Maluko 13
13
UYeesu iikuva amalago ulwa kibomolwa inanda imbaagule
(Mataayo 24:1-2; Luuka 21:5-6)
1UYeesu akhandi iihuma pa lukeeke lwa nanda imbaagule iya kifuunyila, umumanyisiwa waakwe yumonga wámujovile wáaja, “Mumanyisaaji, loleela amangʼanga aga ni nanda isi shina sa luswigo.” 2UYeesu wámuyanshile wáaja, “Nikivajovela kiija shina mukisaaga inanda inkhome isi, sisikhasigala. Kiiva kusiina ilingʼanga lina likhasigala pashaanya ya lingʼanga liyine. Goona ago gakhagwisiwa.”#13:2 Goona ago gakhagwisiwa: Inanda imbaagule iya kifuunyila yabomolwagwa na Valuumi umwakha gwa mashumi fungati pina wásawaagwa uYeesu Kilisito.
Amalava amakhome gina gakhayinsa
(Mataayo 24:3-14; Luuka 21:7-19)
3UYeesu akhandi akheele pa shidunda sha Miseyituni, wáali aloleelile ku nanda imbaagule iya kifuunyila. Apo uPetulo, uYaakobo, uYohana nu Andeleya, vakhandi veene duguli nu Yeesu, vamuposiise vaaja, 4“Tilomba utujovele, inanda isi sikhagwisiwa yooli? Shimanyilo shishi shina shikhatuwulanisa kiija, uluhaavi ulwa kisenjekha aga goona luli nkholeela?”
5Baheene uYeesu wávajovela wáaja, “Muveesaje meeho, asilaave avajanje muunu yoyoona. 6Kiiva vakhayinsa avaanu vinshi kwa litaawa lyangu vakhajova, ‘One yuune Mukulusaaji.’#13:6 Mukulusaaji: Kwa Shiyunaani yiyandiikhwe Kilisito. Yimba iliswi Kilisito mu Maswi aMahensa. Woope vakhava vikivajanga avaanu vinshi. 7Omwe pina mukhapulikha imola ni pwepwesi sa wulugu, musikhatungumalaji. Ago goona mbakha gawoneshe, leelo uluhaavi ulwa wudugo lukhava lushaanali. 8Insiku iso inyi yimo yikhalwa ni nyi iyinji, uwutwa wukhalwa nu wutwa uwunji. Kukhava mudegenkho imbali nyinshi, nayi njala yikhagwa. Ago goona gakhava ngaja shiyanso sha wuvafi uwa washimaayi pina ali nkholeela kisava.
9“Omwe yivavalaji, kiiva vakhavatwala pa livansa lya vakhome, khanji vakhavatova mu nanda isa kifuunyila. Vakhavatwala omwe pa vakhome va nyi na pa vatwa, kwa kiiva yangu. Baheene muve mukivabedela. 10Leelo tangusiina iMola iNofu yisakulwa yikhomwe mu nyi soona. 11Pina vakhavakhata na kivatwala pa livansa, musikhatungumalaji kiija mukhalogola shishi awu mukhalogola wuli. Kiiva uluhaavi ulo, uNguluvi akhavapeela aga kilogola, kwa kiiva musili yuumwe muna mulogola, leelo iiva yu Numbula uMunofu.
12“Kwa luhaavi ulo, umuunu akhamudoolela ulukholo lwakwe kwa valugu kiija abudwe. Khanji, uwiihe akhamudoolela umwanaakwe kwa valugu kiija abudwe. Avaana woope vakhavadoolela avasafi vaanave kiija vabudwe. 13Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.
Amalava amakhome gina gakhayinsa
(Mataayo 24:15-28; Luuka 21:20-24)
14“Ino, mu luhaavi ulo mukhashaaga ‘ishiinu shina shikhalasa’ shiyiimile uluvala ulwa panofu. Yuna iyimba amanyaje.#13:14 Yimba mu litaafili lya Daniyeli 9:27; 11:31; 12:11. Pina mukhagaaga amaswi aga, vala vina vali ku nyi ya Yudeya vasijilaje ku fidunda. 15Umuunu yuna ali pashaanya ya nanda, asikhayiikhaga na kiyinjila mu nanda yaakwe kitoola shoshoona. 16Woope yuna ali ku mugunda asikhagomokhaga kukhaaya kitoola umutote gwakwe. 17Leelo aka, vina vakhava vana lwanda na vina vakhava viyonsa mu nsiku iso! 18Mufuunyaje kiija ago galeshe kiyinsa uluhaavi lwa shipepo, 19kiiva mu luhaavi ulo, avaanu vakhapata amalava makhome mandu gina gasinawonekhaje kaa, kihuma pina uNguluvi wáwumbile inyi mbakha iminsiyaano. Khanji amalava ago, gasikhawonekha kaa. 20UNguluvi nda akhalekha kisheepusa insiku iso isa malava, kukhava kusiina umuunu yuna akhakulukha kiifwa. Leelo kwa kiiva ya vabaagule vaakwe, uNguluvi akhasisheepusa insiku iso.
21“Lino mu luhaavi ulo, umuunu nda ikivajovela kiija, ‘Loleela, uMukulusaaji#13:21 UMukulusaaji: Kwa Shiyunaani yiyandiikhwe Kilisito. ali apa!’ Awu ‘Ali kula!’ musikhahuvililaga. 22Kiiva vakhayinsa avakuwamalago avadehi na vaanu vina vakhava viijova uwudehi kiija, aveene vakulusaaji. Awo vakhava viigaha amabikha ga miitu, baheene vakhavajanga avaanu na kiija, nda yikwiliile vavajanje hata avabaagule va Nguluvi. 23Lino muveesaje meeho, kiiva navajovela nkhaani goona ago, pina uluhaavi lusinaafishe.
Kiyinsa khanji kwa Lusawo lwa Muunu
(Mataayo 24:29-31; Luuka 21:25-28)
24“Insiku siiso, gakhasa kishila amalava ago,
‘Ilijuva likhaseetulwa nshiisi,
nagu mwesi gusikhangʼaala khanji.’
25‘Inondwe sikhagwa kihuma kushaanya,
nafi fiinu fina fili kushaanya fikhadegenkha.’#13:25 Yimba mu litaafili lya Isaaya 13:10; 34:4; Yoheli 2:10.
26“Apo woona vakhanyaaga one Lusawo lwa Muunu niyinsa mu mafunde ni ngufu nyinshi nu wutupikho.#13:26 Yimba mu litaafili lya Daniyeli 7:13. 27Baheene nikhavafilikha avamalayikha vangu, woope vakhavakungaania avabaagule vangu kihuma imbali soona isa nyi, kihuma kuwudugo wa nyi nu wa kushaanya.
Ishihwano sha mujombe
(Mataayo 24:32-35; Luuka 21:29-33)
28“Yimanyisaaji ishihwano kihuma ku mujombe. Kwa kiiva nda amansamba na mahamba galembwile, baheene mwimanya kiija, uluhaavi lwa mingo luli nkholeela. 29Shiisho ndeeno, na yuumwe pina mukhagaaga ago gisenjekha, manyaji kiija, one Lusawo lwa Muunu nili nkholeela kiyinsa. 30Shiyooli nikivajovela kiija, ishisafi ishi shisikhashila mbakha aga goona pina gakhava gasenjekha. 31Uwulanga ni nyi fikhashila, leelo amaswi gangu gakhava ga shiluta.
Kusiina yuna ameenye uluhaavi ulwa kiyinsa uYeesu
(Mataayo 24:36-44)
32“Leelo ulwa lijuva lila nu lwa luhaavi lula, kusiina umuunu yuna iimanya hata avamalayikha va kushaanya wala Lusawo lwa Nguluvi, leelo yu Daada mwene duguli yuna ameenye. 33Kiiva musimeenye uluhaavi ulo lukhayinsa yooli, yipinyangaji na muveesaje meeho.
34“Yisiive ngaja umuunu yuna wáshuulile. Baheene wáyilekha inanda yaakwe mu mawokho ga vavanda, shila muunu wámupeelaga insengo yaakwe. Khanji wámulajiise umuyangalilaaji wa nanda kiija, ave meeho. 35Lino muveesaje meeho, kiiva musiimanya uluhaavi lwa kiwuya umunya nanda.#13:35 Umunya nanda: UYeesu ikiyitambula kiija yumwene munya nanda. Pamonga asiyinse shaamihe, awu paashilo paakhati, awu pina kuhenga awu palwamilaawu. 36Muveesaje meeho, nda ayinse avatilimbule asilaave avaaje mugoneleele. 37Iliswi lina nisakula kivajovela omwe, lilyene lina nikivajovela avaanu woona kiija, vaveesaje meeho.”
Currently Selected:
Maluko 13: Shisangu
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
Maluko 13
13
UYeesu iikuva amalago ulwa kibomolwa inanda imbaagule
(Mataayo 24:1-2; Luuka 21:5-6)
1UYeesu akhandi iihuma pa lukeeke lwa nanda imbaagule iya kifuunyila, umumanyisiwa waakwe yumonga wámujovile wáaja, “Mumanyisaaji, loleela amangʼanga aga ni nanda isi shina sa luswigo.” 2UYeesu wámuyanshile wáaja, “Nikivajovela kiija shina mukisaaga inanda inkhome isi, sisikhasigala. Kiiva kusiina ilingʼanga lina likhasigala pashaanya ya lingʼanga liyine. Goona ago gakhagwisiwa.”#13:2 Goona ago gakhagwisiwa: Inanda imbaagule iya kifuunyila yabomolwagwa na Valuumi umwakha gwa mashumi fungati pina wásawaagwa uYeesu Kilisito.
Amalava amakhome gina gakhayinsa
(Mataayo 24:3-14; Luuka 21:7-19)
3UYeesu akhandi akheele pa shidunda sha Miseyituni, wáali aloleelile ku nanda imbaagule iya kifuunyila. Apo uPetulo, uYaakobo, uYohana nu Andeleya, vakhandi veene duguli nu Yeesu, vamuposiise vaaja, 4“Tilomba utujovele, inanda isi sikhagwisiwa yooli? Shimanyilo shishi shina shikhatuwulanisa kiija, uluhaavi ulwa kisenjekha aga goona luli nkholeela?”
5Baheene uYeesu wávajovela wáaja, “Muveesaje meeho, asilaave avajanje muunu yoyoona. 6Kiiva vakhayinsa avaanu vinshi kwa litaawa lyangu vakhajova, ‘One yuune Mukulusaaji.’#13:6 Mukulusaaji: Kwa Shiyunaani yiyandiikhwe Kilisito. Yimba iliswi Kilisito mu Maswi aMahensa. Woope vakhava vikivajanga avaanu vinshi. 7Omwe pina mukhapulikha imola ni pwepwesi sa wulugu, musikhatungumalaji. Ago goona mbakha gawoneshe, leelo uluhaavi ulwa wudugo lukhava lushaanali. 8Insiku iso inyi yimo yikhalwa ni nyi iyinji, uwutwa wukhalwa nu wutwa uwunji. Kukhava mudegenkho imbali nyinshi, nayi njala yikhagwa. Ago goona gakhava ngaja shiyanso sha wuvafi uwa washimaayi pina ali nkholeela kisava.
9“Omwe yivavalaji, kiiva vakhavatwala pa livansa lya vakhome, khanji vakhavatova mu nanda isa kifuunyila. Vakhavatwala omwe pa vakhome va nyi na pa vatwa, kwa kiiva yangu. Baheene muve mukivabedela. 10Leelo tangusiina iMola iNofu yisakulwa yikhomwe mu nyi soona. 11Pina vakhavakhata na kivatwala pa livansa, musikhatungumalaji kiija mukhalogola shishi awu mukhalogola wuli. Kiiva uluhaavi ulo, uNguluvi akhavapeela aga kilogola, kwa kiiva musili yuumwe muna mulogola, leelo iiva yu Numbula uMunofu.
12“Kwa luhaavi ulo, umuunu akhamudoolela ulukholo lwakwe kwa valugu kiija abudwe. Khanji, uwiihe akhamudoolela umwanaakwe kwa valugu kiija abudwe. Avaana woope vakhavadoolela avasafi vaanave kiija vabudwe. 13Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.
Amalava amakhome gina gakhayinsa
(Mataayo 24:15-28; Luuka 21:20-24)
14“Ino, mu luhaavi ulo mukhashaaga ‘ishiinu shina shikhalasa’ shiyiimile uluvala ulwa panofu. Yuna iyimba amanyaje.#13:14 Yimba mu litaafili lya Daniyeli 9:27; 11:31; 12:11. Pina mukhagaaga amaswi aga, vala vina vali ku nyi ya Yudeya vasijilaje ku fidunda. 15Umuunu yuna ali pashaanya ya nanda, asikhayiikhaga na kiyinjila mu nanda yaakwe kitoola shoshoona. 16Woope yuna ali ku mugunda asikhagomokhaga kukhaaya kitoola umutote gwakwe. 17Leelo aka, vina vakhava vana lwanda na vina vakhava viyonsa mu nsiku iso! 18Mufuunyaje kiija ago galeshe kiyinsa uluhaavi lwa shipepo, 19kiiva mu luhaavi ulo, avaanu vakhapata amalava makhome mandu gina gasinawonekhaje kaa, kihuma pina uNguluvi wáwumbile inyi mbakha iminsiyaano. Khanji amalava ago, gasikhawonekha kaa. 20UNguluvi nda akhalekha kisheepusa insiku iso isa malava, kukhava kusiina umuunu yuna akhakulukha kiifwa. Leelo kwa kiiva ya vabaagule vaakwe, uNguluvi akhasisheepusa insiku iso.
21“Lino mu luhaavi ulo, umuunu nda ikivajovela kiija, ‘Loleela, uMukulusaaji#13:21 UMukulusaaji: Kwa Shiyunaani yiyandiikhwe Kilisito. ali apa!’ Awu ‘Ali kula!’ musikhahuvililaga. 22Kiiva vakhayinsa avakuwamalago avadehi na vaanu vina vakhava viijova uwudehi kiija, aveene vakulusaaji. Awo vakhava viigaha amabikha ga miitu, baheene vakhavajanga avaanu na kiija, nda yikwiliile vavajanje hata avabaagule va Nguluvi. 23Lino muveesaje meeho, kiiva navajovela nkhaani goona ago, pina uluhaavi lusinaafishe.
Kiyinsa khanji kwa Lusawo lwa Muunu
(Mataayo 24:29-31; Luuka 21:25-28)
24“Insiku siiso, gakhasa kishila amalava ago,
‘Ilijuva likhaseetulwa nshiisi,
nagu mwesi gusikhangʼaala khanji.’
25‘Inondwe sikhagwa kihuma kushaanya,
nafi fiinu fina fili kushaanya fikhadegenkha.’#13:25 Yimba mu litaafili lya Isaaya 13:10; 34:4; Yoheli 2:10.
26“Apo woona vakhanyaaga one Lusawo lwa Muunu niyinsa mu mafunde ni ngufu nyinshi nu wutupikho.#13:26 Yimba mu litaafili lya Daniyeli 7:13. 27Baheene nikhavafilikha avamalayikha vangu, woope vakhavakungaania avabaagule vangu kihuma imbali soona isa nyi, kihuma kuwudugo wa nyi nu wa kushaanya.
Ishihwano sha mujombe
(Mataayo 24:32-35; Luuka 21:29-33)
28“Yimanyisaaji ishihwano kihuma ku mujombe. Kwa kiiva nda amansamba na mahamba galembwile, baheene mwimanya kiija, uluhaavi lwa mingo luli nkholeela. 29Shiisho ndeeno, na yuumwe pina mukhagaaga ago gisenjekha, manyaji kiija, one Lusawo lwa Muunu nili nkholeela kiyinsa. 30Shiyooli nikivajovela kiija, ishisafi ishi shisikhashila mbakha aga goona pina gakhava gasenjekha. 31Uwulanga ni nyi fikhashila, leelo amaswi gangu gakhava ga shiluta.
Kusiina yuna ameenye uluhaavi ulwa kiyinsa uYeesu
(Mataayo 24:36-44)
32“Leelo ulwa lijuva lila nu lwa luhaavi lula, kusiina umuunu yuna iimanya hata avamalayikha va kushaanya wala Lusawo lwa Nguluvi, leelo yu Daada mwene duguli yuna ameenye. 33Kiiva musimeenye uluhaavi ulo lukhayinsa yooli, yipinyangaji na muveesaje meeho.
34“Yisiive ngaja umuunu yuna wáshuulile. Baheene wáyilekha inanda yaakwe mu mawokho ga vavanda, shila muunu wámupeelaga insengo yaakwe. Khanji wámulajiise umuyangalilaaji wa nanda kiija, ave meeho. 35Lino muveesaje meeho, kiiva musiimanya uluhaavi lwa kiwuya umunya nanda.#13:35 Umunya nanda: UYeesu ikiyitambula kiija yumwene munya nanda. Pamonga asiyinse shaamihe, awu paashilo paakhati, awu pina kuhenga awu palwamilaawu. 36Muveesaje meeho, nda ayinse avatilimbule asilaave avaaje mugoneleele. 37Iliswi lina nisakula kivajovela omwe, lilyene lina nikivajovela avaanu woona kiija, vaveesaje meeho.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.