Lukas 2
2
1Unkan anpetu kin hena en, Kesar Agustus, maka kin owancaya wicaśta owicawapi kta, wakiconza.
2Kurenios Suria en wicaśtayatapi yanke cin he ehan tokaneya owicawapi kin de yuśtanpi.
3Unkan owasin toketken tonwanyanpi qon owicawapi kta e ektakta kipi.
4Unkan Joseph, Dawid ti qa wicowazi tawa kin hetanhan, heon iś eya, Galile en Nazareth otonwe kin etanhan ye c̣a, Bethlehem Dawid totonwe kin ekta ki;
5Mary tawicuye kte cin he kici owapi kta; he wanna cinca ton kta ikiyedan.
6Unkan hen yukanpi kin icunhan, anpetu en cinca ton kte cin wanna iyehantu.
7Hecen cinhintku tokapa kin ton, qa śina on hduskite c̣a, wanunyanpi en wotapi wan en ohnaka; timahen owicakan śni heon etanhan.
8Unkan makoce kin he en taḣincaska awanwicayakapi kin heca hanyen optaye tawapi kin awanwicahdakapi.
9Unkan iho, Itancan taohnihde wan en wicahi, qa Itancan tawookitanin kin ohomni iyojanjanwicaya; unkan nina wikopapi.
10Unkan ohnihde wakan kin hewicakiya; Wikopapi śni po; iho, wopida tanka wootanin waśte oyate kin owancaya ecen ye kte cin, he eca hośi cicahipi ce.
11Anpe dehan Dawid totonwe kin en Wanikiya wan nicitonpi, Messiya Itancan kin he hee.
12Qa on sdonyayapi kte cin he dee; Hokśiyoqopa kin śina on yuskiskitapi qa wanunyanpi en wotapi wan ohna wanka iyeyayapi kta ce.
13Unkan ihnuhanna maḣpiya ekta unpi kin wicota ohnihde wakan kin kici hiyeya, Wukantanka yatanpi qa heyapi;
14Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.
15Unkan maḣpiya ohnihde kin hena eḣpeya wicakiyahdapi qehan, wicaśta taḣincaska awanwicayakapi kin hekiciyapi; Wanna Bethlehem ekta unyanpi, qa taku hiyohi Itancan unkokiyakapi kin de wanunyakapi kta ce.
16Hecen koyaḣanna upi, qa Mary Joseph kici, qa hokśiyoqopa kin wanunyanpi en wotapi wan ohna wanka iyeyapi.
17Unkan wanyakapi qehan, hokśiyoqopa kin on iapi naḣonpi qon, he owancaya yaotaninpi.
18Unkan taḣincaska awanwicayakapi taku yaotaninpi kin he tona naḣonpi kin owasin yuśinyayapi.
19Tuka Mary wicoie kin dena owasin cante mahen okihnake c̣a awakicin un.
20Unkan taḣincaska awanwicayakapi kin hena kihdapi, qa taku naḣonpi qa wanyaknpi kin on Wakantanka yaonihanpi qa yatanpi; taku owicakiyakapi qon he iyececa.
21Unkan wanna anpetu iśahdogan, hokśiyoqopa baḣdayapi kta hehan Jesus eciyapi; nahaḣin itpihnakapi śni he ehan maḣpiya ohnihde kin hecen caśton.
22Unkan Moses woope kage cin iyecen, anpetu en ihdukaśote kte śni hena wanna henakeca, hehan Itancan kin qupi kta e Jerusalem ekta hdoupi.
23Itancan woope tawa kin en owapi qon iyececa; Tona tokapapi, wica eca, otoiyohi Itancan kin ekta wakan eciyapi kta ce.
24Qa nakun wawayuśnapi kta, token Itancan toope kin en eyapi qon he iyececa; Wakiyedan tawanjidan, qa iś wakiyedan cinca nonpa ce.
25Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.
26Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.
27He Woniya kin on tipi wakan kin en tin hiyu; unkan hunkakewicaye cin hokśiyoqopa Jesus, wicoope kin eciyatanhan ecakiconpi kta e en hdoupi;
28Hehan adoksohan yuze, c̣a Wakantanka yawaśte, qa heya;
29Mayuha, nitaokiye kin wanna wookiye yuha iyayeyaye kta;
30Wowanikiye nitawa kin he miiśta kin on wanmdaka ce;
31Oyate kin owasin wicitokam wiyeya yehnake cin he;
32Ojanjan wan oyate kin aojanjanwicaye kte cin, qa nitaoyate Israel wookitanin kin, he hee ce, eya.
33Unkan taku eeiyapi kin hena on hunku qa Joseph yuśinyayapi.
34Unkan Simon wicayawaśte, qa hunku Mary heciya; Inyun, Israel en wicota hicahanpi, qa ake inajinpi kte cin on hokśiyopa kin de ehdepi, qa nakun wowapetokeca ienhdepi kte cin ee kta;
35Qa nakun mazasagye wan on nitaniya kin canipapi kte; qa hecen wicacanteoze ota yuotaninpi kta ce, eya.
36Unkan waayate wanji Anna eciyapi, Phanuel cunwintku, qa Aser wicowazi kin etanhan; he wanna wakanka ḣinca, qa hihnaton kin etanhan waniyetu śakowin hehanyan hihnaku kici un:
37Qa he wanna wiwazica, waniyetu wikcemna śahdogan sanpa topa ecetu, qa tipi wakan kin en ece un, qa wote śni unpi wocekiye eya ahna on ohoda ece.
38Unkan he hehantudan ḣin en u, qa iś eya Itancan kin yatan, qa Jerusalem en tona opewicakitonpi kin ape unpi kin hena owasin Jesus cajewicakiyata.
39Unkan Itancan wicoope taw a kin owasin ecekcen yuśtanpi qehan, Galile en iye otonwe tawapi Nazareth he ekta kihdapi.
40Unkan hokśiyopa kin icage, c̣a woniya kin en waśaka aye, c̣a wicoksape kin on ojudan; unkan Wakantanka towaśte kin he kici un.
41Woacakśin wotapi eca, hunkakewicaye cin waniyetu towanakeca Jerusalem ekta ipi ece.
42Unkan Jesus wanna waniyetu akenonpa, hehan wotapi wicoḣan kin iyececa, Jerusalem ekta ipi.
43Unkan anpetu kin yuśtanpi qehan, hdicupi, tuka hokśiyopa Jesus hekta Jerusalem en yanka; tuka hunku Joseph kici he sdonyapi śni.
44Tuka ptaya hdapi kin en opa kecinpi, hecen anpetu wanjidan iyooptapi, qa takuwicayapi kici sdonkiciyapi ko wicehna okidepi.
45Qa iyeyapi śni, hehan Jerusalem ekta ake icicawin akin ipi.
46Unkan yamni can, hehan tipi wakan kin en waonspekiyapi kin wicacokam waanawicagoptan, qa wiwicawanḣ yanka iyekiyapi.
47Unkan wacin ksape cin, qa waayupte cin tona naḣonpi qon owasin inihanpi.
48Unkan wanhdakapi qehan yuśinyayapi; qa hunku kin heciya; Cinś, tokeca decen unkoyakiḣandapi he; iho we, niyate kici wacin iyokiśinya ocide ce.
49Unkan hewicakiya; Tokeca omayadepi he: Atewaye cin wicoḣan tawa kin he ito owecipe kta kecannipi śni he.
50Unkan taku ewicakiye cin he okaḣnigapi śni.
51Hecen om hde, c̣a Nazareth ekta ki, qa anawicakigoptan un. Unkan hunku kin wicoie kin dena owasin cante mahen yuha un.
52Unkan Jesus sanpa ksape c̣a hanska icaga; qa Wakantanka wicaśta ko ekta waśtedakapi.
Currently Selected:
Lukas 2: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
Lukas 2
2
1Unkan anpetu kin hena en, Kesar Agustus, maka kin owancaya wicaśta owicawapi kta, wakiconza.
2Kurenios Suria en wicaśtayatapi yanke cin he ehan tokaneya owicawapi kin de yuśtanpi.
3Unkan owasin toketken tonwanyanpi qon owicawapi kta e ektakta kipi.
4Unkan Joseph, Dawid ti qa wicowazi tawa kin hetanhan, heon iś eya, Galile en Nazareth otonwe kin etanhan ye c̣a, Bethlehem Dawid totonwe kin ekta ki;
5Mary tawicuye kte cin he kici owapi kta; he wanna cinca ton kta ikiyedan.
6Unkan hen yukanpi kin icunhan, anpetu en cinca ton kte cin wanna iyehantu.
7Hecen cinhintku tokapa kin ton, qa śina on hduskite c̣a, wanunyanpi en wotapi wan en ohnaka; timahen owicakan śni heon etanhan.
8Unkan makoce kin he en taḣincaska awanwicayakapi kin heca hanyen optaye tawapi kin awanwicahdakapi.
9Unkan iho, Itancan taohnihde wan en wicahi, qa Itancan tawookitanin kin ohomni iyojanjanwicaya; unkan nina wikopapi.
10Unkan ohnihde wakan kin hewicakiya; Wikopapi śni po; iho, wopida tanka wootanin waśte oyate kin owancaya ecen ye kte cin, he eca hośi cicahipi ce.
11Anpe dehan Dawid totonwe kin en Wanikiya wan nicitonpi, Messiya Itancan kin he hee.
12Qa on sdonyayapi kte cin he dee; Hokśiyoqopa kin śina on yuskiskitapi qa wanunyanpi en wotapi wan ohna wanka iyeyayapi kta ce.
13Unkan ihnuhanna maḣpiya ekta unpi kin wicota ohnihde wakan kin kici hiyeya, Wukantanka yatanpi qa heyapi;
14Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.
15Unkan maḣpiya ohnihde kin hena eḣpeya wicakiyahdapi qehan, wicaśta taḣincaska awanwicayakapi kin hekiciyapi; Wanna Bethlehem ekta unyanpi, qa taku hiyohi Itancan unkokiyakapi kin de wanunyakapi kta ce.
16Hecen koyaḣanna upi, qa Mary Joseph kici, qa hokśiyoqopa kin wanunyanpi en wotapi wan ohna wanka iyeyapi.
17Unkan wanyakapi qehan, hokśiyoqopa kin on iapi naḣonpi qon, he owancaya yaotaninpi.
18Unkan taḣincaska awanwicayakapi taku yaotaninpi kin he tona naḣonpi kin owasin yuśinyayapi.
19Tuka Mary wicoie kin dena owasin cante mahen okihnake c̣a awakicin un.
20Unkan taḣincaska awanwicayakapi kin hena kihdapi, qa taku naḣonpi qa wanyaknpi kin on Wakantanka yaonihanpi qa yatanpi; taku owicakiyakapi qon he iyececa.
21Unkan wanna anpetu iśahdogan, hokśiyoqopa baḣdayapi kta hehan Jesus eciyapi; nahaḣin itpihnakapi śni he ehan maḣpiya ohnihde kin hecen caśton.
22Unkan Moses woope kage cin iyecen, anpetu en ihdukaśote kte śni hena wanna henakeca, hehan Itancan kin qupi kta e Jerusalem ekta hdoupi.
23Itancan woope tawa kin en owapi qon iyececa; Tona tokapapi, wica eca, otoiyohi Itancan kin ekta wakan eciyapi kta ce.
24Qa nakun wawayuśnapi kta, token Itancan toope kin en eyapi qon he iyececa; Wakiyedan tawanjidan, qa iś wakiyedan cinca nonpa ce.
25Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.
26Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.
27He Woniya kin on tipi wakan kin en tin hiyu; unkan hunkakewicaye cin hokśiyoqopa Jesus, wicoope kin eciyatanhan ecakiconpi kta e en hdoupi;
28Hehan adoksohan yuze, c̣a Wakantanka yawaśte, qa heya;
29Mayuha, nitaokiye kin wanna wookiye yuha iyayeyaye kta;
30Wowanikiye nitawa kin he miiśta kin on wanmdaka ce;
31Oyate kin owasin wicitokam wiyeya yehnake cin he;
32Ojanjan wan oyate kin aojanjanwicaye kte cin, qa nitaoyate Israel wookitanin kin, he hee ce, eya.
33Unkan taku eeiyapi kin hena on hunku qa Joseph yuśinyayapi.
34Unkan Simon wicayawaśte, qa hunku Mary heciya; Inyun, Israel en wicota hicahanpi, qa ake inajinpi kte cin on hokśiyopa kin de ehdepi, qa nakun wowapetokeca ienhdepi kte cin ee kta;
35Qa nakun mazasagye wan on nitaniya kin canipapi kte; qa hecen wicacanteoze ota yuotaninpi kta ce, eya.
36Unkan waayate wanji Anna eciyapi, Phanuel cunwintku, qa Aser wicowazi kin etanhan; he wanna wakanka ḣinca, qa hihnaton kin etanhan waniyetu śakowin hehanyan hihnaku kici un:
37Qa he wanna wiwazica, waniyetu wikcemna śahdogan sanpa topa ecetu, qa tipi wakan kin en ece un, qa wote śni unpi wocekiye eya ahna on ohoda ece.
38Unkan he hehantudan ḣin en u, qa iś eya Itancan kin yatan, qa Jerusalem en tona opewicakitonpi kin ape unpi kin hena owasin Jesus cajewicakiyata.
39Unkan Itancan wicoope taw a kin owasin ecekcen yuśtanpi qehan, Galile en iye otonwe tawapi Nazareth he ekta kihdapi.
40Unkan hokśiyopa kin icage, c̣a woniya kin en waśaka aye, c̣a wicoksape kin on ojudan; unkan Wakantanka towaśte kin he kici un.
41Woacakśin wotapi eca, hunkakewicaye cin waniyetu towanakeca Jerusalem ekta ipi ece.
42Unkan Jesus wanna waniyetu akenonpa, hehan wotapi wicoḣan kin iyececa, Jerusalem ekta ipi.
43Unkan anpetu kin yuśtanpi qehan, hdicupi, tuka hokśiyopa Jesus hekta Jerusalem en yanka; tuka hunku Joseph kici he sdonyapi śni.
44Tuka ptaya hdapi kin en opa kecinpi, hecen anpetu wanjidan iyooptapi, qa takuwicayapi kici sdonkiciyapi ko wicehna okidepi.
45Qa iyeyapi śni, hehan Jerusalem ekta ake icicawin akin ipi.
46Unkan yamni can, hehan tipi wakan kin en waonspekiyapi kin wicacokam waanawicagoptan, qa wiwicawanḣ yanka iyekiyapi.
47Unkan wacin ksape cin, qa waayupte cin tona naḣonpi qon owasin inihanpi.
48Unkan wanhdakapi qehan yuśinyayapi; qa hunku kin heciya; Cinś, tokeca decen unkoyakiḣandapi he; iho we, niyate kici wacin iyokiśinya ocide ce.
49Unkan hewicakiya; Tokeca omayadepi he: Atewaye cin wicoḣan tawa kin he ito owecipe kta kecannipi śni he.
50Unkan taku ewicakiye cin he okaḣnigapi śni.
51Hecen om hde, c̣a Nazareth ekta ki, qa anawicakigoptan un. Unkan hunku kin wicoie kin dena owasin cante mahen yuha un.
52Unkan Jesus sanpa ksape c̣a hanska icaga; qa Wakantanka wicaśta ko ekta waśtedakapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.