San Lucas 17
17
Jesús re: Bittu unle uni adí ca benni nu bittu anca tsee
(Mt. 18:6-7,21-22; Mr. 9:42)
1Jesús re ca biꞌini rudheti ca tisa ruleꞌe:
—Labíaba tseꞌe nu unna ixú yie ca benni uncana nu bittu anca tsee lo Tata Do Iyyabaaha, ttiaca ¡carusiꞌiru benni unna un adí ca nua nu bittu anca tsee! 2Tseerla salían na uxxicacan ttu iyya gue ttu mulinu xeni yienni atti udelhacan na lheꞌe indattoo, attichula unna uni ttu ca benni bittu chi seꞌe tsitsi lo neda gue Tata Do Iyyabaaha ttu nu lä anca tsee. 3Larcala ¡gualdo cuidadu!
’Gansi ttu ca benni ria le ca tisa quia-ni unna ttu nu bittu anca tsee len lu, unne lenna qui bitturu unna anía. Gansi odú xiyyanna gue nu bennaha, lu nna uxi elha xen lasi gueni. 4Masquiba gasi libe unna nu bittu anca tsee len lu lheꞌe ttu sá, nianna gasi libeguaba isíana innána: “Neti nna rexiyyatia gue nu benia”, lu nna dhílu elha xen lasi gueni.
Nu guaca gueri unri gansi ria leri Tata Do Iyyabaaha
5Ca biꞌini rudheti ca tisa ruleꞌe Jesús, rácabi Benni bananie cabi:
—Ben qui tsiar letu lu adí.
6Jesús becabie re cabi:
—Gansi lebiꞌi ria lele ladiba saroꞌoto attiba ttu besi gue coana murtasa ancana nu chicaꞌato, lania nna guacaba gále yaga du-ni: “Bilupi atta yadalha nna güia beyada lo indattoo-na.” Yagaha nna gudobana tisa guele.
Ttu nu riben sina gua yubana bixa daa loni unna
7’Gansi nux ttule do ttu nu ttoꞌo lo sina guele, riana güelhaꞌa lo yu gueleha o riana lo ca carneꞌe gueleha, gansi chi besía nua dequide urenna sina, ¿si guale nua: “Bete tte qui golu etta”? 8¿Läba ganna gálal nua: “Beni rsea, nianna bedú tsee tte qui caꞌalu quia laca doa riꞌiya roa, lenla nna edolu iꞌiya golu”? 9Niguaba lä rál nua: “Xquixarulu, cumu chi benlu nu rpea lu unlu.” 10Anáguaba lebiꞌi, atti lhuxa unle iyá nu chi rá Tata Do Iyyabaaha benie mandadu unle, lania nna innále: “Riꞌitu ancatu benni ttoꞌo lo sina guelu bittu rixuu, cumu sunruba bentu nu chi ancatu mandadu untu.”
Jesús beonie tsii ca nu raca cuerpu guecani ttu isagüe te láni lepra
11Atti yuꞌu Jesús neda die daca Jerusalén, utee atta risá bedaa lo yu gue Samaria len lo yu gue Galilea. 12Atti chi die gueꞌe lheꞌe ttu lheꞌesi re nía, biríatteba tsii (10) ca unbiyuu raca cuerpu guecani ttu nu anca attiba yiesusu te láni lepra guatsácane. Ca unnuha nna idittuli useꞌecana, 13atti uresiꞌacana rácana:
—¡Maestro Jesús, guatúachi lelu riꞌitu!
14Atti biláni Jesús ca unnuha nna unnettebe re cana:
—Gualtsia, gualsatsá du lo ca bixxudiha.
Ca unnuha nna laca diacana yuꞌucana neda, bitúatteba isagüeha cuerpu guecani. 15Atti biláni ttu ca unnuha chiba beacana, bequittebana, ribesiꞌanina ribequi xenna Tata Do Iyyabaaha. 16Lana nna bedútteba xibini lo Jesús axta liba binna lo xeani lo yu, betena xquixaru len Benniha de beonie na. Unbiyuu-ni nna beaca lasni Samaria. 17Jesús re:
—¿Si läba tsii xa ca unní beaca nna? ¿Nala a jaa (9) ca unnuha? 18¿Si tturba benni dittu du-ni bequina qui cuequi xenna Tata Do Iyyabaaha?
19Laniala rá Jesús unbiyuuha:
—Bedulí beyya, cumu de güia lelu neti nuarca beacalu.
Gasná aca atti isía innabia Tata Do Iyyabaaha
(Mt. 24:23-28, 36-41)
20Ca benni fariseo unnaba tisacana Jesús gue nucaxa isía innabia Tata Do Iyyabaaha. Lee nna becabie re:
—Lebiꞌi nna lägabi ilenle ttu nu uni qui ttedeenle chi bisía Tata Do Iyyabaaha innabie. 21Lä innáguaba benni: “Ni chi rinnabie”, o “Na chi rinnabie”, cumu niba chi du Benniha len lebiꞌi rinnabie.
22Nianna, rá Jesús ca biꞌini rudheti ca tisa ruleꞌe:
—Isía sá atti dharu lele ladiba ttu sá dhoa neti Benni unbiyuu daa iyyabaaha len lebiꞌi, ttiaca bittu aca. 23Ca benni nna gácan le: “Nie du-ni”, o “na doe.” Masquiba gácan le anía, bittu tsiale sagüiale, nigua lä sanalhale cana lhe. 24Cumu attiba ganchi ropi edha-na tsaba riguꞌuna xieni itúba lo bea-na, aníaguaba gansi chi bisía sáha, ilá sába esíaya neti Benni unbiyuu daa iyyabaaha. 25Ttiaca primerxa satexxatta, cuꞌu niꞌa ca benni seꞌe nnanna neti lhe. 26Attiba ucaba tiempu atti udo Noé, aníaguaba aca atti isía sá esíaya neti Benni unbiyuu daa iyyabaaha. 27Ca benni useꞌe lania nna uyuꞌubacana go lhe güeꞌeya lhe güetsaa ná lhe axta liba bisía sá atti utaꞌa Noé lheꞌe barcoha, lania nna bisía ttu iyya lhá, nianna iyábacana utticana. 28Unnuhaguaba uca atti udo Lot: ca benni useꞌe lania nna utocana lhe uꞌuyacana lhe uyoꞌocana lhe betoꞌocana lhe udacana xua lhe besiacana yoꞌo lhe. 29Ttiaca atti biría Lot lheꞌe yiesi Sodoma nna binnatteba belha gue gui daa iyyabaaha lheꞌe yiesiha, binnaguaba ca iyya lá azufre lhe nianna iyába ca benni seꞌe nía utticana. 30Aníaguaba aca la sá atti eyacaxxea esíaya, neti Benni unbiyuu daa iyyabaaha.
31’La sáha nna benni do iqui yoꞌo gueniha nna gansi bixa seꞌe gueni lhiꞌu lheꞌe yoꞌoha, bittu aquinna eyadina qui cuequina ca nua. Anáguaba nu requi ranchuha lhe bittu eyequina eyyana lheꞌe yoꞌo gueniha. 32Gualorexxa lele bixa guate nuila gue Lot. 33Nu unna odilá elha nabani gueni nna unnittiba nua elha nabani gueni, benni unnitti elha nabani gueni lo niꞌa quia nna aca banba nua ttu dia lii lo Tata Do Iyyabaaha.
34’Neti ria, ca benni te chupacana lo la ttuba taꞌa la elaha nna tturba nua echea, attu nua nna eyaꞌanbana. 35Delo chupa ca nuila rencana güettu, ttuna echea, attuna eyaꞌana. 36[Chupa ca unbiyuu seꞌe ranchu nna ttuna echea, a ttuna nna eyaꞌanna.]
37Lacabi nna becabicabi rácabi:
—¿Benni bananie riꞌitu, ga aca nua?
Lee nna becabie re:
—Iyábale yule, atta te ttu nu yatti nía ritupa ca chettu.
Currently Selected:
San Lucas 17: zaq
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
