Mar. ŊUNA EGEUNETE
ŊUNA EGEUNETE
Egeunito Ŋakiro Ŋuna Ajokak ŋuna egiri Mariko a ŋuna ebasi, “Ŋakiro Ŋuna Ajokak ŋuna a Yesu Kristo, a Lokoku ka Akuj.” Itoodiunitae Yesu erae ekile ŋolo itiyae ka ŋolo eyakar apedor. Etakani apedor keŋ anakitatam keŋ, anareit keŋ ŋipyan ka anakisyonenen ŋasecisya a ŋituŋa. Ebala Yesu elope ebe arae iŋes Lokoku a Ituŋanan, ŋolo abuni akijal akiyar keŋ aŋuna ka alacakin ŋituŋa anasecit.
Irworo Mariko eemut a Yesu alopite a ŋolo ileere ka ŋolo ka akimukekinit. Itogogoŋit iŋes ŋiticisyo ŋulu etiyae Yesu, akilo nooi, ŋakiro ŋuna erworo Yesu ka ŋuna etatami. Kedau erwor adiouriyen ŋakiro ŋuna a Yoana ke Ekebatisan ka ŋuna ke ebatisimu ka akitemo a Yesu, eropakinit Mariko irworo ŋakiro ŋuna ke etic a Yesu, etic ŋolo ka akitaŋaleunun ka ŋolo ka akitatam. Ani kelunyar apaki ŋina aoyan, togeut ŋikewuapak a Yesu ayenun iŋes ejok, nai eyata nooi aŋoit a ŋulu etepegak Yesu. Irworosi ŋiŋaeta ŋulu esidyok ŋakiro ŋuna etiyasi esabit ŋolo esidyon anakiyar a ŋina a Yesu anakwap, irworitae nooi ŋuna ka akibubukino ka ayarun keŋ.
Currently Selected:
Mar. ŊUNA EGEUNETE: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.