Olianyanpi kin 22
22
1Wicaśta hunkawanjinciyapi qa hunkakeciyapi kin, nakaha niyepi en wowahdake cin namaḣon po.
2Unkan Hebrew iapi un wowicakiyake cin he naḣonpi qehan, iyotan inina yukanpi.
3Unkan hecen eya; Juda wicaśta kin hemaca, Kilikia ekta Tarsos en matonpi, qa otonwe kin de en icaḣmayanpi, qa Gamaliel siha kin ekta, hunkake wicayapi wicoope yuhapi kin tanyan onspemakiyapi, qa Wakantanka on nina inawaḣni, niyepi kin owasin nakaha yaunpi kin iyececa.
4Qa canku kin de wiconṭe aiyahdeya śicaya wakuwa, wicawakaśke c̣a, wicakaśka tipi kin en iyewicawaya, wica winyan ko.
5Hecen wośna kagapi itancan, qa hunka wicayapi kin owasin mayaotaninpi ece. Hena eepi hunkawanjinkiciyapi kin wowapi wicakicagapi qa maqupi qon, hecen Damaskos ekta imdamde, heciya tona yukanpi kin hena wicakaśka Jerusalem ekta wicakaśtakupi kta e awicawau kta, heon etanhan.
6Ohnihde waun, qa. Damaskos wanna ikiyadan, unkan wiyotanhe cin hehan, iho, ihnuhanna maḣpiya kin eciyatanhan iyoyanpa tanka wan aohdute mayan.
7Hehan makata mahinḣpaye c̣a, wicaho wan nawaḣon, Sales, Sales, tokeca e śicaya mayakuwa he, emakiya.
8Unkan miś amdupte c̣a, Itancan nituwe he, epa. Hehan iś, Jesus Nazareth etanhan śicaya yakuwakin he miye ce, emakiya.
9Unkan tona om waun kin ojanjan kin wanyakapi, qa nina inihanpi, tuka wicaho omakiye cin he naḣonpi śni.
10Hehan miś, Itancan token ecamon kta he, epa. Unkan Itancan kin, Najin, qa Damaskos ekta ya wo, heciya token ecanon kte cin owasin oniciyakapi kta ce, emakiya.
11Unkan iyoyanpa wiyatpa kin on wawanmdake śni, hecen tona om waun kin hena minape kin yus amayanpi, qa Damaskos en wai.
12Qa wicaśta wan, Ananias eciyapi, wicoope kin eciyatanhan owotanna, Juda oyate hen yakonpi kin owasin he oyakapi;
13He en mahi, qa najin, qa hemakiya, Salos, misunka tonwan wo. Unkan wihiyayedan oape kin he en ekta ewatonwan.
14Hehan iye heya; Hunkake wicunyanpi Wakantanka tawapi kin nicaḣniga, iye tawacin kin sdonyaye kta, qa Wanji Owotanna kin wandake c̣a, he i kin eciyatanhan ho kin nayaḣon kta;
15Qa iye on taku wandake c̣a, nayaḣon kin Wicaśta owasin owicayakidake kta heon.
16Unkan nakaha taku e ayape he. Najin wo, baptem nic̣upi kta, Itancan caje kin hoyeyakiye kta, hecen wayaḣtani kin yakpakinte kta ce, eya.
17Unkan ake Jerusalem ekta icicawin wahdi, qa tipi wakan kin ohna cekiya waun, hehan woakiktonje wan mahiyahde;
18Qa Itancan kin wanmdaka; he kaken emakiya; Inaḣni, qa kohanna Jerusalem etanhan inanpa wo, mayadaotanin kin he wicadapi kte śni ce, eya.
19Unkan hepa; Itancan, tona wacinniyanpi kin hena wicawakaśka, qa omniciye tipi kin ohna wicawakaśtaka ece qon he sdonyapi:
20Qa Stephanos waayatanin nitawa kin we papsonpi qehan, hen nawajin, qa he iyowinwicawakiye c̣a, tona ktepi taśina awanwicaweciyaka qon.
21Hehan, Hunktiya wo, detanhan tehan ye ciśi, Ikcewicaśta kin ekta, emakiya ce.
22Unkan wicoie kin de hehanyan naḣon yukanpi, hehan nina hotaninpi qa, Wicaśta kin de maka kin etanhan aya po, ni kta e iyecece śni ce, eyapi.
23Unkan hotankakiya hotaninpi, qa śina eḣpekiyapi, qa watuśekśeca wankan yeyapi kin;
24Hehan akicita tancan kin, conkaśke mahen aupi, qa kapsinpsintapi kin on wiwangapi kta, keya; hecen tokeca on oyate kin nina aoqoyapi kin he sdonye kta.
25Unkan teḣmiso on kaśkapi icunhan, Palos akicita tancan wan en najin kin heciya, Roma wicaśta kin heca, qa nahaḣin yacopi śni, tuka yakapsinpsintapi kta oyakihipi ne.
26Akicita tancan kin he naḣon, unkan akicita tancan tanka kin hośi hde c̣a heya; Taku ecanon kte cin he itonpa wo, wicaśta kin he Roma kin heca.
27Hehan akicita tancan tanka kin en hi, qa heciya, Roma wicaśta kin henica he, omakiyaka wo. Unkan, Han, eya.
28Unkan akicita tancan qon heya, Ihduhapi kin de ota iyopewakiya, eya. Tuka miś hecen matonpi ce, Palos eya.
29Heon kohanna tona Palos wiwangapi kte cin hena ayuśtan iyayapi, qa akicita tancan tanka kin nina kopehda; he kaśka tuka Roma wicaśta kin heca e sdonye cin he etanhan.
30Unkan ihanḣanna qehan, Juda oyate taku iyaonpapi hecinhan, he atayedan sdonye kta, heon icaśke kin etanhan kiyuśke c̣a, wośna kagapi, hunkawicayapi ko owasin mniciye wicaśi, qa hehan en ahi, qa wicacokaya ehde.
Currently Selected:
Olianyanpi kin 22: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
