lu-K To L 7
7
mA; si: P yi co p tA xy, d leO m
(m 8:5-13)
1ye-su ny p xy bu p jO m kw yi bA KL TE m a jU cH do le nyI K,-PE-nu lo PE kw dU: jeO lo= 2#yo 4:47. mA; R: Ti vy jU: P yi ni, nUO m co p Ti ro nyI nY si a: l xUYO be kO lo= 3ye-su do: yi p j nyI yi co p tA cyu l n, mI yu-t l Fo kw m Fo wu: Ti nyi: ro tA fi Ju kD siI ye-su tA de:O lo= 4ye-su ty kw yi w Ci l ny yi tAI nu yi bE L myE: TE Ti xU: ye gLO nyI yi n: mL PU:O lo= 5a lio bA ny yi n: ro Ti xU: m tA ni, nUO nyiI Vw nu: bE L zi; vi xy, gLO loI be bA si yi tA a KL de:O lo= 6go lE ny ye-su yi w tA Co jeO lo=
mA; jU: P viO be L: R m: kD, F TAI mA; R Ti vy si: P ny yi kw Co: bu Ti nyi: ro fi Ju kD siI yi tA TE lE bA gL fiO loI siH P:oI nu T: wu: hL= a lio bA ny nu Vw vi TE m kw dU: lO nyI Vw n: m: PU:= 7Vw ci CyO mi nu tA lO nyI m: PU:= go lE nyi nu Ti KL: bA Ti gH; ny Vw tA rE: j su n: dY leO Vo= 8a lio bA ny VwO mi su jU: w nA. Kw ty m l Fo V lo= Vw nA. KwO mi mA; R joO lo= Vw le TE Ti ro tAI jeI bAO ny yi n: jeO Vo= go Ti ro tAI lAI bAO ny yi n: lO Vo= Vw co p tAI nu TE m yeI bAO ny yi n: yeO VoI bAO lo=
9bA KL TE m ye-su p j kD nyI yi tA dU: j mL siI ti. Po, si nyiI yi tA Co l su Fo zu tA TE lE bAO loI Vw nu w tA bA gLO nyiI yi-sD-le bu ko lo kw VO mi jUY ni, TE KL Ci wu:O m Vw m: to, zo nyiI bAO lo= 10fi Ju kDO m go Ti ho: vi kw yi; Ci ye nyI co p dY le m tA moO lo=
mL: CU m R: ti. tA sA. yi; l fiO m
11nyi: s nyi k nAI #(7:11) V ny k nA. Ti nyi kw= ye-su ny n-ye myEH tO m lo PE Ti m kw jeO lo= yi Co PA, buO be l Fo yi zu d: mO mi yi tA Co jeO lo= 12#lu 8:42. 1 w 17:17. lo PE k KL kw dU: jeO be ye tyO TAI nyi n,I Fo xUY Ti ro pE. do lO lo= yi ny yi m, m R: ti. V siI yi m, mO mi mL: CU m V lo= lo PE kw be yi tA Co je suO mi a my, Ti zu joO lo= 13siH P le mL: CU m tA moY kD nyI yi tA xE. R siI T: VuYI bAO lo=
14ye-su ny P TiS kw l siI yH gu yH bA#(7:14) xUY mo pE. du= kw xE, kD nyI pE. su ve; leO lo= go lE ny yi leI R gu lA.oI Vw nu tA bA gLO nyiI tu lAI bAO lo= 15#1 w 17:23. 2 w 4:36. go lE ny Fo xUY go Ti ro nyi. n. tu l si x TE lO lo= go lE si ye-su le yi tA ny yi m, m tA lA; jE gLO lo=
16 #
lu 1:68; 19:44. a jU su ny joH le siI yi w ny wu-s tA myE do: gL si nyiI TE lE bAO loI mD nD, f su d: m ro: ko lo kw tu lO lo= fai ny wu-s n: yi p xy bu tA nyi j lYoI be bAO lo= 17yi TE Ti xU: yeO m do: nyI yu-t mU: a jU lESO be co lo lo m mU: kw bA PyE jeO lo=
yo-v yi fi du lO TA ye-su ny yo-v tA xE. gLO m
(m 11:2-19)
18yo-v yi Co PA bu ny TE my je: m a jU yi tA bA m. gLO lo= 19#gw 40:7; 118:26. mA 3:1. d 9:26. yo-v ny yi Co PA nyi: ro KuY tA, l siI siH P ty kw fi Ju kD si nyiI l n, m go Ti ro ny nu V lH:I V ny Vw nu: nE bA; Ti ro tA lo. ty se: nAO lH:I be n nyi je fiO lo=
20l Fo go nyi: ro yi ty kw Ci ye nyI go dE ti, gL su yo-v le Vw nu: tA nu ty kw fi Ju l siI l n, m go Ti ro ny nu V lH:I V ny Vw nu: nE bA; Ti ro tA lo. ty se: nAO lH:I be n nyi l fiO loI bAO lo=
21go Ti jU, kw yi ny nY su Py: suO beI nY d: m nY suO beI VLO m ni: zL: F, su a my, tA xy, d leO lo= fai ny my tL a my, ro tA nyi mo l fiO lo= 22#s 35:5; 61:1. go k nA yi ny yi w tA TE lE bA Po, gLO loI nu w je siI nu w lo. moO mO be p j kD mI my tLH nyi mo lO mI Ci xo. su xE: jeO mI t. m; Ju di su xyY leO mI n. bo: p j lO mI Fo xUY sA. yi; lO mI Fo x. tA L; Vo xE, Vo c m. gLO m a jU yo-v tA bA gL ye= 23a m VO mi Vw wu. nyi lE. kD du m: jo su n: L; jo xE, joO loI bAO lo=
24yo-v yi fi du je kD k nAI ye-su le yo-v tA cH siI l Fo yi zu yi mA; tA TE lE bA wu. tuO loI nu w a xU: tA lo. n, m li Ci kw do jeo wH:= mi: vi le jE; lU tyO m mo; dY tA lo. n, m jeo wH:= 25nu w a xU tA mo n, m do jeo wH:= nu: lAY lAY m bU FL gw:O m l Fo tA mo n, m jeo wH:= nyi n,I bU: mL yiY po, bU FL gw: siI z: sY ty sY su ny w ti j kw tyO lo= 26#lu 1:76. nu w ny a xU tA mo n, m do jeo wH:= mD nD, f su tA V lH:= Vw nu w tA bA gLO nyiI V loI yi ny mD nD, f su TA si a KL wu:O lo= 27#mA 3:1. To L kw bo tO mI
nyi n,I Vw ny nu mi: jy kw
Vw fi du fi Ju kD siI
yi ny nu mi: TA si kw
nu j gu xy, gLO VoI
bAO m ny TE Ti ro tA bAO lo=
28 #
lu 1:15. Vw nu w tA bA gLO nyiI R mL: R le vUY tO m kw ny yo-v TA si wu:O m Ti roO mi m: joY= go lE VO mi mu kw kuD; nAS kw roH deO m ny yi TA si wu:O se loI bA gLO lo=
29 #
lu 3:7,12. m 21:32. p xy buO be fi. x su bu ny yo-v go dE ti, gLO m tA Ko ruO m kw beI ye-su bA KL TE m tA p jO TAI wu-s tE, zoO m tA rDn.O lo= 30#fi 13:46. go lE VO mi P-li-sD buO be jU: k P bu ny yo-v go dE ti,O m tA m: Ko ru nyiI wu-s ni, lL tA loH kDo= 31siH P fai bAO loI TE lE V ny TE Ti RLY m l Fo tA Vw a xU: le tAH nAO loH:= yi w a xU:O le be kO loH:= 32yi w ny R nE RO le be jUH kw nyi. n. siI yi w Co yi w KuY lA Ko si nyiI
Vw nu: nu w tA jU: lU: mUH gLO nyI
nu w kwH m: Ce, lYo=
Vw nu: nu w bE L VuO ny #(7:32) nu bE L a. Cy jEO TA nu m: Vu lYo= I
nu w a. Cy m: jE lYoI
be Ku tyO m R nE RO le be kO lo= 33#lu 15:2. a lio bA ny go dE ti, gL su yo-v ny zO mi m: z:I CE; lE jUO mi m: doY be l nyI nu w n: yi tA ni: Ti m dA,O loI bAO lo= 34l Fo a bi z: nyi doY nyi be l nyI nu w n:I nyi n,I z: duO be CE; lE jUY kw. su V siI fi. x suO be fui jo su kw Co V loI bAO lo= 35go lE nyi j ku ni, R nE bu le j: ku ni, tA zo:O m cy, tO loI bAO lo=
fui ye su R mL R le ye-su tA xo nE FL meH gLO m
36 #
lu 11:37. P-li-sD l Fo Ti ro nyI ye-su tA yiO be Ti wH; z z: lAI be KuO lo= go lE si yi ny P-li-sD l Fo vi kw dU: je si nyiI zY z:O be koH tO lo= 37nyi n,I lo PE go m kw fui ye su R mL R Ti ro nyI P-li-sD l Fo vi kw ye-su z z:O be ko tyO m sD le nyI PuO m lo bD Tu: kw xo nE FL Ti Tu: tA, l siI 38#m 26:7-13. yo 12:3-8. yi k nA si yi Ci PA, P TiS kw ve; F siI VuY nyiI yi my be le ye-su Ci PA, tA P; le fiO lo= go lE si yi wu. ku m le xU, gLO lo= fai ny yi Ci PA, kw m: n: n: bo; gL siI xo nE FL meH gLO lo=
39go lE ny ye-su tA KuO m P-li-sD l Fo moY kDO TAI yi ni, m kwI l Fo TE Ti ro ny mD nD, f su V TA n:I yi tA xE, su ny a: m V mO beI a li lu xU: R mL R V m yi lo. do lO lo xU: V lo= a lio bA ny yi n: fui ye su V loI be bA tyO lo=
40ye-su le Po, gL si yi tAI si,-mu:oI Vw nu tA bA gL du Ti xU: joO loI bAO lo=
yi leI m. P:oI bA mu:I bAO lo=
41ye-su TE lE bAO loI LY lA siH P Ti ro nyI yi tA LY lA bU su nyi: ro joO lo= Ti ro ny Pu Vw: vy PA; #(7:41) Vw: vy di-n-ri= bUHO lo= Ti ro ny Pu Vw: Fi PA; bUO lo= 42yi w ny li. gL du m: jo nyiI yi le nyi: ro lES tA LY lA g: gL kDo= go lE si l Fo TE nyi: ro nyI yi tA my: nyi ni, nUO m a li Ti ro V loH:I be n nyiO lo=
43si,-mu Po, gL siI Vw dU jO nyI my: nyi g: gL kDO m go Ti ro V loI bAO lo=
ye-su leI nu bA yA;O loI bAO lo=
44 #
wu 18:4. ye-su ny R mL R tA mo. Po, siI si,-mu tA TE lE bAO loI R mL R TE Ti ro tA nu moO lH:= Vw nuY vi kw dU: lO TAI nu ny Vw tA Ci PA, Fi: du yi jy m: gL l= R mL R TE Ti ro n:I yi my be le Vw Ci PA, tA P; le fi siI yi wu. ku m le xU, gLO lo= 45#ro 16:16. nu ny Vw tA m: bo; gL l= R mL R TE Ti ro n:I Vw dU: l k nA m: n: n: Vw Ci PA, tA bo;O lo= 46nu ny Vw wu. dU kw a: Cy: FL m: me gL l= R mL R TE Ti ro n:I xoH nE FL le Vw Ci PA, tA meH gLO lo= 47go lE nyi Vw nu tA bA gLO nyiI yi fui a my, joO m g: gL kDo= a lio bA ny yi n: a KL ni, nUO lo= go lE VO mi a ti. RO le g: gL kD m go Ti ro nyI a ti. RO le ni, nUO loI bAO lo=
48 #
lu 5:20,21. go lE si ye-su le R mL R tAI nu fui g: gL kDoI bA gLO lo= 49go lE ny yiO be Ti wH; z z:O be koH ty su yi w Co: yi w TE lE bA wu. tuO loI TE Ti ro a m V nyi fuiO mi g: gLO loH:I bAO lo=
50 #
lu 8:48; 17:19; 18:42. yi ny R mL R tAI nu jUY ni, le nu tA cyu kDoI hw. hwS be jeI bA gLO lo=
Currently Selected:
lu-K To L 7: LRB
Highlight
Share
Copy
Want to have your highlights saved across all your devices? Sign up or sign in
Lisu Revised Bible © Thailand Bible Society
