Kîam 49

Ciugo cia Jakovu cia mûthiia

1Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

2“Avîcî a Jakovu, cokanîrîrani vamwe mûthikîrîrie.

Thikîrîriani aguo Isiraeli.

3“Reubeni, îrikithathi rîakwa,

we nîwe vinya wakwa

we nîwe îrikithathi rîakwa,

wî mwagîrîru na wî vinya gûkîra avîcî akwa onthe.

4We wîkariî ta manjî mecûrîte makauna,

nwatî ndûgaatuîka mwagîrîru gûkîra aa mûrwanyûkwe,

nîûndû nîwamenyanire kîîmwîrî na mûndûmûka wakwa wa kwiga,

na ûkîgwatia ûrîrî wa aguo gîko.

5“Simeoni na Lawi nî a ng'ina ûmwe

indo ciao cia mbaara nî cia kûreta ngûî.

6Ngoro yakwa, menyerera ndûkanyitanîre mîariorî yao ya nthitho

wana ndûkathiî mîcemaniorî yao,

nîûndû wa marakara mao nîmaaûragire andû,

nîûndû wa ûmaramaru wao nîmaatwire ndegwa ithua.

7Marakara mao maronyitwa nî kîrumi nîûndû nî macûku mûno,

na mang'ûrîka mao maronyitwa nîkîo nîûndû matirî ntha.

Nîngaamagaanîria Jakovu na nîmanyaganie Isiraeli kuonthe.

8“We Juda, aa mûrwanyûkwe nîmagaagûkumia,

nîûkaanyita nthû ciaku ngingo.

Aa mûrwanyûkwe nîmagaakwînamîrîra.

9 # Nda 24.9; Kûguû 5.5 Juda nî ta mûnyambû mwîthî,

ûûragaga gîa kûrîa na ûgacoka kîmamorî Kîamguo,

wîtambûrûkagia na ûkamama,

gûtirî mûndû ûgeragia gûûkîria.

10Mûragi wa ûtongoria ndûkaauma Juda,

njiarwa ciake nîcio igûtûûra ciathanaga.

Mavûrûri monthe nîmakaamwathîkîra,

na menamagîrîre mbere yake.

11Nîathaîkaga njaû ya mvunda yake mûthaviburî,

amîthaîkagîrîra mûthaviburî ûrîa mwaro mûno.

Athambagia nguo ciake na ndivei îrîa ndune ta nthakame.

12Metho make nîmatune nîûndû wa kûnyua ndivei,

magego make nîmacerû nîûndû wa kûnyua îria.

13“Zebuluni agaatûûraga ndere cia îria,

ndereerî ciake nîcio igaatuîka irûngamo cia meri.

Mûvaka wake ûkethîrwa ûkinyîte Sidoni.

14“Isakaru nî ta mvunda îrî vinya,

îmamaga îîtambarûkîtie gatagatî ka mîrigo yayo.

15Ke oonire atî varîa aanogokete varî varo,

na akîona vûrûri ûcio ûrî mûthaka.

Kwoguo nîwakuamîrîrie nîguo akuue mîrigo,

na nîwarutithagua wîra na vinya ta ngombo.

16“Dani nîakaathaga andû ake,

makethîrwa mekariî ta mîvîrîga îo îngî ya Isiraeli.

17Dani akethîrwa ekariî ta njoka îrî varavararî,

ta njoka ya gîîko îrî rûtere rwa njîra,

îrîa îrûmaga mbarathi ndiraarî,

nîguo ûrîa wîthagîrwa akuuîtwe nî mbarathi îo agwe nthî na vuva.

18“Mbetererete ûvonokio waku we Ngai-Mûnene.

19“Gadi akaatharîkîrwa nî gîkundi gîa acunani,

nwatî nîakaavinyûrania nao na amatharîkîre.

20“Mûgûnda wa Asheri nîûkaaumaga irio mbaro,

akethagîrwa arî na irio ta irîa irîcagwa kwa anene.

21“Nafutali ekariî ta mûgoma wa ngûrûngû,

ûrîa ûvinyûraga wa kûrîa ûngîenda,

ûrîa ûciaraga twori tûthaka mûno.

22“Josefu ekariî ta mûtî ûrîa ûciaraga mûno,

ûciaraga mûno ûrî vakuvî na kîthima,

mvûa ciaguo itambaga îgûrû rîa rûthingo.

23Nthû ciake nîciamûtharîkîre na vinya,

nîciamûtharîkîre irî na ûta na mîguî.

24Nwatî ûta wake ndwainainaga,

njara ciake nîciîkagîrwa vinya,

nî Ngai mwene vinya wonthe Ngai wa Jakovu,

rîîtwarî rîa Mûrîthi Mûgitîri wa Isiraeli.

25Ngai wa aguo nîke ûgagûtethagia,

Ngai mwene vinya wonthe arokûrathima,

akûrathimage na mbura kuuma îgûrû,

akûrathimage na manjî kuuma rungu rwa nthî,

akûrathime na ciana nyîngî na ûrîthi waku ûkûthatûke.

26Irathimo cia aguo irî vinya gûkîra cia irîma cia tene na tene,

ciîthîrwe irî mbaro gûkîra tûrîma twa tene.

Irathimo icio iroîkara kîongorî Kîam Josefu,

ciîkare kîthithirî Kîam ûrîa wamûranîtue na aa mûrwang'ina.

27“Benjamini ekariî ta Kîamthi Kîamganu mûno.

Kîraûko kîûragaga nyamû gîkarîa,

na kîvwaî gîkagaania kîrîa kîûragîte.”

28Îno nîyo mîvîrîga îkûmi na îîrî ya Isiraeli na maûndû mau nîmo îthe aamerire rîrîa aamarathimaga. Aamarathimire wa mûndû na kîrathimo kîrîa Kîammwagîrîrîte.

Gûkua na kûthikwa kwa Jakovu

29Jakovu nîwacokire akîatha andû ake akîmera atîrî, “Rîu nîrî vakuvî gûkua ngatûûranie na andû etû arîa maakuire. Nakua mûkaanthika vamwe na methe makwa ngurungarî îrîa îrî mûgûndarî wa Efironi ûrîa Mûhiti. 30#Kîam 23.3-20 Mûgûnda ûcio ûrî Makipela, mwena wa îrathîro wa Mamure vûrûrirî wa Kanaani. Iburahimu aagûrire ngurunga îo na mûgûnda kuuma kûrî Efironi ûrîa Mûhiti ûrî wa kûthikanagwa. 31#Kîam 25.9-10; 35.29 Kûu nîkuo maathikire Iburahimu na mûka Sara na nwa vo Isaka na mûka Rebeka maathikirwe na nwa kuo naathikire Lea. 32Mûgûnda ûcio na ngurunga îo ciagûrirwe kûrî Ahiti.” 33#Ciîko 7.15 Rîrîa Jakovu aarîkirie kwarîria avîcî ake, nîwamamire rîngî akînakua.

Currently Selected:

Kîam 49: KKB

Highlight

Copy