مزگینیا لوقای 4
4
ئبلیس عیسای تاقی دكەت
(مەتتا 4:1-11؛ مەرقۆس 1:12-13)
1عیسا ژ رویبارێ ئوردن ڤەگەڕیا، یێ پڕ ژ گیانێ پیرۆز. گیانی چل رۆژان رێڤەبەریا وی د چۆلی دا دكر 2و ژ لایێ ئبلیسی ڤە دهاتە تاقیكرن. ل وان رۆژان چ نەخوار، دەمێ هەر چل رۆژ ب دویماهی هاتین، برسی بوو. 3ئبلیسی گۆتێ: «ئەگەر تۆ كوڕێ خودێی، بێژە ڤی بەری ببە نان.» 4عیسای بەرسڤا وی دا و گۆتێ: «یا هاتیە نڤیسین: ‹مرۆڤ نە ب تنێ ب نانی دژیت.›#4:4 گۆتارا مووسای 8:3»
5پاشی ئبلیسی ئەو برە جهەكێ بلند و هەمی پاشایەتیێن جیهانێ د چركەیەكێ دا نیشا دان 6و گۆتێ: «ئەز دێ ڤێ هەمی دەستهەلاتێ و مەزناهیا وان دەمە تە، چنكو ئەڤ جیهانە بۆ من یا هاتیە دان و ئەز ژی دێ دەمە وی یێ من بڤێت، 7لەوما ئەگەر تۆ بۆ من سوجدێ ببەی، هەمی دێ بنە یێن تە.» 8عیسای بەرسڤا وی دا و گۆتێ: «یا هاتیە نڤیسین: ‹بۆ خودان خودایێ خۆ سوجدێ ببە و وی ب تنێ بپەرێسە.›#4:8 گۆتارا مووسای 6:13»
9پاشی ئبلیسی ئەو برە ئورشەلیمێ و ل سەر لێڤا بانێ پەرستگەهێ راوەستاند و گۆتێ: «ئەگەر تۆ كوڕێ خودێی، خۆ ژ ڤی بانی بهاڤێژە خوارێ، 10چنكو یا هاتیە نڤیسین: ‹ئەو دێ دەربارەی تە فەرمانێ ل فریشتەیێن خۆ كەت، كو تە بپارێزن› 11و ‹ئەو دێ تە ل سەر دەستێن خۆ هەلگرن، نەكو پێیێ تە ب بەرەكی بكەڤیت.›#4:11 زەبوور 91:11-12» 12ئینا عیسای بەرسڤا وی دا و گۆتێ: «یا هاتیە گۆتن: ‹خودان خودایێ خۆ تاقی نەكە.›#4:12 گۆتارا مووسای 6:16» 13دەمێ ئبلیسی هەمی تاقیكرن ب دویماهی ئیناین، عیسا تا دەمەكی هێلا و چوو.
عیسا ل جەلیلێ دەست ب كارێ خۆ دكەت
(مەتتا 4:12-17؛ مەرقۆس 1:14-15)
14عیسا ب هێزا گیانی#4:14 گیان: ئانكو گیانێ پیرۆز، كو گیانێ خودێیە. بەرەڤ دەڤەرا جەلیل ڤەگەڕیا و ناڤودەنگێن وی ل هەمی گوندێن دەوروبەران بەڵاڤ بوون. 15ئەوی ل كنیشتەیێن#4:15 كنیشتە: جهێ پەرستنێ یێ جوهیانە. ل فەرهەنگۆكێ بنێڕە. وان فێركرن دكر و هەمیان پەسنا#4:15 پەسن: مەدح و سەنا وی دكر.
باژێڕێ ناسیرە عیسای رەت دكەت
(مەتتا 13:53-58؛ مەرقۆس 6:1-6)
16پاشی هاتە باژێڕكێ ناسیرە، ئەوێ لێ مەزن بووی و ل دویڤ تیتالێن خۆ، ل رۆژا شەمبیێ چوو د كنیشتەیێ ڤە و رابوو ژ پێرڤە داكو بخوینیت. 17ئینا پەرتووكا ئیشایا پێغەمبەری داڤێ. دەمێ پەرتووك ڤەكری ئەو ج‍‌ھ دیت، ئەوێ كو تێدا هاتبوو نڤیسین:
18«گیانێ خودانی ل سەر منە،
چنكو وی ئەز یێ ب زەیتكرنێ#4:18 نیشانە كو خودێ ئەو دەستنیشان كر. ل فەرهەنگۆكێ بنێڕە زەیتكرن. دەستنیشان كریم
دا مزگینیێ بدەمە بەلەنگازان.
ئەز یێ هنارتیم دا ئازادیێ بۆ دیلكریان
و بینینێ بۆ كۆرەیان رابگەهینم،
دا ئازادیێ بدەمە بندەستان،
19دا مزگینیا هاتنا ساڵا خودانی یا رەزامەندیێ رابگەهینم.»#4:19 ئیشایا 61:1-2
20پاشی پەرتووك پێچا#4:20 ل وی سەردەمی نڤیسین ل سەر كەڤلی بوو و دهاتە پێچان. و داڤ خزمەتكاری و روینشت و هەمی كەسێن ل كنیشتەیێ ئامادە، چاڤێن وان رك ل عیسای بوون 21و دەست پێ كر و گۆتە وان: «ئەڤرۆ ب بهیستنا هەوە، ئەڤ نڤیسارە ب ج‍‌ھ هات.» 22هەمیان ل وێرێ بەحسێ وی ب باشی دكر، ژ گۆتنێن چاكانە یێن ژ دەڤێ وی دەركەفتین، حێبەتی دبوون و پرسیار دكر: «ما ئەڤە نە كوڕێ یوسڤیە؟» 23ئەڤجا گۆتە وان: «بێگۆمان هوین دێ ڤێ گۆتنێ بێژنە من: ‹نۆژدارۆ، خۆ چارەسەر بكە!› و ئەوێن مە بهیستین تە ل كەفەرناحوم یێن كرین، ل باژێڕێ خۆ ژی بكە.» 24هەروەسا گۆت: «راستیێ دبێژمە هەوە: چ پێغەمبەر د باژێڕێ خۆ دا ناهێنە وەرگرتن. 25ئەز راستیێ دبێژمە هەوە: ل سەردەمێ ئلیاسی، دەمێ سێ ساڵ و شەش هەیڤان باران نەباری و كولبەكا مەزن ل ئەردی هەمیێ چێبووی، گەلەك بیژن ل ئیسرائیلێ هەبوون، 26لێ ئلیاس بۆ كەسەكێ ژ وان نەهاتبوو هنارتن، ژبلی بیژنەكێ ل سارێفاتا سایدایێ.#4:26 1 پاشا 17:8-16 27هەروەسا ل سەردەمێ ئەلیشەع پێغەمبەری ژی گەلەك ل ئیسرائیلێ هەبوون تووشی گوڕیاتیێ ببوون، لێ كەس ژ وان نەخۆشان چارەسەر نەبوو، ب تنێ نەعمانێ سوری#4:27 2 پاشا 5:1-14 نەبیت.» 28دەمێ ئەوێن د كنیشتەیێ ڤە، ئەڤ ئاخفتنە بهیستی، هەمی تۆڕە بوون 29و رابوون ژ باژێڕی دەرئێخست و برە سەر لێڤا وی چیایێ باژێڕێ وان ل سەر هاتیە ئاڤاكرن، داكو تێدا بهاڤێژن. 30لێ عیسا د ناڤ هەمیان را دەرباز بوو و چوو.
عیسا گیانەكێ پیس دەردئێخیت
(مەرقۆس 1:21-28)
31ئەو خوار كەفتە كەفەرناحوم، كو باژێڕەكێ دەڤەرا جەلیلێیە و د شەمبیێ دا خەلك فێر دكر. 32خەلك ژ فێركرنا وی حێبەتی بوون، چنكو ئاخفتنا وی یا ب دەستهەلات بوو. 33ل كنیشتەیێ زەڵامەك هەبوو گیانەكێ پیس د وی دا بوو، ئینا وی ب دەنگەكێ بلند گازی كر: 34«وەی! عیسایێ ناسیرەیی، تە چ ژ مە دڤێت؟ تۆ هاتی مە ژ ناڤ ببەی؟ ئەز دزانم تۆ كی، تۆ پیرۆزێ خودێی.» 35عیسای ئەو پاشڤە بر و گۆتێ: «بێدەنگ بە و ژێ دەركەڤە.» ئەڤجا ئەجنەی ئەو ل ناڤەندا وان ل ئەردی دا و بێی ب ئێشینیت ژێ دەركەفت. 36گوهشینێ هەمی گرتن و پرسیار ژ ئێكودوو كرن «ئەڤە چ پەیڤە؟ ب دەستهەلات و هێز فەرمانێ ل گیانێن پیس دكەت و دەردكەڤن!» 37ئێدی ناڤودەنگێن وی ل هەمی دەڤەرێن دەوروبەر بەڵاڤ دبوون.
عیسا گەلەك نەخۆشان ساخ دكەت
(مەتتا 8:14-17؛ مەرقۆس 1:29-34)
38پاشی ژ كنیشتەیێ دەركەفت و چوو مالا شەمعونی. تایەكا گەلەك دژوار ل خەسیا شەمعونی بوو. ئەڤجا وان هاریكاری ژێ خواست. 39عیسا ل هنداڤ وێ راوەستیا و ل تایا وێ خوڕی، ئینا تایێ بەردا و ئێكسەر رابووڤە و وێ دەست ب خزمەتا وان كر. 40دەمێ رۆژ ئاڤا دبوو، هەر كەسێ نەخۆشەك هەبا و چ جۆرێ ئێشێ لێ با، دئینانە نك عیسای و ئەوی دەستێن خۆ ددانانە سەر هەر ئێك ژ وان و ساخ دكرن. 41ئەجنە ژی ژ گەلەكان دەردكەفتن و گازی دكرن و دگۆتن: «تۆ كوڕێ خودێی.» ئەوی ئەو پاشڤە دبرن و نەدهێلا بئاخڤن، چنكو وان دزانی ئەو مەسیحە.
عیسا د كنیشتەیان ڤە مزگینیێ رادگەهینیت
(مەرقۆس 1:35-39)
42دەمێ رۆژ هەلاتی، چوو جهەكێ ڤەدەر و خەلك لێ دگەڕیا و هاتنە نك وی و مانە پێڤە كو وان ب ج‍‌ھ نەهێلیت، 43لێ گۆتە وان: «دڤێت ئەز مزگینیا پاشایەتیا خودێ بگەهینمە باژێڕێن دی ژی، چنكو ژ بەر ڤێ چەندێ ئەز یێ هاتیمە هنارتن.» 44و ل كنیشتەیێن یەهودیایێ ب بەردەوامی مزگینی رادگەهاند.
Currently Selected:
مزگینیا لوقای 4: BHD
Highlight
Share
Copy
Want to have your highlights saved across all your devices? Sign up or sign in
All rights reserved.
