Luke 15
15
Ṫaḣc̄a-ṡuƞkala Wiċagnunipi
1Waḣpa-wokaiju-pahipi ki na waḣtanipi sʹa hena Jesus taku eye ki hena naḣʹuƞ ċiƞpi na paokiyuṫapi. 2Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.” 3Hehaƞl Jesus wiyaċiƞpi waƞ owiċakiyake,
4“Ṫaḣc̄a-ṡuƞkala opawiƞġe wiċaluha ki he waƞji yagnuni haƞtaƞṡ tokel eċanu kta hwo? Uƞma ki hena awiċaluṡtaƞpi na waƞji nuni ki he oyakile kta hwo? 5Na tohaƞl iyeyakiye ki lila iluṡkiƞ na ṫaḣc̄a-ṡuƞkala ki he gluha kicʹiƞ yagni ktelo. 6Niṫak̇ola na oyate nikiyela tipi waƞ hena hewiċayakiyiƞ kte, ‘Anamic̄iġoptaƞpo! Ṫaḣc̄a-ṡuƞkala waƞ wagnuni kʹuƞ iyewakiye wimic̄iyuṡkiƞpo,’ ehiƞ ktelo.” 7Hehaƞl Jesus heye, “He iyeċel, tuwa waḣtani sʹa eyaṡ Wak̇aƞṫaƞka el uƞṡiicʹiya haƞtaƞṡ maḣpiyata wowiyuṡkiƞ ṫaƞka ktelo.”
Mazaska Gnunipi Wiyaċiƞpi
8Na ake wiyaċiƞpi waƞ owiċakiyake, “Wiƞyaƞ waƞ aƞpetu waƞjilya wic̄aiju ikipi ki he wikc̄emna yuha yuƞk̇aƞ he waƞji gnuni ċa ṗetijaƞjaƞ ilekiye na owaƞke ki glahiƞtiƞ 9na kitaƞḣc̄i iyekiye hehaƞ lila wiyuṡkiƞ okile. Ṫamaṡke hena hewiċakiye, ‘Mazaska waƞ wagnuni he iyewakiye, wibluṡkiƞ uƞ woċicʹupi kte!’ eye. 10He iyeċel tohaƞl tuwa Wak̇aƞṫaƞka etkiya uƞṡiicʹiya haƞtaƞṡ, ṫaogligle waƞ hena lila iyuṡkiƞpi ktelo,” eye.
Ċiƞkṡitku Waƞji Ṫehaƞl Iyaye Waƞ Onuniyata Uƞ
11Jesus ake wiyaċiƞpi waƞ owiċakiyake, “Wiċaṡa waƞ ċiƞkṡitku nupa. 12Hakakta he atkuku ki hekiye, ‘Woiyowaja miṫawa ki hena miċu wo,’ eye. Ċa atkuku ki woyuha hena kinuk̇aƞya wiċakʹu. 13Aƞpetu tona iyohakab hakakta waƞ he waṗakiḣtiƞ na mak̇oċe waƞ iṫehaƞ yaƞka ċa ekta iċimani iyaye na hel woyuha iyuha otuya glusote, waableze ṡni heuƞ. 14Wahehaƞlya mak̇oċe waƞ el uƞ ki he wiċaakiḣʹaƞ ṫaƞka waƞ akiṗapi, ċa takuni yute ṡni uƞ. 15Mak̇oċe le el wiċaṡa waƞ wowaṡi ekic̄iċuƞ, kukuṡe awaƞyaƞgkiye. 16Lila loċiƞ uƞ taku kukuṡe ṫawoyute hetaƞ yuta ċiƞ eyaṡ tuweni takuni kʹu ṡni. 17Ehakeḣc̄i aicʹibleze na heye, ‘Ate ṫawowaṡi hena e kʹeyaṡ aġuyapi iyena yuhapi tk̇a le takuni blute ṡni uƞ amakiḣʹaƞ yelo!’ eye. 18‘Ate ti ekta wagni na leċel eṗiƞ kte, “Ate, Wak̇aƞṫaƞka e na niye nakuƞ niṫokabya taku ota wagluṡna na naokpaniyaƞ nawajiƞ yelo. 19Wowaṡi niṫawa ki he iyeċel makuwa yo, eċiƞ hehaƞya takuni imakipi ṡni yelo,” eṗiƞ kte.’ 20Ċa ikpanajiƞ na atkuku ti etkiya kigle.
“Nahaƞḣc̄i atkuku ti watohaƞl ku eṡa, atkuku ki iyekiyiƞ na uƞṡikila uƞ etkiya iƞyaƞgyaƞg ye na ṗoski gluze. 21Ċiƞkṡitku ki heye, ‘Ate, Wak̇aƞṫaƞka na niye niṫokabya taku ota wagluṡna na naokpaniyaƞ nawajiƞ, hehaƞlya tiwahe ki le mawaƞji kta imakipi ṡni yelo,’ eye. 22Eyaṡ atkuku ṫawowaṡi ki hewiċakiye, ‘Inaḣni iyayapi na hayapi iyotaƞ waṡte ki he aupi na le uƞkiyapo. Napsioḣli waƞji uƞkiyapo na haƞpa etaƞ ohekiyapo. 23Na ptehiƞc̄ala ċebyapi waƞ he yuwiƞyeyapo, heċel wowiyuṡkiƞ uƞ wauƞtapi kte. 24Le miċiƞkṡi hehaƞya waƞweglakiƞ kte ṡni sec̄e kʹuƞ taƞyaƞ ti glihuƞni yelo,’ eye. Na wowiyuṡkiƞ uƞ yuonihaƞpi.
25“Ċiƞkṡitku ṫokaṗa waƞ he owojutaƞhaƞ glihuƞni yuƞk̇aƞ lowaƞwaƞ waċipi ki naḣʹuƞ. 26Wowaṡi eċuƞpi ki waƞji iyuƞġe, ‘Le taktok̇a hwo?’ eye. 27Leċel ayupte, ‘Nisuƞkala taƞyaƞ glihuƞni heuƞ niyate wowiyuṡkiƞ uƞ gluonihaƞ na ptehiƞc̄ala ċebyapi waƞ he uƞ wowiċakʹu welo,’ eye. 28Ċiƞkṡitku ṫokaṗa ki taku lena waƞyaƞke na ṡigla uƞ timahel kigla ċiƞ ṡni. Atkuku ki ṫaƞkal inaṗiƞ na timahel ku ṡi eya ċekiye. 29Eyaṡ ṫokaṗa ki he leċel atkuku ki ayupte, ‘Wana waniyetu ota oċic̄iye na ohiƞniyaƞ nioiye anaċiġoptaƞ. Miṫak̇ola ob woyute uƞ mayuonihaƞpi waṡte sec̄e keyaṡ ṫaṫokala ċiƞc̄ala waƞji e kʹeyaṡ mayakʹu ṡni yelo. 30Le niċiƞc̄a ki woyuha niṫawa hena wiƞyaƞ witkowiƞ awiċayusote na gli. Yuƞk̇aƞ ptehiƞc̄ala ċebyapi waƞ yec̄ic̄atʹelo,’ eye. 31Atkuku ki leċel ayupte, ‘Miċiƞkṡi, ohiƞniyaƞ mikiyela yauƞ, taku woyuha miṫawa ki hena iyuha niṫawa iyeċec̄a yelo. 32Eyaṡ takuƞl uƞ le wauƞtapi na oiyokipi uƞkaġapi ki he, le nisuƞkala wotakuniṡni iyeċel uƞ eṡa zaniya glihuƞni heuƞ leċuƞkʹuƞpelo,’ eye.”
Currently Selected:
Luke 15: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society
Luke 15
15
Ṫaḣc̄a-ṡuƞkala Wiċagnunipi
1Waḣpa-wokaiju-pahipi ki na waḣtanipi sʹa hena Jesus taku eye ki hena naḣʹuƞ ċiƞpi na paokiyuṫapi. 2Ċaƞke Moses-ṫawooṗe-awaƞyaƞkapi ki e na Pharisees waƞ hena iyokipipi ṡni na heyapi, “Wiċaṡa ki le waḣtanipi sʹa ob wotelo.” 3Hehaƞl Jesus wiyaċiƞpi waƞ owiċakiyake,
4“Ṫaḣc̄a-ṡuƞkala opawiƞġe wiċaluha ki he waƞji yagnuni haƞtaƞṡ tokel eċanu kta hwo? Uƞma ki hena awiċaluṡtaƞpi na waƞji nuni ki he oyakile kta hwo? 5Na tohaƞl iyeyakiye ki lila iluṡkiƞ na ṫaḣc̄a-ṡuƞkala ki he gluha kicʹiƞ yagni ktelo. 6Niṫak̇ola na oyate nikiyela tipi waƞ hena hewiċayakiyiƞ kte, ‘Anamic̄iġoptaƞpo! Ṫaḣc̄a-ṡuƞkala waƞ wagnuni kʹuƞ iyewakiye wimic̄iyuṡkiƞpo,’ ehiƞ ktelo.” 7Hehaƞl Jesus heye, “He iyeċel, tuwa waḣtani sʹa eyaṡ Wak̇aƞṫaƞka el uƞṡiicʹiya haƞtaƞṡ maḣpiyata wowiyuṡkiƞ ṫaƞka ktelo.”
Mazaska Gnunipi Wiyaċiƞpi
8Na ake wiyaċiƞpi waƞ owiċakiyake, “Wiƞyaƞ waƞ aƞpetu waƞjilya wic̄aiju ikipi ki he wikc̄emna yuha yuƞk̇aƞ he waƞji gnuni ċa ṗetijaƞjaƞ ilekiye na owaƞke ki glahiƞtiƞ 9na kitaƞḣc̄i iyekiye hehaƞ lila wiyuṡkiƞ okile. Ṫamaṡke hena hewiċakiye, ‘Mazaska waƞ wagnuni he iyewakiye, wibluṡkiƞ uƞ woċicʹupi kte!’ eye. 10He iyeċel tohaƞl tuwa Wak̇aƞṫaƞka etkiya uƞṡiicʹiya haƞtaƞṡ, ṫaogligle waƞ hena lila iyuṡkiƞpi ktelo,” eye.
Ċiƞkṡitku Waƞji Ṫehaƞl Iyaye Waƞ Onuniyata Uƞ
11Jesus ake wiyaċiƞpi waƞ owiċakiyake, “Wiċaṡa waƞ ċiƞkṡitku nupa. 12Hakakta he atkuku ki hekiye, ‘Woiyowaja miṫawa ki hena miċu wo,’ eye. Ċa atkuku ki woyuha hena kinuk̇aƞya wiċakʹu. 13Aƞpetu tona iyohakab hakakta waƞ he waṗakiḣtiƞ na mak̇oċe waƞ iṫehaƞ yaƞka ċa ekta iċimani iyaye na hel woyuha iyuha otuya glusote, waableze ṡni heuƞ. 14Wahehaƞlya mak̇oċe waƞ el uƞ ki he wiċaakiḣʹaƞ ṫaƞka waƞ akiṗapi, ċa takuni yute ṡni uƞ. 15Mak̇oċe le el wiċaṡa waƞ wowaṡi ekic̄iċuƞ, kukuṡe awaƞyaƞgkiye. 16Lila loċiƞ uƞ taku kukuṡe ṫawoyute hetaƞ yuta ċiƞ eyaṡ tuweni takuni kʹu ṡni. 17Ehakeḣc̄i aicʹibleze na heye, ‘Ate ṫawowaṡi hena e kʹeyaṡ aġuyapi iyena yuhapi tk̇a le takuni blute ṡni uƞ amakiḣʹaƞ yelo!’ eye. 18‘Ate ti ekta wagni na leċel eṗiƞ kte, “Ate, Wak̇aƞṫaƞka e na niye nakuƞ niṫokabya taku ota wagluṡna na naokpaniyaƞ nawajiƞ yelo. 19Wowaṡi niṫawa ki he iyeċel makuwa yo, eċiƞ hehaƞya takuni imakipi ṡni yelo,” eṗiƞ kte.’ 20Ċa ikpanajiƞ na atkuku ti etkiya kigle.
“Nahaƞḣc̄i atkuku ti watohaƞl ku eṡa, atkuku ki iyekiyiƞ na uƞṡikila uƞ etkiya iƞyaƞgyaƞg ye na ṗoski gluze. 21Ċiƞkṡitku ki heye, ‘Ate, Wak̇aƞṫaƞka na niye niṫokabya taku ota wagluṡna na naokpaniyaƞ nawajiƞ, hehaƞlya tiwahe ki le mawaƞji kta imakipi ṡni yelo,’ eye. 22Eyaṡ atkuku ṫawowaṡi ki hewiċakiye, ‘Inaḣni iyayapi na hayapi iyotaƞ waṡte ki he aupi na le uƞkiyapo. Napsioḣli waƞji uƞkiyapo na haƞpa etaƞ ohekiyapo. 23Na ptehiƞc̄ala ċebyapi waƞ he yuwiƞyeyapo, heċel wowiyuṡkiƞ uƞ wauƞtapi kte. 24Le miċiƞkṡi hehaƞya waƞweglakiƞ kte ṡni sec̄e kʹuƞ taƞyaƞ ti glihuƞni yelo,’ eye. Na wowiyuṡkiƞ uƞ yuonihaƞpi.
25“Ċiƞkṡitku ṫokaṗa waƞ he owojutaƞhaƞ glihuƞni yuƞk̇aƞ lowaƞwaƞ waċipi ki naḣʹuƞ. 26Wowaṡi eċuƞpi ki waƞji iyuƞġe, ‘Le taktok̇a hwo?’ eye. 27Leċel ayupte, ‘Nisuƞkala taƞyaƞ glihuƞni heuƞ niyate wowiyuṡkiƞ uƞ gluonihaƞ na ptehiƞc̄ala ċebyapi waƞ he uƞ wowiċakʹu welo,’ eye. 28Ċiƞkṡitku ṫokaṗa ki taku lena waƞyaƞke na ṡigla uƞ timahel kigla ċiƞ ṡni. Atkuku ki ṫaƞkal inaṗiƞ na timahel ku ṡi eya ċekiye. 29Eyaṡ ṫokaṗa ki he leċel atkuku ki ayupte, ‘Wana waniyetu ota oċic̄iye na ohiƞniyaƞ nioiye anaċiġoptaƞ. Miṫak̇ola ob woyute uƞ mayuonihaƞpi waṡte sec̄e keyaṡ ṫaṫokala ċiƞc̄ala waƞji e kʹeyaṡ mayakʹu ṡni yelo. 30Le niċiƞc̄a ki woyuha niṫawa hena wiƞyaƞ witkowiƞ awiċayusote na gli. Yuƞk̇aƞ ptehiƞc̄ala ċebyapi waƞ yec̄ic̄atʹelo,’ eye. 31Atkuku ki leċel ayupte, ‘Miċiƞkṡi, ohiƞniyaƞ mikiyela yauƞ, taku woyuha miṫawa ki hena iyuha niṫawa iyeċec̄a yelo. 32Eyaṡ takuƞl uƞ le wauƞtapi na oiyokipi uƞkaġapi ki he, le nisuƞkala wotakuniṡni iyeċel uƞ eṡa zaniya glihuƞni heuƞ leċuƞkʹuƞpelo,’ eye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© American Bible Society