Yoa. 12

Kiwosakinae Yesu akimyet alo Betania

(Mat. 26:6-13; Mar. 14:3-9)

1Ani idoŋit ŋirwa ŋikanikapei todol Paska, bu Yesu Betania neni ayai Lasaro, ŋolo kebu Yesu kiteyaru alokatwak. 2Kipokinoe iŋes akimuj ŋina ke eboŋ; arae Marita akori akimuj ka arae Lasaro epei a ŋulu aya lomesa kaapei ka Yesu. 3Tolemu Maria akimyet ŋina akukunyon ŋina anyaritae Narido ŋina apol egyelit, kiwos ŋakejen a Yesu, ido kisuta a ŋitim keŋ; torebuwa akukunyu keŋ akai daadaŋ. 4Nai abu Yuda Isikariot, epei alokasyomak a Yesu (ŋolo abu toruwor ekalukinon keŋ) tema, 5“Nyo pa agyelarere akimyet ŋina akukunyon na a ŋidinari a ŋamiae a ŋauni ka inakinae lokulyak?” 6Pa alimunit iŋes ŋun aŋuna esyonitotor iŋes ŋikulyak, nai aŋuna araakar ekokolan. Eŋadae iŋes ecwee ŋolo a ŋisiliŋa ka alemanari ŋisiliŋa ŋulu ewuakinitae tooma keŋ.

7Tolimu Yesu tema, “Kimyekisi aberu na bon; etiyae iŋes nu ka aŋuna ka akoloŋit a ŋina akanukere ayoŋ. 8Irukito iyes ka ŋikulyak jwi jwi, nai nyikiruki ayoŋ ka iyes jwi jwi.”

Totukunoe akiar Lasaro

9Ani eyenuni asepic ŋina a Ŋiyudayan atemar eyai Yesu Betania, potu ikes daadaŋ nen. Pa alosete ikes inaa aanyun Yesu bon, nai eitanito aanyun tari Lasaro ŋolo kebu Yesu kiteyaru alokatwak. 10Aŋun, totukut ŋisacaradotin ŋulu apolok akiar Lasaro daŋ, 11anerae ŋakiro ŋuna ka ayarun a Lasaro ikes aŋeritotor Ŋiyudayan ŋulu alalak ŋisacaradotin, ido apotu tonupa neni a Yesu.

Toloma Yesu Yerusalem

(Mat. 21:1-11; Mar. 11:1-11; Luk. 19:28-40)

12Ani taparacu keŋ, kiira asepic ŋina a ŋituŋa a ŋulu aponito nasuban ŋuna a Paska atemar ebunit Yesu Yerusalem. 13Apotu kigyenyut ŋaten ŋuna ke ekiŋol, toloto akisiryam iŋes ecelasi ebasi, “Osanna! Erereŋ ŋolo ebunit alokiro ke Ekapolon! Erereŋ Erwosit ŋolo a Isirael!”

14Toryamu Yesu isigirya, todokak, ikwapei igiritere Nakigireta ebe,

15“Nyikuryaketa ŋituŋa a Sion!

Kiŋolikisi, ebunit Erwosit neni kus

edokit itaok ŋini ka asigirya!”

16Apaki ŋin, nyeyenut ŋikasyomak keŋ apolou ŋina a ŋakiro a nu, nai ani itopolooryo Yesu anayarun keŋ, totamut ikes atemar kigiritae ŋun Nakigireta aŋuna keŋ ka keponi kitiyakinae neni keŋ. 17Aris ŋituŋa ŋulu arukito ka Yesu apaki ŋina anyaraa iŋes Lasaro analyal kiteyaru alokatwak, kiteyenut ŋakiro ŋuna apotu kitiyakin. 18Arae ŋakiro ŋun ikes aponiata ŋituŋa toloto akisiryam Yesu, anerae aris kiirasi atemar etiya iŋes akujuwuanut. 19Kirworikinos nai Ŋiparisayon make temasi, “Toanyuwasi tokona, emam idiobore ŋini ikipedori iwon akitiyakin. Kiŋolikisi! Ewuapakis ŋituŋa daadaŋ iŋes!”

Acamito Ŋigirik ŋice aanyun Yesu

20Alotooma ŋituŋa ŋulu alosito akilip Yerusalem nasuban ŋuna apolok, ayakasi Ŋigirik daŋ ŋidi. 21Toloto ikes neni a Pilipo (a ŋolo abunit alo Betesaida, anakwap a Galileya), tolimokis iŋes temasi, “Ekapolon, ikicamit isua aanyun Yesu!”

22Tolot Pilipo tolimok Anderia ŋakiro ŋun, torukosi nai ikes kaapei tolimokis Yesu. 23Tolimok Yesu ikes tema, “Adolu tokona apaki ŋina itopoloorere Lokoku a Ituŋanan. 24Akalimokini ayoŋ iyes kire atemar, erubakini ekinyomit ŋolo ke emomwae erae epei, mati kedupakin nalup totwan; ani ketwana, torup nai tolalata. 25Ituŋanan ŋini emina akiyar keŋ, itotwaniyari, nai ŋini ejali akiyar keŋ anakwap a na, eiuni ikotere akiyar ŋina nyedaun. 26Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Kirwor Yesu ŋuna ka atwanare keŋ

27“Eryeba ekaatau iyaloloŋi nooi. Okoe, atemari ayoŋ ai? Atemari, Papa toiunae ayoŋ anapaki a na a? Nai arae aŋuna ka apaki a na abunio ayoŋ, ikotere onaikinia ŋican ŋulu ka apaki a na. 28Papa, kitopoloo ekiro kon!”

Kirworik nai etoil anakuj ebala, “Etopoloo ayoŋ iŋes ka etopoloori iŋes nabo.”

29Apotu ŋituŋa ŋulu awuasi alodiye keŋ kiirasi etoil, temasi ŋice kori agirokinet, temasi ŋice, “Erwor emalaika neni keŋ!”

30Tolimok Yesu ikes tema, “Nyirworo etoil ŋol aŋuna kaŋ, nai erwor aŋuna kus. 31Adol tokona apaki ŋina etubere ŋakiro ŋuna ka akwap a na; imasaryo tokona ekepukan ŋolo ka akwap a na. 32Ani kedaun akikyaar ayoŋ kidiama anakwap, eriuni ŋituŋa daadaŋ neni kaŋ.” 33(Alimuni iŋes ŋun akitoodiunia epite ŋolo etwania iŋes.)

34Toboŋokis ŋituŋa temasi, “Igiritae Lokisila atemar, eropari Kristo jik. Ikokini nai iyoŋ ibala, itemokino Lokoku a Ituŋanan kikyaarae ai? Ŋae mono Lokoku a Ituŋanan ŋol?”

35Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi. 36Ani eriŋa iyakatar akica, tonupa akica, ikotere toruworos iyes ŋituŋa ŋulu ka akica.”

Pa anupito ŋituŋa Yesu

Kedau Yesu erwor ŋun, toesik ikes, toŋop aneni kec. 37Ani tari kitiya iŋes ŋakujuwuanisya ŋuna alalak iteete ikes, nyenupa ikes iŋes. 38Apotu nu kitiyakin, kiyookinotor ŋakiro ŋuna egirit Isaya ekadwaran ebala,

“Ekapolon, ŋae idio ŋini abu tonup ŋakosikiro?

Neni a ŋae abu Ekapolon kitoodik apedor keŋ?”

39Aŋun, nyepedosi ikes akinup, anerae egirit nabo Isaya ebala,

40“Etumudukan Akuj ŋakecekonyen ka etabaŋaan ikes,

ikotere nyiŋolikis a ŋakonyen kec

ka nyeyenut ŋatameta kec,

nyeboŋut neni kaŋ,

tosodi etaŋaleu ayoŋ ikes.”

41Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ. 42Tari kikote neni, apotu tari ŋikapolok ŋulu a Ŋiyudayan ŋulu alalak tonupa Yesu. Nai aŋuna akeritotor ikes Ŋiparisayon, nyelimut ikes ŋakiro ŋun epupete ŋituŋa, ikotere nyiritar ikes alosinagoga. 43Aminasi ikes akitopolooro alotuŋa akilo akitopolooro aneni ka Akuj.

Etubokinete ŋakiro a Yesu ŋituŋa

44Tocelu Yesu nooi tema, “Ŋini akanupi ayoŋ, anup iŋes tari ŋolo ekeyakuunit ayoŋ, meere ayoŋ bon. 45Ŋini ekeŋolik ayoŋ, eŋolik iŋes tari ŋolo ekeyakuunit ayoŋ. 46Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut. 47Ani kiira ituŋanan ŋakiro kaŋ nyiwuapak, nyatubokini ayoŋ iŋes. Pa abuni ayoŋ atubonokin ŋituŋa ŋulu ka akwap, nai aiun ikes. 48Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon. 49Anerae nyerworo ayoŋ aŋuna ka apedor kaŋ bon, erae Papa ŋolo ekeyakuunit ayoŋ, iŋes ekecikakinit ŋakiro ŋuna itemokino olimu ka erwor. 50Ayeni ayoŋ atemar akiciket keŋ iŋes eyauni lotuŋa akiyar ŋina nyedaun. Ŋuna alimuni ayoŋ, alimuni alopite a ŋolo akalimokinitor Papa.”

Currently Selected:

Yoa. 12: NIB2008

Highlight

Copy