Luke 10
10
Jesus Wikc̄emna Ṡakowiƞ Ak̄e Nupa Ki Iyayewiċaye
1Taku ki lena iyohakab, Iṫaċaƞ ki ake wiċaṡa wikc̄emna ṡakowiƞ sam ak̄e nupa wiċakaḣniġe, he oṫuƞwahe eċekċe hena el kaiṫokab numnum iyayewiċaye. 2Na hewiċakiye, “Owoju ki wana taƞyaƞ waiċaġe na wanak̇aƞyapi ki wana iyehaƞtu, kʹeyaṡ wowaṡi eċuƞpi waƞ hena c̄onalapi. Heċeḣc̄i oyate ki wic̄amalapi okihipi eyaṡ nahaƞḣc̄i tuweni iwiċayaksapapi ṡni. 3Ṫaḣc̄a-ṡuƞkala ċiƞc̄ala ċa ṡuƞgmanitu ṫaƞka ti ohaƞ aiyeċel oyate ohaƞ iyayeċiyapi. 4Mazaska ognake, naiƞṡ hayapi ojuha, naiƞṡ haƞpa akab gluhapi ṡni yo, na tuwe atayapi ki hena optelyela ob woglakapo. 5Na tuwa ti el timahel niċopi kihaƞ waḣwayela leċel ehapi kte, Wak̇aƞṫaƞka tiwahe niṫawa ki niyawaṡtepi kte. 6Tipi ki le el tuwe waḣwayela opiicʹiye ki he wowaṡte ic̄u kte, eyaṡ iċiḣmeya ċaƞtewiċakiyuze haƞtaƞṡ, Wak̇aƞṫaƞka yawaṡte kte ṡni. 7Na tipi waƞ el niyuonihaƞpi ki hetaƞhaƞ eyayapi ṡni uƞpo, na woyute na mni nicʹupi haƞtaƞṡ ic̄upo, tuwe wowaṡi eċuƞpi ki hena wokaiju ic̄upi kte. 8Tohaƞl oṫuƞwahe waƞ el yaipi na taƞyaƞ oniċuwapi haƞtaƞṡ, taku woyute nicʹupi hena yutapo. 9Na wayazaƞpi hena asniwiċayapo, na oyate hel uƞpi hena hewiċakiyapo, “Wak̇aƞṫaƞka ṫawokiċuƞze ki aohaƞ hi yelo.” 10Na oṫuƞwahe waƞ el yaipi eyaṡ niyuonihaƞpi ṡni haƞtaƞṡ, oṫuƞwahe oċaƞkuyapi hel inajiƞpi na ṡʹagya hewiċakiyapo, 11Waċetʹuƞyaglapi heuƞ oṫuƞwahe ki le etaƞhaƞ uƞkinaṗapi kihaƞ haƞpa uƞglatatapi kte. Eyaṡ kiksuyapo, Wak̇aƞṫaƞka ṫawokiċuƞze ki aohaƞ yauƞpelo. 12Aƞpetu waƞ el Wak̇aƞṫaƞka oyate ki wiċayasu kte, oyate eya oṫuƞwahe Sodom wiċaṡic̄e, etaƞhaƞ oyate eya ṡic̄aya waic̄iḣaḣa eċuƞpi eyaṡ wiċayasupi kihaƞ waiyehaƞ wiċakuwapi kte ṡni yelo.”
Oṫuƞwahe Kʹeya Waċetʹuƞglapi
13“Oṫuƞwahe eya Chorazin e na uƞma ki iƞṡ Bethsaida el yauƞpi ki, ṫokata oteḣi waƞlakapi ktelo! Wiċoḣʹaƞ ṫaƞka eya waƞyaƞgniċiyapi eyaṡ waċetʹuƞyaglapi. Oṫuƞwahe eya Tyre na uƞma ki iƞṡ Sidon el yauƞpi ki, hena eċa lena waƞyaƞkapi haƞtaƞṡ iyeṡ aicʹiblezapi na wic̄alapi tk̇a yelo. 14Aƞpetu waƞ el wiċayasupi kihaƞ Wak̇aƞṫaƞka oyate ki lena uƞṡiwiċala kte, na niye e uƞṡinilapi kte ṡni yelo. 15Capernaum el oyate yauƞpi ki Wak̇aƞṫaƞka niyuonihaƞpi kta keċiƞpi ṡni yo, wanaġiyata oteḣiya uƞpi ki heċiya iyahuƞnipi kte.”
16Jesus ake ihakab-uƞpi ki hewiċakiye, “Tuwe ananiġoptaƞpi haƞtaƞṡ miṡ-eya anamaġoptaƞpi he iyeċec̄a, na tuwe wic̄anilapi ṡni hena miṡ-eya wic̄amalapi ṡni hena Wak̇aƞṫaƞka wic̄alapi kte ṡni iyeċec̄a,” eye.
Wikc̄emna Ṡakowiƞ Ak̄e Nupa Ki Glihuƞnipi
17Yuƞk̇aƞ wikc̄emna ṡakowiƞ ak̄e nupapi waƞ hena glihuƞnipi na Jesus iyuṡkiƞya wokiyakapi, “Iṫaċaƞ, niċaje ki uƞ wak̇aƞ-ṡic̄a ki kaḣeyab iyawiċauƞyaƞpelo!” eyapi.
18Jesus hewiċakiye, “Wak̇aƞ-ṡic̄a maḣpiyataƞhaƞ wakiƞyaƞ aglihe iyeċel hiƞḣpaye ċa waƞblakelo,” eye. 19“Iho, wowaṡʹake ċicʹupi, siƞteḣla naiƞṡ Wak̇aƞ-ṡic̄a naiƞṡ takuni uƞṫuƞniyapi okihipi kte ṡni. 20Eyaṡ wak̇aƞ-ṡic̄a ki kaḣeyab iyayewiċayapi oyakihipi ki heuƞ ec̄ela iluṡkiƞpi kte ṡni, kʹeyaṡ ṫokata taƞyaƞ wiċouƞ he oniṗapi kte ki heuƞ iluṡkiƞpi ktelo,” eye.
Jesus Iyuṡkiƞ
21Hehaƞl Jesus Woniya-Wak̇aƞ uƞ ċaƞte mahel iyuṡkiƞ, na heye, “Ate, maḣpiya na mak̇a akaƞ iniṫaċaƞ, wiċaṡa ksapapi na waslolyapi waƞ hena taku waƞyaƞkapi okihipi ṡni, na etaƞ waiyeċetupi ṡni waƞ hena okaḣniḣwiċayaye, leċetu kta ċa iyeċetu, heuƞ pilamayayelo,” ċekiye.
22“Atewaye ki he taku owasʹiƞ owajamakiye. Tuwa Ċiƞhiƞtkuye ki tuweni slolye ṡni, tuwa Ateye ki nakuƞ tuweni slolye ṡni, eyaṡ Ċiƞhiƞtkuye ki iyuƞk̇ala slolkiye na tona wiċaglaḣniġe hena slolyewiċakiye,” eye.
23Hehaƞl Jesus igluhomni na ihakab-uƞpi ki hewiċakiye, “Wak̇aƞṫaƞka niyawaṡtepi heuƞ lena waƞyaƞgniċiyapi,” eye. 24“Ehaƞni wiċaṡa-yataƞpi na wiċaṡa-wak̇aƞ-waayaṫaƞiƞpi hena taku wana waƞlakapi ki hena waƞyaƞkapi na naḣʹuƞ ċiƞpi eyaṡ hehaƞ okihipi ṡni.”
Samaria Wiċaṡa Waƞ Wauƞṡila
25Moses-ṫawooṗe-awaƞyaƞke waƞ Jesus gnaye iyuṫe, “Wauƞspekiya, tokel eċamu ki wanaġiyata iyokipiya wakinajiƞ kta hwo?” eye.
26Jesus leċel ayupte, “Moses ṫawooṗe ki tokel owapi hwo? Na tokel olaka hwo?” eye.
27Wiċaṡa ki le leċel ayupte, “‘Iṫaċaƞ Wak̇aƞṫaƞka niṫawa ki niṫawaċiƞ, na ninaġi ki uƞ taƞyela ċaƞteoyagnakiƞ kte.’ Na, ‘Uƞṡikiċilapi na ihakiċiktapo,’” eye.
28Jesus hekiye, “Taƞyaƞ amayalupte, heċel eċanu ki wanaġiyata iyokipiya yakinajiƞ ktelo,” eye.
29Moses-ṫawooṗe-awaƞyaƞke ki waḣʹaƞicʹila heuƞ Jesus hekiye, “Ċa tuwe ċa uƞṡiwiċawala kta hwo?” eye.
30Jesus leċel ayupte, “Wiċaṡa waƞ Jerusalem etaƞhaƞ Jerichotakiya oomani kaġe, yuƞk̇aƞ wamanu-wiċaṡa eya inajiƞkiyapi na awamanupi, ṫahayapi ki kipi, na aṗapi, na tʹa iyeċel iḣpeyapi. 31Waċekiye-wiċaṡa waƞ ċaƞku le ogna iƞṡ-eya oomani kaġe. Wiċaṡa waƞ ċaƞku isakibya teḣiya ḣpaye ki he waƞyaƞke eyaṡ iyopteya iyaye. 32Ake Tipi-Wak̇aƞ waokiye waƞ iƞṡ-eya, wiċaṡa waƞ teḣiya ḣpaye ki he waƞyaƞke, eyaṡ iƞṡ-eya aokakṡaƞ na okiye ṡni. 33Hehaƞl wiċaṡa waƞ Samaria mak̇oċe heċiyataƞhaƞ ċa iƞṡ-eya oomani kaġe, ṫoka heċa, wiċaṡa waƞ teḣiya ḣpaye ki he waƞ yaƞkiƞ na uƞṡila. 34He ḣpaye ki el ihuƞni, na uƞṫuƞyaƞpi hena slakic̄iċiyiƞ na ṗakic̄iḣte; hehaƞl iye ṫaṡuƞṡuƞla ki akaƞ yaƞkekiyiƞ na oḣpaye tipi waƞ ekta ai, na awaƞyaƞke. 35Iaƞpetu hehaƞ mazaska num ikikc̄u na oḣpaye tipi ṫawa ki kʹu. Na hekiye, “Wiċaṡa ki le awaƞyaƞka yo. Ake letkiya wagli kihaƞ, isam wayaglusote ki hena ċic̄aiju ktelo,” eye.
36Hehaƞ Jesus woglake igluṡtaƞ na Moses-ṫawooṗe-awaƞyaƞke ki he hekiye, “Wowiyukc̄aƞ niṫawa ki ogna, le yamnipi etaƞhaƞ, tuktewaƞji ċa oyate etkiya wowauƞṡila kpazo hwo?” eye.
37Moses-ṫawooṗe-awaƞyaƞke ki leċel ayupte, “Waƞji uƞṡilake ki he e,” eye.
Ċa hehaƞl Jesus hekiye, “Niṡ-eya iyayiƞ na iyeċel waeċuƞ wo,” eye.
Jesus Martha E Na Mary Tipi Ekta Iċimani I
38Jesus e na ihakab-uƞpi ki ob oṫuƞwahe waƞ etkiya oomani kaġapi, lel wiƞyaƞ waƞ Martha ec̄iyapi ċa ti el wiċakiċo na wiċayuonihaƞ. 39Yuƞk̇aƞ Martha ṫaƞkeku ki, Mary ec̄iyapi ki he Jesus si el iyotake, oiye ki he naḣʹuƞ ċiƞ uƞ. 40Martha wowaṡi ota aiḣpeyapi ċa ċaƞteikame na heye, “Iṫaċaƞ, miṫaƞke wowaṡi lena iyuha aiḣpemaye keyaṡ initok̇a ṡni he? Omakiye ṡi ye!”
41Jesus leċel ayupte, “Martha, taku ota inaġinicʹiyiƞ na iyaglenicʹiye. 42Taku waƞjila awaċiƞ pic̄a, he Mary kaḣniġe, na he tuweni ki okihi kte ṡni,” eye.
Currently Selected:
Luke 10: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society
