Lukas 1
1
1Taku tona ceṭunhdaśniyan wicaundapi kin hena wicota hdaheya oyag utapi;
2Tona otokahe ehantanhan iśta on wanyakapi qa wicoie oyakapi ece kin hena token unkokiyakapi qon he iyececa:
3Heon etanhan miś eya, taku kin hena owasin otokahe ḣinca ehantanhan tanyan owakaḣnige cin on, Taku Wakan waśtedaka iyotan waśte, hena hdaheya wowapi cicage kta iyomakipi.
4Hecen taku onspeniciyapi qon hena wicakapi e tanyan sdonyaye kta.
5Herod Juda wicaśtayatapi taanpetu kin en wawayuśna wan Zacariyas eciyapi, Abia optaye kin hetanhan; qa tawicu kin iś Aaron cunwintkupi kin etanhan; unkan he Elisabeth eciyapi.
6Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.
7Unkan Elisabeth hokśin yuhe śni un, qa hecen cinca nicapi; unkan sakim wanna kanpi.
8Unkan iye optaye kin ohna wośna wicoḣan kin Wakantanka itokam econ eca,
9Tipi wakan Itancan tawa kin timahen iyaya ec̣a, waazintonpi econ śipi ece, wośna wicoḣan econpi kin eciyatanhan.
10Unkan waazintonpi icunhan, oyate kin owasin itankan cekiya hiyeya.
11Unkan Itancan taohnihde wan en taninic̣iya, qa wahna azintonpi kin etapa tanhan hinajin.
12Unkan Zacariyas he wanyake c̣ehan, wacin iyokiśice c̣a wakokipe hinca.
13Tuka ohnihde wakan kin heciya; Wakokipe śni wo, Zacariyas; wocekiye nitawa kin naḣonpi; qa nitawin Elisabeth hokśidan wan niciyuhe kta, unkan he Johannes eya caśyakiton kta.
14Qa he on wowiyuśkin wopida ko duhe kta, qa tonpi kin on wicota iyuśkinpi kta.
15Qa iye Itancan kin itokam tanka kta; qa miniśa miniwakan ko takudan yatke kte śni; qa hunku ikpi kin etanhan Woniya Wakan kin on ojudan kta.
16Unkan iye Israel cinca kin wicota Itancan Wakantanka tawapi kin ekta wicayahomni kta.
17Qa Elias toksape qa towaśake kin yuha itokam ye kta, qa atewicayapi cincawicayapi kin kici cante wicayuokonwanjidan, qa wanaḣonpi śni kin hena owotanna unpi wicoksape kin ekta wicayuhomni kta; qa oyate wan Itancan on ihduśtanpi kin wiyeya kicihnake kta e heon etanhan.
18Unkan Zacariyas ohnihde wakan kin heciya; Wanna wimacaḣinca, qa mitawin wanna kan; hecen taku on de sdonwaye kta he.
19Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.
20Unkan iho, mioie kin tohan iyehantu kinhan yuecetupi kte cin he wicayada śni kin he on, tohanyan yuecetupi śni kin hehanyan, ie śni, qa ia okitpani yaun kta ce.
21Unkan oyate kin Zacariyas ape hiyeye, c̣a tehan tipi wakan kin ohna yanke cin on etanhan inihanpi.
22Unkan tankan hdicu qehan, owicakiye kte cin okitpani: unkan namwicakicawin, qa ie śni un; on etanhan tipi wakan kin ohna taku wakan wanji wanyaka e iyukcanpi.
23Unkan wicoḣan econ ece kin anpetu kin wanna ihunnikiya, hehan iye ti kin ekta kihda.
24Unkan anpetu kin hena iyohakam tawicu Elisabeth hokśin itpihnaka; unkan wi zaptan hehanyan inaḣbe, c̣a heya;
25Anpetu kin en, Itancan kin wicaśta kin taku i en mahdepi qon he emiciyaku kta on ahimatonwe c̣ehan, decen ecamicon ce.
26Unkan wi iśakpe kin en, Gabriel ohnihde wakan kin Wakantanka etanhan u śipi; Galile ekta, otonwe wan Nazareth eciyapi kin hetu;
27Wikośka wan wicaśta wan Joseph eciyapi, Dawid wicowazi tawa kin etanhan, yuze kte cin he ekta; unkan wikośka kin Mary eciyapi.
28Unkan ohnihde wakan kin he en hi qa heciya; Wiyuśkin wo, waśteya yaun kin; Itancan kin niciun, winoḣinca owicapeya niye niyawaśtepi ce.
29Unkan he wanyake c̣ehan, oie kin on inihan, qa okiyapi kin de taku kta hecinhan he awacin un.
30Unkan ohnihde wakan kin heciya; Mary, wikope śni wo; Wakantanka ekta wowaśte iyeyaya.
31Qa iho, hokśin itpiyahnake c̣a hokśidan wan yaton kta, qa Jesus eya caśyakiton kta.
32Iye tanka kta, qa Iyotan Wankantu kin Cinhintku kin eciyapi kta; qa atkuku Dawid tohe kin Wakantanka Itancan kin hduhekiye kta.
33Qa Jakob ti kin he ohinniyan idake kta; qa wokiconze tawa kin okiciwihanke kte śni ce, eya.
34Hehan Mary ohnihde wakan kin heciya; Wicaśta sdonye śni waun kin heon, de token on iyecetu kta he.
35Unkan ohnihde wakan kin waayupte c̣a heciya; Woniya Wakan kin en niu kta, qa Iyotan Wankantu towaśake kin aohanziniye kta, qa hecen taku wakan wan yaton kte cin he Wakantanka Cinhintku kin eciyapi kta.
36Unkan inyun, Elisabeth ic̣epanśiyaye cin, he wakanka tuka iś eya wanna hokśin itpihnaka ce, qa hokśin yuhe sni eciyapi qon, he wanna wi kin de iśakpe.
37Wakantanka ekta taku okihipica śni wanica ce.
38Unkan Mary heya; Itancan ookiyemaye cin wanmayaka we; nioie kin iyecen ecamiconpi nunwe. Hehan ohnihde kin eḣpeya kihda.
39Unkan anpetu kin hena en Mary inajin, qa koyaḣanna ḣośki makoce kin, Juda otonwe wan ekta iyaya:
40Qa Zacariyas ti kin en tin iyaye, c̣a Elisabeth okiya.
41Unkan Elisabeth Mary ia naḣon qehan, itpi mahen hokśiyoqopa kin śkehanhan; hehan Elisabeth Woniya Wakan kin ojudan:
42Qa hotankakiya hotanin, qa heya; Winoḣinca opeya niye niyawaśtepi, qa niitpi kin etanhan icage kte cin he yawaśtepi ce.
43Qa Itancan mitawa hunku kin ekta mahi kte cin de token kapi he.
44Inyun, iyae cin noge iyoḣpemaye c̣ehan, hecehnana miitpi mahen hokśiyoqopa kin wowiyuśkin on śkehanhan.
45Unkan tuwe wicada qon he yawaśtepi: Itancan kin taku eciye ciqon hena ecen yuśtanpi kta ce, eya.
46Unkan Mary heya; Minagi kin Itancan kin yatan;
47Qa mitaniya kin he Wakantanka Wanikiya mitawa kin on iyuśkin ece.
48Taokiye kuya un kin ekta ahimatonwan on etanhan inyun, detanhan wicoicage kin owasin yawaśtepi emakiyapi kta ce.
49Tuwe waśake cin he taku ḣinca ecamicon; unkan caje kin wakan ce.
50Tona kokipapi kin hena wicoicage qa wicoicage kin onśiwicakida ece.
51Iye isto kin on wowaśake hdutanin; witantanpi kin hena taku cante mahen wacinyuzapi kin en wicayuomdeca.
52Waśakśakapi kin oyanke etanhan kun hdicuwicaye c̣a, kuya unpi qon hena wankan wapa awicaya.
53Wotektehdapi kin hena taku waśteśte on imnahanwicaye, ca wijicapi kin iś cokakadan tokan yewicasi.
54Iye towaonśida kiksuye cin on taokiyeye cin Israel he iciya ece.
55Hunkakewicunyanpi owicakiye ciqon iyececa, Abraham iye cinca kin om, owihanke wanica.
56Unkan wi yamni ecetu hehanyan Mary Elisabeth kici un, qa hehan iye ti ekta kihda.
57Elisabeth cinca ton kte cin wanna iyehantu; unkan hokśidan wan ton.
58Unkan ikiyedan unpi kin hena, ic̣epanwicaye cin koya, Itancan kin nina onśikida naḣonpi; hecen kici iyuśkinpi.
59Unkan anpetu iśahdogan qehan, hokśiyoqopa kin baḣdayapi kta on hipi; unkan atkuku Zacariyas caje kin he icajekiyapi.
60Unkan hunku kin waayupte c̣a heya, Hiya; tuka Johannes eciyapi kta.
61Unkan heciyapi; Takuwicayaye cin tuwedan hecen eciyapi śni ce.
62Unkan atkuku kin iś token eya cajeyate kta hecinhan, he iyuteya iwangapi.
63Unkan iś wowapi akan kagapi wan da, qa; Johannes he caje kin ee ce, eya owa. Unkan owasin inihanpi.
64Unkan hecehnana i kin yukawapi, qa ceji kin kiyuśkapi; unkan ie, c̣a Wakantanka yatan.
65Unkan okśan tipi kin owasin wikopapi: unkan iapi kin dena owasin Juda hośki kin owancaya yaotaninpi.
66Unkan tona naḣonpi kin owasin cante mahen awacin unpi, qa heyapi; De taku hokśiyoqopa kta he. Unkan Wakantanka nape kin he kici un.
67Hehan atkuku Zacariyas Woniya Wakan ojudan, qa wokcan qa heya;
68Itancan Wakantanka Israel tawa kin he taoyate kin wanna wicahiyohi, qa opewicakiton, on etanhan yawaśtepi nunwe:
69Taokiye Dawid ti kin en wanikiyapi he wan yuwankan eunkicihdepi ce:
70Maka kin tokaheya icage cin ehantanhan, wicaśta wokcan wakan tawa ipi kin eciyatanhan, oie kiton kin hena iyecetu:
71Hecen tokaunyanpi qa unkiyuśepi kin hena napepi kin etanhan niunkiyapi kta;
72Wowaonśida hunkakewicunyanpi cajewicakiyate ciqon, he ecen econ kta, qa wokiyapi wakan tawa kin he kiksuye kte;
73Abraham ateunyanpi kin he taku wakanyan eciye ciqon he hee kta ce;
74Decen ionśiunkidapi kta, tona tokaunyanpi nape kin etanhan unkiyuśpapi kinhan, wokokipe codan ohoundapi kta,
75Iye itokam, wicoowotanna qa wicoecetu kin en, tohanyan unnipi kin hehanyan.
76Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;
77Taoyate woaḣtani wicakicicajujupi kin eciyatanhan wanikiyapi sdonyapi kte cin he wicayaqu kta;
78Wakantanka unkitawapi canteunkiyapi kin heon etanhan; qa heon wankan tanhan anpao kin hiyounhipi ce;
79Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.
80Unkan hokśiyopa kin icage, c̣a tawacin kin waśaka aya; unkan Israel en taninic̣iye kte cin hehanyan, makoskan en ece un.
Currently Selected:
Lukas 1: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Lukas 1
1
1Taku tona ceṭunhdaśniyan wicaundapi kin hena wicota hdaheya oyag utapi;
2Tona otokahe ehantanhan iśta on wanyakapi qa wicoie oyakapi ece kin hena token unkokiyakapi qon he iyececa:
3Heon etanhan miś eya, taku kin hena owasin otokahe ḣinca ehantanhan tanyan owakaḣnige cin on, Taku Wakan waśtedaka iyotan waśte, hena hdaheya wowapi cicage kta iyomakipi.
4Hecen taku onspeniciyapi qon hena wicakapi e tanyan sdonyaye kta.
5Herod Juda wicaśtayatapi taanpetu kin en wawayuśna wan Zacariyas eciyapi, Abia optaye kin hetanhan; qa tawicu kin iś Aaron cunwintkupi kin etanhan; unkan he Elisabeth eciyapi.
6Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.
7Unkan Elisabeth hokśin yuhe śni un, qa hecen cinca nicapi; unkan sakim wanna kanpi.
8Unkan iye optaye kin ohna wośna wicoḣan kin Wakantanka itokam econ eca,
9Tipi wakan Itancan tawa kin timahen iyaya ec̣a, waazintonpi econ śipi ece, wośna wicoḣan econpi kin eciyatanhan.
10Unkan waazintonpi icunhan, oyate kin owasin itankan cekiya hiyeya.
11Unkan Itancan taohnihde wan en taninic̣iya, qa wahna azintonpi kin etapa tanhan hinajin.
12Unkan Zacariyas he wanyake c̣ehan, wacin iyokiśice c̣a wakokipe hinca.
13Tuka ohnihde wakan kin heciya; Wakokipe śni wo, Zacariyas; wocekiye nitawa kin naḣonpi; qa nitawin Elisabeth hokśidan wan niciyuhe kta, unkan he Johannes eya caśyakiton kta.
14Qa he on wowiyuśkin wopida ko duhe kta, qa tonpi kin on wicota iyuśkinpi kta.
15Qa iye Itancan kin itokam tanka kta; qa miniśa miniwakan ko takudan yatke kte śni; qa hunku ikpi kin etanhan Woniya Wakan kin on ojudan kta.
16Unkan iye Israel cinca kin wicota Itancan Wakantanka tawapi kin ekta wicayahomni kta.
17Qa Elias toksape qa towaśake kin yuha itokam ye kta, qa atewicayapi cincawicayapi kin kici cante wicayuokonwanjidan, qa wanaḣonpi śni kin hena owotanna unpi wicoksape kin ekta wicayuhomni kta; qa oyate wan Itancan on ihduśtanpi kin wiyeya kicihnake kta e heon etanhan.
18Unkan Zacariyas ohnihde wakan kin heciya; Wanna wimacaḣinca, qa mitawin wanna kan; hecen taku on de sdonwaye kta he.
19Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.
20Unkan iho, mioie kin tohan iyehantu kinhan yuecetupi kte cin he wicayada śni kin he on, tohanyan yuecetupi śni kin hehanyan, ie śni, qa ia okitpani yaun kta ce.
21Unkan oyate kin Zacariyas ape hiyeye, c̣a tehan tipi wakan kin ohna yanke cin on etanhan inihanpi.
22Unkan tankan hdicu qehan, owicakiye kte cin okitpani: unkan namwicakicawin, qa ie śni un; on etanhan tipi wakan kin ohna taku wakan wanji wanyaka e iyukcanpi.
23Unkan wicoḣan econ ece kin anpetu kin wanna ihunnikiya, hehan iye ti kin ekta kihda.
24Unkan anpetu kin hena iyohakam tawicu Elisabeth hokśin itpihnaka; unkan wi zaptan hehanyan inaḣbe, c̣a heya;
25Anpetu kin en, Itancan kin wicaśta kin taku i en mahdepi qon he emiciyaku kta on ahimatonwe c̣ehan, decen ecamicon ce.
26Unkan wi iśakpe kin en, Gabriel ohnihde wakan kin Wakantanka etanhan u śipi; Galile ekta, otonwe wan Nazareth eciyapi kin hetu;
27Wikośka wan wicaśta wan Joseph eciyapi, Dawid wicowazi tawa kin etanhan, yuze kte cin he ekta; unkan wikośka kin Mary eciyapi.
28Unkan ohnihde wakan kin he en hi qa heciya; Wiyuśkin wo, waśteya yaun kin; Itancan kin niciun, winoḣinca owicapeya niye niyawaśtepi ce.
29Unkan he wanyake c̣ehan, oie kin on inihan, qa okiyapi kin de taku kta hecinhan he awacin un.
30Unkan ohnihde wakan kin heciya; Mary, wikope śni wo; Wakantanka ekta wowaśte iyeyaya.
31Qa iho, hokśin itpiyahnake c̣a hokśidan wan yaton kta, qa Jesus eya caśyakiton kta.
32Iye tanka kta, qa Iyotan Wankantu kin Cinhintku kin eciyapi kta; qa atkuku Dawid tohe kin Wakantanka Itancan kin hduhekiye kta.
33Qa Jakob ti kin he ohinniyan idake kta; qa wokiconze tawa kin okiciwihanke kte śni ce, eya.
34Hehan Mary ohnihde wakan kin heciya; Wicaśta sdonye śni waun kin heon, de token on iyecetu kta he.
35Unkan ohnihde wakan kin waayupte c̣a heciya; Woniya Wakan kin en niu kta, qa Iyotan Wankantu towaśake kin aohanziniye kta, qa hecen taku wakan wan yaton kte cin he Wakantanka Cinhintku kin eciyapi kta.
36Unkan inyun, Elisabeth ic̣epanśiyaye cin, he wakanka tuka iś eya wanna hokśin itpihnaka ce, qa hokśin yuhe sni eciyapi qon, he wanna wi kin de iśakpe.
37Wakantanka ekta taku okihipica śni wanica ce.
38Unkan Mary heya; Itancan ookiyemaye cin wanmayaka we; nioie kin iyecen ecamiconpi nunwe. Hehan ohnihde kin eḣpeya kihda.
39Unkan anpetu kin hena en Mary inajin, qa koyaḣanna ḣośki makoce kin, Juda otonwe wan ekta iyaya:
40Qa Zacariyas ti kin en tin iyaye, c̣a Elisabeth okiya.
41Unkan Elisabeth Mary ia naḣon qehan, itpi mahen hokśiyoqopa kin śkehanhan; hehan Elisabeth Woniya Wakan kin ojudan:
42Qa hotankakiya hotanin, qa heya; Winoḣinca opeya niye niyawaśtepi, qa niitpi kin etanhan icage kte cin he yawaśtepi ce.
43Qa Itancan mitawa hunku kin ekta mahi kte cin de token kapi he.
44Inyun, iyae cin noge iyoḣpemaye c̣ehan, hecehnana miitpi mahen hokśiyoqopa kin wowiyuśkin on śkehanhan.
45Unkan tuwe wicada qon he yawaśtepi: Itancan kin taku eciye ciqon hena ecen yuśtanpi kta ce, eya.
46Unkan Mary heya; Minagi kin Itancan kin yatan;
47Qa mitaniya kin he Wakantanka Wanikiya mitawa kin on iyuśkin ece.
48Taokiye kuya un kin ekta ahimatonwan on etanhan inyun, detanhan wicoicage kin owasin yawaśtepi emakiyapi kta ce.
49Tuwe waśake cin he taku ḣinca ecamicon; unkan caje kin wakan ce.
50Tona kokipapi kin hena wicoicage qa wicoicage kin onśiwicakida ece.
51Iye isto kin on wowaśake hdutanin; witantanpi kin hena taku cante mahen wacinyuzapi kin en wicayuomdeca.
52Waśakśakapi kin oyanke etanhan kun hdicuwicaye c̣a, kuya unpi qon hena wankan wapa awicaya.
53Wotektehdapi kin hena taku waśteśte on imnahanwicaye, ca wijicapi kin iś cokakadan tokan yewicasi.
54Iye towaonśida kiksuye cin on taokiyeye cin Israel he iciya ece.
55Hunkakewicunyanpi owicakiye ciqon iyececa, Abraham iye cinca kin om, owihanke wanica.
56Unkan wi yamni ecetu hehanyan Mary Elisabeth kici un, qa hehan iye ti ekta kihda.
57Elisabeth cinca ton kte cin wanna iyehantu; unkan hokśidan wan ton.
58Unkan ikiyedan unpi kin hena, ic̣epanwicaye cin koya, Itancan kin nina onśikida naḣonpi; hecen kici iyuśkinpi.
59Unkan anpetu iśahdogan qehan, hokśiyoqopa kin baḣdayapi kta on hipi; unkan atkuku Zacariyas caje kin he icajekiyapi.
60Unkan hunku kin waayupte c̣a heya, Hiya; tuka Johannes eciyapi kta.
61Unkan heciyapi; Takuwicayaye cin tuwedan hecen eciyapi śni ce.
62Unkan atkuku kin iś token eya cajeyate kta hecinhan, he iyuteya iwangapi.
63Unkan iś wowapi akan kagapi wan da, qa; Johannes he caje kin ee ce, eya owa. Unkan owasin inihanpi.
64Unkan hecehnana i kin yukawapi, qa ceji kin kiyuśkapi; unkan ie, c̣a Wakantanka yatan.
65Unkan okśan tipi kin owasin wikopapi: unkan iapi kin dena owasin Juda hośki kin owancaya yaotaninpi.
66Unkan tona naḣonpi kin owasin cante mahen awacin unpi, qa heyapi; De taku hokśiyoqopa kta he. Unkan Wakantanka nape kin he kici un.
67Hehan atkuku Zacariyas Woniya Wakan ojudan, qa wokcan qa heya;
68Itancan Wakantanka Israel tawa kin he taoyate kin wanna wicahiyohi, qa opewicakiton, on etanhan yawaśtepi nunwe:
69Taokiye Dawid ti kin en wanikiyapi he wan yuwankan eunkicihdepi ce:
70Maka kin tokaheya icage cin ehantanhan, wicaśta wokcan wakan tawa ipi kin eciyatanhan, oie kiton kin hena iyecetu:
71Hecen tokaunyanpi qa unkiyuśepi kin hena napepi kin etanhan niunkiyapi kta;
72Wowaonśida hunkakewicunyanpi cajewicakiyate ciqon, he ecen econ kta, qa wokiyapi wakan tawa kin he kiksuye kte;
73Abraham ateunyanpi kin he taku wakanyan eciye ciqon he hee kta ce;
74Decen ionśiunkidapi kta, tona tokaunyanpi nape kin etanhan unkiyuśpapi kinhan, wokokipe codan ohoundapi kta,
75Iye itokam, wicoowotanna qa wicoecetu kin en, tohanyan unnipi kin hehanyan.
76Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;
77Taoyate woaḣtani wicakicicajujupi kin eciyatanhan wanikiyapi sdonyapi kte cin he wicayaqu kta;
78Wakantanka unkitawapi canteunkiyapi kin heon etanhan; qa heon wankan tanhan anpao kin hiyounhipi ce;
79Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.
80Unkan hokśiyopa kin icage, c̣a tawacin kin waśaka aya; unkan Israel en taninic̣iye kte cin hehanyan, makoskan en ece un.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.