Kub 43
43
Bagenzi ba Yosefu nibagaruka Misiri banyina Benyamiini
1Omu kasumi ako, kiihe ekaba ehinguraine omunsi. 2Bagenzi ba Yosefu obu baamazire kulya engano ei bakaba basakire omunsi Misiri, isebo yabagambira ati: “Mugarukeyo mutusakire akookulya aka turaalya.” 3Baitu Yuda yamugamba ati: “Omusaija oli akatugambirra kimu ngu ‘mutaligaruka omumaiso gange mutaleesire mugenzi wanyu.’ 4Obu oraatwikiriza kugenda na mugenzi waitu, turaagenda tubasakire ebyokulya. 5Obu otatwikirize, na itwe titurukwija kugenda habwokuba omusaija oli akatugamba ati: ‘Mutaligaruka omumaiso gange mutaleesire mugenzi wanyu.’ ” 6Isirairi akabakaguza ati: “Habwaki mwankozire kubi kugambira omusaija oli nkooku munyina mugenzi wanyu ondi?” 7Baamugarukamu bati: “Omusaija oli, akatukaguliiriza muno, kandi yakaguliiriza ha b'oruganda rwaitu naagamba ati: ‘Isiinywe akyaikaire? Munyina mugenzi wanyu ondi?’ Tukamugarukamu ebi yatukagwize. Itwe twakusoboire tuta kumanya nkooku araagamba ngu mwije na mugenzi wanyu?” 8Yuda yagambira Isirairi ati: “Mpa omwojo, twimukye tugende, tuserre ekiraakujuna, hamu na itwe n'abantu baitu. 9Nyowe ndaaba mwema, ninyowe olimusaba, kakuba ntamukugarurra okamurora, ninyowe olijunaana buli na buli, 10kakuba tutarakereriirwe, twakubaire tugarukireyo kabiri.”
11Isirairi isebo yabagambira ati: “Obu kiraaba kiri kiti, hati mukole muti, mutwale ebimu ha bintu ebi bakira kumanya nkooku biruga omunsi yaitu, omusaija ogu, mumutwarre ekisembo eky'amagita aganyakuboya kurungi aganyakwihwa omu miti, kandi aganyakutamba obusaasi kandi mumutwarre obwoki bw'enjoki buke, obubbani, omugaju, ebinyoobwa n'amaijaleero. 12Omuhendo ogw'ensimbi ezi mwatwaire buli, mugutwale kabiri, mugarreyo sente ezi mwasangire omu minwa ey'ensahu zanyu, rundi bakagenderra kubalenga. 13Mutwale na mugenzi wanyu Benyamiini, mwimukye mugende, mugaruke mb'omusaija oli. 14Ruhanga ow'obusobozi bwona ahindule omusaija oli, abagirre embabazi, abagarurre mugenzi wanyu ou mwasigireyo, kandi mutasigayo Benyamiini. Nyowe obu ndaaba ndi w'okufwerwa abaana bange, ka nfwerwe.” 15Nubwo abasaija baatwara ebisembo, baatwara omuhendo gwa sente ogurukwingana kabiri ezi baatwaire okubanza, baatwara na Benyamiini, baimukya, baagenda Misiri, baayeyoleka Yosefu.
16Yosefu obu yarozire Benyamiini ali hamu na bagenzi be, yagambira omukeeto w'enju ye ati: “Abasaija abo bataahye omunju, obabaagire ekisoro, habwokuba baraalya na nyowe ekyanyamusana.” 17Omusaija yakora Yosefu nkooku yamuragiire, yabataahya omunju. 18Abasaija baatiina, habwokubataahya omunju ya Yosefu, baagamba bati: “Sente ziri ezaasangirwe omu nsahu zaitu ha murundi ogw'okubanza nizo zituleesize munu, nukwo aserre obwiho obw'okututaho omusango, atukole kubi, atufoole bairu, anyage enkaina zaitu.” 19Baagendera omukeeto ow'enju ya Yosefu baabaza na uwe beemeriire omu mulyango gw'enju, 20baagamba bati: “Mukama waitu, ha murundi ogw'okubanza, tukaija hanu kugura ebyokulya, 21obu twahikire omu ngonyo, tusumurwiire ensahu zaitu, omu kanwa k'ensahu eya buli muntu, twasangamu sente ze zoona nkooku twakazireesire, hati nzinu, tuzigarwire, 22kandi tuleesire sente ezindi ez'okusakisa ebyokulya. Titurukumanya ayataire sente ziri omu nsahu zaitu.” 23Omukeeto yabagarukamu ati: “Muhuumule, muleke kutiina, Ruhanga wanyu kandi Ruhanga owa Isiinywe, nuwe yabateeriire obuguuda omu nsahu zanyu esente zanyu nkazitunga.” Aho yaiha Simyoni omu nkomo, yamubaleetera. 24Omukeeto obu yaleesire abasaija omunju ya Yosefu, abahaire amaizi ag'okunaaba ebigere, abahaire n'ebyokulya eby'enkaina zaabo, 25baateekaniza ekisembo eki baraaha Yosefu, obu araija omuka, omu ihangwe, habwokuba bakaba bahuliire ngu nibaija kulya na uwe.
26Yosefu obu yataahire omuka, baamuha ebisembo ebi bakaba baleesire, baajuumara omumaiso ge. 27Yabaramukya yabagumyagumya naagamba ati: “Isiinywe omugurusi mwangambiire aliyo kurungi? Akyaikaire?” 28Baamugarukamu bati: “Omwiru wawe isiitwe, aliyo kurungi, akyaikaire.” Bainama nibamutamu ekitiinisa. 29Yosefu obu yaimukize amaiso, arozire Benyamiini owanyina, yakaguza ati: “Onu, nuwe mugenzi wanyu macura ou mwangambiire?” Yagambira Benyamiini ati: “Ruhanga akugirre embabazi, mwana wange!” 30Yosefu yaimuka bwango, yaruga nambere akaba aikaliire, habwokuba akahurra omutima gwe gwaijura embabazi habw'okurora mugenzi we, yaserra h'okulirirra, yataaha omu kisiika kye, yatandika kurra. 31Yanaaba amaiso, yaturuka, yagaruka nambere bali naayegumya. Yaragira abaheereza ati: “Musembeze ebyokulya.” 32Uwe, baamusembereza wenka, na bali, baabasembereza bonka, habwokuba, Abamisiri, tibaalyaga n'Abahebburaayo. 33Abaana ba Yakobbo, baikara omumaiso ga Yosefu, nkooku baahonderanganaga omu myaka ey'obukuru, okubandiza ha muzigaijo okuhika hali macura, baatandika okurorangana, nibahunirra muno. 34Yosefu yababegera ebibego, yabibatwekera, baitu ekibego ekya Benyamiini, kikakira eby'abandi boona emirundi etaano. Baanywa, baasemererwa hamu na uwe.
Currently Selected:
Kub 43: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
Kub 43
43
Bagenzi ba Yosefu nibagaruka Misiri banyina Benyamiini
1Omu kasumi ako, kiihe ekaba ehinguraine omunsi. 2Bagenzi ba Yosefu obu baamazire kulya engano ei bakaba basakire omunsi Misiri, isebo yabagambira ati: “Mugarukeyo mutusakire akookulya aka turaalya.” 3Baitu Yuda yamugamba ati: “Omusaija oli akatugambirra kimu ngu ‘mutaligaruka omumaiso gange mutaleesire mugenzi wanyu.’ 4Obu oraatwikiriza kugenda na mugenzi waitu, turaagenda tubasakire ebyokulya. 5Obu otatwikirize, na itwe titurukwija kugenda habwokuba omusaija oli akatugamba ati: ‘Mutaligaruka omumaiso gange mutaleesire mugenzi wanyu.’ ” 6Isirairi akabakaguza ati: “Habwaki mwankozire kubi kugambira omusaija oli nkooku munyina mugenzi wanyu ondi?” 7Baamugarukamu bati: “Omusaija oli, akatukaguliiriza muno, kandi yakaguliiriza ha b'oruganda rwaitu naagamba ati: ‘Isiinywe akyaikaire? Munyina mugenzi wanyu ondi?’ Tukamugarukamu ebi yatukagwize. Itwe twakusoboire tuta kumanya nkooku araagamba ngu mwije na mugenzi wanyu?” 8Yuda yagambira Isirairi ati: “Mpa omwojo, twimukye tugende, tuserre ekiraakujuna, hamu na itwe n'abantu baitu. 9Nyowe ndaaba mwema, ninyowe olimusaba, kakuba ntamukugarurra okamurora, ninyowe olijunaana buli na buli, 10kakuba tutarakereriirwe, twakubaire tugarukireyo kabiri.”
11Isirairi isebo yabagambira ati: “Obu kiraaba kiri kiti, hati mukole muti, mutwale ebimu ha bintu ebi bakira kumanya nkooku biruga omunsi yaitu, omusaija ogu, mumutwarre ekisembo eky'amagita aganyakuboya kurungi aganyakwihwa omu miti, kandi aganyakutamba obusaasi kandi mumutwarre obwoki bw'enjoki buke, obubbani, omugaju, ebinyoobwa n'amaijaleero. 12Omuhendo ogw'ensimbi ezi mwatwaire buli, mugutwale kabiri, mugarreyo sente ezi mwasangire omu minwa ey'ensahu zanyu, rundi bakagenderra kubalenga. 13Mutwale na mugenzi wanyu Benyamiini, mwimukye mugende, mugaruke mb'omusaija oli. 14Ruhanga ow'obusobozi bwona ahindule omusaija oli, abagirre embabazi, abagarurre mugenzi wanyu ou mwasigireyo, kandi mutasigayo Benyamiini. Nyowe obu ndaaba ndi w'okufwerwa abaana bange, ka nfwerwe.” 15Nubwo abasaija baatwara ebisembo, baatwara omuhendo gwa sente ogurukwingana kabiri ezi baatwaire okubanza, baatwara na Benyamiini, baimukya, baagenda Misiri, baayeyoleka Yosefu.
16Yosefu obu yarozire Benyamiini ali hamu na bagenzi be, yagambira omukeeto w'enju ye ati: “Abasaija abo bataahye omunju, obabaagire ekisoro, habwokuba baraalya na nyowe ekyanyamusana.” 17Omusaija yakora Yosefu nkooku yamuragiire, yabataahya omunju. 18Abasaija baatiina, habwokubataahya omunju ya Yosefu, baagamba bati: “Sente ziri ezaasangirwe omu nsahu zaitu ha murundi ogw'okubanza nizo zituleesize munu, nukwo aserre obwiho obw'okututaho omusango, atukole kubi, atufoole bairu, anyage enkaina zaitu.” 19Baagendera omukeeto ow'enju ya Yosefu baabaza na uwe beemeriire omu mulyango gw'enju, 20baagamba bati: “Mukama waitu, ha murundi ogw'okubanza, tukaija hanu kugura ebyokulya, 21obu twahikire omu ngonyo, tusumurwiire ensahu zaitu, omu kanwa k'ensahu eya buli muntu, twasangamu sente ze zoona nkooku twakazireesire, hati nzinu, tuzigarwire, 22kandi tuleesire sente ezindi ez'okusakisa ebyokulya. Titurukumanya ayataire sente ziri omu nsahu zaitu.” 23Omukeeto yabagarukamu ati: “Muhuumule, muleke kutiina, Ruhanga wanyu kandi Ruhanga owa Isiinywe, nuwe yabateeriire obuguuda omu nsahu zanyu esente zanyu nkazitunga.” Aho yaiha Simyoni omu nkomo, yamubaleetera. 24Omukeeto obu yaleesire abasaija omunju ya Yosefu, abahaire amaizi ag'okunaaba ebigere, abahaire n'ebyokulya eby'enkaina zaabo, 25baateekaniza ekisembo eki baraaha Yosefu, obu araija omuka, omu ihangwe, habwokuba bakaba bahuliire ngu nibaija kulya na uwe.
26Yosefu obu yataahire omuka, baamuha ebisembo ebi bakaba baleesire, baajuumara omumaiso ge. 27Yabaramukya yabagumyagumya naagamba ati: “Isiinywe omugurusi mwangambiire aliyo kurungi? Akyaikaire?” 28Baamugarukamu bati: “Omwiru wawe isiitwe, aliyo kurungi, akyaikaire.” Bainama nibamutamu ekitiinisa. 29Yosefu obu yaimukize amaiso, arozire Benyamiini owanyina, yakaguza ati: “Onu, nuwe mugenzi wanyu macura ou mwangambiire?” Yagambira Benyamiini ati: “Ruhanga akugirre embabazi, mwana wange!” 30Yosefu yaimuka bwango, yaruga nambere akaba aikaliire, habwokuba akahurra omutima gwe gwaijura embabazi habw'okurora mugenzi we, yaserra h'okulirirra, yataaha omu kisiika kye, yatandika kurra. 31Yanaaba amaiso, yaturuka, yagaruka nambere bali naayegumya. Yaragira abaheereza ati: “Musembeze ebyokulya.” 32Uwe, baamusembereza wenka, na bali, baabasembereza bonka, habwokuba, Abamisiri, tibaalyaga n'Abahebburaayo. 33Abaana ba Yakobbo, baikara omumaiso ga Yosefu, nkooku baahonderanganaga omu myaka ey'obukuru, okubandiza ha muzigaijo okuhika hali macura, baatandika okurorangana, nibahunirra muno. 34Yosefu yababegera ebibego, yabibatwekera, baitu ekibego ekya Benyamiini, kikakira eby'abandi boona emirundi etaano. Baanywa, baasemererwa hamu na uwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.