Kîam 46
46
Jakovu na andû a mûciî wake nîmaathiîre Misiri.
1Isiraeli nîwocire indo ciake cionthe na akîthiî Beerisheba. Rîrîa aakinyire kuo, nîwarutîre Ngai wa îthe Isaka îgongoona. 2Ûtukû, Ngai nîwarîrie Jakovu na njîra ya kîoneki na akîmwîra atîrî, “Jakovu, Jakovu!” Nake Jakovu nîwacokirie atîrî, “Îî, nîrî ava.”
3Nake Ngai nîwamwîrire atîrî, “Nînie Ngai wa aguo. Kwoguo ndûgetigîre kûthiî Misiri. Nîngaatûma njiarwa ciaku ituîke rûrîrî rûnene. 4Nîngaathiî vamwe nawe Misiri, na nîngaagûcokia gûkû Kanaani vamwe na njiarwa ciaku. Josefu nîakethîrwa arî vamwe nawe ûgîkua.”
5Jakovu nîwacokire akiuma Beerisheba. Avîcî a Jakovu nîmoocire îthe, twana twao, aka ao, makîmatwîthia ikaarirî cia mbarathi irîa mûthamaki wa Misiri aanenganîrîte. 6#Ciîko 7.15 Nîmaakuuire ndîthia yao wana indo cionthe irîa maagîte nacio marî kûu vûrûrirî wa Kanaani na makîthiî Misiri. Jakovu nîwathiîre na njiarwa ciake cionthe kûu vûrûrirî wa Misiri. 7Nacio ciarî: avîcî ake, ciana cia erîtu na anake cia avîcî ake, na erîtu ake.
8Andû a Jakovu arîa maathiîre nake vûrûrirî wa Misiri maarî: Reubeni mûvîcî wake wa îrikithathi 9na avîcî a Reubeni maarî: Hanoku, Palu, Hezironi na Karîmi. 10Avîcî a Simeoni maarî: Jemueli, Jamini, Ohadi, Jakini, Zohari, na Shauli ûrîa ng'ina aarî Mûkanaani. 11Avîcî a Lawi maarî: Gerishoni, Kohathu na Merari. 12Avîcî a Juda maarî: Eri, Onani, Shela, Perezi na Zera, (nwatî Eri na Onani nîmakuîrîrîte Kanaani). Avîcî a Perezi maarî: Hezironi na Hamuli. 13Avîcî a Isakaru maarî; Tola, Puva, Lobu na Shimuroni. 14Avîcî a Zebuloni maarî: Seredi, Eloni na Jahileeli. 15Acio nîo avîcî a Jakovu arîa mûka Lea aamûciarîrîte marî vûrûrirî wa Padaniaramu (Mesopotamia.) Maarî na mwîrîtu ûmwe wetagwa Dina. Ciana cionthe cia Jakovu marî na Lea, ciarî mîrongo îthatû na ithatû (33).
16Avîcî a Gadi maarî: Zifioni, Hagi, Shuni, Eziboni, Eri, Arodi, na Areli. 17Avîcî a Asheri maarî: Imuna, Ishiva, Ishivi, Beria, na mwarwang'ina Sera. Avîcî a Beria maarî: Heberi na Malikieli. 18Acio nîo avîcî a Jakovu arîa mûka Zilipa aamûciarîrîte. Zilipa nî ndungata îrîa Labani aaveete mwarî Lea.
19Avîcî a Jakovu arîa mûka Rakeli aamûciarîre maarî: Josefu na Benjamini. 20#Kîam 41.50-52 Josefu arî Misiri, nîwagîre na avîcî aîrî; Manase na Efiraimu. Josefu maaciarîte ciana ino marî na Asenathi mwarî wa Potifera mûthînjîri-ngai wa Oni.
21Avîcî a Benjamini maarî: Bela, Bekeri, Ashibeli, Gera, Naamani, Ehi, Roshi, Mupimu, Hupimu na Aradi. 22Acio nîo avîcî a Jakovu îkûmi na ana arîa Rakeli aamûciarîrîte.
23Dani aarî na mûvîcî wetagwa Hushimu. 24Avîcî a Nafutali maarî: Jahizeeli, Guni, Jezeri na Shilemu. 25Acio nîo avîcî mûgwanja a Biliha ndungata ya mwîrîtu îrîa Labani aaveete mwarî Rakeli.
26Andû onthe a Jakovu arîa maarî njiarwa ciake wenga arîa maathiîre Misiri matataranîrîtue na aka a avîcî ake, maarî mîrongo îtandatû na atandatû (66). 27#Ciîko 7.14 Josefu aarî na avîcî aîrî arîa aagîte nao arî Misiri. Kwoguo andû onthe a Jakovu arîa maathiîre Misiri maarî mîrongo mûgwanja (70).
Jakovu na andû a mûciî wake marî Misiri
28Jakovu nîwatûmire Juda mbere nîguo akeere Josefu amatûnge Gosheni. Na rîrîa maakinyire Gosheni, 29Josefu nîwocire gîkaari gîake Kîam mbarathi na akîthiî Gosheni gûtûnga îthe. Rîrîa maatûnganire, Josefu nîwakumbatîrie îthe, akîmûmumunya na akîrîra gwa kavinda. 30Isiraeli nîwerire Josefu atîrî, “Rîu nîûndû nînakwona na namenya ûrî mwoyo, wana nîngîkua.”
31Josefu nîwerire aa mûrwang'ina vamwe na andû onthe a nyomba ya îthe atîrî, “Nie nîngûthiî kûrî mûthamaki wa Misiri ngamwîre atî aa mûrwaiya onthe vamwe na andû onthe a nyomba ya vava arîa maatûûraga Kanaani nîmaûkîte kûrî nie. 32Nîngûmwîra atî mûrî arîthi, nîûndû mwîthagîrwa na ng'ombe na mûkîte na ndîthia ya mbûri, ng'ondu vamwe na indo cienyu cionthe. 33Mwona mûthamaki wa Misiri amwîta amûrie mûrutaga wîra ûrîkû, 34mûmwîre atî, ‘ûtûûrorî wenyu wonthe mwîthîrîtwe mûrî arîthi, wata ûrîa methe menyu maarî.’ Mwauga ûguo, nîmûgetîkîrua mûtûûre vûrûrirî ûcio wa Gosheni.” Josefu aamerire ûguo nîûndû ûrîthi wa ng'ondu nî mûgiro kûrî andû a Misiri.
Currently Selected:
Kîam 46: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Kîam 46
46
Jakovu na andû a mûciî wake nîmaathiîre Misiri.
1Isiraeli nîwocire indo ciake cionthe na akîthiî Beerisheba. Rîrîa aakinyire kuo, nîwarutîre Ngai wa îthe Isaka îgongoona. 2Ûtukû, Ngai nîwarîrie Jakovu na njîra ya kîoneki na akîmwîra atîrî, “Jakovu, Jakovu!” Nake Jakovu nîwacokirie atîrî, “Îî, nîrî ava.”
3Nake Ngai nîwamwîrire atîrî, “Nînie Ngai wa aguo. Kwoguo ndûgetigîre kûthiî Misiri. Nîngaatûma njiarwa ciaku ituîke rûrîrî rûnene. 4Nîngaathiî vamwe nawe Misiri, na nîngaagûcokia gûkû Kanaani vamwe na njiarwa ciaku. Josefu nîakethîrwa arî vamwe nawe ûgîkua.”
5Jakovu nîwacokire akiuma Beerisheba. Avîcî a Jakovu nîmoocire îthe, twana twao, aka ao, makîmatwîthia ikaarirî cia mbarathi irîa mûthamaki wa Misiri aanenganîrîte. 6#Ciîko 7.15 Nîmaakuuire ndîthia yao wana indo cionthe irîa maagîte nacio marî kûu vûrûrirî wa Kanaani na makîthiî Misiri. Jakovu nîwathiîre na njiarwa ciake cionthe kûu vûrûrirî wa Misiri. 7Nacio ciarî: avîcî ake, ciana cia erîtu na anake cia avîcî ake, na erîtu ake.
8Andû a Jakovu arîa maathiîre nake vûrûrirî wa Misiri maarî: Reubeni mûvîcî wake wa îrikithathi 9na avîcî a Reubeni maarî: Hanoku, Palu, Hezironi na Karîmi. 10Avîcî a Simeoni maarî: Jemueli, Jamini, Ohadi, Jakini, Zohari, na Shauli ûrîa ng'ina aarî Mûkanaani. 11Avîcî a Lawi maarî: Gerishoni, Kohathu na Merari. 12Avîcî a Juda maarî: Eri, Onani, Shela, Perezi na Zera, (nwatî Eri na Onani nîmakuîrîrîte Kanaani). Avîcî a Perezi maarî: Hezironi na Hamuli. 13Avîcî a Isakaru maarî; Tola, Puva, Lobu na Shimuroni. 14Avîcî a Zebuloni maarî: Seredi, Eloni na Jahileeli. 15Acio nîo avîcî a Jakovu arîa mûka Lea aamûciarîrîte marî vûrûrirî wa Padaniaramu (Mesopotamia.) Maarî na mwîrîtu ûmwe wetagwa Dina. Ciana cionthe cia Jakovu marî na Lea, ciarî mîrongo îthatû na ithatû (33).
16Avîcî a Gadi maarî: Zifioni, Hagi, Shuni, Eziboni, Eri, Arodi, na Areli. 17Avîcî a Asheri maarî: Imuna, Ishiva, Ishivi, Beria, na mwarwang'ina Sera. Avîcî a Beria maarî: Heberi na Malikieli. 18Acio nîo avîcî a Jakovu arîa mûka Zilipa aamûciarîrîte. Zilipa nî ndungata îrîa Labani aaveete mwarî Lea.
19Avîcî a Jakovu arîa mûka Rakeli aamûciarîre maarî: Josefu na Benjamini. 20#Kîam 41.50-52 Josefu arî Misiri, nîwagîre na avîcî aîrî; Manase na Efiraimu. Josefu maaciarîte ciana ino marî na Asenathi mwarî wa Potifera mûthînjîri-ngai wa Oni.
21Avîcî a Benjamini maarî: Bela, Bekeri, Ashibeli, Gera, Naamani, Ehi, Roshi, Mupimu, Hupimu na Aradi. 22Acio nîo avîcî a Jakovu îkûmi na ana arîa Rakeli aamûciarîrîte.
23Dani aarî na mûvîcî wetagwa Hushimu. 24Avîcî a Nafutali maarî: Jahizeeli, Guni, Jezeri na Shilemu. 25Acio nîo avîcî mûgwanja a Biliha ndungata ya mwîrîtu îrîa Labani aaveete mwarî Rakeli.
26Andû onthe a Jakovu arîa maarî njiarwa ciake wenga arîa maathiîre Misiri matataranîrîtue na aka a avîcî ake, maarî mîrongo îtandatû na atandatû (66). 27#Ciîko 7.14 Josefu aarî na avîcî aîrî arîa aagîte nao arî Misiri. Kwoguo andû onthe a Jakovu arîa maathiîre Misiri maarî mîrongo mûgwanja (70).
Jakovu na andû a mûciî wake marî Misiri
28Jakovu nîwatûmire Juda mbere nîguo akeere Josefu amatûnge Gosheni. Na rîrîa maakinyire Gosheni, 29Josefu nîwocire gîkaari gîake Kîam mbarathi na akîthiî Gosheni gûtûnga îthe. Rîrîa maatûnganire, Josefu nîwakumbatîrie îthe, akîmûmumunya na akîrîra gwa kavinda. 30Isiraeli nîwerire Josefu atîrî, “Rîu nîûndû nînakwona na namenya ûrî mwoyo, wana nîngîkua.”
31Josefu nîwerire aa mûrwang'ina vamwe na andû onthe a nyomba ya îthe atîrî, “Nie nîngûthiî kûrî mûthamaki wa Misiri ngamwîre atî aa mûrwaiya onthe vamwe na andû onthe a nyomba ya vava arîa maatûûraga Kanaani nîmaûkîte kûrî nie. 32Nîngûmwîra atî mûrî arîthi, nîûndû mwîthagîrwa na ng'ombe na mûkîte na ndîthia ya mbûri, ng'ondu vamwe na indo cienyu cionthe. 33Mwona mûthamaki wa Misiri amwîta amûrie mûrutaga wîra ûrîkû, 34mûmwîre atî, ‘ûtûûrorî wenyu wonthe mwîthîrîtwe mûrî arîthi, wata ûrîa methe menyu maarî.’ Mwauga ûguo, nîmûgetîkîrua mûtûûre vûrûrirî ûcio wa Gosheni.” Josefu aamerire ûguo nîûndû ûrîthi wa ng'ondu nî mûgiro kûrî andû a Misiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019