Shiyanso 20
20
UAbulahamu nu mutwa uAbimeleeki
1Kihuma ku Mamule,#20:1 Yimba mu litaafili lya Shiyanso 18:1. uAbulahamu wáshuulile kunyagamo mbakha ku luvala luna lutambulwa Negebu, wáaluta kikhala paakhati ya lijumbi lya Kadeshi ni Shuuli. Khanji uAbulahamu wáaluta ku lijumbi lya Gelaali, kuna wákheele kwa luhaavi ngaja muhensa. 2Pina akhandi ukho, uAbulahamu akhandi ikivajovela avaanu kiija, umudala waakwe uSaala wulumbu waakwe. Kwa kiiva ya ilyo, uAbimeleeki umutwa uwa ku Gelaali wáfilikha avaanu kiija, vamutoole uSaala, vamutwale kunyaakwe.
3Leelo, ilijuva limonga paashilo uNguluvi wámutwiwushilaga uAbimeleeki mu malooto, wámujovela wáaja, “Puliisa, owe wisakiifwa, kwa kiiva uwashimaayi uyu yuna wáleetwa kunyaakho, mudala wa muunu!” 4Leelo kwa kiiva uAbimeleeki akhandi asinajende nawo, wálomba mandu kwa Nguluvi wáaja, “Wee Nguluvi! Wuli, wisakula kitubuda ose vina tili vagolofu? 5Mbona yumwene uAbulahamu yuna wánijovelaga kiija, ‘USaala wulumbu wangu.’ Khanji nayu Saala woope wánijovelaga kiija, ‘UAbulahamu wulumbu wangu.’ Nisikhagahile ndeeno kwa masalo, leelo namutoolaga kwa numbula mbalafu hela.”
6Baheene uNguluvi wámujovela uAbimeleeki mu malooto wáaja, “Eena, nimeenye kiija usikhagahile kwa masalo. One yuune nakukhaanaga usikhagonaga nawo, kiija uleshe kinigahila one uwunansi. 7Lilino ndeeni, muwuyisaaga uwashimaayi uyu kwa mugoosi waakwe. UAbulahamu mukuwamalago wangu, asikufuunyile usiive muumi. Leelo, nda usikimuwuyiisa, shiyooli nikikujovela kiija, usiifwe na vaanu vaakho woona.”
8Pamulaawu njine, uAbimeleeki wáyilaava kilamukha, wávashemeela avakhome vaakwe, wávajovela amaswi ago goona gina wálotesewa nu Nguluvi. Avavanda vaakwe vaganile kipulikha ndeeno, vatiila mandu. 9-10Baaho uAbimeleeki wámushemeela uAbulahamu wáyansa kimudalishila wáaja, “Owe watugaha wuli? Tananga shiinu shishi kunyaakho mbakha walamula kileeta amavi kunyangu na vaanu vangu? Wanigahila shiinu shivi shina shisisakulwa kigahwa!”
11UAbulahamu wámujovela uAbimeleeki wáaja, “Nikhagahile ndeeni kwa kiiva nikhandi nihiiva kiija, apa kusiina umuunu yuna ikimutiila uNguluvi, ndeeno avaanu va lijumbi ili vasinibude, baheene vamutoole umudala wangu. 12Hata ndeeno, shiyooli uyu wulumbu wangu, mwali wa wiheesu, leelo tisisaviilwe maayi yumo, lulwene wáava mudala wangu. 13UNguluvi wáganaga kinijovela kiija nimuleshe udaada wangu pakhaaya, anileete ku nyi isa ku wuhensa, namujovelaga umudala wangu kiija, ‘Kokoona kuna hambi tiiluta, usiive ukivajovela avaanu kiija one nili wulumbu waakho. Shiisho ndeeno shina usiive wiwonensa kiija unigeene.’”
14Paanyuma, uAbimeleeki wámuwuyiisisa uAbulahamu umudala waakwe uSaala, khanji wámupeela avavanda vashimaayi na va shigoosi, inkholo ni ngʼombe. 15UAbimeleeki wámujovela uAbulahamu wáaja, “Loleela, inyi yoona yina ukiyaaga yangu. Lino khalaga uluvala loloona luna uludobweshe.”
16Baaho wámujovela uSaala wáaja, “Puliisa, namupeela uwulumbu waakho ihela magana ishumi (1,000) isa kiwuusisa insoni kwa vaanu vaakho na vaanu woona vasiimanye kiija owe uli mugaya wunansi.”
17Baheene uAbulahamu wámufuunya uNguluvi, woope uNguluvi wávaponia uAbimeleeki, umudala waakwe na vavanda woona avashidala, baheene vayansa kisava khanji avaana. 18Kwa luhaavi lufupi mu nsiku sina sashilaga, uMutwa uNguluvi wávadindaga uwutumbu avashimaayi woona ava nanda ya Abimeleeki valeshe kisava, kwa kiiva uAbimeleeki wámutoolaga uSaala umudala wa Abulahamu.
Currently Selected:
Shiyanso 20: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Shiyanso 20
20
UAbulahamu nu mutwa uAbimeleeki
1Kihuma ku Mamule,#20:1 Yimba mu litaafili lya Shiyanso 18:1. uAbulahamu wáshuulile kunyagamo mbakha ku luvala luna lutambulwa Negebu, wáaluta kikhala paakhati ya lijumbi lya Kadeshi ni Shuuli. Khanji uAbulahamu wáaluta ku lijumbi lya Gelaali, kuna wákheele kwa luhaavi ngaja muhensa. 2Pina akhandi ukho, uAbulahamu akhandi ikivajovela avaanu kiija, umudala waakwe uSaala wulumbu waakwe. Kwa kiiva ya ilyo, uAbimeleeki umutwa uwa ku Gelaali wáfilikha avaanu kiija, vamutoole uSaala, vamutwale kunyaakwe.
3Leelo, ilijuva limonga paashilo uNguluvi wámutwiwushilaga uAbimeleeki mu malooto, wámujovela wáaja, “Puliisa, owe wisakiifwa, kwa kiiva uwashimaayi uyu yuna wáleetwa kunyaakho, mudala wa muunu!” 4Leelo kwa kiiva uAbimeleeki akhandi asinajende nawo, wálomba mandu kwa Nguluvi wáaja, “Wee Nguluvi! Wuli, wisakula kitubuda ose vina tili vagolofu? 5Mbona yumwene uAbulahamu yuna wánijovelaga kiija, ‘USaala wulumbu wangu.’ Khanji nayu Saala woope wánijovelaga kiija, ‘UAbulahamu wulumbu wangu.’ Nisikhagahile ndeeno kwa masalo, leelo namutoolaga kwa numbula mbalafu hela.”
6Baheene uNguluvi wámujovela uAbimeleeki mu malooto wáaja, “Eena, nimeenye kiija usikhagahile kwa masalo. One yuune nakukhaanaga usikhagonaga nawo, kiija uleshe kinigahila one uwunansi. 7Lilino ndeeni, muwuyisaaga uwashimaayi uyu kwa mugoosi waakwe. UAbulahamu mukuwamalago wangu, asikufuunyile usiive muumi. Leelo, nda usikimuwuyiisa, shiyooli nikikujovela kiija, usiifwe na vaanu vaakho woona.”
8Pamulaawu njine, uAbimeleeki wáyilaava kilamukha, wávashemeela avakhome vaakwe, wávajovela amaswi ago goona gina wálotesewa nu Nguluvi. Avavanda vaakwe vaganile kipulikha ndeeno, vatiila mandu. 9-10Baaho uAbimeleeki wámushemeela uAbulahamu wáyansa kimudalishila wáaja, “Owe watugaha wuli? Tananga shiinu shishi kunyaakho mbakha walamula kileeta amavi kunyangu na vaanu vangu? Wanigahila shiinu shivi shina shisisakulwa kigahwa!”
11UAbulahamu wámujovela uAbimeleeki wáaja, “Nikhagahile ndeeni kwa kiiva nikhandi nihiiva kiija, apa kusiina umuunu yuna ikimutiila uNguluvi, ndeeno avaanu va lijumbi ili vasinibude, baheene vamutoole umudala wangu. 12Hata ndeeno, shiyooli uyu wulumbu wangu, mwali wa wiheesu, leelo tisisaviilwe maayi yumo, lulwene wáava mudala wangu. 13UNguluvi wáganaga kinijovela kiija nimuleshe udaada wangu pakhaaya, anileete ku nyi isa ku wuhensa, namujovelaga umudala wangu kiija, ‘Kokoona kuna hambi tiiluta, usiive ukivajovela avaanu kiija one nili wulumbu waakho. Shiisho ndeeno shina usiive wiwonensa kiija unigeene.’”
14Paanyuma, uAbimeleeki wámuwuyiisisa uAbulahamu umudala waakwe uSaala, khanji wámupeela avavanda vashimaayi na va shigoosi, inkholo ni ngʼombe. 15UAbimeleeki wámujovela uAbulahamu wáaja, “Loleela, inyi yoona yina ukiyaaga yangu. Lino khalaga uluvala loloona luna uludobweshe.”
16Baaho wámujovela uSaala wáaja, “Puliisa, namupeela uwulumbu waakho ihela magana ishumi (1,000) isa kiwuusisa insoni kwa vaanu vaakho na vaanu woona vasiimanye kiija owe uli mugaya wunansi.”
17Baheene uAbulahamu wámufuunya uNguluvi, woope uNguluvi wávaponia uAbimeleeki, umudala waakwe na vavanda woona avashidala, baheene vayansa kisava khanji avaana. 18Kwa luhaavi lufupi mu nsiku sina sashilaga, uMutwa uNguluvi wávadindaga uwutumbu avashimaayi woona ava nanda ya Abimeleeki valeshe kisava, kwa kiiva uAbimeleeki wámutoolaga uSaala umudala wa Abulahamu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.