TIMOTHI NSENDƐ 2
2
Thubi kil hɛnday
1Jali nsendɛ layɛ, ni ya gbɔnda chelɛ sɛliɛni nkɛn, sɛli, sɛliɛ anyin ni chɔŋsɛkɛ kɔ ha che ha nɔ-o-nɔ, 2ha abɛɛya ni ŋanɛ gbi ŋa sɛm thi bom-bom dayɛ, hi ŋa che pem ni ihɔlɔŋ mbɔs, naythin Hɔbatokɛay ni limaniay ni naythindɛ gbi. 3Ki la liyegbe, ni la che likɔkani Hɔbatokɛ nɔloliɛ hiɛ chee, 4wɔ theni ichɛk nɔ-o-nɔ sɔthɔ lol ni ha bi nten ma rɔŋdɛ. 5Haliwɔ Hɔbatokɛ bul wɔ lɔɛ, ni laŋ bul yeŋthi Hɔbatokɛ ni anyin, laŋgbaŋdɛ Krayst Jisɔs. 6Wɔ wɔŋ ni ŋkɛn kendɛ nɔ velia ha nɔ-o-nɔ, thambaseyɛ ka hun mɛŋk kɛlɛŋday, 7Ha lanɛ ki la pɔ ka kweɛ mi nɔ thɛkɛsiɛ ni lemnɔ, nɔ toŋgiɛ ko ŋanɛ ha laanɛni hiŋg laanɛ ni rɔŋdɛ. Ya ni hɔ tiŋtiŋdɛ, ya chen fothi mbol.
8Ya ŋgbelŋgbel lɛ ko gbi lɔ apukan ha yɛ, ŋa ha sɛliɛ ka thɛŋg piyathi charaŋ, ibiɛ gbɔl thukul ni ŋhɔ. 9Ni amaɛ bɛ ŋa ha yolni mɛsɛ ni ka nten, ni tɔya kɛlɛŋ, chen ka nlok ma ndiŋ o ndɔŋ o nyek mithilɛ tɔya fe gbe 10kɛ ka jaliha yegbe kendɛ amaɛ ŋa hɔ jalɛ la ŋa laanɛ. 11Ha nɔma kaŋ ha che pem ka hinilɛ. 12Ya yomɔni be nɔma toŋgi o ha bi fɔsa apukan atok; wɔ ha che pem. 13Haliwɔ Adam wɔ pɔ ka bɛmpa nsen, ni Iv; 14ni pɔ ka sɔyɛni Adam kɛ nɔmaɛ wɔ pɔ ka sɔyɛni wɔ ye cheɛ nɔ simiɛ saba. 15Kɛ gbemɔ apuma kɔ bi ha loli nɔma, yɛ kɔ gbo chee laanɛay ni nchɔmalen ni che charaŋ, ka mɛsɛ.
Currently Selected:
TIMOTHI NSENDƐ 2: SNT
Highlight
Share
Copy
Want to have your highlights saved across all your devices? Sign up or sign in
Sherbro New Testament Portions © Bible Society in Sierra Leone, 2020.
