TI GƐ́Ɛ́ HAÍTII Kɔlɔí sí lówawondai
Kɔlɔí sí lówawondai
Kɔlɔí sí taa tolí ngáá Ti Gɛ́ɛ́ Haítii aa lɔ í ngáá kɔlɔí héle kélei Lúu í pɔ́nɛni. I pɔnɛní kɔwɔ́ato Jísu volú yélai sítii taa ɣɛ tí w̃a Ngala kéélaitii ti gɛ́ɛ́ haítii mba. Maa hésendaa geela woo vanda gɔlɔí í pɔ́nɛni laá lɔ náa í lókoheingɔ nda kɔlɔí sí h̃u. Kɔlɔí sí vɔ́nɛ sáwui kái káingi wáá ngáá í ngákɛ kíya kééla wóo vándai kɔwɔ́ato Jísu Kílisitii wa í híya híyangɔ ndɔwɔlɔ́i kpɛ́lɛɛ su. Aá lɔ na múl̃ɔ ngáá í ngákɛ ngáá sí í kɛ́a Ngala fɛ́li mbélai ti langɔ́ ngáá Jísu Kílisitii ɛ́ɣɛ í mɔ́ɔ ngakɛ́ ngáá kɛ faa ỹɔ́u fíli aa Ngalá fɛ́li mbélaitii ki ma kɔwɔ́ato Lóómi gɔmɛtií wa. Aá lɔ na múl̃ɔ ngáá í ngákɛ ngáá kɛ Jísu Kílisitii lɔ́ Júsuai ti yaah̃ú í ɣɛ́ngɔ tuwɔ ngáá aá lɔ́ɔ vá. Sítii ti langɔ́ í ɣɛ́i la ngáá Jísu Kílisitii, ti ndá Yála fɛli kíli aa ɣɛi ngáá Ngala fɛ́li kíli niina, kɛ́ i ɣɛi nɔ́ɔ́ áá ndi ngu ma ngáá Júsuai ti ndá lángi ɣɛ́ kíli.
Faa wu sáángɔ lɔ í kɔlɔí sí h̃u ngáá kíya Ngala kééla woí í híya hiyáni su. Hésendai wáá ngáá, kɛ kíya nungái ti landái ngáá Jísu Kílisitii í tɔkúla héini Jɛlúsɛl̃ɛ. Fele kélei wáá ngáá, kɛ kíya nungái ti lángi í híya hiyáni su Jɛlúsɛl̃ɛ lataítii su. Sawa kélei wáá ngáá, kɛ kíya naá í híya híyani Lóómi lɔwɔlɔí kpɛ́lɛɛ su.
Faa bíkpingi í kɔlɔí sí h̃u ta wáá ngáá sí Hɛ́ɛ́ma Ỹínangi í kɛ́ni. Hɛ́ɛ́ma Ỹínangi i vaaní ngi yákpangi h̃u í vú sítii su ti ɣɛ́i Jɛlúsɛl̃ɛ ti langɔ́ ngáá Jísu Kílisitii. Í ndiní ngú ma ngáá pele ɣɛndáá ngáá ti ye ɛ́ɣɛ í ti h̃úúba ngáá ti liiwúúlɛndaa.
Sítii pɔnɛngɔ́i kɔlɔí sí h̃u
Jísu Kílisitii gééla woo vándai le fáá w̃aahéi wóndaa 1:1-26
a. Ngakɛɛlɛmáá hái Jísu í ndéni ngáá tí kɛ ɛ́ɣɛ kuulóngi 1:1-14
b. Nuí í lói Júdɔ votóma 1:15-26
Keela woó vándai lendaí Jɛlúsɛl̃ɛ 2:1–8:3
Keela woó vándai lendaí Judíya ɛ́ɣɛ Samááliya 8:4–12:25
Pɔ́ɔ yéngengaitii 13:1–28:31
a. Hésendaa Yala ngénge siyángi 13:1–14:28
b. Kpɔngí í w̃ɛ́ɛ́ni Jɛlúsɛl̃ɛ 15:1-35
d. Ngala ngenge siyangí hele kélei 15:36–18:22
e. Ngala ngenge siyangí hawa kélei 18:23–21:16
f. Pɔ́ɔ i ɣɛi ngáá pelésina Jɛlúsɛl̃ɛ, Sɛsɛ́liya, ɛ́ɣɛ Lóómi taí h̃u 21:7–28:31
Currently Selected:
TI GƐ́Ɛ́ HAÍTII Kɔlɔí sí lówawondai: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000