Shiyanso 19
19
Uwunansi uwa vaanu va lijumbi lya Sodoma
1Pashaamihe pa lisiku lilila, avamalayikha vavili vala, vafishile ku Sodoma. Vamwaga uLooti akheele pa shikwilo sha lijumbi lya Sodoma. ULooti wáganile kivaaga hela, wáyiima, wáaluta kivasaajisa, wáfugama, wávahunjila. 2Wávajovela wáaja, “Vayaa! Lino nilomba muyinjile mukhati yangu one ni muvanda weenyu, mutuuye, muyoose amagulu geenyu, mugone baaha. Pamulaawu muyilaave muyitenekhaje nu lushuulo lwenyu.” Leelo, aveene vamujovela vaaja, “Ndaali, tisiigone baaha panja.”
3Leelo uLooti wáyitenekhaga kivabembelesa mbakha vayiitikha kiyinjila mukhati yaakwe. ULooti wávanosesa amakhaate gina gagaya lihelu ni shakiilya ishinji ishinofu mandu, vaalya.
4Leelo, pina vasinaagone, avagoosi woona va lijumbi lya Sodoma, kiyansisa avadiimi mbakha avagosiivaha, vayipilima inanda. 5Vamushemeela uLooti kwa ngufu vaaja, “Vali kwi avagoosi vala vina vayinsa kunyaakho iminsiyaano? Valeeta, tisakula tivahoshe.”
6ULooti wáahuma panja, wádinda umulyango shinyamugongo. 7Baheene wávajovelaga wáaja, “Vayaa! Musikhagahaji uwunansi uwu. 8Puliisi nivajovele, ninawo avaali vangu vavili, vasinajendaje nu mugoosi yoyoona. Nisivatawule kunyeenyu, muvagahile shina mwisakula, leelo musikhajelaga kivagahila uwunansi wowoona avagoosi ava, kwa kiiva vahensa vangu.”
9Leelo, avaanu vala vamujovela, “Wuukha apa! Owe yuuwe naani? Uli muyinsano hela apa! Lino wisakula kiiva mulamulaaji weesu. Tisikugahe fivi mandu, kishila hata shina taava tisakula tivagahe avahensa vaakho ava.” Apo, vayansa kimubunkha uLooti, mbakha vaava nkholeela kideenya umulyango. 10Leelo, avahensa vala vadindula umulyango, vamukwehela mukhati uLooti, baheene vadinda umulyango. 11Baaho vavapofosa ameeho avagoosi vala woona, kiyansisa avadiimi mbakha avagosiivaha, ndeeno vagombola kigwaga umulyango.
ULooti ikulusiwa kihuma ku Sodoma
12Avamalayikha vala vamuposa uLooti vaaja, “Aasi, vakwali avalukholo lwakho avanji vina mwikhala lumo mu lijumbi ili, avaswamuwo, avaaliwo awu avakweyo? Nda vakwali, vatoola nyangu, muwuushe mu lijumbi ili. 13UMutwa uNguluvi wátufilikha tiyinse kilinangania ilijumbi ili ilya Sodoma, kwa kiiva wáwaaga uwunansi wukhome mandu.”
14Baheene, uLooti wáaluta kwa vakweye vina vakhandi vavabaanyile avaali vaakwe, wávajovela wáaja, “Yiimi! Musije nyangu kihuma mu lijumbi muno, kwa kiiva uNguluvi asilinanganie ilijumbi ili.” Leelo, avadiimi vala vahiiva kiija, uLooti akhandi ikivagahila mayego hela.
15Kwaganile kihenga kunena hela, avamalayikha vala vaava vikimukuviilisa awuushe nyangu viija, “Wuukha nyangu nu mudala waakho na vaali vaakho, musaali mufwe mu lijumbi ili lina uNguluvi ayinsile kilinangania.”
16ULooti wáava ana shitilutilu. Leelo, avamalayikha vala vamukhata iliwokho umwene nu mudala waakwe na vaali vaakwe. Vamuhumya mbakha kunja ya lijumbi, kwa kiiva uNguluvi wávasungupilaga mandu. 17Vaganile kivahumya kunja ya lijumbi, umalayikha yumonga wávajovela wáaja, “Sigaji mandu kiija mukulushe! Musikhajelaji kiseetukha, khanji musikhajelaji kiyiima popoona pa lifunkho. Sijilaji mu fidunda, baheene mukulushe kibudwa!”
18Leelo uLooti wávajovela wáaja, “Vayaa ndaali! 19Shiyooli, mwanisungupila mandu one ni muvanda weenyu, kwa kiiva ya kinikulusa uwuumi wangu. Mutwa, ku fidunda kula kutali mandu, one nisiive nishaanali kifikha, nisifwile mu nsila. 20Puliisi, kula kuna lijumbi linangʼana lina lili nkholeela, nikwiliile kisijila. Nileshi nilute kukula, kiija nikulushe nive muumi.”
21Umunyaayumo mu vamalayikha vala wámujovela wáaja, “Eena, nayiitikha shina wilomba. Nisilinanganga ilijumbi lina ukililogola. 22Sijilaga nyangu kuukho, kiiva nisikwiliile kigaha lujowo loloona, mbakha pina usiive waafikha mu lijumbi ilyo ilinangʼana.” Lulwene ilijumbi lila lyatambulwagwa Sowaali.#19:22 Sowaali: Litaawa lya Shihebulaniya. Uluganulo lwakwe, lidoodo.
Kinyaanywa kwa lijumbi lya Sodoma ni Gomola
23ULooti pina akhandi iifikha ku lijumbi lya Sowaali, ilijuva likhandi lidibwile. 24Baheene uMutwa uNguluvi wátoosa umooto umukhome umukhali mandu ugwa salufa#19:24 Salufa: Ishiinu shina shihwaneene ni lilongo lina lingʼaala, shina shiveekha na shinyaanya mandu. kihuma kushaanya mu lijumbi ilya Sodoma ni Gomola. 25Wáganyaanya amajumbi ago, ilifunkho lyona, avaanu woona vina vaali vikhalaga umo, amapishi ni fimelo fyona ni fidiimwa fyona. 26Leelo umudala wa Looti yuna akhandi kunyuma wáseetukha, wáloleela kunyuma, baaho wáava nsimbili ya muunyo.
27Ulwamilaawu njine, palwamilaawu, uAbulahamu wáaluta kiyiima pa luvala luna akhandi ayiimile nu Mutwa uNguluvi. 28Pina wáali apo, wáloleela ku Sodoma na ku Gomola, nu luvala loona ulwa lifunkho, wályaga ilyosi lisinkha mandu, ngaja lyosi pina unyaanyile ifyuma. 29UNguluvi pina wágananganiaga amajumbi gina akhandi iikhala uLooti, wáali akumbwishe luna wámulombaga uAbulahamu, baheene wámukulusa uLooti kihuma mu majumbi gala gina gakhanyanyiilwe kwa mooto.
Ishiyanso sha Vamowabu na Vaamoni
30ULooti wátiilaga kikhala ku Sowaali. Baheene wáhaamaga na vaali vaakwe vavili, wáaluta ku shidunda kikhala mu mongolo. 31Ilisiku limonga, umwali umukhome wámujovelaga umunangʼana waakwe wáaja, “Uwiheesu igoosipa, khanji kusiina umugoosi yoyoona yuna asitutoole mu nyi muno, kiija tipate avaana. 32Lino, timungʼwese uwiheesu idivaayi agaale, baheene tigone nawo, tipate avaana vina vasiyooloshe, baheene ishikholo shisiifwa.” 33Ishilo isho vamugaasa uwihaanave, baheene umwali waakwe umukhome wáaluta wáagona nawo. Leelo uwiihe wáali agaalile mandu, ndeeno asikhameenye uluhaavi luna umwali waakwe wáyinjilaga na luna wáwuukhaga. 34Pamulaawu njine, umwali umukhome wámujovela umunangʼana waakwe wáaja, “Puliisa, ishilo sha miihe nagonaga nu wiheesu. Lino timugaase ni minsiyaano, baheene na yuuwe hambi ugone nawo, baheene ose woona tisiive na vaana vina vakhava lusawo lwa wiheesu.” 35Ishilo isho, khanji vamungʼwesa uwihaanave idivaayi. Umwali umunangʼana wáaluta kigona nawo. Leelo, uLooti akhandi agaalile mandu, ndeeno, asikhameenye uluhaavi luna umwali umunangʼana wáyinjilaga kigona nawo na pina iwuukha. 36Shiisho ndeeno avaali va Looti vasumulaga ulwanda kwa wihaanave.
37Umwali yula umukhome wámusavaga umwana umudiimi, wámutambulila ilitaawa Mowabu. Uyu yu wihaanave wa shikholo sha Vamowabu mbakha iminsiyaano. 38Umwali umunangʼana woope wámusavaga umwana mudiimi, wámutambulila ilitaawa Benami. Uyu yu wihaanave wa shikholo sha Vaamoni mbakha iminsiyaano.
Currently Selected:
Shiyanso 19: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Shiyanso 19
19
Uwunansi uwa vaanu va lijumbi lya Sodoma
1Pashaamihe pa lisiku lilila, avamalayikha vavili vala, vafishile ku Sodoma. Vamwaga uLooti akheele pa shikwilo sha lijumbi lya Sodoma. ULooti wáganile kivaaga hela, wáyiima, wáaluta kivasaajisa, wáfugama, wávahunjila. 2Wávajovela wáaja, “Vayaa! Lino nilomba muyinjile mukhati yangu one ni muvanda weenyu, mutuuye, muyoose amagulu geenyu, mugone baaha. Pamulaawu muyilaave muyitenekhaje nu lushuulo lwenyu.” Leelo, aveene vamujovela vaaja, “Ndaali, tisiigone baaha panja.”
3Leelo uLooti wáyitenekhaga kivabembelesa mbakha vayiitikha kiyinjila mukhati yaakwe. ULooti wávanosesa amakhaate gina gagaya lihelu ni shakiilya ishinji ishinofu mandu, vaalya.
4Leelo, pina vasinaagone, avagoosi woona va lijumbi lya Sodoma, kiyansisa avadiimi mbakha avagosiivaha, vayipilima inanda. 5Vamushemeela uLooti kwa ngufu vaaja, “Vali kwi avagoosi vala vina vayinsa kunyaakho iminsiyaano? Valeeta, tisakula tivahoshe.”
6ULooti wáahuma panja, wádinda umulyango shinyamugongo. 7Baheene wávajovelaga wáaja, “Vayaa! Musikhagahaji uwunansi uwu. 8Puliisi nivajovele, ninawo avaali vangu vavili, vasinajendaje nu mugoosi yoyoona. Nisivatawule kunyeenyu, muvagahile shina mwisakula, leelo musikhajelaga kivagahila uwunansi wowoona avagoosi ava, kwa kiiva vahensa vangu.”
9Leelo, avaanu vala vamujovela, “Wuukha apa! Owe yuuwe naani? Uli muyinsano hela apa! Lino wisakula kiiva mulamulaaji weesu. Tisikugahe fivi mandu, kishila hata shina taava tisakula tivagahe avahensa vaakho ava.” Apo, vayansa kimubunkha uLooti, mbakha vaava nkholeela kideenya umulyango. 10Leelo, avahensa vala vadindula umulyango, vamukwehela mukhati uLooti, baheene vadinda umulyango. 11Baaho vavapofosa ameeho avagoosi vala woona, kiyansisa avadiimi mbakha avagosiivaha, ndeeno vagombola kigwaga umulyango.
ULooti ikulusiwa kihuma ku Sodoma
12Avamalayikha vala vamuposa uLooti vaaja, “Aasi, vakwali avalukholo lwakho avanji vina mwikhala lumo mu lijumbi ili, avaswamuwo, avaaliwo awu avakweyo? Nda vakwali, vatoola nyangu, muwuushe mu lijumbi ili. 13UMutwa uNguluvi wátufilikha tiyinse kilinangania ilijumbi ili ilya Sodoma, kwa kiiva wáwaaga uwunansi wukhome mandu.”
14Baheene, uLooti wáaluta kwa vakweye vina vakhandi vavabaanyile avaali vaakwe, wávajovela wáaja, “Yiimi! Musije nyangu kihuma mu lijumbi muno, kwa kiiva uNguluvi asilinanganie ilijumbi ili.” Leelo, avadiimi vala vahiiva kiija, uLooti akhandi ikivagahila mayego hela.
15Kwaganile kihenga kunena hela, avamalayikha vala vaava vikimukuviilisa awuushe nyangu viija, “Wuukha nyangu nu mudala waakho na vaali vaakho, musaali mufwe mu lijumbi ili lina uNguluvi ayinsile kilinangania.”
16ULooti wáava ana shitilutilu. Leelo, avamalayikha vala vamukhata iliwokho umwene nu mudala waakwe na vaali vaakwe. Vamuhumya mbakha kunja ya lijumbi, kwa kiiva uNguluvi wávasungupilaga mandu. 17Vaganile kivahumya kunja ya lijumbi, umalayikha yumonga wávajovela wáaja, “Sigaji mandu kiija mukulushe! Musikhajelaji kiseetukha, khanji musikhajelaji kiyiima popoona pa lifunkho. Sijilaji mu fidunda, baheene mukulushe kibudwa!”
18Leelo uLooti wávajovela wáaja, “Vayaa ndaali! 19Shiyooli, mwanisungupila mandu one ni muvanda weenyu, kwa kiiva ya kinikulusa uwuumi wangu. Mutwa, ku fidunda kula kutali mandu, one nisiive nishaanali kifikha, nisifwile mu nsila. 20Puliisi, kula kuna lijumbi linangʼana lina lili nkholeela, nikwiliile kisijila. Nileshi nilute kukula, kiija nikulushe nive muumi.”
21Umunyaayumo mu vamalayikha vala wámujovela wáaja, “Eena, nayiitikha shina wilomba. Nisilinanganga ilijumbi lina ukililogola. 22Sijilaga nyangu kuukho, kiiva nisikwiliile kigaha lujowo loloona, mbakha pina usiive waafikha mu lijumbi ilyo ilinangʼana.” Lulwene ilijumbi lila lyatambulwagwa Sowaali.#19:22 Sowaali: Litaawa lya Shihebulaniya. Uluganulo lwakwe, lidoodo.
Kinyaanywa kwa lijumbi lya Sodoma ni Gomola
23ULooti pina akhandi iifikha ku lijumbi lya Sowaali, ilijuva likhandi lidibwile. 24Baheene uMutwa uNguluvi wátoosa umooto umukhome umukhali mandu ugwa salufa#19:24 Salufa: Ishiinu shina shihwaneene ni lilongo lina lingʼaala, shina shiveekha na shinyaanya mandu. kihuma kushaanya mu lijumbi ilya Sodoma ni Gomola. 25Wáganyaanya amajumbi ago, ilifunkho lyona, avaanu woona vina vaali vikhalaga umo, amapishi ni fimelo fyona ni fidiimwa fyona. 26Leelo umudala wa Looti yuna akhandi kunyuma wáseetukha, wáloleela kunyuma, baaho wáava nsimbili ya muunyo.
27Ulwamilaawu njine, palwamilaawu, uAbulahamu wáaluta kiyiima pa luvala luna akhandi ayiimile nu Mutwa uNguluvi. 28Pina wáali apo, wáloleela ku Sodoma na ku Gomola, nu luvala loona ulwa lifunkho, wályaga ilyosi lisinkha mandu, ngaja lyosi pina unyaanyile ifyuma. 29UNguluvi pina wágananganiaga amajumbi gina akhandi iikhala uLooti, wáali akumbwishe luna wámulombaga uAbulahamu, baheene wámukulusa uLooti kihuma mu majumbi gala gina gakhanyanyiilwe kwa mooto.
Ishiyanso sha Vamowabu na Vaamoni
30ULooti wátiilaga kikhala ku Sowaali. Baheene wáhaamaga na vaali vaakwe vavili, wáaluta ku shidunda kikhala mu mongolo. 31Ilisiku limonga, umwali umukhome wámujovelaga umunangʼana waakwe wáaja, “Uwiheesu igoosipa, khanji kusiina umugoosi yoyoona yuna asitutoole mu nyi muno, kiija tipate avaana. 32Lino, timungʼwese uwiheesu idivaayi agaale, baheene tigone nawo, tipate avaana vina vasiyooloshe, baheene ishikholo shisiifwa.” 33Ishilo isho vamugaasa uwihaanave, baheene umwali waakwe umukhome wáaluta wáagona nawo. Leelo uwiihe wáali agaalile mandu, ndeeno asikhameenye uluhaavi luna umwali waakwe wáyinjilaga na luna wáwuukhaga. 34Pamulaawu njine, umwali umukhome wámujovela umunangʼana waakwe wáaja, “Puliisa, ishilo sha miihe nagonaga nu wiheesu. Lino timugaase ni minsiyaano, baheene na yuuwe hambi ugone nawo, baheene ose woona tisiive na vaana vina vakhava lusawo lwa wiheesu.” 35Ishilo isho, khanji vamungʼwesa uwihaanave idivaayi. Umwali umunangʼana wáaluta kigona nawo. Leelo, uLooti akhandi agaalile mandu, ndeeno, asikhameenye uluhaavi luna umwali umunangʼana wáyinjilaga kigona nawo na pina iwuukha. 36Shiisho ndeeno avaali va Looti vasumulaga ulwanda kwa wihaanave.
37Umwali yula umukhome wámusavaga umwana umudiimi, wámutambulila ilitaawa Mowabu. Uyu yu wihaanave wa shikholo sha Vamowabu mbakha iminsiyaano. 38Umwali umunangʼana woope wámusavaga umwana mudiimi, wámutambulila ilitaawa Benami. Uyu yu wihaanave wa shikholo sha Vaamoni mbakha iminsiyaano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.