Ekim. 2
2
Epite ŋolo amaikina ŋituŋa ewosyata ka iboikin neni elomete
1Kirwor Ekapolon neni a Moses ka Aron tema, 2“Emaikina Ŋisirael todukokis ŋiemae kec, ŋinituŋanan kaapei ka ŋituŋa a ekabila keŋ diyete abendera a ekal keŋ. Emaikina ikes todukokis ŋiemae kec iteorito ŋikekya loeema ŋolokilipet. 3Emaikina ŋituŋa a Yuda toloma lowae ŋolo alo Kide, lowae ŋolo elomununia akoloŋ, Nason lokoku ka Aminadab iŋes erae ekarikon a ŋituŋa a ekabila a Yuda 4Erae ekimar a ŋikilyok a ŋulu epedorito ejie a ŋulu aponi kigirae ŋalipyo ŋatomonikanikaarei ka ŋaomwon ka ŋamiae ŋakanikapei. 5Diyete ekabila a Yuda emaikina toloma ŋituŋa a ekabila a Isakar, ekarikon kec iŋes Nasaniel lokoku a Suar. 6Erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomonikan ka ŋaomwon ka ŋamiae ŋaomwon. 7Diyete a ekabila a Isakar emaikina toloma ŋituŋa a ekabila a Sebulon; ekarikon kec iŋes Eliab ŋolo arae lokoku a Elon. 8Erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomonikan ka ŋakanikaarei ka ŋamiae ŋaomwon. 9Erae ekimar a ŋikilyok analomar a Yuda anatuketa kec kaapei ŋalipyo amiat ka ŋatomonikanikauni ka ŋikanikapei ka ŋamiae ŋaomwon. Ikes emaikina iŋarenete ewuotokinete Ŋisirael anakibois a ŋina sek alomito.
10“Alowae a ŋolo alo Kwap, emaikina toloma ŋituŋa a ekabila a Ruben a ŋatuketa kec. Elisur ŋolo erae lokoku a Sedeur iŋes erae ekarikon a ekabila a Ruben, 11erae ekimar a ŋikilyok a ŋulu apedorete ejie a ŋulu aponi kigirae ŋalipyo ŋatomoniomwon ka ŋakanikapei ka ŋamiae ŋakan. 12Diyete ekabila a Ruben emaikina toloma ŋituŋa a ekabila a Simeon, ekarikon kec iŋes Selumiel lokoku ka Surisadai, 13erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikan ka ŋakanikaomwon ka ŋamiae ŋauni. 14Totupak ekabila a Gad; erae ekarikon a ŋituŋa a ekabila a Gad Eliasap ŋolo arae lokoku ka Reuel, 15erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomoniomwon ka ŋakan ka ŋamiae ŋakanikapei ka ŋatomonikan. 16Erae ekimar a ŋikilyok analomar a Ruben ŋalipyo amiat ka ŋatomonikan ka apei ka ŋamiae ŋaomwon ka ŋatomonikan anatuketa kec, ikes emaikina totupakis ŋituŋa alomar a Yuda ewotokinete Ŋisirael anakibois a ŋina sek alomito,
17“Emaikina kiwuakinae eema ŋolokilipet ka alomar a ŋilepi kidiŋ ŋalomarisinei ŋuna a ŋikabilae a ŋuluce. Ani edoli apaki ŋina ewotokinere, emaikina ŋituŋa kiwuapas lopite ŋolo sek ayakatar ikes eriŋa nyewotokina aneni alomito, tolosete a ŋatuketa, a ŋikabilae kec ka ŋinatukot kiwuapite abendera keŋ.
18“Alowae a ŋolo alo To, emaikina toloma ŋituŋa a ekabila a Epuraim a ŋatuketa kec. Elisama lokoku ka Amiud iŋes eruwor ekarikon a ekabila a Epuraim, 19Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniomwon ka ŋamiae ŋakan. 20Diyete ekabila a Epuraim, emaikina toloma ŋituŋa a ekabila a Manase. Ekarikon kec iŋes, Gamaliel lokoku a Pedasur. 21Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniuni ka ŋaarei ka ŋamiae ŋaarei. 22Totupak ekabila a Benjamin, erae ekarikon a ŋituŋa a ekabila a Benjamin Abidan lokoku a Gideoni. 23Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniuni ka ŋakan ka ŋamiae ŋaomwon. 24Ekimar a ŋikilyok analomar a Epuraim a ŋatuketa kec arae ŋalipyo amiat ka ŋakanikauni ka amiat, ikes emaikina totupakis ŋituŋa alomar a Ruben ewotokinete Ŋisirael anakibois a ŋina sek alomito.
25“Alowae a ŋolo alo Kuju emaikina toloma ŋituŋa a ekabila a Dan a ŋatuketa kec, ekarikon kec iŋes Aieser lokoku ka Abisadai. 26Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikanikapei ka ŋaarei ka ŋamiae ŋakanikaarei. 27Diyete ekabila a Dan emaikina toloma ŋituŋa a ekabila ka Aser, ekarikon kec iŋes Pagiel lokoku ka Okiran. 28Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniomwon ka apei ka ŋamiae ŋakan. 29Totupak ekabila a Naputali, ekarikon kec iŋes Aira lokoku a Enan. 30Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikan ka ŋauni ka ŋamiae ŋaomwon. 31Ekimar a ŋikilyok a daadaŋ analomar a Dan a ŋatuketa kec, erae ŋalipyo amiat ka ŋatomonikan ka ŋakanikaarei ka ŋamiae ŋakanikapei. Ikes erotokinete ekaku ŋikabilae ŋuluce daadaŋ apaki ŋina ewotokiniata Ŋisirael anakibois a ŋina sek alomito.”
32Ekimar a Ŋisirael a daadaŋ a ŋulu aponi kimarunae a ŋikalya atapapaa kec a ŋatuketa analomarisinei kec, arae ŋalipyo ŋamiae ŋakanikapei ka ŋauni ka ŋamiae ŋakan ka ŋatomonikan. 33Ikwapei ecikitor Ekapolon Moses, pa emarakinitae ŋilepi lokimar a Ŋisirael a ŋuluce.
34Apotu Ŋisirael kitiyata lopite ŋolo ecikitor Ekapolon Moses, toloma nakiboisyo a ŋalomarisinei, towotonokis a ŋikabilae, ŋinituŋanan erukito ka ŋituŋa ateker keŋ ka ŋulu a ekal a papa keŋ.
Currently Selected:
Ekim. 2: NIB2008
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 2
2
Epite ŋolo amaikina ŋituŋa ewosyata ka iboikin neni elomete
1Kirwor Ekapolon neni a Moses ka Aron tema, 2“Emaikina Ŋisirael todukokis ŋiemae kec, ŋinituŋanan kaapei ka ŋituŋa a ekabila keŋ diyete abendera a ekal keŋ. Emaikina ikes todukokis ŋiemae kec iteorito ŋikekya loeema ŋolokilipet. 3Emaikina ŋituŋa a Yuda toloma lowae ŋolo alo Kide, lowae ŋolo elomununia akoloŋ, Nason lokoku ka Aminadab iŋes erae ekarikon a ŋituŋa a ekabila a Yuda 4Erae ekimar a ŋikilyok a ŋulu epedorito ejie a ŋulu aponi kigirae ŋalipyo ŋatomonikanikaarei ka ŋaomwon ka ŋamiae ŋakanikapei. 5Diyete ekabila a Yuda emaikina toloma ŋituŋa a ekabila a Isakar, ekarikon kec iŋes Nasaniel lokoku a Suar. 6Erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomonikan ka ŋaomwon ka ŋamiae ŋaomwon. 7Diyete a ekabila a Isakar emaikina toloma ŋituŋa a ekabila a Sebulon; ekarikon kec iŋes Eliab ŋolo arae lokoku a Elon. 8Erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomonikan ka ŋakanikaarei ka ŋamiae ŋaomwon. 9Erae ekimar a ŋikilyok analomar a Yuda anatuketa kec kaapei ŋalipyo amiat ka ŋatomonikanikauni ka ŋikanikapei ka ŋamiae ŋaomwon. Ikes emaikina iŋarenete ewuotokinete Ŋisirael anakibois a ŋina sek alomito.
10“Alowae a ŋolo alo Kwap, emaikina toloma ŋituŋa a ekabila a Ruben a ŋatuketa kec. Elisur ŋolo erae lokoku a Sedeur iŋes erae ekarikon a ekabila a Ruben, 11erae ekimar a ŋikilyok a ŋulu apedorete ejie a ŋulu aponi kigirae ŋalipyo ŋatomoniomwon ka ŋakanikapei ka ŋamiae ŋakan. 12Diyete ekabila a Ruben emaikina toloma ŋituŋa a ekabila a Simeon, ekarikon kec iŋes Selumiel lokoku ka Surisadai, 13erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikan ka ŋakanikaomwon ka ŋamiae ŋauni. 14Totupak ekabila a Gad; erae ekarikon a ŋituŋa a ekabila a Gad Eliasap ŋolo arae lokoku ka Reuel, 15erae ekimar a ŋikilyok a ŋulu apedorito ejie, a ŋulu aponi kigirae ŋalipyo ŋatomoniomwon ka ŋakan ka ŋamiae ŋakanikapei ka ŋatomonikan. 16Erae ekimar a ŋikilyok analomar a Ruben ŋalipyo amiat ka ŋatomonikan ka apei ka ŋamiae ŋaomwon ka ŋatomonikan anatuketa kec, ikes emaikina totupakis ŋituŋa alomar a Yuda ewotokinete Ŋisirael anakibois a ŋina sek alomito,
17“Emaikina kiwuakinae eema ŋolokilipet ka alomar a ŋilepi kidiŋ ŋalomarisinei ŋuna a ŋikabilae a ŋuluce. Ani edoli apaki ŋina ewotokinere, emaikina ŋituŋa kiwuapas lopite ŋolo sek ayakatar ikes eriŋa nyewotokina aneni alomito, tolosete a ŋatuketa, a ŋikabilae kec ka ŋinatukot kiwuapite abendera keŋ.
18“Alowae a ŋolo alo To, emaikina toloma ŋituŋa a ekabila a Epuraim a ŋatuketa kec. Elisama lokoku ka Amiud iŋes eruwor ekarikon a ekabila a Epuraim, 19Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniomwon ka ŋamiae ŋakan. 20Diyete ekabila a Epuraim, emaikina toloma ŋituŋa a ekabila a Manase. Ekarikon kec iŋes, Gamaliel lokoku a Pedasur. 21Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniuni ka ŋaarei ka ŋamiae ŋaarei. 22Totupak ekabila a Benjamin, erae ekarikon a ŋituŋa a ekabila a Benjamin Abidan lokoku a Gideoni. 23Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniuni ka ŋakan ka ŋamiae ŋaomwon. 24Ekimar a ŋikilyok analomar a Epuraim a ŋatuketa kec arae ŋalipyo amiat ka ŋakanikauni ka amiat, ikes emaikina totupakis ŋituŋa alomar a Ruben ewotokinete Ŋisirael anakibois a ŋina sek alomito.
25“Alowae a ŋolo alo Kuju emaikina toloma ŋituŋa a ekabila a Dan a ŋatuketa kec, ekarikon kec iŋes Aieser lokoku ka Abisadai. 26Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikanikapei ka ŋaarei ka ŋamiae ŋakanikaarei. 27Diyete ekabila a Dan emaikina toloma ŋituŋa a ekabila ka Aser, ekarikon kec iŋes Pagiel lokoku ka Okiran. 28Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomoniomwon ka apei ka ŋamiae ŋakan. 29Totupak ekabila a Naputali, ekarikon kec iŋes Aira lokoku a Enan. 30Erae ekimar a ŋikilyok a ŋulu apedorito ejie a ŋulu aponi kigirae ŋalipyo ŋatomonikan ka ŋauni ka ŋamiae ŋaomwon. 31Ekimar a ŋikilyok a daadaŋ analomar a Dan a ŋatuketa kec, erae ŋalipyo amiat ka ŋatomonikan ka ŋakanikaarei ka ŋamiae ŋakanikapei. Ikes erotokinete ekaku ŋikabilae ŋuluce daadaŋ apaki ŋina ewotokiniata Ŋisirael anakibois a ŋina sek alomito.”
32Ekimar a Ŋisirael a daadaŋ a ŋulu aponi kimarunae a ŋikalya atapapaa kec a ŋatuketa analomarisinei kec, arae ŋalipyo ŋamiae ŋakanikapei ka ŋauni ka ŋamiae ŋakan ka ŋatomonikan. 33Ikwapei ecikitor Ekapolon Moses, pa emarakinitae ŋilepi lokimar a Ŋisirael a ŋuluce.
34Apotu Ŋisirael kitiyata lopite ŋolo ecikitor Ekapolon Moses, toloma nakiboisyo a ŋalomarisinei, towotonokis a ŋikabilae, ŋinituŋanan erukito ka ŋituŋa ateker keŋ ka ŋulu a ekal a papa keŋ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.