Ekim. 3
3
Ŋidwe ka Aron ŋulusapa
(Ŋilep. 10:1-7)
1Erae lu ŋiletok ka Aron ka Moses apaki ŋina erworotor Ekapolon ka Moses alomoru Sinai. 2Ŋirorwa a ŋidwe ka Aron ikes lu: Nadab iŋes ŋolokiyae, totupak Abiu, Eleasar ka Isamar, 3erae ŋul ŋidwe ka Aron, ŋisacaradotin ŋulu aponi inakinae etic ŋolo ka asacaradotonu. 4Apotu Nadab ka Abiu totwaka alokiŋaren Ekapolon apaki ŋina ainakiniata ikes akim ŋina pa etaleuno neni ke Ekapolon analoŋisat a Sinai ka amamukatar ikes ŋidwe. Apotu Eleasar ka Isamar kitiyata ikwapei ŋisacaradotin alorwa a ŋulu ayarya papa kec Aron.
Ŋiticisyo a ŋilepi
5Abu nai Ekapolon kirwor neni a Moses tema, 6“Toseu ŋituŋa a ekabila a Lepi, inak ikes neni ka Aron esacaradoti, ikotere kiŋarakis ikes iŋes. 7Itiyaete ikes ŋiticisyo aŋuna ka Aron ka aŋuna ka atukot a ŋituŋa a daadaŋ alokiŋaren eema ŋolokilipet, 8emaikina ikes kiyoko ŋiboro daadaŋ ŋulu eya loeema ŋolokilipet ka akitiya ŋiticisyo daadaŋ aŋuna a Ŋisirael apaki ŋina itiyata ikes loeema ŋolokilipet. 9Emaikina iyoŋ inak ŋilepi neni ka Aron ka ŋiletok keŋ, erae ikes ŋulu etyakunitae aneni a Ŋisirael aŋuna keŋ. 10Nai Aron bon ka ŋiletok keŋ ikes iinakini iyoŋ akitiya loeema ŋolokilipet ikwapei ŋisacaradotin. Ituŋanan daadaŋ ŋini elomari neni itiyaete ikes, emaikina toarae.”
11Kirwor nai Ekapolon neni a Moses tema, 12“Adau ayoŋ aseun aŋuna kaŋ ŋilepi aneni a Ŋisirael daadaŋ kilunyokin neni a ŋidwe a ŋulukiyae a ŋulu a Ŋisirael. Eruworosi ŋilepi ŋulu kaŋ, 13anerae erae ŋidwe ŋulu ŋikiyae daadaŋ ŋulu kaŋ; apaki ŋina aarya ayoŋ ŋidwe ŋulu ŋikiyae daadaŋ anakwap a Ijipit, abu ayoŋ eturuwo ŋidwe ŋulukiyae a Ŋisirael daadaŋ, ŋulu a ŋityaŋ ka ŋulu a ŋituŋa ŋulu kaŋ, eruworosi ikes daadaŋ ŋulu kaŋ. Arae ayoŋ Ekapolon!”
Akimaro a ŋilepi
(Ekim. 1:47-54)
14Abu nai Ekapolon kirwor neni a Moses analoŋisat a ŋina a Sinai tema, 15“Kigir ŋilepi a ŋikalya atapapaa kec ka a ŋatekerin, kigir ŋidwe ŋulusapa ŋulu erae apolou kec elap epei ka adepar.” 16Aŋun, abu Moses kigir ŋidwe ŋul lopite ŋolo alimunitor Ekapolon, ikwapei ecikitere iŋes. 17Ŋirorwa a ŋidwe a Lepi a ŋulusapa ikes lu: Gerison, Koas ka Merari. 18Ŋiletok a Gerison a ŋatekerin kec ikes lu: Libini ka Simei. 19Ŋiletok a Koas a ŋatekerin kec ikes lu: Amiram, Isar, Eburon ka Usiel. 20Ŋiletok a Merari a ŋatekerin kec ikes lu: Mali ka Musi. Erae ŋun ŋatekerin a Lepi a ŋikalya atapapaa kec.
21Ŋatekerin a Gerison ikes nu: Ŋilibini ka Ŋisimet. 22Arae ekimar a ŋidwe a daadaŋ a ŋulusapa a ŋulu arae apolou kec elap epei ka adepar ŋalipyo ŋakanikaarei ka ŋamiae ŋakan. 23Amaikina ŋatekerin a Ŋigerisoni toloma kaku eema ŋolokilipet, 24arae ekarikon a ŋatekerin a Ŋigerisoni Eliasap lokoku a Lael. 25Ainakinitae ŋisapa a ateker a Gerison etic ŋolo ka akibois a ŋina asegan ka eema ŋolokilipet, ŋarapeta ŋuna alokidiama, anaŋga ŋina ayai neni elomarere loeema ŋolokilipet, 26ŋanaŋgae ŋuna enenetoi nalapatu, anaŋga ŋina eneno neni elomarere nalapatu ŋina erimokinit akibois ŋina asegan ka namuroet ka akiricit ŋaunoi ŋuna ke eema. Ainakinitae ikes ŋiticisyo daadaŋ ŋulu esitiyaere ŋiboro ŋul.
27Ŋatekerin a Koas ikes nu: Ateker a Ŋiamirami, ateker a Ŋisaris, ateker a Ŋieburoni ka ateker a Ŋiuseili. 28Arae ekimar a ŋidwe a ŋulusapa a daadaŋ a ŋulu arae apolou kec elap epei ka adepar ŋalipyo ŋakanikauni ka ŋamiae ŋakanikapei. Amaikina ikes itiyaete ŋiticisyo anakibois a ŋina asegan. 29Amaikina ŋatekerin a Ŋikoasi toloma lowae ŋolo alo Kwap eema ŋolokilipet. 30Arae ekarikon a ŋatekerin a Ŋikoasi Elisapan lokoku a Usiel. 31Ainakinitae Ŋikoasi ŋiticisyo lu: Ŋolo ka Asaduku a ŋina ka Acamunet, ŋolo a emesa a ŋolo a awoet a ŋina ke etaa, ŋolo a ŋamuroeta ka ŋolo a ŋikopoi ka ŋabakulei ŋuna isitiyaete ŋisacaradotin anakibois a ŋina asegan ta ŋolo ka anaŋga. Ainakinitae ikes ŋiticisyo daadaŋ ŋulu eitana aŋuna a ŋiboro a ŋul. 32Eleasar lokoku ka Aron a ŋolo erae esacaradoti iŋes epolokini ŋikarikok a ŋilepi ka epolokinit ŋulu ainakinitae akitiya ŋiticisyo anakibois a ŋina asegan.
33Ŋatekerin a Ŋimerari ikes nu: Ateker a Ŋimalit, ateker a Ŋimusit. 34Arae ekimar a ŋidwe a ŋulusapa daadaŋ a ŋulu arae apolou kec elap epei ka adepar ŋalipyo ŋakanikapei ka ŋamiae ŋaarei, 35arae ekarikon a ŋatekerin a Ŋimerari Suriel lokoku ka Abiail. Amaikina ikes toloma lowae ŋolo alo Kuju eema ŋolokilipet. 36Ainakinitae Ŋimerari ŋiticisyo lu: Ŋolo a ŋakito a ŋuna adukunitere akibois ŋina asegan, ŋolo a ŋakito a ŋuna eriwonokinitae loeema, a ŋipirin, a ŋakito a ŋuna ewuar eema ka ŋiboro kec daadaŋ ŋulu esitiyao a nen. Ainakinitae ikes ŋiticisyo daadaŋ ŋulu etiyao a nen, 37Ainakinitae ikes etic ŋolo a ŋipirin a daadaŋ a ŋulu ka alapatu a daadaŋ ka ŋolo a ŋakito a ŋuna apetanakinio kwap eema ka ŋases ta ŋaunoi.
38Emaikina Moses ka Aron ta ŋidwe ka Aron ŋulusapa toloma kiŋaŋaren eema ŋolokilipet, lowae ŋolo alo Kide, ŋolo elomununia akoloŋ, etic kec akitiya ŋitalyo alotooma akibois ŋina asegan aŋuna a Ŋisirael. Ituŋanan daadaŋ ŋini aapiyari nen, amaikina toarae.
39Ekimar a ŋilepi a ŋulu apotu Moses ka Aron kigira a ŋatekerin kec lopite ŋolo ecikitor Ekapolon Moses arae ŋalipyo ŋatomoniarei ka ŋaarei, arae ŋul daadaŋ ŋidwe ŋulusapa ŋulu arae apolou kec elap epei ka adepar.
Alakun ŋikiyae
40Kirwor Ekapolon neni a Moses tema, “Kigir ŋidwe daadaŋ ŋulusapa ŋulu erae ŋikiyae aneni a Ŋisirael, ŋidwe ŋulu erae apolou kec elap epei ka adepar, kimar ikes. 41Nai emaikina iyoŋ kimyek ŋilepi aŋuna kaŋ. Arae ayoŋ Ekapolon! Ilunyokin ŋul neni a ŋidwe a daadaŋ a ŋulusapa a ŋulukiyae aneni a Ŋisirael ka ikwaŋinapei ilunyokin ŋibaren daadaŋ ŋulu a ŋilepi neni a ŋikiyae a ŋibaren a Ŋisirael. 42Aŋun, abu Moses kigir ŋidwe daadaŋ ŋulusapa ŋulukiyae ŋulu a Ŋisirael, lopite ŋolo ecikitor Ekapolon. 43Arae ekimar a ŋidwe a daadaŋ a ŋulusapa a ŋulukiyae a ŋulu arae apolou kec elap epei ka adepar imaritae a ŋirorwa kec ŋalipyo ŋatomoniarei ka ŋaarei ka ŋamiae ŋaarei ka ŋatomonikanikaarei ka ŋauni.”
44Kirwor nabo Ekapolon neni a Moses tema, 45“Totyaka ŋilepi kilunyokinos neni a ŋidwe a ŋulusapa a ŋulukiyae a ŋulu a Ŋisirael ka ŋibaren a ŋilepi kilunyokin neni a ŋikiyae a ŋibaren a Ŋisirael, eruworosi ŋilepi ŋulu kaŋ. Arae ayoŋ Ekapolon! 46Ikwapei elalaketa ŋidwe a Ŋisirael ŋulusapa ŋulu erae ŋikiyae akilo ŋilepi, edeparit ekimar a ŋidwe a Ŋisirael ŋolo a ŋidwe a ŋilepi a ŋidwe ŋamiae ŋaarei ka ŋatomonikanikaarei ka ŋiuni, 47emaikina iyoŋ kijau aŋuna a ŋinikoku ŋicekelya ŋikan, ipimitae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. 48Emaikina iyoŋ iinak Aron ka ŋidwe keŋ ŋulusapa ŋisiliŋa ŋul ŋulu elakunitere ŋidwe a Ŋisirael ŋulusapa ŋulu adeparito ekimar kec ŋolo a ŋidwe” 49Abu nai Moses kijau ŋisiliŋa ŋulu alakunere ŋidwe a Ŋisirael ŋulukiyae ŋulu adeparit ekimar kec ŋolo a ŋilepi, 50Kirirau Moses ŋisiliŋa ŋulu arae apotis kec ŋicekelya aliput ka ŋamiae ŋauni ka ŋatomonikanikapei ka ŋakan ipimunitae alotyae aŋicekelya a ŋulu ecamunito ŋituŋa daadaŋ isitiyao anakibois a ŋina asegan, 51ido abu inak ŋisiliŋa ŋul neni ka Aron ka ŋidwe keŋ ŋulusapa, lopite ŋolo alimunitor Ekapolon, ikwapei ecikitor Ekapolon Moses.
Currently Selected:
Ekim. 3: NIB2008
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ekim. 3
3
Ŋidwe ka Aron ŋulusapa
(Ŋilep. 10:1-7)
1Erae lu ŋiletok ka Aron ka Moses apaki ŋina erworotor Ekapolon ka Moses alomoru Sinai. 2Ŋirorwa a ŋidwe ka Aron ikes lu: Nadab iŋes ŋolokiyae, totupak Abiu, Eleasar ka Isamar, 3erae ŋul ŋidwe ka Aron, ŋisacaradotin ŋulu aponi inakinae etic ŋolo ka asacaradotonu. 4Apotu Nadab ka Abiu totwaka alokiŋaren Ekapolon apaki ŋina ainakiniata ikes akim ŋina pa etaleuno neni ke Ekapolon analoŋisat a Sinai ka amamukatar ikes ŋidwe. Apotu Eleasar ka Isamar kitiyata ikwapei ŋisacaradotin alorwa a ŋulu ayarya papa kec Aron.
Ŋiticisyo a ŋilepi
5Abu nai Ekapolon kirwor neni a Moses tema, 6“Toseu ŋituŋa a ekabila a Lepi, inak ikes neni ka Aron esacaradoti, ikotere kiŋarakis ikes iŋes. 7Itiyaete ikes ŋiticisyo aŋuna ka Aron ka aŋuna ka atukot a ŋituŋa a daadaŋ alokiŋaren eema ŋolokilipet, 8emaikina ikes kiyoko ŋiboro daadaŋ ŋulu eya loeema ŋolokilipet ka akitiya ŋiticisyo daadaŋ aŋuna a Ŋisirael apaki ŋina itiyata ikes loeema ŋolokilipet. 9Emaikina iyoŋ inak ŋilepi neni ka Aron ka ŋiletok keŋ, erae ikes ŋulu etyakunitae aneni a Ŋisirael aŋuna keŋ. 10Nai Aron bon ka ŋiletok keŋ ikes iinakini iyoŋ akitiya loeema ŋolokilipet ikwapei ŋisacaradotin. Ituŋanan daadaŋ ŋini elomari neni itiyaete ikes, emaikina toarae.”
11Kirwor nai Ekapolon neni a Moses tema, 12“Adau ayoŋ aseun aŋuna kaŋ ŋilepi aneni a Ŋisirael daadaŋ kilunyokin neni a ŋidwe a ŋulukiyae a ŋulu a Ŋisirael. Eruworosi ŋilepi ŋulu kaŋ, 13anerae erae ŋidwe ŋulu ŋikiyae daadaŋ ŋulu kaŋ; apaki ŋina aarya ayoŋ ŋidwe ŋulu ŋikiyae daadaŋ anakwap a Ijipit, abu ayoŋ eturuwo ŋidwe ŋulukiyae a Ŋisirael daadaŋ, ŋulu a ŋityaŋ ka ŋulu a ŋituŋa ŋulu kaŋ, eruworosi ikes daadaŋ ŋulu kaŋ. Arae ayoŋ Ekapolon!”
Akimaro a ŋilepi
(Ekim. 1:47-54)
14Abu nai Ekapolon kirwor neni a Moses analoŋisat a ŋina a Sinai tema, 15“Kigir ŋilepi a ŋikalya atapapaa kec ka a ŋatekerin, kigir ŋidwe ŋulusapa ŋulu erae apolou kec elap epei ka adepar.” 16Aŋun, abu Moses kigir ŋidwe ŋul lopite ŋolo alimunitor Ekapolon, ikwapei ecikitere iŋes. 17Ŋirorwa a ŋidwe a Lepi a ŋulusapa ikes lu: Gerison, Koas ka Merari. 18Ŋiletok a Gerison a ŋatekerin kec ikes lu: Libini ka Simei. 19Ŋiletok a Koas a ŋatekerin kec ikes lu: Amiram, Isar, Eburon ka Usiel. 20Ŋiletok a Merari a ŋatekerin kec ikes lu: Mali ka Musi. Erae ŋun ŋatekerin a Lepi a ŋikalya atapapaa kec.
21Ŋatekerin a Gerison ikes nu: Ŋilibini ka Ŋisimet. 22Arae ekimar a ŋidwe a daadaŋ a ŋulusapa a ŋulu arae apolou kec elap epei ka adepar ŋalipyo ŋakanikaarei ka ŋamiae ŋakan. 23Amaikina ŋatekerin a Ŋigerisoni toloma kaku eema ŋolokilipet, 24arae ekarikon a ŋatekerin a Ŋigerisoni Eliasap lokoku a Lael. 25Ainakinitae ŋisapa a ateker a Gerison etic ŋolo ka akibois a ŋina asegan ka eema ŋolokilipet, ŋarapeta ŋuna alokidiama, anaŋga ŋina ayai neni elomarere loeema ŋolokilipet, 26ŋanaŋgae ŋuna enenetoi nalapatu, anaŋga ŋina eneno neni elomarere nalapatu ŋina erimokinit akibois ŋina asegan ka namuroet ka akiricit ŋaunoi ŋuna ke eema. Ainakinitae ikes ŋiticisyo daadaŋ ŋulu esitiyaere ŋiboro ŋul.
27Ŋatekerin a Koas ikes nu: Ateker a Ŋiamirami, ateker a Ŋisaris, ateker a Ŋieburoni ka ateker a Ŋiuseili. 28Arae ekimar a ŋidwe a ŋulusapa a daadaŋ a ŋulu arae apolou kec elap epei ka adepar ŋalipyo ŋakanikauni ka ŋamiae ŋakanikapei. Amaikina ikes itiyaete ŋiticisyo anakibois a ŋina asegan. 29Amaikina ŋatekerin a Ŋikoasi toloma lowae ŋolo alo Kwap eema ŋolokilipet. 30Arae ekarikon a ŋatekerin a Ŋikoasi Elisapan lokoku a Usiel. 31Ainakinitae Ŋikoasi ŋiticisyo lu: Ŋolo ka Asaduku a ŋina ka Acamunet, ŋolo a emesa a ŋolo a awoet a ŋina ke etaa, ŋolo a ŋamuroeta ka ŋolo a ŋikopoi ka ŋabakulei ŋuna isitiyaete ŋisacaradotin anakibois a ŋina asegan ta ŋolo ka anaŋga. Ainakinitae ikes ŋiticisyo daadaŋ ŋulu eitana aŋuna a ŋiboro a ŋul. 32Eleasar lokoku ka Aron a ŋolo erae esacaradoti iŋes epolokini ŋikarikok a ŋilepi ka epolokinit ŋulu ainakinitae akitiya ŋiticisyo anakibois a ŋina asegan.
33Ŋatekerin a Ŋimerari ikes nu: Ateker a Ŋimalit, ateker a Ŋimusit. 34Arae ekimar a ŋidwe a ŋulusapa daadaŋ a ŋulu arae apolou kec elap epei ka adepar ŋalipyo ŋakanikapei ka ŋamiae ŋaarei, 35arae ekarikon a ŋatekerin a Ŋimerari Suriel lokoku ka Abiail. Amaikina ikes toloma lowae ŋolo alo Kuju eema ŋolokilipet. 36Ainakinitae Ŋimerari ŋiticisyo lu: Ŋolo a ŋakito a ŋuna adukunitere akibois ŋina asegan, ŋolo a ŋakito a ŋuna eriwonokinitae loeema, a ŋipirin, a ŋakito a ŋuna ewuar eema ka ŋiboro kec daadaŋ ŋulu esitiyao a nen. Ainakinitae ikes ŋiticisyo daadaŋ ŋulu etiyao a nen, 37Ainakinitae ikes etic ŋolo a ŋipirin a daadaŋ a ŋulu ka alapatu a daadaŋ ka ŋolo a ŋakito a ŋuna apetanakinio kwap eema ka ŋases ta ŋaunoi.
38Emaikina Moses ka Aron ta ŋidwe ka Aron ŋulusapa toloma kiŋaŋaren eema ŋolokilipet, lowae ŋolo alo Kide, ŋolo elomununia akoloŋ, etic kec akitiya ŋitalyo alotooma akibois ŋina asegan aŋuna a Ŋisirael. Ituŋanan daadaŋ ŋini aapiyari nen, amaikina toarae.
39Ekimar a ŋilepi a ŋulu apotu Moses ka Aron kigira a ŋatekerin kec lopite ŋolo ecikitor Ekapolon Moses arae ŋalipyo ŋatomoniarei ka ŋaarei, arae ŋul daadaŋ ŋidwe ŋulusapa ŋulu arae apolou kec elap epei ka adepar.
Alakun ŋikiyae
40Kirwor Ekapolon neni a Moses tema, “Kigir ŋidwe daadaŋ ŋulusapa ŋulu erae ŋikiyae aneni a Ŋisirael, ŋidwe ŋulu erae apolou kec elap epei ka adepar, kimar ikes. 41Nai emaikina iyoŋ kimyek ŋilepi aŋuna kaŋ. Arae ayoŋ Ekapolon! Ilunyokin ŋul neni a ŋidwe a daadaŋ a ŋulusapa a ŋulukiyae aneni a Ŋisirael ka ikwaŋinapei ilunyokin ŋibaren daadaŋ ŋulu a ŋilepi neni a ŋikiyae a ŋibaren a Ŋisirael. 42Aŋun, abu Moses kigir ŋidwe daadaŋ ŋulusapa ŋulukiyae ŋulu a Ŋisirael, lopite ŋolo ecikitor Ekapolon. 43Arae ekimar a ŋidwe a daadaŋ a ŋulusapa a ŋulukiyae a ŋulu arae apolou kec elap epei ka adepar imaritae a ŋirorwa kec ŋalipyo ŋatomoniarei ka ŋaarei ka ŋamiae ŋaarei ka ŋatomonikanikaarei ka ŋauni.”
44Kirwor nabo Ekapolon neni a Moses tema, 45“Totyaka ŋilepi kilunyokinos neni a ŋidwe a ŋulusapa a ŋulukiyae a ŋulu a Ŋisirael ka ŋibaren a ŋilepi kilunyokin neni a ŋikiyae a ŋibaren a Ŋisirael, eruworosi ŋilepi ŋulu kaŋ. Arae ayoŋ Ekapolon! 46Ikwapei elalaketa ŋidwe a Ŋisirael ŋulusapa ŋulu erae ŋikiyae akilo ŋilepi, edeparit ekimar a ŋidwe a Ŋisirael ŋolo a ŋidwe a ŋilepi a ŋidwe ŋamiae ŋaarei ka ŋatomonikanikaarei ka ŋiuni, 47emaikina iyoŋ kijau aŋuna a ŋinikoku ŋicekelya ŋikan, ipimitae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. 48Emaikina iyoŋ iinak Aron ka ŋidwe keŋ ŋulusapa ŋisiliŋa ŋul ŋulu elakunitere ŋidwe a Ŋisirael ŋulusapa ŋulu adeparito ekimar kec ŋolo a ŋidwe” 49Abu nai Moses kijau ŋisiliŋa ŋulu alakunere ŋidwe a Ŋisirael ŋulukiyae ŋulu adeparit ekimar kec ŋolo a ŋilepi, 50Kirirau Moses ŋisiliŋa ŋulu arae apotis kec ŋicekelya aliput ka ŋamiae ŋauni ka ŋatomonikanikapei ka ŋakan ipimunitae alotyae aŋicekelya a ŋulu ecamunito ŋituŋa daadaŋ isitiyao anakibois a ŋina asegan, 51ido abu inak ŋisiliŋa ŋul neni ka Aron ka ŋidwe keŋ ŋulusapa, lopite ŋolo alimunitor Ekapolon, ikwapei ecikitor Ekapolon Moses.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.