YouVersion Logo
Search Icon

ଜନ ମନଙ୍‌ବରନ୍‌ ଆ ସନେକୁଲନ୍‌

ମନଙ୍‌ବରନ୍‌ ଆ ସନେକୁଲନ୍‌
ରଙ୍‌ ଅନଗଡ୍‌ଲୋଙନ୍‌ ଜିସୁ କ୍ରିସ୍ଟନ୍‌ ଆ ବର୍ନେ ଆଇଡିଡନ୍‌ ଉଞ୍ଜି ମନଙ୍‌ବରଞ୍ଜି ଆମଙ୍‌ଲୋଙ୍‌ ସିଲଡ୍‌ ଜନନ୍‌ ଆରିଡେନ୍‌ ଆ ମନଙ୍‌ବର୍‌ ଅବୟ୍‌ । ତି ଅଡ଼୍‌କୋନ୍‌ ମନଙ୍‌ବର୍‌ ଗାମ୍‌ତବୋ । ତିଆତେଜି ଜିସୁନ୍‌ ଆର୍ରବୁଏନ୍‌ ସିଲଡ୍‌ଲ୍ଲନ୍‌ ମାତିଉନ୍‌, ମାର୍କନ୍‌, ଲୁକନ୍‌ ଡ ଜନନ୍‌ ଇଡେଞ୍ଜି । ଜିସୁ କ୍ରିସ୍ଟନ୍‌ କରୋକ୍କୋଡନ୍‌ ଆଡ୍ରେଏନ୍‌ ସିଲଡ୍‌ଲ୍ଲନ୍‌ ୯୦ ବର୍ସେଙ୍‌ ଆ ତିକ୍କି ଅନାପ୍ପାୟ୍‌ ଞଙ୍‌ନେମର୍‌ ଜନନ୍‌ କେନ୍‌ ଆ ମନଙ୍‌ବର୍‌ ଇଡେନ୍‌ । କେନ୍‌ ଆ ମନଙ୍‌ବର୍‌ ଜନନ୍‌ ଇଡେନ୍‌ ଗାମ୍‌ଲେ କେନ୍‌ତେନ୍ନେ ରେୟ୍‌ଲଙ୍‌ ଆଇଡିଡ୍‌ ତଡ୍‌ ଜନଙ୍‌ଡେନ୍‌, ୧ ଜନ, ୨ ଜନନ୍‌ ଡ ୩ ଜନନ୍‌ କେନ୍‌ ଆ ମନଙ୍‌ବର୍‌ ବୟନ୍‌ ମାୟ୍‌ତନେ । ଜନନ୍‌ ଏପିସିଲୋଙନ୍‌ ଆଡ୍ରକୋଲନ୍‌ ଆଡିଡ୍‌ କେନ୍‌ ଆ ମନଙ୍‌ବର୍‌ ଇଡେନ୍‌ ଗାମ୍‌ଲେ ଲାଙ୍‌ଲେଡ୍‌ ପାପୁର୍‌ ଅନିଡଲ୍‌ମରଞ୍ଜି ବର୍ତଞ୍ଜି ।
ଜନନ୍‌ ରେୟ୍‌ଲଙ୍‌ ବର୍ତନେ, “ଜିସୁନ୍‌ ମା କ୍ରିସ୍ଟନ୍‌, ମନଙ୍‌ ତୁର୍‌ମେଡ୍‌ମର୍‌, ଆମେଙ୍‌ ଇସ୍ୱରନ୍‌ ଆ ଡାଙ୍ଗଡ଼ାଅନ୍‌ ।” ଜନନ୍‌ ୨୦:୩୧ କେନ୍‌ଆତେ ଡର୍ରନ୍‌ ଏଙ୍ଗାଲ୍‌ଡେନ୍‌ ଇନ୍‌ଲେଞ୍ଜି ଅନମେଙନ୍‌ ଞାଙ୍‌ଲେ ରପ୍ତିବୋ, ତିଆସନ୍‌ କେନ୍‌ ଆ ମନଙ୍‌ବର୍‌ ଜନନ୍‌ ଇଡେନ୍‌ । କେନ୍‌ ଆ ମନଙ୍‌ବର୍‌ ଜିଉଦିମରଞ୍ଜି ଡ ଏର୍‌ଡର୍ନେମରଞ୍ଜି ଆସନ୍‌ ଅନିଡନ୍‌ ଡେଏନ୍‌ । ଜିସୁନ୍‌ ଆବର୍ରନେନ୍‌ ଆନବ୍‌ଜଙ୍‌ବର୍‌ଜି ଅମ୍‌ରେଙ୍‌ଡାଲେ ଜିସୁନ୍‌ ଆର୍‌ଲୁମେନ୍‌ ଆ ସାନ୍ନି କାବ୍ବାଡ଼ାଜି ତୁମ୍‌ କେନ୍‌ ଆ ମନଙ୍‌ବର୍‌ଲୋଙ୍‌ ଆଇଡିଡ୍‌ । ଜିସୁନ୍‌ ଆ ତବ୍ବୁବ୍‌ଡା, ଆରିଙ୍‌ରିଙ୍‌ଲୋଙନ୍‌ ତନୋର୍‌ତୋରନ୍‌ କେନ୍‌ ଆ ବର୍ନେଜି ଜନନ୍‌ ଅଃନ୍ନିଡ୍‌ଲୋ । କେନ୍‌ ଆ ମନଙ୍‌ବର୍‌ ୟାଗି ମନଙ୍‌ବରଞ୍ଜି ସିଲଡ୍‌ ଆନ୍ନାତନ୍‌ ।
ମନଙ୍‌ବରନ୍‌ ଆ ପନାଲ୍ଲାଙ୍‌
୧. ଉନେବରନ୍‌ । ୧:୧-୧୮
୨. ଜିସୁନ୍‌ ଆର୍‌ଲୁମେନ୍‌ ଆ ସାନ୍ନି କାବ୍ବାଡ଼ାଜି । ୧:୧୯–୧୨:୫୦
୩. ଜିସୁନ୍‌ ଆନମେଙ୍‌, ରନବୁ, ୟନର୍ମେଙ୍‌ । ୧୩:୧–୨୦:୩୧
୪. ଜିସୁନ୍‌ ୟର୍ମେଙ୍‌ଲେ ଆଡ୍ରୋଲନେନ୍‌ ସିଲଡ୍‌ଲ୍ଲନ୍‌ ଞଙ୍‌ନେମରଞ୍ଜି ଆମଙ୍‌ ଅବ୍‌ତୁୟ୍‌ଲନେ । ୨୧:୧-୨୫

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy