IINDUMISO 54
54
Umthandazo wokucela ukuhlangulwa kwiintshaba ezikhohlakeleyo
Eyokubethelwa ngezinto ezineentambo. Kumongameli. Eyokuqiqa. EkaDavide: ekufikeni kwabaseZifi, bathi kuSawule, UDavide akazimele phakathi kwethu na?
1Thixo, ndísindise ngegama lakho,
Uligwebe ityala lam ngobugorha bakho.
2Thixo, yiva umthandazo wam;
Wabekele indlebe amazwi omlomo wam.
3Ngokuba abasemzini basukela phezulu kum,
Nabanobungqwangangqwili bafuna umphefumlo wam;
Àbammisi uThixo phambi kwabo. (Phakamisani.)
4Yabona, uThixo ngumncedi wam;
INkosi yam ikwabasekela umphefumlo wam.
5Úya kubuyisela ububi kwabandilalelayo;
Ngenyaniso yakho bábhangise.
6Ndiya kubingelela kuwe ngokuqhutywa yintliziyo;
Ndiya kubulela kwigama lakho, Yehova, kuba lilungile.
7Ngokuba lindihlangule embandezelweni yonke;
Iliso lam libonela iintshaba zam.
Currently Selected:
IINDUMISO 54: XHO75
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.