Kub 31
31
Yakobbo naarugaho Labbani
1Omu kasumi ako, Yakobbo akahurra ngu batabani ba Labbani nibagamba bati: “Yakobbo atwaire ebintu bya Isiitwe byona, hati nibyo bimuguudahaize biti.” 2Yakobbo na uwe yarora Labbani atakyamugonza nka ira. 3Nubwo MUKAMA yagambira Yakobbo ati: “Garuka omunsi eya baaswenkuru, omu bantu ab'oruganda rwawe, ndaikaraga na iwe.” 4Aho Yakobbo yatuma beete Rakeeri na Leeya, baije nambere akaba naaliisiza, 5yabagambira ati: “Hati, nyowe nindora isiinywe takyangonza nkooku yangonzaaga kara, baitu Ruhanga owa isenyowe tandugireho. 6Na inywe nimumanya nkooku nkoliire isiinywe n'amaani gange goona, 7noobu ndaaba nakozire nti, isiinywe akangobeza, empeera yange yakagihiingisa emirundi ikumi, baitu Ruhanga atamwikirize kunkora kubi. 8Obu yagambaga ati: ‘Entaama ibamba rundi embuzi kitanga niyo ebe mpeera yawe,’ obu igana lyona lizaara ibamba n'ebitanga; kandi obu yagambaga ati: ‘Entaama ibamba rundi embuzi ez'ebigabu niyo ebe mpeera yaawe,’ lizaara ibamba n'ebigabu. 9Ruhanga nukwo yaihireho isiinywe ati amagana ge, yagaha nyowe. 10Omu kasumi igana aka lyayemeramuga, naimukyaga amaiso ndora embuzi empaya ezaatembaga igana, zaabaga ruyenje, rugabu, rutanga na rugondo. 11Aho malaika wa Ruhanga yanyeta ati: ‘Yakobbo,’ namwetebuka nti: ‘MUKAMA wange’. 12Yangamba ati: ‘Imukya amaiso orole, empaya zoona ezirukutemba igana, z'ebigabu, ruyenje, rutanga na rugondo, habwokuba nyetegeriize byona Labbani ebi arukukukora. 13#Kub 28:18-22.Ninyowe Ruhanga ayakubonekiire oli Beesweri nambere waseesiireho ibaale amagita kandi wandahira. Hati, imuka oruge omunsi enu ogaruke omunsi ei wazairwemu.’ ” 14Nubwo Rakeeri na Leeya baamukagwize bati: “Omunju ya isiitwe tukyainamu omugabo rundi obugwetwa? 15Tarukutusisaniza nk'abanyamahanga? Ngira akatutunda, abaire naayekonyeza sente ezi yatwihiremu. 16Ebintu byona Ruhanga ebi aihireho isiitwe, bifookere byaitu n'abaana baitu; kyona Ruhanga eki akuragiire okikole.”
17Aho Yakobbo yaimuka, yatembya ha ngamiya, batabani be na bakazi be. 18Yafunya ente ze zoona, n'ebitungwa bye byona ebi akaba atungiire Padanaramu, yagenda omunsi Kanaani omba Isaaka ise. 19Labbani obu akaba agenzire kusara ebyoya by'entaama ze, Rakeeri yaiba ebisisani eby'embandwa za ise. 20Yakobbo yagobeza Labbani, omuramani tiyamumanyisa nkooku amaliriire kumurugaho. 21Yairuka n'ebintu bye byona ebi akaba anyinabyo, yayambuka ekisaaru Efuraate, yagenda aroleriire Giryadi ensi ey'ensozi.
22Ha kiro ekya kasatu, Labbani obu baamugambiire Yakobbo nkooku airukire, 23yayeta ab'oruganda rwe, yamuhondera, yamara ebiro musanju atakamuhikireho, yagenda namwiriirra, okuhika Giryadi ensi ey'ensozi. 24Baitu omu bwire obw'ekiro, Ruhanga akaroosa Labbani Omwaramani yamugambira ati: “Oyerinde, otagamba Yakobbo ekigambo, noobu kiraaba kirungi rundi kibi.”
Yakobbo naakora endagaano na Labbani
25Labbani yahikaho Yakobbo. Omu kasumi ako, Yakobbo akaba atiire eheema omunsi ey'ensozi, Labbani n'ab'oruganda rwe, na uwe yateera orukande rwe Giryadi ensi ey'ensozi. 26Labbani yakaguza Yakobbo ati: “Okakora kintu ki kungobeza okatwara bahara bange n'abaana bange, nk'abahambirwe omu bulemu? 27Kiki ekyakwirukize otamanyirwe, ekyakuleeteriize kungobeza, walema kungambira, nukwo nkakusendekereza n'omuhimbo n'ebizina? 28Kandi kiki otaranyikiriize nkanywegera batabani bange na bahara bange nkabaraga? Okakora eky'obudoma. 29Nsobora kukukora kubi, baitu Ruhanga wa sso angambiirege ekiro ati: ‘Oyerinde, otagamba Yakobbo ekigambo na kimu, noobu kiraaba kirungi rundi kibi.’ 30Hati ondugireho wagenda, habwokuba oina ekihika kingi eky'eka ya sso, baitu kiki ekyakwibisize embandwa zange?” 31Yakobbo yagarukamu Labbani ati: “Nkatiina, habwokuba nkateekereza nti: Bahara bawe noija kubaanyagaho n'empaka. 32Omuntu weena ou oraasanga anyina embandwa zaawe, araitwa. Nyoleka ekintu kyawe eki nyinakyo, omumaiso ga batabani baitu banu, hanyuma okitwale.” Baitu Yakobbo akaba atamanyire Rakeeri nkooku aibire embandwa za ise.
33Aho Labbani yaserra omu heema ya Yakobbo, eya Leeya, n'omu heema ey'abazaana ababiri, baitu embandwa ze tiyazisangamu. Yaruga omu heema eya Leeya, yataaha omu ya Rakeeri. 34Rakeeri ebisisani by'embandwa z'eka ya ise akaba abitaire omu bisago by'engamiya, abiikaliire. Labbani obu yaserwire hoona hoona omu heema, atabisangemu, 35Rakeeri yagambira ise ati: “Mukama wange, oleke kumbiihirirwa habw'okutakwimukira, habwokuba ndi omu ngeso y'abakazi.” Labbani noobu yaserwire, atazoole mbandwa z'eka ye.
36Yakobbo yakwatwa ekiniga, yajumbuutukira Labbani naagamba ati: “Eki nasobeze, kiri nkaha rundi kibi ki eki nakozire, eki wasigikiireho kumpondera? 37Obu otindwire omu bintu byange byona, osangiremu kintu ki? Kite hanu, omumaiso ag'ab'oruganda rwange n'ab'oruganda rwawe, nubo batucweremu. 38Mmazire na iwe emyaka makumi abiri, entaama zawe n'embuzi zawe ebuguma tizikatoroogaga, kandi tinkalyaga ntaama mpaya ey'omu igana lyawe. 39Egi eyaitwaga enyamaiswa, nkaba ntakagikuleeteraga, ninyowe nagirehaga; egi eyabaga ibirwe nyamusana, rundi ekiro wagindehesaaga. 40Nukwo naikaire na iwe nti; nyamusana, omusana gwanyokyaga, ekiro obutiti burarra kunyita, mburwa oturo. 41Emyaka makumi abiri, nkagimara omunju yawe, nkakukorra emirimo okumara emyaka ikumi n'ena, nukwo nswere bahara bawe ababiri, kandi emyaka mukaaga, nkagimara nindiisa amagana gawe, omu kasumi ako koona, empeera yange okagihingisa emirundi ikumi 42kakuba Ruhanga wa isenyowe Abburahamu, Ruhanga, Isaaka ou atiina, ataranyemereho, mananukwo waakubaire ombingire ntaina kantu, Ruhanga akarora omutima gwange, n'omulimo nakukoliire, nikyo akuhaniirege ekiro.” 43Labbani yagarukamu Yakobbo ati: “Abaisiki abo bahara bange, abaana abo bange, amagana ago ag'entaama n'ag'embuzi, gange, na byona ebi orukurora ebi, byange, hati bahara bange rundi abaana baabo aba baazaire mbakole ki? 44Iwe na nyowe tukole endagaano, niyo ebe bwakaiso hagati yawe na nyowe.” 45Yakobbo yakwata ibaale, yalisimba libe kiijukyo. 46Yakobbo yagamba ab'oruganda rwe ati: “Musorooze amabaale.” Baagasorooza, yagatuuma entuumo, baalya ebyokulya baikaliire ha ntuumo ey'amabaale ago. 47Entuumo ey'amabaale egi, Labbani yagiruka ibara Yegara-Sahadusa, baitu Yakobbo, uwe yagyeta Galeedi. 48Labbani yagamba ati: “Okuruga hati, entuumo ey'amabaale enu, niyo eraabaga bwakaiso bwaitu.” Entuumo ey'amabaale egi, yagyeta Galeedi kandi 49ibaale yalyeta Mizipa, habwokuba akagamba ati: “MUKAMA abege mulinzi waitu, obu turaabaga tutali hanu. 50Bahara bange obu olibakora kubi, rundi okabongeraho abakazi abandi, hati noobu haraaba hataroho muntu ondi, oijuke MUKAMA nuwe kaiso wawe kandi kaiso wange.”
51Aho Labbani yagambira Yakobbo ati: “Dora entuumo ey'amabaale enu, n'ibaale linu, ebi nata hagati yaitu. 52Entuumo enu bwakaiso, ibaale, nalyo bwakaiso oburukugumya nkooku otaliguruka entuumo enu, n'ibaale linu erisimbirwe, kandi nanyowe tindibiguruka tukakorangana akabi.” 53Ruhanga ow'Abburahamu, Ruhanga owa Nahooli kandi Ruhanga ogu, Isaaka ise ou yatamuga ekitiinisa, 54yatamba ekyonzira ha rusozi oru yayeta ab'oruganda rwe, baalya ebyokulya, baaraara ha rusozi oru. 55Nyenkya kara omu rukyakya, Labbani yaimuka, yanywegera abaijukuru n'abahara, yabaha omugisa, yakwata omuhanda, yagaruka owaabo.
Currently Selected:
Kub 31: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 31
31
Yakobbo naarugaho Labbani
1Omu kasumi ako, Yakobbo akahurra ngu batabani ba Labbani nibagamba bati: “Yakobbo atwaire ebintu bya Isiitwe byona, hati nibyo bimuguudahaize biti.” 2Yakobbo na uwe yarora Labbani atakyamugonza nka ira. 3Nubwo MUKAMA yagambira Yakobbo ati: “Garuka omunsi eya baaswenkuru, omu bantu ab'oruganda rwawe, ndaikaraga na iwe.” 4Aho Yakobbo yatuma beete Rakeeri na Leeya, baije nambere akaba naaliisiza, 5yabagambira ati: “Hati, nyowe nindora isiinywe takyangonza nkooku yangonzaaga kara, baitu Ruhanga owa isenyowe tandugireho. 6Na inywe nimumanya nkooku nkoliire isiinywe n'amaani gange goona, 7noobu ndaaba nakozire nti, isiinywe akangobeza, empeera yange yakagihiingisa emirundi ikumi, baitu Ruhanga atamwikirize kunkora kubi. 8Obu yagambaga ati: ‘Entaama ibamba rundi embuzi kitanga niyo ebe mpeera yawe,’ obu igana lyona lizaara ibamba n'ebitanga; kandi obu yagambaga ati: ‘Entaama ibamba rundi embuzi ez'ebigabu niyo ebe mpeera yaawe,’ lizaara ibamba n'ebigabu. 9Ruhanga nukwo yaihireho isiinywe ati amagana ge, yagaha nyowe. 10Omu kasumi igana aka lyayemeramuga, naimukyaga amaiso ndora embuzi empaya ezaatembaga igana, zaabaga ruyenje, rugabu, rutanga na rugondo. 11Aho malaika wa Ruhanga yanyeta ati: ‘Yakobbo,’ namwetebuka nti: ‘MUKAMA wange’. 12Yangamba ati: ‘Imukya amaiso orole, empaya zoona ezirukutemba igana, z'ebigabu, ruyenje, rutanga na rugondo, habwokuba nyetegeriize byona Labbani ebi arukukukora. 13#Kub 28:18-22.Ninyowe Ruhanga ayakubonekiire oli Beesweri nambere waseesiireho ibaale amagita kandi wandahira. Hati, imuka oruge omunsi enu ogaruke omunsi ei wazairwemu.’ ” 14Nubwo Rakeeri na Leeya baamukagwize bati: “Omunju ya isiitwe tukyainamu omugabo rundi obugwetwa? 15Tarukutusisaniza nk'abanyamahanga? Ngira akatutunda, abaire naayekonyeza sente ezi yatwihiremu. 16Ebintu byona Ruhanga ebi aihireho isiitwe, bifookere byaitu n'abaana baitu; kyona Ruhanga eki akuragiire okikole.”
17Aho Yakobbo yaimuka, yatembya ha ngamiya, batabani be na bakazi be. 18Yafunya ente ze zoona, n'ebitungwa bye byona ebi akaba atungiire Padanaramu, yagenda omunsi Kanaani omba Isaaka ise. 19Labbani obu akaba agenzire kusara ebyoya by'entaama ze, Rakeeri yaiba ebisisani eby'embandwa za ise. 20Yakobbo yagobeza Labbani, omuramani tiyamumanyisa nkooku amaliriire kumurugaho. 21Yairuka n'ebintu bye byona ebi akaba anyinabyo, yayambuka ekisaaru Efuraate, yagenda aroleriire Giryadi ensi ey'ensozi.
22Ha kiro ekya kasatu, Labbani obu baamugambiire Yakobbo nkooku airukire, 23yayeta ab'oruganda rwe, yamuhondera, yamara ebiro musanju atakamuhikireho, yagenda namwiriirra, okuhika Giryadi ensi ey'ensozi. 24Baitu omu bwire obw'ekiro, Ruhanga akaroosa Labbani Omwaramani yamugambira ati: “Oyerinde, otagamba Yakobbo ekigambo, noobu kiraaba kirungi rundi kibi.”
Yakobbo naakora endagaano na Labbani
25Labbani yahikaho Yakobbo. Omu kasumi ako, Yakobbo akaba atiire eheema omunsi ey'ensozi, Labbani n'ab'oruganda rwe, na uwe yateera orukande rwe Giryadi ensi ey'ensozi. 26Labbani yakaguza Yakobbo ati: “Okakora kintu ki kungobeza okatwara bahara bange n'abaana bange, nk'abahambirwe omu bulemu? 27Kiki ekyakwirukize otamanyirwe, ekyakuleeteriize kungobeza, walema kungambira, nukwo nkakusendekereza n'omuhimbo n'ebizina? 28Kandi kiki otaranyikiriize nkanywegera batabani bange na bahara bange nkabaraga? Okakora eky'obudoma. 29Nsobora kukukora kubi, baitu Ruhanga wa sso angambiirege ekiro ati: ‘Oyerinde, otagamba Yakobbo ekigambo na kimu, noobu kiraaba kirungi rundi kibi.’ 30Hati ondugireho wagenda, habwokuba oina ekihika kingi eky'eka ya sso, baitu kiki ekyakwibisize embandwa zange?” 31Yakobbo yagarukamu Labbani ati: “Nkatiina, habwokuba nkateekereza nti: Bahara bawe noija kubaanyagaho n'empaka. 32Omuntu weena ou oraasanga anyina embandwa zaawe, araitwa. Nyoleka ekintu kyawe eki nyinakyo, omumaiso ga batabani baitu banu, hanyuma okitwale.” Baitu Yakobbo akaba atamanyire Rakeeri nkooku aibire embandwa za ise.
33Aho Labbani yaserra omu heema ya Yakobbo, eya Leeya, n'omu heema ey'abazaana ababiri, baitu embandwa ze tiyazisangamu. Yaruga omu heema eya Leeya, yataaha omu ya Rakeeri. 34Rakeeri ebisisani by'embandwa z'eka ya ise akaba abitaire omu bisago by'engamiya, abiikaliire. Labbani obu yaserwire hoona hoona omu heema, atabisangemu, 35Rakeeri yagambira ise ati: “Mukama wange, oleke kumbiihirirwa habw'okutakwimukira, habwokuba ndi omu ngeso y'abakazi.” Labbani noobu yaserwire, atazoole mbandwa z'eka ye.
36Yakobbo yakwatwa ekiniga, yajumbuutukira Labbani naagamba ati: “Eki nasobeze, kiri nkaha rundi kibi ki eki nakozire, eki wasigikiireho kumpondera? 37Obu otindwire omu bintu byange byona, osangiremu kintu ki? Kite hanu, omumaiso ag'ab'oruganda rwange n'ab'oruganda rwawe, nubo batucweremu. 38Mmazire na iwe emyaka makumi abiri, entaama zawe n'embuzi zawe ebuguma tizikatoroogaga, kandi tinkalyaga ntaama mpaya ey'omu igana lyawe. 39Egi eyaitwaga enyamaiswa, nkaba ntakagikuleeteraga, ninyowe nagirehaga; egi eyabaga ibirwe nyamusana, rundi ekiro wagindehesaaga. 40Nukwo naikaire na iwe nti; nyamusana, omusana gwanyokyaga, ekiro obutiti burarra kunyita, mburwa oturo. 41Emyaka makumi abiri, nkagimara omunju yawe, nkakukorra emirimo okumara emyaka ikumi n'ena, nukwo nswere bahara bawe ababiri, kandi emyaka mukaaga, nkagimara nindiisa amagana gawe, omu kasumi ako koona, empeera yange okagihingisa emirundi ikumi 42kakuba Ruhanga wa isenyowe Abburahamu, Ruhanga, Isaaka ou atiina, ataranyemereho, mananukwo waakubaire ombingire ntaina kantu, Ruhanga akarora omutima gwange, n'omulimo nakukoliire, nikyo akuhaniirege ekiro.” 43Labbani yagarukamu Yakobbo ati: “Abaisiki abo bahara bange, abaana abo bange, amagana ago ag'entaama n'ag'embuzi, gange, na byona ebi orukurora ebi, byange, hati bahara bange rundi abaana baabo aba baazaire mbakole ki? 44Iwe na nyowe tukole endagaano, niyo ebe bwakaiso hagati yawe na nyowe.” 45Yakobbo yakwata ibaale, yalisimba libe kiijukyo. 46Yakobbo yagamba ab'oruganda rwe ati: “Musorooze amabaale.” Baagasorooza, yagatuuma entuumo, baalya ebyokulya baikaliire ha ntuumo ey'amabaale ago. 47Entuumo ey'amabaale egi, Labbani yagiruka ibara Yegara-Sahadusa, baitu Yakobbo, uwe yagyeta Galeedi. 48Labbani yagamba ati: “Okuruga hati, entuumo ey'amabaale enu, niyo eraabaga bwakaiso bwaitu.” Entuumo ey'amabaale egi, yagyeta Galeedi kandi 49ibaale yalyeta Mizipa, habwokuba akagamba ati: “MUKAMA abege mulinzi waitu, obu turaabaga tutali hanu. 50Bahara bange obu olibakora kubi, rundi okabongeraho abakazi abandi, hati noobu haraaba hataroho muntu ondi, oijuke MUKAMA nuwe kaiso wawe kandi kaiso wange.”
51Aho Labbani yagambira Yakobbo ati: “Dora entuumo ey'amabaale enu, n'ibaale linu, ebi nata hagati yaitu. 52Entuumo enu bwakaiso, ibaale, nalyo bwakaiso oburukugumya nkooku otaliguruka entuumo enu, n'ibaale linu erisimbirwe, kandi nanyowe tindibiguruka tukakorangana akabi.” 53Ruhanga ow'Abburahamu, Ruhanga owa Nahooli kandi Ruhanga ogu, Isaaka ise ou yatamuga ekitiinisa, 54yatamba ekyonzira ha rusozi oru yayeta ab'oruganda rwe, baalya ebyokulya, baaraara ha rusozi oru. 55Nyenkya kara omu rukyakya, Labbani yaimuka, yanywegera abaijukuru n'abahara, yabaha omugisa, yakwata omuhanda, yagaruka owaabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.