aa mûrwang'ina acio engî onthe, ûmwe kwa ûmwe. Vuva wa ûguo, aa mûrwang'ina acio nîmaambîrîrie kwaranîria nake.
16Rîrîa ûvoro ûcio wamenyekanire kwa Faraû mûciî, atî aa mûrwang'ina na Josefu nîakinyu kûu Misiri, Mûthamaki wa Misiri na ndungata ciake nîmaakenire mûno. 17Mûthamaki wa Misiri nîwerire Josefu atîrî, “Îra aa mûrwanyûkwe maigîrîre nyamû ciao mîrigo na mathiî vûrûri wa Kanaani. 18Macoke moce aguo na andû a mûciî wenyu onthe mûke kûrî nie. Nîngaamava kûndû kûrîa kwaro mûno vûrûrirî wa Misiri, na makaarîcaga indo mbaro vûrûrirî ûyû. 19Meere makuue ikaari cia mbarathi kuuma Misiri cia gûkuua aka ao, twana tûrîa tûnini na maûke na îthe. 20Meere matikamake nîûndû wa indo ciao irîa magûtiga na kûu Kanaani, nîûndû indo irîa mbaro mûno vûrûrirî wa Misiri nîciîthîrwa irî ciao.”
21Nao anake acio a Jakovu nîmeekire ûrîa meerirwe. Josefu nîwamavere ikaari cia mbarathi wata ûrîa mûthamaki wa Misiri aathanîte, na magîtumwa rîgu ya rûgendo. 22Nîwamavere wa mûndû nguo cia gûcenjia, nwatî nîwavere Benjamini sîlûva magana mathatû na nguo cia gûcenjia maita matano. 23Josefu nîwatûmanîre îthe mvunda îkûmi ikuuîte indo irîa mbaro mûno cia Misiri, na mvunda ciîngî îkûmi ikuuîte irio, mîgate na rîgu ya îthe arî rûgendorî. 24Josefu nîwarekererie aa mûrwang'ina makîthiî, akîmerîra atîrî, “Mûtigatetanie mûrî rûgendorî.”
25Kwoguo nîmaaumire Misiri makîthiî kûrî îthe Jakovu vûrûrirî wa Kanaani. 26Nao nîmeerire îthe atîrî, “Josefu arî wa mwoyo na nîke ûrathana vûrûri wonthe wa Misiri.” Jakovu nîwatemûkire nîûndû ndeetîkagia.
27Nwatî rîrîa maamûvere ûvoro wonthe ûrîa Josefu aamerîte, na ona ikaari cia mbarathi irîa Josefu aatûmîte cia kûmûkuua, Jakovu nîwegwire agîa na vinya ngoro. 28Kwoguo Isiraeli nîwaugire atîrî, “Nî ûguo rîu! Ethîrwa mûvîcîwa arî wa mwoyo, nwanginya nthiî ngamwone mbere ya ngua.”
Currently Selected:
Kîam 45: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Kîam 45
45
Josefu nîwemenyithanirie kûrî aa mûrwang'ina
1 #
Ciîko 7.13
Josefu nîwegwire atî ndangîvota kwîyûmîrîria rîngî arî mbere ya ndungata ciake. Nîwathanire onthe maume nja. Gûtirî mûndû wîngî wanarî ûmwe warî vo Josefu akîîmenyithania kûrî aa mûrwang'ina. 2Nake Josefu nîwarîrire augîrîrîtie mûno nginya Amisiri makîgua. Wana andû arîa maarî kwa mûthamaki wa Misiri mûciî nîmegwire. 3Josefu nîwerire aa mûrwang'ina atîrî, “Nînie Josefu. Vava arî wa mwoyo?” Nwatî rîrîa aa mûrwang'ina meegwire ûguo, nîmaamakire nginya makîremwa nî kûmûcokeria ûndû. 4Josefu nîwacokire akîmera atîrî, “Namûthaitha ûkani vakuvî.” Nao nîmaathiîre vakuvî nake na akîmeera atîrî, “Nînie Josefu, mûrwanyûkwe ûrîa mwendirie Misiri. 5Nwatî mûtikegue naaî kana mwîmene nîûndû atî nîmwamendirie gûkû Misiri. Nama nî Ngai wandûmire gûkû mbere yenyu nîguo ngaavonokia mîoyo ya andû. 6Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa. 7Ngai aandûmire gûkû mbere yenyu nîguo ngaatûma mue na njiarwa cienyu mûtigare gûkû nthî. 8Kwoguo tîmue mwandûmire gûkû, nwatî nî Ngai wandûmire. Ngai nîanduîte mûndû wa gûtaaraga mûthamaki wa Misiri, mûrûngamîrîri wa mûciî wake na mûtongoria wa Misiri kuonthe.
9 #
Ciîko 7.14
“Rîu vinyûrani mûcoke kûrî vava mûmwîre mûvîcî Josefu arauga atîrî, ‘Ngai nîwanduire mûtongoria wa Misiri kuonthe. Kwoguo nyûrûrûka narua ûke kûrî nie ûtagûcererwa. 10Nîûgaatûûra vûrûrirî wa Gosheni, na wîthagîrwe ûrî vakuvî na nie; we, ciana ciaku, ciana cia ciana ciaku, ng'ondu ciaku, mbûri ciaku, ng'ombe ciaku, vamwe na indo cionthe irîa ûrî nacio. 11Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”
12Josefu nîwathiîre na mbere kûmera atîrî, “Rîu mue muonthe, wa nawe Benjamini, nîmwona na mwegua nama atî nînie Josefu. 13Îrani vava ûrîa nie nîrî na ûvoti mûnene gûkû Misiri, na mûmwîre maûndû monthe marîa mwîyonerete, na mûcoke mûmûrete gûkû narua.”
14Josefu na mûrwang'ina Benjamini nîmaakumbatanire na oîrî makîrîra. 15Josefu wa akîrîraga, nîwamumunyire aa mûrwang'ina acio engî onthe, ûmwe kwa ûmwe. Vuva wa ûguo, aa mûrwang'ina acio nîmaambîrîrie kwaranîria nake.
16Rîrîa ûvoro ûcio wamenyekanire kwa Faraû mûciî, atî aa mûrwang'ina na Josefu nîakinyu kûu Misiri, Mûthamaki wa Misiri na ndungata ciake nîmaakenire mûno. 17Mûthamaki wa Misiri nîwerire Josefu atîrî, “Îra aa mûrwanyûkwe maigîrîre nyamû ciao mîrigo na mathiî vûrûri wa Kanaani. 18Macoke moce aguo na andû a mûciî wenyu onthe mûke kûrî nie. Nîngaamava kûndû kûrîa kwaro mûno vûrûrirî wa Misiri, na makaarîcaga indo mbaro vûrûrirî ûyû. 19Meere makuue ikaari cia mbarathi kuuma Misiri cia gûkuua aka ao, twana tûrîa tûnini na maûke na îthe. 20Meere matikamake nîûndû wa indo ciao irîa magûtiga na kûu Kanaani, nîûndû indo irîa mbaro mûno vûrûrirî wa Misiri nîciîthîrwa irî ciao.”
21Nao anake acio a Jakovu nîmeekire ûrîa meerirwe. Josefu nîwamavere ikaari cia mbarathi wata ûrîa mûthamaki wa Misiri aathanîte, na magîtumwa rîgu ya rûgendo. 22Nîwamavere wa mûndû nguo cia gûcenjia, nwatî nîwavere Benjamini sîlûva magana mathatû na nguo cia gûcenjia maita matano. 23Josefu nîwatûmanîre îthe mvunda îkûmi ikuuîte indo irîa mbaro mûno cia Misiri, na mvunda ciîngî îkûmi ikuuîte irio, mîgate na rîgu ya îthe arî rûgendorî. 24Josefu nîwarekererie aa mûrwang'ina makîthiî, akîmerîra atîrî, “Mûtigatetanie mûrî rûgendorî.”
25Kwoguo nîmaaumire Misiri makîthiî kûrî îthe Jakovu vûrûrirî wa Kanaani. 26Nao nîmeerire îthe atîrî, “Josefu arî wa mwoyo na nîke ûrathana vûrûri wonthe wa Misiri.” Jakovu nîwatemûkire nîûndû ndeetîkagia.
27Nwatî rîrîa maamûvere ûvoro wonthe ûrîa Josefu aamerîte, na ona ikaari cia mbarathi irîa Josefu aatûmîte cia kûmûkuua, Jakovu nîwegwire agîa na vinya ngoro. 28Kwoguo Isiraeli nîwaugire atîrî, “Nî ûguo rîu! Ethîrwa mûvîcîwa arî wa mwoyo, nwanginya nthiî ngamwone mbere ya ngua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019