Kub 5
5
Oruzaaro rw'Adamu
1 #
Kub 1:27,28. Kinu nikyo kitabu ekirukwoleka oruzaaro rw'Adamu. Ruhanga obu yahangire omuntu, akamuhanga omunsisana ye. 2#Mat 19:4; Mar 10:6.Akahanga abantu babiri omusaija n'omukazi, obu yamazire kubahanga, yabaha omugisa, yabaruka ibara muntu. 3Adamu obu yahikize emyaka kikumi n'asatu, yazaara omwana omwojo arukumusisanira kimu, ow'ekisisani kye kyonyini, yamuruka ibara Seesi. 4Emyaka Adamu ei yayomiire amazire kuzaara Seesi, ekahika runaana; akazaara abaana abandi, aboojo n'abaisiki. 5Nukwo kugamba, emyaka yona Adamu ei yayomiire ekahika rwenda n'asatu; yafa.
6Seesi obu yahikize emyaka kikumi n'ataano, yazaara Enosi. 7Seesi obu yamazire kuzaara Enosi, yayomeera emyaka runaana na musanju, akazaara abaana abandi aboojo n'abaisiki. 8Nukwo kugamba, emyaka yoona Seesi ei yayomiire, ekahika rwenda mu ikumi n'ebiri; yafa.
9Enosi obu yahikize emyaka kyenda, yazaara Kenani. 10Enosi obu yamazire kuzaara Kenani, yayomeera emyaka runaana mu ikumi n'etaano, akazaara abaana abandi aboojo n'abaisiki. 11Nukwo kugamba, emyaka yoona Enosi ei yayomiire, ekahika rwenda n'ataano; yafa.
12Kenani obu yahikize emyaka nsanju, yazaara Maharaleeri. 13Kenani obu yamazire kuzaara Maharaleeri, yayomeera emyaka endi runaana n'amakumi ana, akazaara abaana abandi aboojo n'abaisiki. 14Nukwo kugamba, emyaka yoona Kenani ei yayomiire, ekahika rwenda mwikumi, yafa.
15Maharaleeri obu yahikize emyaka nkaaga n'etaano, yazaara Yaledi. 16Maharaleeri obu yamazire kuzaara Yaledi, yayomeera emyaka endi runaana n'asatu, akazaara abaana abandi aboojo n'abaisiki. 17Nukwo kugamba, emyaka yoona Maharaleeri ei yayomiire, ekahika runaana kyenda n'etaano; yafa.
18Yaledi obu yahikize emyaka kikumi n'enkaaga n'ebiri, yazaara Enoka. 19Yaledi obu yamazire kuzaara Enoka, yayomeera emyaka endi runaana, akazaara abaana abandi aboojo n'abaisiki. 20Nukwo kugamba, emyaka yoona Yaledi ei yayomiire, ekahika rwenda nkaaga n'ebiri; yafa.
21Enoka obu yahikize emyaka nkaaga n'etaano, yazaara Metusera. 22Enoka obu yamazire kuzaara Metusera, yakoraga Ruhanga ebi arukugonza kumara emyaka bikumi bisatu, akazaara abaana abandi aboojo n'abaisiki. 23Nukwo kugamba, emyaka yoona Enoka ei yayomiire, ekahika bisatu mu nkaaga n'etaano. 24#Sir 44:16; 49:14; Baheb 11:5; Yud 1:14.Enoka yakoraga Ruhanga ebi arukugonza, atongere kurorwa, habwokuba Ruhanga akamutwara.
25Metusera obu yahikize emyaka kikumi mu kinaana na musanju, yazaara Lameki. 26Metusera obu yamazire kuzaara Lameki, yayomeera emyaka endi rusanju mu kinaana n'ebiri, akazaara abaana abandi aboojo n'abaisiki. 27Nukwo kugamba, emyaka yoona Metusera ei yayomiire, ekahika rwenda mu nkaaga na mwenda; yafa.
28Lameki obu yahikize emyaka kikumi mu kinaana n'ebiri, yazaara omwana omwojo, 29yamuruka ibara Noha, yagamba ati: “Itaka Ruhanga eri yakyenere, omwana onu aliritwihiramu okuhumura tuleke kutalibana n'emikono yaitu.” 30Lameki obu yamazire kuzaara Noha, yayomeera emyaka endi bitaano mu kyenda n'etaano, akazaara abaana abandi aboojo n'abaisiki. 31Nukwo kugamba, emyaka yoona Lameki ei yayomiire, ekahika rusanju mu nsanju na musanju; yafa.
32Noha obu yamazire kuhikya emyaka bikumi bitaano, yazaara abaana basatu; Seemu, Haamu na Yafeesi.
Currently Selected:
Kub 5: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
