Génesis 36
36
Esaútjö tupadanö jojodö tjimbiya ba̧ji̧ wȩyukwina
1Biya̧ chiwȩyudi̧ma Esaú i̧tji̧mu tjimibiya, ja̧danö Esaútjö tupadanö jojodö tjimibiya. Esaúma ju'wi imi Edom, jö̧ba̧lö mikwijetö. 2Ja̧danö, Esaúma i̧lȩkwa̧munö emijetö Canaán jojodötjö. Bakwujuma Ada mikwuju, heteo jojo Elón mikwo̧ itjiju. Ja̧danö, jelujuma Aholibama mikwuju, Aná mikwo̧ itjiju. Anáma heveo jojo Zibeón mikwo̧ itji̧. 3Ja̧danö jeluju Esaú ilekwoma Basemat mikwuju, Abraham itji̧ Ismael itjiju, ja̧danö, Nebaiot mikwo̧ öjawuju.
4Ja̧danö, Esaú ilekwo Adama jitji̧ bakwo̧nö 'yabebijotö, Elifaz mikwo̧nö. Ja̧danö, jeluju ilekwo Basematma jitji̧ bakwo̧nö 'yabebijotö, Reuel mikwo̧nö. 5Ja̧danö, jeluju ilekwo Aholibamama ji̧tji̧mu wamedukwanö ömadönö 'yabebijotö, Jeús mikwo̧nö, Jaalam mikwo̧nö, Coré mikwo̧nö. Jejenö, Esaú i̧lȩkwa̧muma okobe deinö tji̧tji̧mu 'yatjebinawö̧ma bakwamu luwa, Canaán nijinö ja̧nö.
Esaú Jacob wainö tjö̧jina jawa
6-7Ja̧danö Esaúma öjawo̧ Jacobkwö bakwena tjuju̧kwoböma waiyijetö tja̧jwi̧mu pa̧ka̧yö̧ ba̧jekwadö tjujuna̧lawö̧ma tjukwa'ye meje'ye, okobe deinö tjukwobö jwiobetjö̧. Jo̧kwaobetjö̧ Esaúma Jacob ö̧jelöma jelobekwö ö̧jobö 'da̧bachibö 'yi̧jetö. I̧lȩkwa̧mukwö, i̧tji̧mu ömadökwö, ya̧dökwö, ja̧danö, okobe deinö ömöayedökwö, a̧jwi̧munö öbibö, ja̧danö, okobe jwiinö Canaán nijinö ö̧jena emina itea e'ewö 'yi̧jetö Esaúma Jacob ö̧jelö jelobekwö. 8Ja̧danö Esaú, ju'wi imi Edom mikwo̧ma, jelobekwö 'ya̧jo̧ Seir nijinö ji̧jetö, mö'ösa'iju la'aka ba̧ba̧lawena.
9Jejenöobetjö̧, Esaútjö tupadanö jojodöma jobe, Seir nijinö ju̧kwijadötö, mö'ösa'iju la'aka ba̧ba̧lawena. Jobadöma edomitas jojodö, jö̧ba̧lö mikwinadö. Jobadöma Esaúnö, da'dö jö̧ba̧lö, öbabijadötö.
Ja̧danö Esaútjö tupadanö jojodöma bidö: 10-13Esaú ilekwo Adáma 'yabebijotö jitji̧nö, Elifaz mikwo̧nö. Ja̧danö Elifazma i̧tji̧mu ömadöma bakwamu luwanö 'yabebijetö, Temennö, Omarnö, Zefonö, Gatamnö, Kenaznö. Ja̧danö Elifazma ömöayuju Timna mikwujukwö ja̧nö jobujutjö jelo̧ itji̧nö 'yabebijetö, Amalek mikwo̧nö. Ja̧danö jobadö Esaú itji̧ Elifaz i̧tji̧muma Esaú ilekwo Ada jö'dö̧dö.
Ja̧danö, Esaú ilekwo Basematma bakwo̧ jitji̧nö 'yabebijotö, Reuel mikwo̧nö. Ja̧danö, Reuelma ö'wejemu luwa, ömadönö 'yabebijetö, Nahatnö, Zeranö, Shamanö, Mizanö. Jobadö Esaú itji̧ Reuel i̧tji̧muma Basemat jö'dö̧dö.
14Ja̧danö, Esaú ilekwo Aholibama, Aná itjiju, ja̧danö Zibeon ö̧'dö̧ju, jobujuma ji̧tji̧mu ömadö wamedukwanö 'yabebijotö, Jeushnö, Jalamnö, Corénö.
Esaútjö tupadanö jojodö la'aka luwedö tjuju̧kwina jawa
15Ja̧danö, Esaútjö tupadanö jojodöma la'aka luwedöbijadötö ji̧jadötö. Itji̧ Elifaz i̧tji̧mu, jelemutjö̧ bakwamu luwa ömadöma bakwo̧nökwena la'aka luwedö ju̧kwijadötö luwo̧bijadötö, idöda yööne tjömöledökwö wainö tjitebokwena ja̧nö. Jobadöma bidö: la'aka luwo̧ Temen, la'aka luwo̧ Omar, la'aka luwo̧ Zefer, la'aka luwo̧ Kenaz 16la'aka luwo̧ Gatam, la'aka luwo̧ Amalek. Jobadö Elifaz i̧tji̧muma Edom nijinö ja̧nö la'aka luwedöbijadötö idöda yööne tjömöledökwö, wainö tjitebokwena ja̧nö. Jobadöma Esaú ilekwo Ada jö'dö̧dö.
17Ja̧danö, Esaú itji̧ Reuel i̧tji̧mubi, ö'wejemu luwa ömadöma bakwo̧nökwena la'aka luwedöbijadötö, idöda yööne tjömöledökwö, wainö tjitebokwena ja̧nö. Jobadöma bidö: la'aka luwo̧ Nahat, la'aka luwo̧ Zerah, la'aka luwo̧ Shama, la'aka luwo̧ Miza. Jobadö Reuel i̧tji̧muma, Edom nijinö ja̧nö la'aka luwedöbijadötö idöda yööne tjömöledökwö, wainö tjitebokwena ja̧nö. Jobadöma Esaú ilekwo Basemat jö'dö̧dö.
18Ja̧danö, Esaú ilekwo, Aholibama mikwuju, Aná mikwo̧ itjijuma, jobuju ji̧tji̧mubi bakwo̧nökwena la'aka luwedöbijadötö , idöda yööne tjömöledökwö, wainö tjitebokwena ja̧nö. Jobadöma bidö: la'aka luwo̧ Jeush, la'aka luwo̧ Jalam, la'aka luwo̧ Coré.
19Ja̧danö biya̧ tjimi wȩyukwi̧ma Esaútjö tupadanö jojodö tjimibiya. Jobadöma bakwo̧nökwena la'aka luwedöbijadötö idöda yööne tjömöledökwö wainö tjitebokwena ja̧nö.
Horeo jojo Seir mikwo̧tjö tupadanö jojodö la'aka luwedö tjuju̧kwina jawa
20Ja̧danö, Esaúma ajayinö, jemi Edom niji ö̧jobö ichibenena ida̧ökö ju'wedö, horeo jojodöma jobe ju̧kwijadötö, idöda tjiteboobetjö̧. Horeo jojodöma bakwo̧, Seir mikwo̧tjö tupadanö jojodö.
Ja̧danö Seir i̧tji̧muma bidö: Lotán, Sobal, Zibeón, Aná, 21Disón, Ezer, Disán. Jobadöma Edom nijinö ju̧kwinadö. Ja̧danö, jobadöma bakwo̧nökwena, la'aka luwedöbijadötö, idöda yööne tjömöledökwö wainö tjitebokwena ja̧nö.
22Ja̧dannö, Seir itji̧ abönö pöe Lotán mikwo̧ma i̧tji̧mu du̧ju̧taja ömadönö 'yabebijetö, bidö: Hori, Hemam. Ja̧danö, Lotán öjawujuma Timna, jö̧ba̧lö mikwuju.
23Ja̧danö, Seir ikena itji̧ Sobal mikwo̧ma i̧tji̧mu bakwamu luwa ömadönö 'yabebijetö, bidö: Alván, Manahat, Ebal, Sefo, Onamnö.
24Ja̧danö Seir ikena itji̧ Zibeón mikwo̧ma i̧tji̧mu du̧ju̧tajanö ömadönö 'yabebijetö, bidö: Aiah, Anánö. Jo̧ba Anáma mejetjö ojwese'do tube'do ajayinö badekwajina, abe'do Zibeón a̧jwi̧mu bu̧lu̧dönö meje'ye tjukwobö öbibö 'ya̧jo̧.
25Ja̧danö, Seir itji̧ ikena luwo̧ Aná mikwo̧ma i̧tji̧munö dujutajanö 'yabebijetö, itji̧ Disón mikwo̧nö, ja̧danö, itjiju Aholibama mikwujunö.
26Ja̧danö, Seir ikena itji̧ Disón mikwo̧ma i̧tji̧mu ömadönö 'yabebijetö, bidö: Hemdán, Esbán, Itrán, Queránnö.
27Ja̧danö Seir ikena itji̧ Ezer mikwo̧ma i̧tji̧mu wameduwkanö ömadönö 'yabebijetö, bidö: Bilhán, Zaaván, Acánnö.
28Ja̧danö, Seir ikena itji̧, bajaliya luwo̧ Disán mikwo̧ma, i̧tji̧mu du̧ju̧tajanö ömadönö 'yabebijetö, bidö: Uz, Aránnö.
29Jobadö, horeo jojo Seir i̧tji̧muma bakwo̧nökwena, horeo jojodötjö la'aka luwedöbijadötö, idöda yööne tjömöledökwö wainö tjitebokwena ja̧nö. Jobadöma bidö: Lotán, Sobal, Zibeón, Aná, 30Disón, Ezer, Disánnö.
Edom niji ju̧kwadö tjuluwedö webö tjuju̧kwina jawa
31Ja̧danö, jobe Edom nijinö la'ka luwedö, inesö la'akanö luwedöma webö bi̧jadötö, ina Israel jojodötjö inesö la'aka luwedö detjayi̧.
32Jobadö inesö la'aka luwedöma bidö: Ajayinö Edom niji inesö la'aka luwo̧ma Beor itji̧ Bela mikwo̧. Jo̧bama Dinaba comunidadtjö webijetö. 33Ja̧danö, Bela woaja̧ okobe Zera itji̧ Jobab mikwo̧, Bosra jojoma, inesö la'aka luwo̧ Bela webö ö̧bajemi okobe tebachijetö. 34Ja̧danö, Jobab woaja̧ okobe, Husam mikwo̧, Temán jojoma Jobab webö ö̧bajemi okobe tebachijetö. 35Ja̧danö, Husam woaja̧ okobe, Bedad itji̧ Hadad mikwo̧ma Husam webö ö̧bajemi okobe tebachijetö. Jo̧ba Hadama Avit comunidadtjö webijetö. Ja̧danö, jo̧ba ajayinöma midianitas jojodönö 'böbabikwawö juluwina, Moab nijitjö.
36Ja̧danö, Hadad woaja̧ okobe Samla mikwo̧, Masreka comunidad jojoma, Hadad webö ö̧bajemi okobe tebachijetö. 37Ja̧danö, Samla woaja̧ okobe, Saúl mikwo̧, Rehobot comunidad, ojwe ö'öbö comunidad jojoma Samla webö ö̧bajemi okobe tebachijetö. 38Ja̧danö, Saúl woaja okobe Acbor itji̧ Baal-hanán mikwo̧ma webö ö̧bajemi tebachijetö. 39Ja̧danö, Acbor itji̧ Baal-hanán woaja okobe Hadar mikwo̧ma webö ö̧bajemi tebachijetö. Jo̧bama Pau comunidadtjö webijetö. Jo̧ba ilekwoma Mehetabel mikwijotö. Jobuju jabe'do Matred mikwijetö ja̧danö, jojo'do Mezaab mikwijotö.
Esaú, ju'wi imi Edom mikwo̧ okobe deinö edomitas jojodö ajayinö ji̧na jawa
40-43Baikwö laebi̧ tjimima Esaútjö̧ tupadanö jojodö, la'aka luwedö tjimi. Jobadöma bidö: Timna, Alva, Jetet, Aholibama, Ela, Pinón, Cenaz, Temán, Mibzar, Magdiel, Iramnö. Jobadö la'aka luwedöma idöda yööne tjömöledökwö, wainö tjitebokwena ji̧jadötö. Jobadöma Esaú, ju'wi imi Edomtjö tupadanö jojodö. Ja̧danö, Edomma okobe deinö edomitas jojodö tja'dö, jobadö ajayinö ji̧na baibanö.
Currently Selected:
Génesis 36: WPC
Highlight
Share
Copy
Want to have your highlights saved across all your devices? Sign up or sign in
©2021, All Rights Reserved
