Luke 16
16
Wowaṡi Oiṫaċaƞ Ki Ḣmiya Wiyukc̄aƞ
1Hehaƞl ihakab-uƞpi ki hewiċakiye, “Wiċaṡa wijic̄a waƞ taku woyuha ṫawa ki hena ṫawowaṡi-oiṫaċaƞ ki le awaƞyaƞgkiyapi hena huƞḣ manu yusote keya iṫaċaƞḣc̄a ki okiyakapi. 2Wiċaṡa wijic̄a ki wowaṡi oiṫaċaƞ he timahel kiċo na wiyuƞġe, ‘Taku iwoniglakapi ki le heċetu hwo? Heċetu haƞtaƞṡ wowaṡi he etaƞhaƞ aċiyuṡtaƞ ktelo,’ ekiye. 3Wowaṡi oiṫaċaƞ ki aicʹibleziƞ na leċiƞ, ‘Wana iṫaċaƞḣc̄a ki wowaṡi etaƞhaƞ amayuṡtaƞ kta ċa taku eċamu kta hwo? Mak̇a owakʹa owakihi ṡni na taku wala kte ki he imaṡtec̄e. 4Ċa leċel eċamu kte, heċel tohaƞl wowaṡi etaƞhaƞ amayuṡtaƞ na ḣeyata iyayemaye ki oyate ki uƞṡimalapi kte sec̄e,’ eċiƞ. 5Etaƞ iṫaċaƞḣc̄a ki ikic̄azopi waƞ hena wiċakiċo na hewiċakiye. Waƞji ṫokaheya iyuƞġe, ‘Tona iyakazo hwo?’ eye. 6Yuƞk̇aƞ, leċel ayupte, ‘K̇aƞta ṫo wigli, ċeġa oiyuṫe opawiƞġe iwakazo yelo,’ eye. Wowaṡi oiṫaċaƞ ki heye, ‘Oikazo wowapi ki he ikikc̄u na iyokisela okiwa yo,’ eye. 7Ake waƞji iyuƞġe, ‘Niṡ tona iyakazo hwo?’ eye. ‘Aġuyapi-su iyuṫapi opawiƞġe henakc̄a iwakazo yelo,’ eye. Wowaṡi oiṫaċaƞ ki heye, ‘Oikazo wowapi ki he ikikc̄u na “wikc̄emna ṡagloġaƞ”, heċegla okiwa yo,’ eye. 8Wiċaṡa wijic̄a ki wowaṡi oiṫaċaƞ le owoṫaƞla uƞ ṡni eyaṡ iṡnala awaƞnicʹiglake ki le iṫuƞṗe. Ho heċel oyate ki wiyukc̄aƞpelo! Oyate eya owoṫaƞla uƞpi ṡni eyaṡ iṡnala awaicʹiċiƞpi na etaƞ owoṫaƞla uƞpi kteḣc̄iƞ hena e waiyehaƞ awaicʹiċiƞ opiicʹiyapi ṡni yelo.”
9Jesus hewiċakiye, “Woyuha luhapi hena uƞ ok̇olakiċiye icʹiċaġapo. Heċetu kihaƞ taku iyuha yaglusotapi ki maḣpiya wokiċuƞze el woasnikiye luhapi ktelo.” 10Tuwa tohaƞyaƞ c̄ikʹala waawaƞyaƞgkiyapi eṡa taƞyaƞ waeċuƞ haƞtaƞṡ taku isam waṡteḣc̄e hena awaƞyaƞgkiyapi ktelo. Eyaṡ tuwa c̄ikʹala waawaƞyaƞgkiyapi eyaṡ owoṫaƞla waeċuƞ ṡni haƞtaƞṡ taku ota awaƞyaƞgkiyapi hena nakuƞ taƞyaƞ eċuƞ kte ṡni yelo. 11Tuwa mak̇a woyuha hena awaƞyaƞgkiyapi eyaṡ owoṫaƞla waeċuƞ ṡni haƞtaƞṡ, taku ihaƞkeya waṡteḣc̄e ki he iwaċiƞniyapi kte ṡni yelo. 12Tuwa taku ṫawa ṡni hena taƞyaƞ awaƞyaƞke ṡni haƞtaƞṡ, takuni oiyowaja okihipi kte ṡni yelo.
13“Wowaṡi ki he iṫaċaƞ num wiċayuha okihi ṡni yelo. Iṫaċaƞpi ki he uƞmala ohola na wowaṡi ekic̄iċuƞ okihi. Wak̇aƞṫaƞka ṫawowaṡi ki he mak̇a akaƞ awamnaicʹiyapi ki he naiƞṡ maḣpiya wokiċuƞze hena nupiƞyaƞ awaċiƞ naiƞṡ yuwaƞka yuza okihi ṡni yelo. Wak̇aƞṫaƞka na taku mak̇a akaƞ woeċuƞ ki nupiƞyaƞ wilagnicʹiyapi kta oyakihipi ṡni yelo,” eye.
Jesus Taku Waeye
14Pharisees hena lila mazaska ec̄ela waṡtelakapi. Ċa ake Jesus waeye ki he naḣʹuƞpi na iḣaḣa waekiyapi. 15Eyaṡ Jesus leċel owiċakiyake:
Taku ṫokahekiyapi ki hena Wak̇aƞṫaƞka waƞyaƞke na hena takuni ṡniye. 16“John mniawiċakaṡtaƞ ṡnihaƞni iṫokabya oyate ki Moses ṫawooṗe na wiċaṡa-wak̇aƞ-waayaṫaƞiƞ ṫawowapi hena ognayaƞ uƞpi. Eyaṡ woṫaƞiƞ-waṡte oyakapi hetaƞhaƞ tuwe iyuha maḣpiya wokiċuƞze oṗapi kteḣc̄iƞ. 17Eyaṡ Moses ṫawooṗe ki maḣpiya na mak̇oċe ki isam waṡʹagya yaƞke.
18Ċa le iwaƞyaƞkapo, tuwa wiiḣpekiyiƞ na wiƞyaƞ ṫokc̄a waƞji yuze ki he heċetu ṡni. Na tuwa wiƞyaƞ iḣpeyapi ki he yuze kihaƞ wowaḣtani waiċiḣaḣa eċuƞ iyeċec̄a kte.
Wiċaṡa Wijic̄a Waƞ E Na Lazarus
19Wiċaṡa wijic̄a waƞ hayapi oteḣika uƞ na aƞpetu iyohila woyute waṡteṡte yute. 20Ṫatiyopa el wiċaṡa uƞṡika waƞ Lazarus ec̄iyapi ċa ahiuƞpapi. 21He wiċaṡa wijic̄a wagle wotapi ṫawa etaƞhaƞ woyute gluṡnapi hena iyokipiya yute. Ṫaċaƞha ki ṡic̄aya ḣaƞḣaƞ woyazaƞ waƞ eċec̄a, ṡuƞka ki ḣaƞ kic̄islipapi. 22Wiċaṡa uƞṡika ki le tʹe, yuƞk̇aƞ ogligle eya Abraham isakibya yuonihaƞ iyotagkiyapi. Wiċaṡa wijic̄a ki he iƞṡ-eya tʹiƞ na ḣapi. 23Yuƞk̇aƞ wiċotakuniṡni heċiya kakiṡya uƞ, waƞkal etuƞwaƞ yuƞk̇aƞ Abraham kaiyuzeya yaƞka waƞyaƞke na Lazarus isakibya yaƞke. 24Abraham hoyekiye, “Uƞṡimala yo! Na Lazarus hiyuya yo. Nape iƞkpa ki mni okputkaƞ na ċeji miṫawa el ec̄oḣc̄i emapaṫaƞ kte. Ṗeta ki le ohaƞ makakije yelo,” eye. 25Eyaṡ Abraham leċel ayupte, “Mitakuye, yeksuya hwo, yani wahehaƞ taku waṡteṡte iyuha luha na Lazarus iƞṡ taku ota naokpaniyaƞ uƞ, eyaṡ iye wana taƞyaƞ uƞ na niye wana wokakije el yauƞ. 26Na osmaka ṫaƞka waƞ iyokogna yaƞke, ċa tuweni leċiyataƞhaƞ heċiya ya okihi ṡni, na heċiyataƞhaƞ leċiya u okihi ṡni,” eye. 27Ċa ake wiċaṡa wijic̄a tk̇a waƞ he heye, “Abraham, ċec̄iċiye, ate ti ekta Lazarus ye yaṡi kte na mititakuye waƞ hena iwaktawiċayiƞ kte, 28misuƞkala zaptaƞ wiċabluha waƞ hena iwaktawiċayiƞ kte, okenaiƞṡ iƞṡ-eya wokakije ki le el upi kte yelo,” eye. 29Abraham hekiye, “Moses e na wiċaṡa-wak̇aƞ-waayaṫaƞiƞ taku owapi ki hena yawapi na anawiċaġoptaƞpi okihipi,” eye. 30Yuƞk̇aƞ wiċaṡa wijic̄a tk̇a waƞ he heye, “Hiya, tuwa wiċuƞtʹe eċiyataƞhaƞ gli na iwaktawiċaya haƞtaƞṡ anaġoptaƞpi kte na Wak̇aƞṫaƞka etkiya iglueċetupi ktelo,” eye. 31Abraham hekiye, “Moses e na wiċaṡa-wak̇aƞ-waayaṫaƞiƞ hena anawiċaġoptaƞpi ṡni haƞtaƞṡ, nakuƞ tʹapi eċiyataƞhaƞ waƞji kini na iwaktawiċaye kʹeyaṡ wic̄alapi kte ṡni yelo,” eye.
Currently Selected:
Luke 16: LKTNT20
Highlight
Share
Copy
Want to have your highlights saved across all your devices? Sign up or sign in
© American Bible Society
Luke 16
16
Wowaṡi Oiṫaċaƞ Ki Ḣmiya Wiyukc̄aƞ
1Hehaƞl ihakab-uƞpi ki hewiċakiye, “Wiċaṡa wijic̄a waƞ taku woyuha ṫawa ki hena ṫawowaṡi-oiṫaċaƞ ki le awaƞyaƞgkiyapi hena huƞḣ manu yusote keya iṫaċaƞḣc̄a ki okiyakapi. 2Wiċaṡa wijic̄a ki wowaṡi oiṫaċaƞ he timahel kiċo na wiyuƞġe, ‘Taku iwoniglakapi ki le heċetu hwo? Heċetu haƞtaƞṡ wowaṡi he etaƞhaƞ aċiyuṡtaƞ ktelo,’ ekiye. 3Wowaṡi oiṫaċaƞ ki aicʹibleziƞ na leċiƞ, ‘Wana iṫaċaƞḣc̄a ki wowaṡi etaƞhaƞ amayuṡtaƞ kta ċa taku eċamu kta hwo? Mak̇a owakʹa owakihi ṡni na taku wala kte ki he imaṡtec̄e. 4Ċa leċel eċamu kte, heċel tohaƞl wowaṡi etaƞhaƞ amayuṡtaƞ na ḣeyata iyayemaye ki oyate ki uƞṡimalapi kte sec̄e,’ eċiƞ. 5Etaƞ iṫaċaƞḣc̄a ki ikic̄azopi waƞ hena wiċakiċo na hewiċakiye. Waƞji ṫokaheya iyuƞġe, ‘Tona iyakazo hwo?’ eye. 6Yuƞk̇aƞ, leċel ayupte, ‘K̇aƞta ṫo wigli, ċeġa oiyuṫe opawiƞġe iwakazo yelo,’ eye. Wowaṡi oiṫaċaƞ ki heye, ‘Oikazo wowapi ki he ikikc̄u na iyokisela okiwa yo,’ eye. 7Ake waƞji iyuƞġe, ‘Niṡ tona iyakazo hwo?’ eye. ‘Aġuyapi-su iyuṫapi opawiƞġe henakc̄a iwakazo yelo,’ eye. Wowaṡi oiṫaċaƞ ki heye, ‘Oikazo wowapi ki he ikikc̄u na “wikc̄emna ṡagloġaƞ”, heċegla okiwa yo,’ eye. 8Wiċaṡa wijic̄a ki wowaṡi oiṫaċaƞ le owoṫaƞla uƞ ṡni eyaṡ iṡnala awaƞnicʹiglake ki le iṫuƞṗe. Ho heċel oyate ki wiyukc̄aƞpelo! Oyate eya owoṫaƞla uƞpi ṡni eyaṡ iṡnala awaicʹiċiƞpi na etaƞ owoṫaƞla uƞpi kteḣc̄iƞ hena e waiyehaƞ awaicʹiċiƞ opiicʹiyapi ṡni yelo.”
9Jesus hewiċakiye, “Woyuha luhapi hena uƞ ok̇olakiċiye icʹiċaġapo. Heċetu kihaƞ taku iyuha yaglusotapi ki maḣpiya wokiċuƞze el woasnikiye luhapi ktelo.” 10Tuwa tohaƞyaƞ c̄ikʹala waawaƞyaƞgkiyapi eṡa taƞyaƞ waeċuƞ haƞtaƞṡ taku isam waṡteḣc̄e hena awaƞyaƞgkiyapi ktelo. Eyaṡ tuwa c̄ikʹala waawaƞyaƞgkiyapi eyaṡ owoṫaƞla waeċuƞ ṡni haƞtaƞṡ taku ota awaƞyaƞgkiyapi hena nakuƞ taƞyaƞ eċuƞ kte ṡni yelo. 11Tuwa mak̇a woyuha hena awaƞyaƞgkiyapi eyaṡ owoṫaƞla waeċuƞ ṡni haƞtaƞṡ, taku ihaƞkeya waṡteḣc̄e ki he iwaċiƞniyapi kte ṡni yelo. 12Tuwa taku ṫawa ṡni hena taƞyaƞ awaƞyaƞke ṡni haƞtaƞṡ, takuni oiyowaja okihipi kte ṡni yelo.
13“Wowaṡi ki he iṫaċaƞ num wiċayuha okihi ṡni yelo. Iṫaċaƞpi ki he uƞmala ohola na wowaṡi ekic̄iċuƞ okihi. Wak̇aƞṫaƞka ṫawowaṡi ki he mak̇a akaƞ awamnaicʹiyapi ki he naiƞṡ maḣpiya wokiċuƞze hena nupiƞyaƞ awaċiƞ naiƞṡ yuwaƞka yuza okihi ṡni yelo. Wak̇aƞṫaƞka na taku mak̇a akaƞ woeċuƞ ki nupiƞyaƞ wilagnicʹiyapi kta oyakihipi ṡni yelo,” eye.
Jesus Taku Waeye
14Pharisees hena lila mazaska ec̄ela waṡtelakapi. Ċa ake Jesus waeye ki he naḣʹuƞpi na iḣaḣa waekiyapi. 15Eyaṡ Jesus leċel owiċakiyake:
Taku ṫokahekiyapi ki hena Wak̇aƞṫaƞka waƞyaƞke na hena takuni ṡniye. 16“John mniawiċakaṡtaƞ ṡnihaƞni iṫokabya oyate ki Moses ṫawooṗe na wiċaṡa-wak̇aƞ-waayaṫaƞiƞ ṫawowapi hena ognayaƞ uƞpi. Eyaṡ woṫaƞiƞ-waṡte oyakapi hetaƞhaƞ tuwe iyuha maḣpiya wokiċuƞze oṗapi kteḣc̄iƞ. 17Eyaṡ Moses ṫawooṗe ki maḣpiya na mak̇oċe ki isam waṡʹagya yaƞke.
18Ċa le iwaƞyaƞkapo, tuwa wiiḣpekiyiƞ na wiƞyaƞ ṫokc̄a waƞji yuze ki he heċetu ṡni. Na tuwa wiƞyaƞ iḣpeyapi ki he yuze kihaƞ wowaḣtani waiċiḣaḣa eċuƞ iyeċec̄a kte.
Wiċaṡa Wijic̄a Waƞ E Na Lazarus
19Wiċaṡa wijic̄a waƞ hayapi oteḣika uƞ na aƞpetu iyohila woyute waṡteṡte yute. 20Ṫatiyopa el wiċaṡa uƞṡika waƞ Lazarus ec̄iyapi ċa ahiuƞpapi. 21He wiċaṡa wijic̄a wagle wotapi ṫawa etaƞhaƞ woyute gluṡnapi hena iyokipiya yute. Ṫaċaƞha ki ṡic̄aya ḣaƞḣaƞ woyazaƞ waƞ eċec̄a, ṡuƞka ki ḣaƞ kic̄islipapi. 22Wiċaṡa uƞṡika ki le tʹe, yuƞk̇aƞ ogligle eya Abraham isakibya yuonihaƞ iyotagkiyapi. Wiċaṡa wijic̄a ki he iƞṡ-eya tʹiƞ na ḣapi. 23Yuƞk̇aƞ wiċotakuniṡni heċiya kakiṡya uƞ, waƞkal etuƞwaƞ yuƞk̇aƞ Abraham kaiyuzeya yaƞka waƞyaƞke na Lazarus isakibya yaƞke. 24Abraham hoyekiye, “Uƞṡimala yo! Na Lazarus hiyuya yo. Nape iƞkpa ki mni okputkaƞ na ċeji miṫawa el ec̄oḣc̄i emapaṫaƞ kte. Ṗeta ki le ohaƞ makakije yelo,” eye. 25Eyaṡ Abraham leċel ayupte, “Mitakuye, yeksuya hwo, yani wahehaƞ taku waṡteṡte iyuha luha na Lazarus iƞṡ taku ota naokpaniyaƞ uƞ, eyaṡ iye wana taƞyaƞ uƞ na niye wana wokakije el yauƞ. 26Na osmaka ṫaƞka waƞ iyokogna yaƞke, ċa tuweni leċiyataƞhaƞ heċiya ya okihi ṡni, na heċiyataƞhaƞ leċiya u okihi ṡni,” eye. 27Ċa ake wiċaṡa wijic̄a tk̇a waƞ he heye, “Abraham, ċec̄iċiye, ate ti ekta Lazarus ye yaṡi kte na mititakuye waƞ hena iwaktawiċayiƞ kte, 28misuƞkala zaptaƞ wiċabluha waƞ hena iwaktawiċayiƞ kte, okenaiƞṡ iƞṡ-eya wokakije ki le el upi kte yelo,” eye. 29Abraham hekiye, “Moses e na wiċaṡa-wak̇aƞ-waayaṫaƞiƞ taku owapi ki hena yawapi na anawiċaġoptaƞpi okihipi,” eye. 30Yuƞk̇aƞ wiċaṡa wijic̄a tk̇a waƞ he heye, “Hiya, tuwa wiċuƞtʹe eċiyataƞhaƞ gli na iwaktawiċaya haƞtaƞṡ anaġoptaƞpi kte na Wak̇aƞṫaƞka etkiya iglueċetupi ktelo,” eye. 31Abraham hekiye, “Moses e na wiċaṡa-wak̇aƞ-waayaṫaƞiƞ hena anawiċaġoptaƞpi ṡni haƞtaƞṡ, nakuƞ tʹapi eċiyataƞhaƞ waƞji kini na iwaktawiċaye kʹeyaṡ wic̄alapi kte ṡni yelo,” eye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© American Bible Society