مزگینیا یوحەننای 1

مەسیح پەیڤا خودێیە

1ل دەستپێكێ پەیڤ هەبوو. پەیڤ ل گەل خودێ بوو و پەیڤ خودێ بوو. 2ئەو ل دەستپێكێ ل گەل خودێ بوو. 3ب وی هەمی تشت چێبوون، تشتەك ژ ئەوێن چێبووین بێی وی چێنەبوویە. 4ژیان د وی دا بوو#1‏:4 ئانكو: سەرەكانیا ژیانێ ئەو بوو. و ئەو ژیان بۆ مرۆڤان رۆناهی بوو. 5رۆناهی د تاریاتیێ دا شەوقێ ددەت و تاری ب سەر رۆناهیێ نەكەفت#1‏:5 ل جهێ ‹ب سەر نەكەفت› پەیڤا یونانی رامانەكا دی ژی هەیە: تێنەگەهشت..

6مرۆڤەك هات، خودێ ئەو هنارت بوو، ناڤێ وی یوحەننا بوو. 7ئەڤە بۆ شاهدەییێ هاتبوو، دا شاهدەییێ بۆ رۆناهیێ بدەت، دا هەمی ب رێیا وی باوەریێ بینن. 8ئەو ب خۆ نە رۆناهی بوو، لێ ئەو هات دا شاهدەییێ بۆ رۆناهیێ بدەت. 9رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.#1‏:9 ‹ئەوێ دهێتە جیهانێ› د ناڤ جوهیان دا وەكو ناسناڤێ مەسیحی ل وی سەردەمی دهاتە ب كار ئینان. ل 6‏:14، 9‏:39، 11‏:27، 16‏:28 بنێڕە. 10ئەو#1‏:10 مەبەست پێ عیسایێ مەسیحە، كو پەیڤ و رۆناهیا خودێیە. ل جیهانێ بوو و جیهان ب وی چێبوو، لێ جیهانێ ئەو نەنیاسی. 11ئەو هاتە سەر ملكێ خۆ و خەلكێ وی ئەو قەبیل نەكر، 12لێ هەمی ئەوێن ئەو قەبیل كری، ئانكو باوەری ب ناڤێ وی ئینای، ماف دا وان كو ببنە زاڕۆكێن خودێ، 13ئەوێن نە ژ خوینێ#1‏:13 دەق و دەق: ‹ژ خوینان›. مەبەست پێ رێكا سرۆشتی یا ژدایكبوونێیە. و نە ژ حەزا لەشی و نە ب بڕیارا زەڵامەكی بووین، لێ ئەوێن ژ خودێ بووین.

14پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی. 15یوحەننای بۆ وی شاهدەیی دا و كرە گازی و گۆت: «ئەڤەیە ئەوێ من دەربارەی وی گۆتی: ئەوێ پشتی من دهێت ب پێش من كەفت، چنكو ئەو بەری من هەبوو.» 16ژ پڕبوونا وی مە هەمیان كەرەم ل سەر كەرەمێ وەرگرت. 17دەستوور ب رێكا مووسای هاتبوو دان، كەرەم و راستی ب رێكا عیسایێ مەسیح هاتن. 18كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

شاهدەییا یوحەننایێ تافیركەر

(مەتتا 3‏:1‏-12؛ مەرقۆس 1‏:1‏-8؛ لوقا 3‏:15‏-17)

19ئەڤە شاهدەییا یوحەننایە، دەمێ جوهیان#1‏:19 مەبەست پێ نە هەمی مللەتێ جوهیانە، لێ ب تنێ رێبەرێن وانن. هندەك كاهن و لێڤی#1‏:19 لێڤی: بابكەكێ جوهیانە، خزمەتكارێن پەرستگەهێ بوون. ل فەرهەنگۆكێ بنێڕە. ژ ئورشەلیمێ هنارتین، دا پرسیارێ ژێ بكەن: «تۆ كی؟» 20ئینا دانپێدان كر و ماندەل#1‏:20 ماندەل: ئینكار نەكر و گۆت: «ئەز نە مەسیحم#1‏:20 ل فەرهەنگۆكێ بنێڕە مەسیح..» 21وان پرسیار ژێ كر: «پا تۆ كی؟ تۆ ئلیاسی؟» وی گۆت: «ئەز نە ئەوم.» «ما تۆ ئەو پێغەمبەری#1‏:21 ئەو پێغەمبەرێ مووسای گۆتی كو دێ هێت. گۆتارا مووسای 18‏:15‏-17؛ یوحەننا 1‏:45؟» بەرسڤ دا: «نەخێر.» 22ئینا وان گۆتێ: «تۆ كی، دا بەرسڤێ بدەینە وان ئەوێن ئەم هنارتین؟ تۆ دەربارەی خۆ چ دبێژی؟» 23گۆت: «ئەز دەنگەكم ل چۆلی گازی دكەت: ‹رێكێ بۆ هاتنا خودانی راست بكەن،›#1‏:23 ئیشایا 40‏:3 هەروەكو ئیشایا پێغەمبەر گۆتی.» 24ئەوێن هاتینە هنارتن، ژ فەریسیان بوون. 25وان پرسیار ژێ كر و گۆتێ: «ئەگەر تۆ نە مەسیح بی و نە ئلیاس بی و نە ئەو پێغەمبەر بی، پا تۆ بۆچی تافیركرنێ#1‏:25 تافیركرن: ئانكو ژێرئاڤكرن كو نیشانە بۆ تۆبەكرنێ و پاقژبوونێ ژ گونەهان. ل فەرهەنگۆكێ بنێڕە. دكەی؟» 26یوحەننای بەرسڤ دا: «ئەز ب ئاڤێ تافیركرنێ دكەم، لێ ئێك یێ د ناڤ هەوە دا ئامادەیە، هوین وی نانیاسن، 27ئەوە یێ پشتی من دهێت كو ئەز نە یێ هەژیمە بەندكێن پێلاڤا وی ڤەكەم.» 28ئەڤێ چەندێ ل بێت‌عەنیا روی دا، ل لایێ دی یێ رویبارێ ئوردن#1‏:28 رویبارێ ئوردن دكەڤیتە رۆژهەلاتێ ئورشەلیمێ و ‹لایێ دی یێ رویبارێ ئوردن› رۆژهەلاتێ رویباریە.، ل جهێ یوحەننای تافیركرن دكر.

عیسا بەرخێ خودێیە

29ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ#1‏:29 دەستپێكرن 22‏:7‏-8؛ دەركەفتن 12‏:3‏-13؛ ئیشایا 53‏:7؛ 1 پەترۆس 1‏:19؛ ئاشكراكرن 5‏:6‏-13؛ 7‏:17؛ 17‏:14 ئەوێ گونەها جیهانێ رادكەت. 30ئەڤەیە ئەوێ من دەربارەی وی گۆتی: كەسەك پشتی من دهێت، یێ ب پێش من كەفتی، چنكو ئەو بەری من هەبوو. 31من ئەو نەدنیاسی، لێ ئەز هاتم ب ئاڤێ تافیركرنێ بكەم، دا ئەو بۆ ئیسرائیلێ بهێتە دیاركرن.» 32هنگی یوحەننای شاهدەیی دا و گۆت: «من گیان#1‏:32 گیان: ئانكو گیانێ پیرۆز، كو گیانێ خودێیە. ل فەرهەنگۆكێ بنێڕە گیانێ پیرۆز. دیت وەكو كووترەكێ ژ ئەسمانی دهاتە خوار و ل سەر وی دادا و ما. 33من ئەو نەدنیاسی، لێ ئەڤێ ئەز هنارتیم ب ئاڤێ تافیركرنێ بكەم گۆتە من: ‹ئەوێ تۆ دبینی، گیان دهێتە خوارێ و ل سەر وی داددەت و دمینیت، ئها ئەوە یێ ب گیانێ پیرۆز تافیركرنێ دكەت.› 34من ژی دیت و شاهدەیی دا، كو ئەڤەیە كوڕێ خودێ.»

شاگردێن ئێكەمین

35ل رۆژا پاشتر، دیسان یوحەننا ل گەل دوو شاگردێن خۆ یێ راوەستیای بوو. 36وی بەرێ خۆ دا عیسای یێ بڕێڤە دچیت و گۆت: «ئەڤەیە بەرخێ خودێ.» 37دەمێ هەردوو شاگردان گو‍‌ھ ل ئاخفتنا وی بووی، ل دویڤ عیسای چوون. 38عیسا ل خۆ زڤڕی، دیت كو ئەو یێ ل دویڤ وی دچن، ژ وان پرسی: «هەوە چ دڤێت؟» گۆتن: «رابی،» ئەوا وەرگێڕانا وێ مامۆستا، «تۆ ل كیرێ یێ ئاكنجی؟» 39ئینا گۆتە وان: «وەرن، هوین دێ بینن.» ئەو چوون و دیت ل كیرێ یێ ئاكنجیە و وێ رۆژێ ل نك وی مان، دەم نێزیكی دەمژمێر چوارێ ئێڤاری بوو. 40ئەندراوس برایێ شەمعون پەترۆسی، ئێك ژ وان هەردوویان بوو یێن گو‍‌ھ ل یوحەننای بووی و ل دویڤ عیسای چووین. 41ئەو ئێكسەر ل برایێ خۆ شەمعونی گەڕیا و دیت، گۆتێ: «مە ‹مەسیح#1‏:41 ب یونانی ‹مەسیا›یە.› دیت» ئەوێ كو وەرگێڕانا وی ‹یێ زەیتكری›#1‏:41 زەیتكرن: هێمایە كو خودێ ئەو هەلبژارت و گیانێ پیرۆز رشتە سەر وی. ل فەرهەنگۆكێ بنێڕە.یە، 42ئەو ئینا نك عیسای. عیسای بەرێ خۆ دا شەمعونی و گۆت: «تۆ شەمعونێ كوڕێ یوحەننای، تۆ دێ ب كیفاس#1‏:42 كیفاس: پەیڤەكا ئارامیە ب یونانی دبیتە ‹پەترۆس› ئانكو كەڤر. هێیە بناڤكرن» كو وەرگێڕانا وێ ‹پەترۆس›ە.

عیسا داخوازا فیلیپۆس و ناتانائێلی دكەت

43ل رۆژا د دویڤ دا، عیسای بڕیار دابوو بچیتە جەلیل، ئەو ل فیلیپۆسی گەڕیا و دیت و گۆتێ: «ل دویڤ من وەرە.» 44فیلیپۆس ژ بێت‌سایدا بوو، باژێڕێ ئەندراوسی و پەترۆسی. 45پاشی فیلیپۆس ل ناتانائێلی گەڕیا و دیت و گۆتێ: «مە ئەو دیت یێ مووسای د دەستووری دا و پێغەمبەران دەربارەی وی نڤیسی، كو ئەو عیسایێ كوڕێ یوسڤیە، ئەوێ ژ ناسیرە.» 46ناتانائێلی گۆت: «ما تشتەكێ باش ژ ناسیرە دەردكەڤیت؟» فیلیپۆسی بەرسڤا وی دا: «وەرە و ببینە.» 47دەمێ عیسای ناتانائێل دیتی یێ بەرەڤ وی ڤە دهێت، دەربارەی وی گۆت: «ئەڤە ئیسرائیلیەكێ رەسەنە، چ سەختەیی تێدا نینە!» 48ناتانائێلی گۆتێ: «تۆ ژ كیڤە من دنیاسی؟» عیسای بەرسڤا وی دا: «من تۆ ل بن دارهژیرێ دیتی، بەری فیلیپۆس گازی تە بكەت.» 49ناتانائێلی بەرسڤا وی دا: «رابی#1‏:49 ئانكو مامۆستا. ل یوحەننا 1‏:38 بنێڕە.، تۆ كوڕێ خودێی، تۆ پاشایێ ئیسرائیلێی!» 50عیسای بەرسڤا وی دا و گۆتێ: «چنكو من گۆتە تە، من تۆ ل بن دارهژیرێ دیتی، تە باوەری ئینا؟ تۆ دێ ژ ڤێ مەزنتر بینی.» 51پاشی گۆتێ: «ب راستی ب راستی دبێژمە هەوە: هوین دێ ئەسمانی بینن یێ ڤەكریە و فریشتەیێن خودێ ل سەر كوڕێ مرۆڤ#1‏:51 كوڕێ مرۆڤ: ناسناڤێ مەسیحیە. ل فەرهەنگۆكێ بنێڕە. بلند دبن و دهێنە خوار!»#1‏:51 ئانكو ئەو وەكو پێستركێیە د ناڤبەرا ئەرد و ئەسمانی دا. دەستپێكرن 28‏:12‏

Currently Selected:

مزگینیا یوحەننای 1: BHD

Highlight

Copy