Génesis 39:7-9

Ju'wi möle José uluwo̧ ilekwoma ösödö edö obijotö Josénöma, Ötjökwö dö̧lo ichi, jö̧ba̧lö. Jejenö jö̧ja̧lijayonö Joséma jö̧ba̧lijetö: —Chichökö, sula. Ökwöma chuluwo̧ ilekwoja. Ja̧danö, chuluwo̧ itea weibinökwesa ötjöma. Jo̧bama omukwatökönö ötjönö webö ujunijatö chite'ada̧lobö okobe jwiinö jo̧ba iteama. Bejunö ötjötjö bajalekwönönö jo̧ma dea. Kwilekwema ju'wi jawabi a̧'dȩlokobe ötjönöma. Ökwönöda ile niebobe ilekwoköbobetjö̧. Sulabenö kwomukwati̧ma chöpöjöda. Dios öba a'otjö ¿dakwö sulabenö ja̧tobö ökwö kwösödi̧ma? Chöpöjöda— jö̧ba̧lijetö Joséma uluwo̧ ilekwonö.