Kub 37
37
Ebigambo bya Yosefu na bagenzi be
1Yakobbo akaikara omunsi Kanaani, ise Isaaka ei akaba asuuhuukiiremu. 2Binu, nibyo ebyabaireho abaana ba Yakobbo. Yosefu obu yahikize emyaka ikumi na musanju ey'obukuru, yaliisaaga amagana g'entaama na bagenzi be, akaba ali musigazi ayaikaraga na batabani ba Biriha na Ziripa, baka ise, kiro kimu, Yosefu akalega bagenzi be hali isebo, ebi yahuliire abantu nibababazaaho kubi. 3Isirairi yagonzaga muno Yosefu, okumukiza abaana be abandi boona, habwokuba nuwe mwana we ow'obugurusi, akamubaziriirra ekanzu. 4Baitu bagenzi be, obu baarozire isebo nkooku arukumugonza kumukiza bo boona, baamunoba, tibaasobora kwongera kubaza na uwe kurungi.
5Kiro kimu Yosefu akaroota ekirooto, obu yakirootoroire bagenzi be, bakeeyongerra kimu kumunoba. 6Akagamba ati: “Muhurre ekirooto eki ndosirege: 7Tubaire omu musiri nituboha ebiba by'engano, eky'amahano, ekiba ekyange kyaimuka, kyayemerra busimba, kandi ebiba ebyanyu byaimuka byakyehinguliriza, byakiinamira.” 8Bagenzi be baamukaguza bati: “Nooteekereza, oliba mukama otuleme?” Nahabweki, baayeyongerra kimu kumunoba okukiraho, habw'ebirooto bye n'ebigambo bye. 9Hanyuma, yagaruka yaroota ekirooto ekindi, nakyo yakirootorra bagenzi be ati: “Nyongiirege naroota, izooba, okwezi n'enyunyuuzi ikumi n'emu, bibaire nibinyinamira.” 10Baitu obu yakirotoroire ise na bagenzi be, ise yaculeera naagamba ati: “Eki oroosire kirooto kya mulingo ki?” 11#Ebik 7:9.Bagenzi be baamukwatirwa ihali, baitu ise yaikara nayecumitiriza ebigambo ebi.
Bagenzi ba Yosefu nibategeka kumwita
12Kiro kimu, bagenzi ba Yosefu bakagenda kuliisa igana lya isebo, omunsi Sekemu, 13Isirairi yayeta Yosefu yamugambira ati: “Bagenzi bawe nibaliisiza Sekemu, oyeteekanize nkutumeyo.” Yosefu yagarukamu Isirairi ati: “Ego taata.” 14Ise yamugambira ati: “Genda orole bagenzi bawe nkooku bali n'igana nkooku liri, oije ommanyise.” Yamutuma Yosefu, yaruga omu kyeya ekya Hebburoni, yagenda Sekemu. 15Omusaija yaitirana Yosefu ahabiire omu bwerre, yamukaguza ati: “Nooserra ki?” Yosefu yamugarukamu ati: 16“Ninserra bagenzi bange, nkwesengeriize, ngambira nambere barukuliisiza igana.” 17Omusaija yagamba ati: “Hanu, bakarugaho, habwokuba nkabahurra nibagamba bati: ‘Tugende Dosani.’ ” Nubwo Yosefu yahondera bagenzi be yabasanga Dosani. 18Obu baamuroliire hara atakabahikire haihi, baategeka kumwita. 19Baagambirangana bati: “Kalibirooto, ngugwo aizire. 20Hati, kanu nuko akasumi tumwite, tumunage omu kiina, hanyuma tuligamba tuti: ‘Akaliibwa enyamaiswa.’ Tulirora ebirooto bye eki birimugasira.” 21Baitu Rubbeni obu yahuliire eki, yagonza kumutabura, amubaihe omu mikono, yagamba ati: “Tuleke kumwita.” 22Yabagambira ati: “Mutakisura kuseesa esagama ye, mumunage omu kiina kinu ekinyakuli omwirungu, baitu mutamukoraho kabi koona ha mubiri gwe.” Ekyamugambisize eki, akagenderra kumukiza amugarurre ise. 23Yosefu obu yahikireho bagenzi be, baamukwata baamujuuramu ekanzu ye ei akaba ajwaire, 24baamutwara baamunaga omu kiina. Ekiina eki, kikaba kyomere, kitarumu maizi.
Bagenzi ba Yosefu nibamuguza Abaisimairi
25Aho baikarra kulya, obu baimukire, baarora omusorongo gw'Abaisimairi, nibaruga Giriadi, banyina engamiya ezeetwekere obubbani, ebirukuboya, n'omugaju, bali omu muhanda gwabo, nibabitwara Misiri. 26Yuda nubwo yakagwize bagenzi be ati: “Kiraatugasira ki kwita mugenzi waitu, tukasereka nkooku tumwisire? 27Haakire, tumuguze Abaisimairi, tuleke kumukoraho akabi, habwokuba, mugenzi waitu nukwo tuzaarwa kandi w'esagama yaitu mali.” 28#Ama 10:13; Ebik 7:9.Bagenzi be baikiriza eki yabagambiire. Abamidiani abasuubuzi obu bakaba nibarabaho, bagenzi ba Yosefu, baamwiha omu kiina, baamuguza Abaisimairi, ebicweka by'efeeza makumi abiri, Abaisimairi baatwara Yosefu Misiri.
29Rubbeni obu yagarukire ha kiina, alingwiize, arozire Yosefu atarumu, yatemura engoye ze, 30yagaruka hali bagenzi be yagamba ati: “Omwana omu kiina, k'atarumu, kandi nyowe ndaagya ha?” 31Aho, baita embuzi, baakwata ekanzu ya Yosefu, baagiibika omu sagama, 32ekanzu egi baagitwekera isebo nibagamba bati: “Tukomere ekanzu enu, ngigyo ogirole, obu eraaba eri kanzu y'omwana wawe, rundi teri niyo.” 33Yakobbo obu yagimanyiriire yagamba ati: “Ekanzu enu, mali y'omwana wange, enyamaiswa ekamulya. Eki tikiri ky'okugurukyagurukya, Yosefu akaliibwa enyamaiswa.” 34Aho yatemura ebyokujwara bye, yayekindikira ebitengo, yamara ebiro bingi naalirirra omwana we. 35Abatabani n'abahara boona baalengaho kumuhuumuza, baitu yalema kuhuumuzibwa, yagamba ati: “Nangwa, ndirindwa nsirimuke Nyabuyonga nindirirra omwana wange.” Ise nukwo yamuliririire ati. 36Omu kasumi ako Abamidiani bakaba bamazire kutunda Yosefu omunsi ya Misiri, aguzirwe Potifa mukuru w'abalinzi ba Faraaho.
Currently Selected:
Kub 37: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 37
37
Ebigambo bya Yosefu na bagenzi be
1Yakobbo akaikara omunsi Kanaani, ise Isaaka ei akaba asuuhuukiiremu. 2Binu, nibyo ebyabaireho abaana ba Yakobbo. Yosefu obu yahikize emyaka ikumi na musanju ey'obukuru, yaliisaaga amagana g'entaama na bagenzi be, akaba ali musigazi ayaikaraga na batabani ba Biriha na Ziripa, baka ise, kiro kimu, Yosefu akalega bagenzi be hali isebo, ebi yahuliire abantu nibababazaaho kubi. 3Isirairi yagonzaga muno Yosefu, okumukiza abaana be abandi boona, habwokuba nuwe mwana we ow'obugurusi, akamubaziriirra ekanzu. 4Baitu bagenzi be, obu baarozire isebo nkooku arukumugonza kumukiza bo boona, baamunoba, tibaasobora kwongera kubaza na uwe kurungi.
5Kiro kimu Yosefu akaroota ekirooto, obu yakirootoroire bagenzi be, bakeeyongerra kimu kumunoba. 6Akagamba ati: “Muhurre ekirooto eki ndosirege: 7Tubaire omu musiri nituboha ebiba by'engano, eky'amahano, ekiba ekyange kyaimuka, kyayemerra busimba, kandi ebiba ebyanyu byaimuka byakyehinguliriza, byakiinamira.” 8Bagenzi be baamukaguza bati: “Nooteekereza, oliba mukama otuleme?” Nahabweki, baayeyongerra kimu kumunoba okukiraho, habw'ebirooto bye n'ebigambo bye. 9Hanyuma, yagaruka yaroota ekirooto ekindi, nakyo yakirootorra bagenzi be ati: “Nyongiirege naroota, izooba, okwezi n'enyunyuuzi ikumi n'emu, bibaire nibinyinamira.” 10Baitu obu yakirotoroire ise na bagenzi be, ise yaculeera naagamba ati: “Eki oroosire kirooto kya mulingo ki?” 11#Ebik 7:9.Bagenzi be baamukwatirwa ihali, baitu ise yaikara nayecumitiriza ebigambo ebi.
Bagenzi ba Yosefu nibategeka kumwita
12Kiro kimu, bagenzi ba Yosefu bakagenda kuliisa igana lya isebo, omunsi Sekemu, 13Isirairi yayeta Yosefu yamugambira ati: “Bagenzi bawe nibaliisiza Sekemu, oyeteekanize nkutumeyo.” Yosefu yagarukamu Isirairi ati: “Ego taata.” 14Ise yamugambira ati: “Genda orole bagenzi bawe nkooku bali n'igana nkooku liri, oije ommanyise.” Yamutuma Yosefu, yaruga omu kyeya ekya Hebburoni, yagenda Sekemu. 15Omusaija yaitirana Yosefu ahabiire omu bwerre, yamukaguza ati: “Nooserra ki?” Yosefu yamugarukamu ati: 16“Ninserra bagenzi bange, nkwesengeriize, ngambira nambere barukuliisiza igana.” 17Omusaija yagamba ati: “Hanu, bakarugaho, habwokuba nkabahurra nibagamba bati: ‘Tugende Dosani.’ ” Nubwo Yosefu yahondera bagenzi be yabasanga Dosani. 18Obu baamuroliire hara atakabahikire haihi, baategeka kumwita. 19Baagambirangana bati: “Kalibirooto, ngugwo aizire. 20Hati, kanu nuko akasumi tumwite, tumunage omu kiina, hanyuma tuligamba tuti: ‘Akaliibwa enyamaiswa.’ Tulirora ebirooto bye eki birimugasira.” 21Baitu Rubbeni obu yahuliire eki, yagonza kumutabura, amubaihe omu mikono, yagamba ati: “Tuleke kumwita.” 22Yabagambira ati: “Mutakisura kuseesa esagama ye, mumunage omu kiina kinu ekinyakuli omwirungu, baitu mutamukoraho kabi koona ha mubiri gwe.” Ekyamugambisize eki, akagenderra kumukiza amugarurre ise. 23Yosefu obu yahikireho bagenzi be, baamukwata baamujuuramu ekanzu ye ei akaba ajwaire, 24baamutwara baamunaga omu kiina. Ekiina eki, kikaba kyomere, kitarumu maizi.
Bagenzi ba Yosefu nibamuguza Abaisimairi
25Aho baikarra kulya, obu baimukire, baarora omusorongo gw'Abaisimairi, nibaruga Giriadi, banyina engamiya ezeetwekere obubbani, ebirukuboya, n'omugaju, bali omu muhanda gwabo, nibabitwara Misiri. 26Yuda nubwo yakagwize bagenzi be ati: “Kiraatugasira ki kwita mugenzi waitu, tukasereka nkooku tumwisire? 27Haakire, tumuguze Abaisimairi, tuleke kumukoraho akabi, habwokuba, mugenzi waitu nukwo tuzaarwa kandi w'esagama yaitu mali.” 28#Ama 10:13; Ebik 7:9.Bagenzi be baikiriza eki yabagambiire. Abamidiani abasuubuzi obu bakaba nibarabaho, bagenzi ba Yosefu, baamwiha omu kiina, baamuguza Abaisimairi, ebicweka by'efeeza makumi abiri, Abaisimairi baatwara Yosefu Misiri.
29Rubbeni obu yagarukire ha kiina, alingwiize, arozire Yosefu atarumu, yatemura engoye ze, 30yagaruka hali bagenzi be yagamba ati: “Omwana omu kiina, k'atarumu, kandi nyowe ndaagya ha?” 31Aho, baita embuzi, baakwata ekanzu ya Yosefu, baagiibika omu sagama, 32ekanzu egi baagitwekera isebo nibagamba bati: “Tukomere ekanzu enu, ngigyo ogirole, obu eraaba eri kanzu y'omwana wawe, rundi teri niyo.” 33Yakobbo obu yagimanyiriire yagamba ati: “Ekanzu enu, mali y'omwana wange, enyamaiswa ekamulya. Eki tikiri ky'okugurukyagurukya, Yosefu akaliibwa enyamaiswa.” 34Aho yatemura ebyokujwara bye, yayekindikira ebitengo, yamara ebiro bingi naalirirra omwana we. 35Abatabani n'abahara boona baalengaho kumuhuumuza, baitu yalema kuhuumuzibwa, yagamba ati: “Nangwa, ndirindwa nsirimuke Nyabuyonga nindirirra omwana wange.” Ise nukwo yamuliririire ati. 36Omu kasumi ako Abamidiani bakaba bamazire kutunda Yosefu omunsi ya Misiri, aguzirwe Potifa mukuru w'abalinzi ba Faraaho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.