Kub 29
29
Yakobbo naahika omba Labbani
1Aho Yakobbo yayongera orugendo rwe, yahika omunsi ey'abantu aba Burugaizooba. 2Obu yamagamagire, yarora iziba ly'amaizi omu bwerre, kandi yarora amagana asatu ag'entaama gabyamire haihi n'iziba eri; habwokuba, ha iziba eri, amagana nuho baageeserraga. Ha munwa gw'iziba eri, abaliisa baatahoga ibaale erikooto, 3kandi amagana goona obu gaayesoroozaaga, ibaale baliihaho, entaama zaabo obu zaakuukaga baligarraho.
4Yakobbo yakaguza abaliisa ati: “Bagenzi bange, nimuruga nkaha?” Baamugarukamu bati: “Nituruga Harani.” 5Yabakaguza ati: “Labbani mutabani wa Nahooli, nimumumanya?” Baamugarukamu bati: “Nitumumanya.” 6Yabakaguza ati: “Aliyo kurungi?” Nandiki bo bati: “Aliyo kurungi, 7kandi omuhara Rakeeri nguli, naija n'entaama.” Yagamba ati: “Obwire ka bukyaikaire, akasumi ak'okwesera amagana tikakahikire, inywe mwesere ezaanyu mugende mwiriise.” 8Baamugarukamu bati: “Eki, titurukukisobora, okuhika amagana goona obu garaakasoorrokana, tukaihaho ibaale, obu nubwo turaayesera entaama.”
9Obu akaba naakyabaza nabo, Rakeeri yaija n'entaama za ise, habwokuba, nuwe yazirisaaga. 10Yakobbo obu yarozire Rakeeri muhara wa Labbani nyinarumi n'entaama ze, yagenda yakumbya ibaale, yaliiha ha munwa gw'iziba, yayesera entaama za Labbani nyinarumi. 11Yakobbo yanywegera Rakeeri, yarra habw'okusemererwa. 12Aho Yakobbo yayetondera Rakeeri, nkooku anyina obuzaale na ise, kandi nkooku ali mutabani wa Rebbeka, aho Rakeeri yairuka yagambira ise.
13Labbani obu baamurangiire Yakobbo omwihwa, yairuka yagenda kumutangirra, yamugwa omunda yamunywegera, yamutwara omuka. Yakobbo yasubirra Labbani ebyabaireho byona, 14Labbani yamugamba ati: “Mazimakwo, oli mwana wange mali owa harura rwange.” Yakobbo yamara na uwe okwezi kwona.
Yakobbo naaswera omukuru n'omuto
15Aho Labbani yakaguza Yakobbo ati: “Habwokuba wange nikyo oraampeerereza otarukutunga musaara, nkuhe musaara ki?” 16Omu kasumi ako, Labbani akaba anyina abahara babiri, ibara ly'omukuru, nuwe Leeya, kandi ery'omuto, nuwe Rakeeri. 17Leeya akaba atali murungi ha maiso, baitu Rakeeri akaba ali murungi kandi nyamibwa. 18Yakobbo yaligira Rakeeri, yagambira Labbani ati: “Ninyija kukuheereza kumara emyaka musanju, nukwo nswere muhara wawe Rakeeri.” 19Labbani yagamba ati: “Kirungi mmuhe iwe, kukira kumuha omuntu ondi, ikara na nyowe.” 20Aho Yakobbo yaheereza Labbani okumara emyaka musanju, nukwo aswere Rakeeri. Emyaka egi, ekamusisanira ebiro bike, habw'okugonza muno Rakeeri. 21Yakobbo yagamba Labbani ati: “Mukazi wange mumpe mugabule, habwokuba akasumi aka twaragaine, kahikire.” 22Labbani yaraaliza abantu boona ab'omu kiikaro eki, yakora obugenyi. 23Baitu omu rwiririzi, yasemba omuhara Leeya, nuwe yagabira Yakobbo, Yakobbo yamugabura, 24(Labbani yasagarra muhara we Leeya, yamugabira Omuzaana Ziripa.) 25Nyenkya obu bwakiire, Yakobbo kugenda kurora omukazi ou agabwire, ni Leeya, yakaguza Labbani ati: “Kinu onkozire ki?” 26Labbani yagarukamu ati: “Omwihanga lyaitu kizira kusweza omwana omuto akasiga omukuru. 27Leeya, mara na uwe wiiki emu, Rakeeri na uwe, ndaamukuha, nukwo ogaruke onkorre okumara emyaka endi musanju.” 28Yakobbo, nukwo yakozire, yamara na Leeya sabbiiti emu, hanyuma Labbani yamuha muhara we Rakeeri amuswere. 29(Labbani akasagarra muhara we Rakeeri, omuzaana Biriha.) 30Aho Yakobbo, yagabura Rakeeri, yamugonza muno okukira Leeya, yakorra Labbani emyaka endi musanju.
31MUKAMA obu yaboine Leeya nkooku anoberwe, yamuha oruzaaro, baitu Rakeeri, yaba ngumba, 32Leeya yatwara enda, yazaara omwana omwojo, yamuruka ibara Rubbeni, yagamba ati: “MUKAMA arozire okubonabona kwange, mazimakwo, iba nyowe hati naija kungonza.” 33Yagaruka yatwara enda, yazaara omwana ondi omwojo, yagamba ati: “MUKAMA amanyire nkooku nnoberwe, nukwo kunyongera omwana ondi.” Yamuruka ibara Simyoni. 34Yatwara enda, yazaara omwana omwojo, yagamba ati: “Hati, nyowe na iba nyowe, nitwija kwikirraniza, habwokuba nakamuzarra abaana aboojo basatu.” 35Yagaruka yatwara enda, yazaara omwana omwojo, yagamba ati: “Hati, ndaahaisaniza MUKAMA.” Nukwo kumuruka ibara Yuda, yabanza yaleekera aho kuzaara.
Currently Selected:
Kub 29: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 29
29
Yakobbo naahika omba Labbani
1Aho Yakobbo yayongera orugendo rwe, yahika omunsi ey'abantu aba Burugaizooba. 2Obu yamagamagire, yarora iziba ly'amaizi omu bwerre, kandi yarora amagana asatu ag'entaama gabyamire haihi n'iziba eri; habwokuba, ha iziba eri, amagana nuho baageeserraga. Ha munwa gw'iziba eri, abaliisa baatahoga ibaale erikooto, 3kandi amagana goona obu gaayesoroozaaga, ibaale baliihaho, entaama zaabo obu zaakuukaga baligarraho.
4Yakobbo yakaguza abaliisa ati: “Bagenzi bange, nimuruga nkaha?” Baamugarukamu bati: “Nituruga Harani.” 5Yabakaguza ati: “Labbani mutabani wa Nahooli, nimumumanya?” Baamugarukamu bati: “Nitumumanya.” 6Yabakaguza ati: “Aliyo kurungi?” Nandiki bo bati: “Aliyo kurungi, 7kandi omuhara Rakeeri nguli, naija n'entaama.” Yagamba ati: “Obwire ka bukyaikaire, akasumi ak'okwesera amagana tikakahikire, inywe mwesere ezaanyu mugende mwiriise.” 8Baamugarukamu bati: “Eki, titurukukisobora, okuhika amagana goona obu garaakasoorrokana, tukaihaho ibaale, obu nubwo turaayesera entaama.”
9Obu akaba naakyabaza nabo, Rakeeri yaija n'entaama za ise, habwokuba, nuwe yazirisaaga. 10Yakobbo obu yarozire Rakeeri muhara wa Labbani nyinarumi n'entaama ze, yagenda yakumbya ibaale, yaliiha ha munwa gw'iziba, yayesera entaama za Labbani nyinarumi. 11Yakobbo yanywegera Rakeeri, yarra habw'okusemererwa. 12Aho Yakobbo yayetondera Rakeeri, nkooku anyina obuzaale na ise, kandi nkooku ali mutabani wa Rebbeka, aho Rakeeri yairuka yagambira ise.
13Labbani obu baamurangiire Yakobbo omwihwa, yairuka yagenda kumutangirra, yamugwa omunda yamunywegera, yamutwara omuka. Yakobbo yasubirra Labbani ebyabaireho byona, 14Labbani yamugamba ati: “Mazimakwo, oli mwana wange mali owa harura rwange.” Yakobbo yamara na uwe okwezi kwona.
Yakobbo naaswera omukuru n'omuto
15Aho Labbani yakaguza Yakobbo ati: “Habwokuba wange nikyo oraampeerereza otarukutunga musaara, nkuhe musaara ki?” 16Omu kasumi ako, Labbani akaba anyina abahara babiri, ibara ly'omukuru, nuwe Leeya, kandi ery'omuto, nuwe Rakeeri. 17Leeya akaba atali murungi ha maiso, baitu Rakeeri akaba ali murungi kandi nyamibwa. 18Yakobbo yaligira Rakeeri, yagambira Labbani ati: “Ninyija kukuheereza kumara emyaka musanju, nukwo nswere muhara wawe Rakeeri.” 19Labbani yagamba ati: “Kirungi mmuhe iwe, kukira kumuha omuntu ondi, ikara na nyowe.” 20Aho Yakobbo yaheereza Labbani okumara emyaka musanju, nukwo aswere Rakeeri. Emyaka egi, ekamusisanira ebiro bike, habw'okugonza muno Rakeeri. 21Yakobbo yagamba Labbani ati: “Mukazi wange mumpe mugabule, habwokuba akasumi aka twaragaine, kahikire.” 22Labbani yaraaliza abantu boona ab'omu kiikaro eki, yakora obugenyi. 23Baitu omu rwiririzi, yasemba omuhara Leeya, nuwe yagabira Yakobbo, Yakobbo yamugabura, 24(Labbani yasagarra muhara we Leeya, yamugabira Omuzaana Ziripa.) 25Nyenkya obu bwakiire, Yakobbo kugenda kurora omukazi ou agabwire, ni Leeya, yakaguza Labbani ati: “Kinu onkozire ki?” 26Labbani yagarukamu ati: “Omwihanga lyaitu kizira kusweza omwana omuto akasiga omukuru. 27Leeya, mara na uwe wiiki emu, Rakeeri na uwe, ndaamukuha, nukwo ogaruke onkorre okumara emyaka endi musanju.” 28Yakobbo, nukwo yakozire, yamara na Leeya sabbiiti emu, hanyuma Labbani yamuha muhara we Rakeeri amuswere. 29(Labbani akasagarra muhara we Rakeeri, omuzaana Biriha.) 30Aho Yakobbo, yagabura Rakeeri, yamugonza muno okukira Leeya, yakorra Labbani emyaka endi musanju.
31MUKAMA obu yaboine Leeya nkooku anoberwe, yamuha oruzaaro, baitu Rakeeri, yaba ngumba, 32Leeya yatwara enda, yazaara omwana omwojo, yamuruka ibara Rubbeni, yagamba ati: “MUKAMA arozire okubonabona kwange, mazimakwo, iba nyowe hati naija kungonza.” 33Yagaruka yatwara enda, yazaara omwana ondi omwojo, yagamba ati: “MUKAMA amanyire nkooku nnoberwe, nukwo kunyongera omwana ondi.” Yamuruka ibara Simyoni. 34Yatwara enda, yazaara omwana omwojo, yagamba ati: “Hati, nyowe na iba nyowe, nitwija kwikirraniza, habwokuba nakamuzarra abaana aboojo basatu.” 35Yagaruka yatwara enda, yazaara omwana omwojo, yagamba ati: “Hati, ndaahaisaniza MUKAMA.” Nukwo kumuruka ibara Yuda, yabanza yaleekera aho kuzaara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.