Génesis 29
29
Jacob Labán itebobe i̧'yina jawa
1Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe. 2Mejenö 'ya̧nö, ojwese'do jo̧be, jö̧ba̧lö edijetö. Je'do ö'öböma o̧bȩja̧döbi, chi̧wo̧döbi ba̧jijadötö, te'ada̧lakwawa jojodö wa̧medukwa tja̧jwi̧mukwena.
Ja̧ mölema baikwö balediaijetö: Je'do jo̧bekwö okobe deinö o̧bȩja̧dönö, chi̧wo̧dönö öbibö 'yi̧abijadötö ojwiyo tjowobö. Ja̧danö, je'do a'onö inawa nöawa muchebiabijadötö. 3Ja̧danö, okobe deinö jobe ju̧kwadö tja̧jwi̧munö te'ada̧lakwawa jojodöma okobe deinö tjichibajena bakobe ja̧nö pjabatakwawö je'do a'onö inawa nöawa muchekwawama pjolatö lödiabijadötö. Pjolatö lödajadö ojwiyo wabö ojwiabijadötö tja̧jwi̧munö. Ja̧danö, owö katjatena inawama yemidanö muchebiabijadötö.
4Ja̧danö, Jacobma jobekwö 'ya̧wibö abebö a̧ja̧kwijetö te'ada̧lakwawa jojodönöma:
—Chömöledö, ökwödöma ¿dai jojodököbaduwa?— abebö a̧ja̧kwawö̧:
—Ökwödöma Harán jojodösa— atadijadötö.
5Ja̧danö, Jacobma abebö a̧ja̧kwijetö:
—Labánnö, Nacor ö̧'dö̧nöma ¿kwöwaisaduwökweji̧?— abebö a̧ja̧kwawö̧:
—Jau, döwaisökwe— tjatadökwe:
6—Jo̧bama ¿otiwanö jo̧ji̧?— abebö a̧ja̧kwawö̧:
—Jao. Otiwanö jo̧. ¡Edi! Yai jicha itjiju Raquelma, jabe'do a̧jwi̧mu o̧bȩja̧dönö ojwiyo ojwö öbibö— jö̧ba̧lijadötö.
7Ikenama Jacobma jö̧ba̧lijetö jobadönöma:
—¿Tajawedö kwa̧jwi̧muduwinö wabö ojwökönö kwö̧jaduwa? Ina ja̧wo̧ma bada ö̧ja. Jobadönö i̧sȩko̧ okwa teatakwawa ina lekwa. Babeda kwojwaduwitjö̧ma otiwena, yemidanö öbibö kwekataduwobö, kwa̧jwi̧muduwima tjukwobö— jö̧a̧lawö̧:
8—Ina dojwökö okobe deinö te'ada̧ladö tja̧jwi̧mukwö tjichibenanö kabatö. Tjichibena bakobe pjabatakwawö inawa pjolatö junö ojwiyo wabö dojwakobe da̧jwi̧munö— jö̧ba̧lijadötö.
9Ja̧danö, Jacobma jobadönö ina yöa̧lonö Raquel ichibijotö, jabe'do a̧jwi̧munö öbibö. Jobujuma jabe'do a̧jwi̧munö te'ada̧liabinuju. 10Ja̧danö, Raquelnö edö, ojo'do jöpöe Labán a̧jwi̧munö öbibö jichiökwe, Jacoboma ojwe se'dobe 'ya̧nö, inawa pjolatö junö ojwiyo wabibö ojwijetö ja̧jwi̧munöma. 11Ikenama Raquelnö 'ya̧wibö, du̧batö budekwijetö, o̧'wo̧ ösöwanö.
12Ja̧danö, Raquelnö jö̧ba̧lijetö:
—Ötjöma kwabe'do ömöledöso̧sa. Öjawuju Rebeca jitji̧sa—jö̧a̧loko Raquelma jejube ö'öbajö ȩwa̧jijotö, jabe'donö yöjawobö.
13Ja̧danö, jabe'donö yöjawökwe ö'öbakwawö 'yi̧jetö Jacobnö edobö. Ichibö wo̧batöbi wo̧batijetö, ja̧danö, du̧batöbi du̧batijetö Jacobnöma. Ikenama Jacobnö öbibö ȩwa̧jijetö ejube teatobö. Jacob tebachajo̧ma yöbawijetö Labánnö okobe jwiinö baledinama.
14Ja̧danö Labánma Jacobnö jö̧ba̧lijetö:
—Isabenö ökwöma ötjö chömöledöso̧ja, ötjö chitebiyadanö, ötjö chö̧kwö̧sobudanö— ösödinö jö̧ba̧lijetö. Ikenama Jacobma ja̧wo̧ bakwo̧ ji̧jetö jobadökwö.
Jacob Labánnö aebina jawa, itjiju Raquelnö ilekwo baibanö emobö
15Ju'wi möle Labánma jö̧ba̧lijetö Jacobnö:
—Jacob, ökwöma bena ja̧nö mikwa jwiinö kwotidajabe. Ja̧danö, ötjö chömöledöso̧köbijayonö mikwa jwiinöma kwotidoböma otiwökö. ¡Chimidokwö abebitjö!— abebijetö. 16Ja̧danö, Labánma du̧ju̧taja i̧tji̧mu ya̧dönö juna̧lijetö. Abönö pöoma Lea mikwijotö. Lea jö̧ja̧wujuma Raquel mikwijotö. 17Ja̧danö abönö pöo Leama jöbajalema otiwijotö. Jo̧kwaijayonö jöjawuju Raquelma jwiinö otiwijotö, jöbabi, jitebiyabi. 18Ja̧danö, Jacobma Raquelnö jwiinö ösödobetjö̧ abebijetö Labánnö:
—Labán, kwitjiju bajaliya luwuju Raquelnö, chilekwo baibanö chemobö atebakwö. Ja̧danö, jelemutjö dötölataja o̧biya baledibanö ökwö weköbi̧ chotidocha, otidö katatajena jobujunö chemobö, chilekwo baibanö— aebökwe:
19—Jau otiwa, bena otidö kwö̧jo. Chitjijunö ökwönö wetoböma chedemi otiwa. Jelo̧nö wetemitjö bajalekwönönö otiwa ökwönö weti̧ma— jö̧ba̧lijetö Labánma Jacobnöma. 20Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.
Labán Raquelnömakö̧ Leanöda Jacobnö weina jawa, ilekwo baibanö
21Ja̧danö, jȩlȩmu̧tjö̧ dötölataja o̧biya baledibajena Jacob jö̧ba̧lijetö Labánnö:
—Tjo̧wi̧ chotidawama 'dö̧ibaja. Jo̧kwaobetjö̧ chilekwonö webitjö chemo— jö̧ba̧lijetö.
22Ikenama Labánma jwöbijetö okobe deinö jobe jojodö ömadönöma fiesta kwanö, owö tjichobö. 23Ja̧danö, tjo̧wi̧ yö̧te baibajena Labánma ichejebijetö itjiju abönö pöo, Leanö Jacob ö̧jobekwö, Jacob emobö ilekwo baibanö. Raquelnömakö̧ jöpöo Leanöda ichejebijetö, Jacobma wajwionö. Ja̧danö, Jacobma Leakwö ji̧jetö, ilekwo baibanö. 24Labán ömöayuju, Zilpa mikwujunöma webijetö Lea jömöayuju baibanö.
25Ja̧danö, ju'wi dewachö Jacobma wiluibö edemi, ¡ayö! bisu Leanöda weajabe, jö̧ba̧lö, edijetö. Ja̧danö, jö̧ba̧lijetö Labánnö:
—¿Dakwö ja̧köbaja̧da ötjönöma? Raquelnöda chemobö chotidijatö. ¿Tajawedö jejenö ja̧köbajada? — abebö a̧ja̧kwökwe:
26—Ökwödö bemi jojodötjöma jejenö ditjijunö webadösa, abönö pöoma abönö jilekwenö jemobö. 27Ja̧danö, yötawakwö: Babeda tjilekwonö emawa fiesta kwanö möle, jelemutjö̧ dötölataja mölebiyama kwö̧jo. Ja̧ pjiesta möle kaatena chitjiju Raquelnö wetochakwö. Jemi ikenama ju'wi jelemutjö dötölataja o̧biya ötjö weti̧ kwotido, Raquelnö kwemi̧ mikwama— jö̧ba̧lijetö.
28Jejenö jö̧a̧lökwe Labán wei̧danö otidiabijetö Jacobma. Ikenama Labán webijetö itjiju Raquelnöma, Jacobnö emobö ilekwo baibanö. 29Ja̧danö, ömöayujunöbi, Bilha mikwujunö webijetö Labánma, Raquel jömöayuju baibanö. 30Ja̧danö, Jacobma Raquelkwö ji̧jetö, ilekwo baibanö. Jwiinö ile nibebijetö Raquelnö, Leanö ile niebi̧tjö̧ bajalekwönönö ile nibebijetö Raquelnöma. Ikenama ju'wi jelemutjö dötölataja o̧biya Labán wei̧ otidiabijetö Jacobma.
Lea ji̧tji̧munö 'yajebijayonö Raquelma ji̧tji̧mu debujubina jawa
31Isabenö Jo̧ Diosma Leanö edö, jilekwe ösödokoko, jö̧ba̧lö, jobujunöma metu'wo jö̧jinö pjabatijetö. Jo̧kwaijayonö Raquelma metu'wo jö̧joböma waekwijetö. 32Ja̧danö, Leama metu'wo ja̧ju ji̧tji̧nö emijotö. Emajuma jö̧ba̧lijotö:
—Isabenö Jo̧ Diosma usula chemawobe edobetjö̧ chijtji̧nö iyajabe. Isabenö babema chilekwema ösödakobe ötjönöma— jö̧ba̧lijotö. Jejenö jö̧ba̧lö jitji̧nö midijotö Rubén#29:32 Rubén jö̧ba̧löma, hebreo tjiwenenö, Edi chitji̧, jö̧ba̧lö ökwöi̧danö ökwöobe. , jö̧ba̧lö.
33Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijetö:
—Isabenö Jo̧ Diosma chilekwe ötjönö öpöjödi̧ma a̧ja̧kwobetjö̧ bite chitji̧nö iyajabe— jö̧ba̧lijotö. Jejenö jö̧ba̧lö jemajökwenö midijotö Simeon#29:33 · Simeón jö̧ba̧löma, hebreo tjiwenenö a̧ja̧kwö, jö̧ba̧lö ökwöi̧danö ökwöobe. , jö̧ba̧lö.
34Jemi tupakwöma yemidanö metu'wo ji̧jotö, Leama. Metu'wo ja̧ju jȩlo̧ jitji̧nö emijotö. Emajuma jö̧ba̧lijotö:
—Babema chilekwema ötjökwö dötewinö ö̧jakobe i̧tji̧munö wa̧medukwanö 'yatebajabetjö̧— jö̧ba̧lijotö. Jejenö jö̧ba̧lö jemajökwenö midijotö Leví#29:34 · Leví jö̧ba̧löma hebreo tjiwenenö, dötewö, jö̧ba̧lö, ökwöi̧danö ökwöobe. , jö̧ba̧lö.
35Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijotö:
—Babema Isabenö Jo̧ Diosnö ösödujusa— jö̧ba̧lijotö. Jejenö jö̧ba̧lö jemajökwenö midijotö Judá#29:35 Judá jö̧ba̧löma hebreo tji̧wȩnenö, ösödö, jö̧ba̧lö ökwöi̧danö ökwöobe. , jö̧ba̧lö. Jemi tupakwöma ji̧tji̧munöma 'yabebijökujutö.
Currently Selected:
Génesis 29: WPC
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved
Génesis 29
29
Jacob Labán itebobe i̧'yina jawa
1Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe. 2Mejenö 'ya̧nö, ojwese'do jo̧be, jö̧ba̧lö edijetö. Je'do ö'öböma o̧bȩja̧döbi, chi̧wo̧döbi ba̧jijadötö, te'ada̧lakwawa jojodö wa̧medukwa tja̧jwi̧mukwena.
Ja̧ mölema baikwö balediaijetö: Je'do jo̧bekwö okobe deinö o̧bȩja̧dönö, chi̧wo̧dönö öbibö 'yi̧abijadötö ojwiyo tjowobö. Ja̧danö, je'do a'onö inawa nöawa muchebiabijadötö. 3Ja̧danö, okobe deinö jobe ju̧kwadö tja̧jwi̧munö te'ada̧lakwawa jojodöma okobe deinö tjichibajena bakobe ja̧nö pjabatakwawö je'do a'onö inawa nöawa muchekwawama pjolatö lödiabijadötö. Pjolatö lödajadö ojwiyo wabö ojwiabijadötö tja̧jwi̧munö. Ja̧danö, owö katjatena inawama yemidanö muchebiabijadötö.
4Ja̧danö, Jacobma jobekwö 'ya̧wibö abebö a̧ja̧kwijetö te'ada̧lakwawa jojodönöma:
—Chömöledö, ökwödöma ¿dai jojodököbaduwa?— abebö a̧ja̧kwawö̧:
—Ökwödöma Harán jojodösa— atadijadötö.
5Ja̧danö, Jacobma abebö a̧ja̧kwijetö:
—Labánnö, Nacor ö̧'dö̧nöma ¿kwöwaisaduwökweji̧?— abebö a̧ja̧kwawö̧:
—Jau, döwaisökwe— tjatadökwe:
6—Jo̧bama ¿otiwanö jo̧ji̧?— abebö a̧ja̧kwawö̧:
—Jao. Otiwanö jo̧. ¡Edi! Yai jicha itjiju Raquelma, jabe'do a̧jwi̧mu o̧bȩja̧dönö ojwiyo ojwö öbibö— jö̧ba̧lijadötö.
7Ikenama Jacobma jö̧ba̧lijetö jobadönöma:
—¿Tajawedö kwa̧jwi̧muduwinö wabö ojwökönö kwö̧jaduwa? Ina ja̧wo̧ma bada ö̧ja. Jobadönö i̧sȩko̧ okwa teatakwawa ina lekwa. Babeda kwojwaduwitjö̧ma otiwena, yemidanö öbibö kwekataduwobö, kwa̧jwi̧muduwima tjukwobö— jö̧a̧lawö̧:
8—Ina dojwökö okobe deinö te'ada̧ladö tja̧jwi̧mukwö tjichibenanö kabatö. Tjichibena bakobe pjabatakwawö inawa pjolatö junö ojwiyo wabö dojwakobe da̧jwi̧munö— jö̧ba̧lijadötö.
9Ja̧danö, Jacobma jobadönö ina yöa̧lonö Raquel ichibijotö, jabe'do a̧jwi̧munö öbibö. Jobujuma jabe'do a̧jwi̧munö te'ada̧liabinuju. 10Ja̧danö, Raquelnö edö, ojo'do jöpöe Labán a̧jwi̧munö öbibö jichiökwe, Jacoboma ojwe se'dobe 'ya̧nö, inawa pjolatö junö ojwiyo wabibö ojwijetö ja̧jwi̧munöma. 11Ikenama Raquelnö 'ya̧wibö, du̧batö budekwijetö, o̧'wo̧ ösöwanö.
12Ja̧danö, Raquelnö jö̧ba̧lijetö:
—Ötjöma kwabe'do ömöledöso̧sa. Öjawuju Rebeca jitji̧sa—jö̧a̧loko Raquelma jejube ö'öbajö ȩwa̧jijotö, jabe'donö yöjawobö.
13Ja̧danö, jabe'donö yöjawökwe ö'öbakwawö 'yi̧jetö Jacobnö edobö. Ichibö wo̧batöbi wo̧batijetö, ja̧danö, du̧batöbi du̧batijetö Jacobnöma. Ikenama Jacobnö öbibö ȩwa̧jijetö ejube teatobö. Jacob tebachajo̧ma yöbawijetö Labánnö okobe jwiinö baledinama.
14Ja̧danö Labánma Jacobnö jö̧ba̧lijetö:
—Isabenö ökwöma ötjö chömöledöso̧ja, ötjö chitebiyadanö, ötjö chö̧kwö̧sobudanö— ösödinö jö̧ba̧lijetö. Ikenama Jacobma ja̧wo̧ bakwo̧ ji̧jetö jobadökwö.
Jacob Labánnö aebina jawa, itjiju Raquelnö ilekwo baibanö emobö
15Ju'wi möle Labánma jö̧ba̧lijetö Jacobnö:
—Jacob, ökwöma bena ja̧nö mikwa jwiinö kwotidajabe. Ja̧danö, ötjö chömöledöso̧köbijayonö mikwa jwiinöma kwotidoböma otiwökö. ¡Chimidokwö abebitjö!— abebijetö. 16Ja̧danö, Labánma du̧ju̧taja i̧tji̧mu ya̧dönö juna̧lijetö. Abönö pöoma Lea mikwijotö. Lea jö̧ja̧wujuma Raquel mikwijotö. 17Ja̧danö abönö pöo Leama jöbajalema otiwijotö. Jo̧kwaijayonö jöjawuju Raquelma jwiinö otiwijotö, jöbabi, jitebiyabi. 18Ja̧danö, Jacobma Raquelnö jwiinö ösödobetjö̧ abebijetö Labánnö:
—Labán, kwitjiju bajaliya luwuju Raquelnö, chilekwo baibanö chemobö atebakwö. Ja̧danö, jelemutjö dötölataja o̧biya baledibanö ökwö weköbi̧ chotidocha, otidö katatajena jobujunö chemobö, chilekwo baibanö— aebökwe:
19—Jau otiwa, bena otidö kwö̧jo. Chitjijunö ökwönö wetoböma chedemi otiwa. Jelo̧nö wetemitjö bajalekwönönö otiwa ökwönö weti̧ma— jö̧ba̧lijetö Labánma Jacobnöma. 20Jokwaobetjö̧ Jacobma Labán wei̧ otidiabijetö jelemutjö dötölataja o̧biya baledibanö. Lekwijayonö juluwanö baledobe ichejekwijetö Jacobnöma, jwiinö ösödobetjö̧ Raquelnö.
Labán Raquelnömakö̧ Leanöda Jacobnö weina jawa, ilekwo baibanö
21Ja̧danö, jȩlȩmu̧tjö̧ dötölataja o̧biya baledibajena Jacob jö̧ba̧lijetö Labánnö:
—Tjo̧wi̧ chotidawama 'dö̧ibaja. Jo̧kwaobetjö̧ chilekwonö webitjö chemo— jö̧ba̧lijetö.
22Ikenama Labánma jwöbijetö okobe deinö jobe jojodö ömadönöma fiesta kwanö, owö tjichobö. 23Ja̧danö, tjo̧wi̧ yö̧te baibajena Labánma ichejebijetö itjiju abönö pöo, Leanö Jacob ö̧jobekwö, Jacob emobö ilekwo baibanö. Raquelnömakö̧ jöpöo Leanöda ichejebijetö, Jacobma wajwionö. Ja̧danö, Jacobma Leakwö ji̧jetö, ilekwo baibanö. 24Labán ömöayuju, Zilpa mikwujunöma webijetö Lea jömöayuju baibanö.
25Ja̧danö, ju'wi dewachö Jacobma wiluibö edemi, ¡ayö! bisu Leanöda weajabe, jö̧ba̧lö, edijetö. Ja̧danö, jö̧ba̧lijetö Labánnö:
—¿Dakwö ja̧köbaja̧da ötjönöma? Raquelnöda chemobö chotidijatö. ¿Tajawedö jejenö ja̧köbajada? — abebö a̧ja̧kwökwe:
26—Ökwödö bemi jojodötjöma jejenö ditjijunö webadösa, abönö pöoma abönö jilekwenö jemobö. 27Ja̧danö, yötawakwö: Babeda tjilekwonö emawa fiesta kwanö möle, jelemutjö̧ dötölataja mölebiyama kwö̧jo. Ja̧ pjiesta möle kaatena chitjiju Raquelnö wetochakwö. Jemi ikenama ju'wi jelemutjö dötölataja o̧biya ötjö weti̧ kwotido, Raquelnö kwemi̧ mikwama— jö̧ba̧lijetö.
28Jejenö jö̧a̧lökwe Labán wei̧danö otidiabijetö Jacobma. Ikenama Labán webijetö itjiju Raquelnöma, Jacobnö emobö ilekwo baibanö. 29Ja̧danö, ömöayujunöbi, Bilha mikwujunö webijetö Labánma, Raquel jömöayuju baibanö. 30Ja̧danö, Jacobma Raquelkwö ji̧jetö, ilekwo baibanö. Jwiinö ile nibebijetö Raquelnö, Leanö ile niebi̧tjö̧ bajalekwönönö ile nibebijetö Raquelnöma. Ikenama ju'wi jelemutjö dötölataja o̧biya Labán wei̧ otidiabijetö Jacobma.
Lea ji̧tji̧munö 'yajebijayonö Raquelma ji̧tji̧mu debujubina jawa
31Isabenö Jo̧ Diosma Leanö edö, jilekwe ösödokoko, jö̧ba̧lö, jobujunöma metu'wo jö̧jinö pjabatijetö. Jo̧kwaijayonö Raquelma metu'wo jö̧joböma waekwijetö. 32Ja̧danö, Leama metu'wo ja̧ju ji̧tji̧nö emijotö. Emajuma jö̧ba̧lijotö:
—Isabenö Jo̧ Diosma usula chemawobe edobetjö̧ chijtji̧nö iyajabe. Isabenö babema chilekwema ösödakobe ötjönöma— jö̧ba̧lijotö. Jejenö jö̧ba̧lö jitji̧nö midijotö Rubén#29:32 Rubén jö̧ba̧löma, hebreo tjiwenenö, Edi chitji̧, jö̧ba̧lö ökwöi̧danö ökwöobe. , jö̧ba̧lö.
33Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijetö:
—Isabenö Jo̧ Diosma chilekwe ötjönö öpöjödi̧ma a̧ja̧kwobetjö̧ bite chitji̧nö iyajabe— jö̧ba̧lijotö. Jejenö jö̧ba̧lö jemajökwenö midijotö Simeon#29:33 · Simeón jö̧ba̧löma, hebreo tjiwenenö a̧ja̧kwö, jö̧ba̧lö ökwöi̧danö ökwöobe. , jö̧ba̧lö.
34Jemi tupakwöma yemidanö metu'wo ji̧jotö, Leama. Metu'wo ja̧ju jȩlo̧ jitji̧nö emijotö. Emajuma jö̧ba̧lijotö:
—Babema chilekwema ötjökwö dötewinö ö̧jakobe i̧tji̧munö wa̧medukwanö 'yatebajabetjö̧— jö̧ba̧lijotö. Jejenö jö̧ba̧lö jemajökwenö midijotö Leví#29:34 · Leví jö̧ba̧löma hebreo tjiwenenö, dötewö, jö̧ba̧lö, ökwöi̧danö ökwöobe. , jö̧ba̧lö.
35Jemi tupakwöma yemidanö metu'wo ji̧jotö Leama. Metu'wo ja̧ju jelo̧ jitji̧nö emijotö. Emajuma jö̧ba̧lijotö:
—Babema Isabenö Jo̧ Diosnö ösödujusa— jö̧ba̧lijotö. Jejenö jö̧ba̧lö jemajökwenö midijotö Judá#29:35 Judá jö̧ba̧löma hebreo tji̧wȩnenö, ösödö, jö̧ba̧lö ökwöi̧danö ökwöobe. , jö̧ba̧lö. Jemi tupakwöma ji̧tji̧munöma 'yabebijökujutö.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved