JƆN MƆƐKƐ TIŊDƐ 1
1
1Nɔ bɛndɛ ko nɔma wɔ pɔ kweɛ ni apumawɔɛ, wɔ ya chɔŋlen tiŋtiŋdayɛ, ni chen yaŋ kɛn gbo kɛ ni ŋanɛ gbi ŋa si tiŋtiŋdɛ, 2haliwɔ ha tiŋtiŋ dɛ kɔhiayɛ ni kɔ bi ha che ni hin ha chɔŋgba:
3Wɔŋɔ Gbɛŋ, keyendapani, ni mbɔs ma bi ha che ni hin, hiŋk Hɔbatokɛ Baaɛ ni hiŋk Jisɔs Krayst Tak Baaɛ, tiŋtiŋday ni ŋchɔmalen day.
Tiŋtiŋ ni Ŋchɔmalen
4Ya ihɔɛ bomay ha ke apumanɔɛ apum ŋa lemil tiŋtiŋdɛ, kendɛ hɔ Baaɛ ko hi gbɔndaɛ. 5Ni yɛlayoɛ ya mɔ thɛlɛni, wantama, chendɛ kendɛ yɛ ya mɔ gbala saba sanaɛ, kɛ ŋɔnɛ hɔ hi ka koŋ sɔthɔ hiŋg tipɛkɛ, hi ha chɔŋniyalen. 6Ni ki ma ŋchɔmalen, lɛ hi lemil saba thi wɔɛ; sabaɛ hɔ kiɛ, kendɛ ha koŋ theɛ hiŋk tipɛkɛ, lɛ ha lemil ŋchɔmalen.
7Haliwɔ anya fothiɛ mbol agbe ha koŋ honi hɔlɔay, apukan ha chen bi ha kwe hun Jisɔs Kraystɛ jalay; nɔ che vɛ wɔɛ nɔ fothiɛ mbol ni nɔ boŋsua Krayst. 8Ha bɛkninten, chelɛ ŋa chen tuki yendɛ hɔ ha koŋ ha mpanthɛ, kɛ ha bi ha sɔthɔ paka pɛɛ thiŋ.
9Nɔɛ gbi wɔ kɔ gbo cheeɛ ni che ni toŋgi Kraystɛ biɛni Hɔbatokɛ; nɔɛ wɔ kweyɛ gbo toŋgi Kraystɛ bi Baaɛ ni Taaɛ ŋan atiŋ. 10Yɛ nɔ gbi hun gbo konɔko ni chiɛni toŋgiyo ki, ŋa mawɔ gbaŋa kilɛko o ŋa ma wɔ lɛiŋ; 11haliwɔ nɔɛ wɔ lɛŋyɛwɔ gboɛ koŋ poɔni mpanth ma wɔ kafaɛ.
Ŋhɔk mɛkindɛ
12Yɛlabɛ ya bi li gbe ha gbal konɔkoɛ, ya chen theni ŋa kwe pɔm raɛ ni mɛn gbalkaɛ, kɛ ya bi kithgbɔl ha hun ha kenɔ ni ha thelema nɔ ŋan thɔlɛ, chelɛ iŋɔɛ hi yɛ ŋɔ che pɛɛ thiŋ.
13Apuma wante mɔɛ ha pɔ koŋ kweɛ ha mɔ lɛyŋ.
Currently Selected:
JƆN MƆƐKƐ TIŊDƐ 1: SNT
Highlight
Share
Copy
Want to have your highlights saved across all your devices? Sign up or sign in
Sherbro New Testament Portions © Bible Society in Sierra Leone, 2020.
