Kub 32
32
Yakobbo naayeteekaniza kutangana Esau
1Yakobbo yayongera orugendo rwe, baamalaika ba Ruhanga baamutangaana, 2Yakobbo obu yababoine yagamba ati: “Linu niryo ihe lya Ruhanga,” ekiikaro eki, nukwo kukiruka ibara Mahainaimu.
3Yakobbo yatuma abakwenda bamwebembere bagende hali Esau owanyina, omu kasumi ako, akaba ali omunsi erukwetwa Seiri, ensi ya Edomu, 4yabaragira naagamba ati: “Mugende mugambire mukama wange Esau muti: Omwiru wawe Yakobbo naagamba ati: ‘Ntaaha na Labbani okuhika na kasumi kanu, 5ntungire ente; enkaina, amagana ag'entaama n'ag'embuzi, abairu n'abazaana; ntumire bakugambire iwe mukama wange, nukwo ongirre embabazi.’ ”
6Abakwenda baagaruka hali Yakobbo baamugambira bati: “Mugenzi wawe Esau tukamuhikaho, naija kukutangana, anyina abasaija bikumi bbina.” 7Aho Yakobbo yatiina muno kandi yatuntura, abantu aba akaba anyinabo, yababaganizaamu ebihanda bibiri, amagana ag'ente, ag'embuzi, ag'entaama n'ag'engamiya, nago nukwo yagakora, 8naateekereza ati: “Kakuba Esau ahikaho ekihanda ekimu akakihwerekereza, ekihanda ekinyakusigaireho kirairuka.”
9Yakobbo yasaba naagamba ati: “Ai Ruhanga owa isenyowe Abburahamu, Ruhanga owa isenyowe Isaaka, MUKAMA iwe ayagambire ati: ‘Garuka omunsi y'owanyu, omu bantu ab'oruganda rwawe, ndikukorra ebirungi,’ 10nkaba ntasemeriire naakake kugirirwa embabazi n'ebirungi byona ebi wankoliire, habwokuba nkambuka ekisaaru kinu Yorudaani nyina omwigo gwange gwonka, baitu hati, nyina ebihanda bibiri, ebinyakurumu abantu n'ebintu. 11Nkwesengeriize, njuna ontabule mugenzi wange Esau, habwokuba nimmutiina, taikara kwija akatwita itwena, abaana na banyinabo. 12#Kub 22:17.Baitu iwe okagamba oti: ‘Ndikukorra ebirungi, abaijukuru bawe, ndibainganiza omusenyi gw'enyanja ogutasobora kubarwa habw'obwingi bwagwo.’ ”
13Ekiro eki yakiraara aho, yakwata ha bintu ebi akaba ainabyo, yaihaho ekisembo eki yahaire owanyina Esau, 14embuzi ebuguma bikumi bibiri, n'empaya makumi abiri, entaama ebuguma bikumi bibiri, n'empaya makumi abiri, 15engamiya ezirukwonkya, makumi asatu n'abaana baazo. Ente ezigija, makumi ana, n'enimi, ikumi. 16Ebintu ebi, yabikwasa abaheereza be buli igana habwalyo lyonka, yagambira abaheereza be ati: “Munyebembere mugende omumaiso, muteho omwanya okuruga ha igana okuhika ha lindi.” 17Yaragira abakaba beebembiire ati: “Owanyina-nyowe Esau obu araabaitirana akabakaguza ati; ‘Muli bantu b'oha? Nimugenda nkaha? Ebintu ebi mwebembiize by'oha?’ 18Aho, mumugarukemu muti: ‘Binu bintu by'omwiru wawe Yakobbo, eki nikyo kisembo eki akutwekiire, iwe mukama we Esau, kandi na uwe wenka, ali enyuma yaitu naija.’ ” 19Nukwo yaragiire aba kabiri n'abakasatu, na boona abaafunyaga amagana naagamba ati: “Na inywe mumugambire biri byonyini, bali ebi bamugambiire. 20Kandi mumugambire muti: N'omwiru wawe ali enyuma yaitu naija.” Habwokuba Yakobbo akateekereza ati: “Kimpikiriire kuhumuza Esau, nimbanza kumutwekera ekisembo, hanyuma nukwo ndaamurora; taikara kunganyira.” 21Aho Yakobbo yayebembeza ekisembo, kandi uwe kiro eki yaraara omu muhanda.
22Kiro eki kyonka, yaimukya yatwara abakazi be babiri, abazaana be babiri n'abaana be ikumi n'omu, yayambukira ha mwogo, ibara lyagwo Yaboki. 23#Ama 10:12.Yabatwara yabambura akasaaru ako, kandi yayambura na byona ebi akaba ainabyo, 24#Hos 12:3,4.Yakobbo yasigara wenka, haija omusaija, yafukaana na uwe okuhika emamba kusara. 25Omusaija obu yarozire nkooku atarukusobora kunaga Yakobbo, yamukwata ha igufa ly'enyugunyu, nubwo enyugunyu ye yahuguka yaruga omu nteeko yayo. 26Omusaija yagambira Yakobbo ati: “Ndekera ngende, habwokuba obwire buli haihi kukya.” Baitu Yakobbo yamugarukamu ati: “Tindukwija kukulekera otakampaire omugisa.” 27Omusaija yamukaguza ati: “Ibara lyawe niwe oha?” Yakobbo yagarukamu ati: “Ninyowe Yakobbo.” 28#Kub 35:10.Nubwo omusaija yamugambira ati: “Okuruga hati tokyayetwa Yakobbo, baitu oraayetwaga Isirairi, habwokuba ofukaine na Ruhanga, kandi wafukana n'abantu, wasingura.” 29#Bac 13:17,18.Nubwo Yakobbo yamugamba ati: “Nkwesengeriize, ngambira ibara lyawe.” Omusaija yamukaguza ati: “Kiki eki orukugondeza kumanya ibara lyange?” Aho yamuha omugisa. 30Yakobbo ekiikaro eki, yakiruka ibara Penyeri, naagamba ati: “Turorangaine na Ruhanga amaiso n'amaiso kandi nakira tinafa.” 31Ha yarugiire Peneeri, izooba likaba lyakaturuka, akaba naacumbagira, habwokuba enyugunyu ekaba emuli kubi. 32Nookuhika hati, Abaisirairi, nikyo bataliira munofu ogw'ekibero ogunyakutaaha omu kafumbi, habwokuba omusaija ayafukaine na Yakobbo, akarubata igufa ry'enyugunyu mbere litaahirra.
Currently Selected:
Kub 32: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 32
32
Yakobbo naayeteekaniza kutangana Esau
1Yakobbo yayongera orugendo rwe, baamalaika ba Ruhanga baamutangaana, 2Yakobbo obu yababoine yagamba ati: “Linu niryo ihe lya Ruhanga,” ekiikaro eki, nukwo kukiruka ibara Mahainaimu.
3Yakobbo yatuma abakwenda bamwebembere bagende hali Esau owanyina, omu kasumi ako, akaba ali omunsi erukwetwa Seiri, ensi ya Edomu, 4yabaragira naagamba ati: “Mugende mugambire mukama wange Esau muti: Omwiru wawe Yakobbo naagamba ati: ‘Ntaaha na Labbani okuhika na kasumi kanu, 5ntungire ente; enkaina, amagana ag'entaama n'ag'embuzi, abairu n'abazaana; ntumire bakugambire iwe mukama wange, nukwo ongirre embabazi.’ ”
6Abakwenda baagaruka hali Yakobbo baamugambira bati: “Mugenzi wawe Esau tukamuhikaho, naija kukutangana, anyina abasaija bikumi bbina.” 7Aho Yakobbo yatiina muno kandi yatuntura, abantu aba akaba anyinabo, yababaganizaamu ebihanda bibiri, amagana ag'ente, ag'embuzi, ag'entaama n'ag'engamiya, nago nukwo yagakora, 8naateekereza ati: “Kakuba Esau ahikaho ekihanda ekimu akakihwerekereza, ekihanda ekinyakusigaireho kirairuka.”
9Yakobbo yasaba naagamba ati: “Ai Ruhanga owa isenyowe Abburahamu, Ruhanga owa isenyowe Isaaka, MUKAMA iwe ayagambire ati: ‘Garuka omunsi y'owanyu, omu bantu ab'oruganda rwawe, ndikukorra ebirungi,’ 10nkaba ntasemeriire naakake kugirirwa embabazi n'ebirungi byona ebi wankoliire, habwokuba nkambuka ekisaaru kinu Yorudaani nyina omwigo gwange gwonka, baitu hati, nyina ebihanda bibiri, ebinyakurumu abantu n'ebintu. 11Nkwesengeriize, njuna ontabule mugenzi wange Esau, habwokuba nimmutiina, taikara kwija akatwita itwena, abaana na banyinabo. 12#Kub 22:17.Baitu iwe okagamba oti: ‘Ndikukorra ebirungi, abaijukuru bawe, ndibainganiza omusenyi gw'enyanja ogutasobora kubarwa habw'obwingi bwagwo.’ ”
13Ekiro eki yakiraara aho, yakwata ha bintu ebi akaba ainabyo, yaihaho ekisembo eki yahaire owanyina Esau, 14embuzi ebuguma bikumi bibiri, n'empaya makumi abiri, entaama ebuguma bikumi bibiri, n'empaya makumi abiri, 15engamiya ezirukwonkya, makumi asatu n'abaana baazo. Ente ezigija, makumi ana, n'enimi, ikumi. 16Ebintu ebi, yabikwasa abaheereza be buli igana habwalyo lyonka, yagambira abaheereza be ati: “Munyebembere mugende omumaiso, muteho omwanya okuruga ha igana okuhika ha lindi.” 17Yaragira abakaba beebembiire ati: “Owanyina-nyowe Esau obu araabaitirana akabakaguza ati; ‘Muli bantu b'oha? Nimugenda nkaha? Ebintu ebi mwebembiize by'oha?’ 18Aho, mumugarukemu muti: ‘Binu bintu by'omwiru wawe Yakobbo, eki nikyo kisembo eki akutwekiire, iwe mukama we Esau, kandi na uwe wenka, ali enyuma yaitu naija.’ ” 19Nukwo yaragiire aba kabiri n'abakasatu, na boona abaafunyaga amagana naagamba ati: “Na inywe mumugambire biri byonyini, bali ebi bamugambiire. 20Kandi mumugambire muti: N'omwiru wawe ali enyuma yaitu naija.” Habwokuba Yakobbo akateekereza ati: “Kimpikiriire kuhumuza Esau, nimbanza kumutwekera ekisembo, hanyuma nukwo ndaamurora; taikara kunganyira.” 21Aho Yakobbo yayebembeza ekisembo, kandi uwe kiro eki yaraara omu muhanda.
22Kiro eki kyonka, yaimukya yatwara abakazi be babiri, abazaana be babiri n'abaana be ikumi n'omu, yayambukira ha mwogo, ibara lyagwo Yaboki. 23#Ama 10:12.Yabatwara yabambura akasaaru ako, kandi yayambura na byona ebi akaba ainabyo, 24#Hos 12:3,4.Yakobbo yasigara wenka, haija omusaija, yafukaana na uwe okuhika emamba kusara. 25Omusaija obu yarozire nkooku atarukusobora kunaga Yakobbo, yamukwata ha igufa ly'enyugunyu, nubwo enyugunyu ye yahuguka yaruga omu nteeko yayo. 26Omusaija yagambira Yakobbo ati: “Ndekera ngende, habwokuba obwire buli haihi kukya.” Baitu Yakobbo yamugarukamu ati: “Tindukwija kukulekera otakampaire omugisa.” 27Omusaija yamukaguza ati: “Ibara lyawe niwe oha?” Yakobbo yagarukamu ati: “Ninyowe Yakobbo.” 28#Kub 35:10.Nubwo omusaija yamugambira ati: “Okuruga hati tokyayetwa Yakobbo, baitu oraayetwaga Isirairi, habwokuba ofukaine na Ruhanga, kandi wafukana n'abantu, wasingura.” 29#Bac 13:17,18.Nubwo Yakobbo yamugamba ati: “Nkwesengeriize, ngambira ibara lyawe.” Omusaija yamukaguza ati: “Kiki eki orukugondeza kumanya ibara lyange?” Aho yamuha omugisa. 30Yakobbo ekiikaro eki, yakiruka ibara Penyeri, naagamba ati: “Turorangaine na Ruhanga amaiso n'amaiso kandi nakira tinafa.” 31Ha yarugiire Peneeri, izooba likaba lyakaturuka, akaba naacumbagira, habwokuba enyugunyu ekaba emuli kubi. 32Nookuhika hati, Abaisirairi, nikyo bataliira munofu ogw'ekibero ogunyakutaaha omu kafumbi, habwokuba omusaija ayafukaine na Yakobbo, akarubata igufa ry'enyugunyu mbere litaahirra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.