Ekim. 34
34
Ŋikukorin ka akwap a Kanaan
1Kirwor Ekapolon neni a Moses tema, 2“Kicik Ŋisirael, tolimok ikes ebe, ‘Ani ilomarete iyes nakwap a Kanaan (iŋes akwap ŋina akainakinit ayoŋ iyes toruwor ŋina kus, erae akwap a Kanaan ŋina igerunito ŋikukorin lu:) 3Alowae a ŋolo alo Kwap, emyeari ekukoru analoŋisat a ŋina a Sin (iŋes Kades) alokukoruu a ŋolo ka akwap a Edom. Egeuni ekukoru ŋolo alo Kwap alokisal a Anam ŋina Atwan a ŋina eyai Kide. #34:3 Anam ŋina Atwan: Iŋes anam ŋina ka Acumbi 4kilugok a nen lowae ŋolo alo Kwap totub aloŋisat Sin tomyaa Kwap Akirabim-Pas, totubor naloŋisat Sin kisalakin Kades-Barinea alowae a ŋolo alo Kwap tomea a nen tari Asar-Adar, totubor Asimon 5neni ilugokinia tomyaa nayonae ŋina a Ijipit, kisalakin nanam Mediteranian.
6“‘Ekukoru kus ŋolo alo To iŋes anam Mediteranian.
7“‘Ekukoru kus ŋolo alo Kuju iŋes lo: Ageun ananam Mediteranian tari Moru Or 8ka ameun alo Moru Or emyaari tari Leboamas, tomyaa nabo tari Sedad, 9tomyaa a nen tari Sipiron kisalakin Asarenan. Eruwor ŋol ekukoru kus ŋolo alo Kuju.
10“‘Egeuni ekukoru kus ŋolo alo Kide alo Asar-Enam, toremor Sepam 11totiyaar a nen tomyaa Ribila alowae a ŋolo alo Kide Ain, totiyaar a nen toman adipo anam Kineres #34:11 Kineres: Iŋes Galileya alo Kide, 12totiyaar nabo a nen tari Yorodan, tomek Yorodan kisalak nanam ŋina Atwan. Eruwor ŋin akwap kus ka ŋikukorin ŋulu irimokinito iŋes kidiŋ.’”
13Kicik Moses Ŋisirael tema, “Erae ŋin akwap ŋina eruwor ŋina kus anakilamilam, akwap ŋina ecik Ekapolon ainakin lotuŋa a ŋikabilae a ŋikanikaomwon ka atutubet apei ŋina a ekabila a epei; 14anerae adaut ŋituŋa a ekabila a Ruben ka ŋulu a ekabila a Gad aryamun akwap kec kaapei ka atutubet apei ŋina a ekabila a Manase. 15Aryamut ŋikabilae ŋuluarei ŋul ka atutubet apei a ekabila a epei akwap ŋina aruwor ŋina kec alokekwaye Yorodan amyar alo Yeriko tomyaa lowae ŋolo alo Kide.”
Ŋikarikok a ŋikabilae
16Kirwor Ekapolon neni a Moses tema, 17“Erae lu ŋirorwa a ŋikilyok a ŋulu ikikorakinete iyes akwap ŋina eruwor ŋina kus: Esacaradoti Eleasar ka Yosua lokoku a Nun. 18Emaikina iyes tonyaraut ekarikon epei alotooma ŋolokabila akoranakin ŋituŋa akwap ŋina eruwor ŋina kec.” 19Ŋirorwa a ŋikilyok a ŋul ikes lu: Alokabila a Yuda Kaleb lokoku a Yepune. 20Alokabila a Simon Semuel lokoku a Amiud. 21Alokabila a Benjamin Elidad lokoku a Kisilon. 22Alokabila a Dan Buki lokoku a Yogili. 23Alokabilae a ŋiletok a Yosepu tonyara lu: Alokabila a Manase Aniel lokoku a Epod 24ka alokabila a Epuraim Kemuel lokoku a Sipitan. 25Alokabila a Sebulon Elisapan lokoku a Paranak. 26Alokabila a Isakar Palitiel lokoku ka Asan. 27Alokabila ka Aser ekarikon iŋes Aiud lokoku a Selomi. 28Alokabila a Naputali Padael lokoku ka Amiud. 29Erae ŋul ŋikilyok ŋulu alimoki Ekapolon akorakin Ŋisirael akwap ŋina eruwor ŋina kec anakwap a Kanaan
Currently Selected:
Ekim. 34: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.