Ekim. ŊUNA EGEUNETE
ŊUNA EGEUNETE
Irworo ekitaabo ŋolo a Ekimar eemut a Ŋisirael ŋolo a ŋikaru a ŋulu eapiyarito ŋatomoniomwon ameun anapaki a ŋina arotokinioto ikes alomoru Sinai tari ŋina adolyoto ikes lokukoru ŋolo alo Kide ŋolo ka akwap a ŋina abu Akuj kiik ainakin ikes. Eryamunit ekitaabo lo ekiro keŋ anakirot a ŋina apolon a ŋina abu Moses kitiya neni a Ŋisirael, akirot ŋin iŋes na, akimar ŋituŋa a Isirael ŋina abu Moses kitiya alomoru Sinai eriŋa ikes nyerotokino a nen ka akimar Ŋisirael alo Moab alo Kide aŋolol Yorodan, ekaku a anyamet a apei. Ameun anakimar a ŋina esyaunan tari ŋina a ŋaarei, apotu Ŋisirael toloto Kades-Barinea lotaun ŋolo ayai lokukoru ŋolo alo Kwap akwap a Kanaan, nai apotu nyepedosi alomar nakwap ŋina eikinitae ikes alowae a ŋol. Kedaut akiboi ŋikaru ŋulu alalak a nen, apotu toloto nakwap ŋina alo Kide aŋolol Yorodan, neni apotu ŋituŋa ŋice toloma, ido apotu ŋuluce kitemonokin aŋuna ka adokar ekekwaye aŋolol alomar Kanaan.
Erae ekitaabo a Ekimar eemut a Ŋisirael a ŋulu apotu ŋarwa ŋuna alalak toyakaunotor ŋakadanakineta ka akuryanu aŋuna a ŋatyokisyo ka apotu ikes toŋero Akuj ka Moses ekile ŋolo abu Akuj toseu akirik ikes. Irworit ekitaabo lo eemut ŋolo ka Akuj a ŋina ikinyoma a ŋina abu torubak iŋarakinit ŋituŋa keŋ tari ŋina apalagyata ikes anakiwuapit iŋes ka ŋina aŋereneneoto iŋes. Irworit daŋ ekitaabo lo ŋuna a Moses a ŋolo ayakar akerit ŋina nyiryaŋiryaŋa aŋuna ka Akuj ka ŋituŋa keŋ tari daŋ ŋina abunio iŋes ŋapakio ŋace nyeyakaunor akidaŋidaŋ.
Currently Selected:
Ekim. ŊUNA EGEUNETE: NIB2008
Highlight
Share
Compare
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.