Kub 12
12
Okwetwa kw'Abburamu
1 #
Ama 10:5; Ebik 7:2,3; Baheb 11:8. MUKAMA yagambira Abburamu ati: “Ruga omunsi ey'owanyu, omu bantu ab'oruganda rwawe, omunju ya Sso, ogende omunsi ei ndaakwoleka. 2Ndikwihamu ihanga erikooto, ndikuha omugisa, ibara lyawe ndirifoora ly'ekitiinisa, nukwo ohaiseege abandi omugisa. 3#Bag 3:8.Abo abaraakusabiraga omugisa, ndaabahaga omugisa, kandi ogu araakukyenaga nanyowe ndamukyenaga; amahanga goona ag'ensi niiwe galitungiramu omugisa.”
4Aho, Abburamu yagenda, MUKAMA nkooku yamugambiire; kandi yagenda na Looti. Abburamu kuruga Harani, akaba ahikize emyaka nsanju n'etaano ey'obukuru. 5Akatwara Sarai mukazi we, na Looti omwana w'owanyina, n'ebintu byabo byona ebi bakaba batungire, n'abantu aba baatungiire omunsi Harani, baimukya baagenda Kanaani, 6yairrayo, yahika omu kiikaro Sekemu, nambere hali omuti omusisa ogunyakuli omunsi Moorebi. Omu kasumi ako, Abanyakanaani nubo bakaba bali omunsi egi. 7#Ebik 7:5; Bag 3:16.Aho, MUKAMA yabonekera Abburamu yamugambira ati: “Abaijukuru bawe ndibaha ensi enu.” Nahabweki, Abburamu aho yayombekaho itambiro, yalyombekera MUKAMA ayamubonekiire. 8Obu yarugire aho, yagenda ha rusozi orunyakuli Burugaizooba bwa Beeteri, yateera eheema ye, Besero emuli Bugwaizooba, kandi Ai emuli Burugaizooba; kandi oku naho, akombekerayo MUKAMA itambiro, ramya MUKAMA. 9Abburamu yayongera orugendo rwe, akwasire omuhanda ogurukugenda Negebu.#12:9 Negebu: Kanaani
Abburamu ali omunsi Misiri
10Omu kasumi ako, kiihe ekaba egwire omunsi, Abburamu yafuruka, yagenda kwikara Misiri, habwokuba kiihe ekaba ehinguraine. 11Obu akaba ali haihi kutaaha Misiri, yagambira Sarai mukazi we ati: “Mmanyire nkooku oli mukazi enyamibwa, 12Abanyamisiri obu baraakurora, nibaija kugamba bati: ‘Onu mukazi we,’ ekiraarugamu nukwo kunyita, baitu iwe baraakuleka oyomeere. 13#Kub 20:2; 26:7.Iwe ogambe oti: ‘Ogu munyanya nyowe,’ nukwo nyowe nkire.” 14Abburamu obu yahikire Misiri, Abanyamisiri baarora mukazi we nkooku ali murungi muno. 15Kandi abanyoro ba Faraaho nabo bamumutendera. Baamutwara omu kikaali kya Faraaho. 16Faraaho akakora kurungi Abburamu, habw'omukazi ogu; yamuha entaama, ente, enkaina, engamiya abairu, n'abazaana. 17Baitu, MUKAMA akabonesa Faraaho n'eka ye emihito etarukugambwa habwa Sarai muka Abburamu. 18Aho, Faraaho yayeta Abburamu yamukaguza ati: “Kinu kiki eki wankozire? Habwaki otarangambiire omukazi ogu nkooku ali mukazi wawe? 19Kiki ekyakugambisize oti: ‘Ogu munyanya-nyowe?’ Eki nikyo kyamunswize. Hati nu, mukazi wawe ngugwo, mutwale ogende.” 20Faraaho yakwasa Abburamu abasaija baamusendekereza, hamu na mukazi we, n'ebintu byaabo, baamuhikya ha mutaano.
Currently Selected:
Kub 12: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
