MÁFIYU 14
14
Nguya Wó Mɔ́i Njɔú háálai
(Máa 6:14-29; Lúu 9:7-9)
1Ná h̃u Masangí Hɛ́lɔdi í sí w̃áá woo ỹɛ́nini Jísu í ɣɛ́i áá kɛ, 2i ndení ngi bɔ́ilopoaitii ma, i ɣɛ ta, “Nguya Wo Mɔ́i Njɔú lɔ́ ngáá sí í yooɣénga sái h̃u. Ná lɔ́ í kɛ́a ngakpángi í ngéya áa káámaa haí sítii kɛ.”
3-4Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu. 5Masangí Hɛ́lɔdi i ɣɛi loní í Njɔú váa, kɛ́ i ɣɛi áá lúwa Júsuaitii mba, bɔw̃álale, i ɣɛi kɔlɔ́ ngáá Júsuai ti gísiyai i ɣɛi ngáá Njɔú lɔ́ ngáá Ngalá ndaa háá lé mɔ́ɔ́.
6Ná folói sí tí Masangí Hɛ́lɔdi leí ma í ɣɛ́i áá fóloma, nungáitii tí yatɛ́i mba maa gúi w̃a, Hɛlɔ́diya nyah̃áloi i ndoolíí wóni nungáitii kákala. Ndoolií ná lɔ́ í Hɛ́lɔdi liilɛ́ini tɔ́ tɔ́. 7Faalɔ, i kɛ́lɛ ngéɣeni nyah̃alói yaá, i ɣɛ ma, “Sí fíli yáá ndaahéi kɛ́, ngáá fé í yáa.”
8Kɛ Hɛlɔ́diya i pungá ngi lói la i ɣɛ ma, “Yáá ɣɛ́ Masangí Hɛ́lɔdi w̃a, Nguya Wo Mɔ́i Njɔú wúngi la nyaaká h̃u yí fé ngéya kíya suu í ná.”
9Masangí Hɛ́lɔdi w̃aaw̃áánungɔ i ɣɛi lá kɛ́lɛngi sí hááw̃a í ɣɛ́i ngeɣéi ngi hótangaitii kákala. Ná lɔ́ í kɛ́ni í ndéni ngáá bɛ́lɛ nyah̃alói liivó fái í ɣɛ́. 10Faalɔ, i sóyaitii tɔvení ngáá tí Njɔú wúngi léve mba kpindi vɛlɛ́i wu. 11Tí vááni ngáá Njɔú wúngi i lááni nyaakái h̃u, tí fé nyah̃alói yaá, laá bɛ́lɛ í líi lá ngi njéé yelé. 12Ná vólu, Njɔú vólu yélaitii tí vái, tí ngi vúw̃ai yeɣé, tí kpɔ́lu, tí lí tí ndé Jísu w̃a.
Jísu i nuu bíh̃iw̃aa laa wɔ́ni
(Máa 6:30-44; Lúu 9:10-17; Njɔú 6:1-14)
13Ná Jísu i mɛniní ngáá Masangí Hɛ́lɔdi í Njɔú váánga, i gulaí mbéi wa í ɣɛ́i na, í víli keléngi h̃u, í lí tevémba h̃u ngilaá kpé mbéi nuu fíli áá ɣɛ́i ná. Ná nungáitii tí sí w̃áá woo ỹɛ́nini, ti gúlai ti láitii su, ti híya gɔwɔ́ w̃á ti tó mba. 14Ná Jísu í hítɛni keléngi h̃u, i faŋa walá ya tɔ́i vúúni, maaw̃áánungɔ i ɣɛi lá ti hááw̃a ngwala, i sítii mbalóni ti héébɛngɔ í ɣɛ́i la.
15Fitílingi walamái náa, Jísu vólu yélaitii tí vááni ngelé ti ɣɛ́ ma, “Kpindíi vɛ́lɛngɔɔ lé náa kílii, mbéi vá tɔ́ ngáá tévemba h̃u. Nungái sítii tɔve ti lí kokóitii nga tí mɛɛni yáa bɔ́wɔ yɛ.”
16Jísu i ti woo yápoteni, i ɣɛ ti w̃a, “Kule áá tí w̃a tɔɔ gúla mbéi wá, wá ɣéle a mɛɛní hé ti yaá tí mɛ.”
17Tí Jísu woo yápoteni, ti ɣɛ́ ma, “Sítii nɔɔ́ léi tí ni yaá mbéi tiyá waa ngáá, bilé búsa ndɔ́ɔ́lungɔ ɛ́ɣɛ nyɛɛ busá félengɔ.”
18Kɛ Jísu i ɣɛa ti w̃a, “A vá ngáá ti ye ngéle.” 19Kɛ i ndengá nungáitii ma ngáá ti héi kpitingí ya, kɛ i bilé búsa ndɔ́ɔ́lungɔi yeɣéa ɛ́ɣɛ nyɛɛ busá félengɔi, í wú nga séi ngeleí ya, í sɛ́ɣɛɛ gula Ngalá ma. I bileí nátii ngalé ngálei su, í fé vólu yélaitii ngeyá, ngáá nátii tí fé nungáitii ngeyá. 20Nuí kpɛ́lɛɛ tí mɛ́ni í kúlaɣɛ ngáá ti ye. Jísu volú yélaitii tí matái yátɛi mba í ɣɛ́ ngáá kambáli ngwála wála púúngɔ maah̃úú féle. 21Nungái sɔíngi tí ndaa ỹɛ́ngi ná wóni tɔ́ɔ́ ɣɛ́ ngáá siỹɛ́ tásu ndɔ́ɔ́lungɔ, nyah̃áitii ɛ́ɣɛ ndopóaitii taá ɣɛ́i kpaɣai h̃u.
Jísu hiyalái njɛí ya
(Máa 6:45-52; Njɔú 6:15-21)
22Kɛ́ Jísu i ndení volú yélaitii ma ngáá ti víli keléngi h̃u ti lí naa lúwɔ Galéli Yɛ Walái vólu véle. Naa laa lówah̃u, Jísu í nungáitii tɔvé ti láitii su. 23Ná í nungáitii tɔvení, i lɛɛní ngihéi wá ngilangɔ́ kpé, í Ngalá fɛ́li. Ná kpíndi í vɛ́lɛni, Jísu i ɣɛi na ngilangɔ́ kpé. 24Naa laa lówah̃u, keléngi i ɣɛi náa liiní góóh̃ama njɛí ya. Aáva njɛ lákpa lákpangi i ɣɛi áá kélengi liiká lííka, bɔw̃álale, fɛfɛngí i ɣɛi áá gúla ti líí veléi h̃uu véle.
25Ngele sú bíndii, Jísu i vaaní volú yélaitii ngelé áa híya njɛí ya. 26Ná polú yélaitii tí tɔní áa híya njɛí ya, nduwá wála i vúi ti h̃u, tí bái, ti ɣɛ́ ta, “Ngafuw̃ángii le!” Táá bɛ́li ngáá nduwái.
27Kɛ́ Jísu i yɛpɛní ti yelé ngáma i ɣɛ ti w̃a, “Nyáá le. A waa lúwa!”
28Kɛ Pítɛ i ngoo yápotenga, i ɣɛ ma, “Kaamɔ́ɔ́, ná yá kái kái ngáá ɣɛ́ la, kɛ nde má ngí híya njɛí ya, ngí vá í yéle.”
29Kɛ Jísu i ɣɛa ma, “Vá.” Kɛ Pítɛ i hitɛá keléngi h̃u, í tɔkúla hei ngáá hiyaláá njɛ́i ya áá lí Jísu yelé. 30Kɛ́ ná Pítɛ í ngátɔi ngáá kɛ fɛfɛngí lɔɔ vá, nduwái i vuí su, i ɣɛi náa áa lɔ́mbu njɛí wu. Kɛ́ i baíni, i ɣɛ ta, “Kaamɔ́ɔ́, mááwalo kái!”
31Ngamá nɔ́ɔ kɛ Jísu i loko h̃úúhulombónga, í sóu, i ɣɛ ma, “Í lángi gulo kw̃ɛ́ɛ́ngɔɔ lé í í h̃ú! Ndeénii le yí nda tála gúlangɔ?”
32Ná ti félengɔ ti lɛ́i keléngi h̃u, kɛ fɛfɛngí va nga ngí yéinga. 33Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”
Jísu i seebɛ yeláitii mbalóni Gɛnɛ́sɔlɛ
(Máa 6:53-56)
34Kɛ Jísuni ngaa polú yélaitii tí njɛ́i lévenga, ti hítɛ náa tataí sí h̃u taá tóli ngáá Gɛnɛ́sɔlɛ. 35Nungáitii pá tí ɣɛ́i maa ỹándai, ná ti ɣɛ́i kɔlɔ ngáá kɛ Jísu le, tí woo vílini naa bélaa látaitii sú. Nungáitii tí vá ngáá ti héébɛ yélaitii kpɛ́lɛɛ kpɛ́lɛɛ ngelé. 36Tí maanɛ́ɛ́nɛ kɛinɔɔ́ í lúw̃a ma seebɛ yeláitii ti lúba bɛ́lɛ ngi lóma kooh̃aí wolíyangi wa. Laáva sítii kínɛi ti lúbai mba, tí wáloni.
Currently Selected:
MÁFIYU 14: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
MÁFIYU 14
14
Nguya Wó Mɔ́i Njɔú háálai
(Máa 6:14-29; Lúu 9:7-9)
1Ná h̃u Masangí Hɛ́lɔdi í sí w̃áá woo ỹɛ́nini Jísu í ɣɛ́i áá kɛ, 2i ndení ngi bɔ́ilopoaitii ma, i ɣɛ ta, “Nguya Wo Mɔ́i Njɔú lɔ́ ngáá sí í yooɣénga sái h̃u. Ná lɔ́ í kɛ́a ngakpángi í ngéya áa káámaa haí sítii kɛ.”
3-4Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu. 5Masangí Hɛ́lɔdi i ɣɛi loní í Njɔú váa, kɛ́ i ɣɛi áá lúwa Júsuaitii mba, bɔw̃álale, i ɣɛi kɔlɔ́ ngáá Júsuai ti gísiyai i ɣɛi ngáá Njɔú lɔ́ ngáá Ngalá ndaa háá lé mɔ́ɔ́.
6Ná folói sí tí Masangí Hɛ́lɔdi leí ma í ɣɛ́i áá fóloma, nungáitii tí yatɛ́i mba maa gúi w̃a, Hɛlɔ́diya nyah̃áloi i ndoolíí wóni nungáitii kákala. Ndoolií ná lɔ́ í Hɛ́lɔdi liilɛ́ini tɔ́ tɔ́. 7Faalɔ, i kɛ́lɛ ngéɣeni nyah̃alói yaá, i ɣɛ ma, “Sí fíli yáá ndaahéi kɛ́, ngáá fé í yáa.”
8Kɛ Hɛlɔ́diya i pungá ngi lói la i ɣɛ ma, “Yáá ɣɛ́ Masangí Hɛ́lɔdi w̃a, Nguya Wo Mɔ́i Njɔú wúngi la nyaaká h̃u yí fé ngéya kíya suu í ná.”
9Masangí Hɛ́lɔdi w̃aaw̃áánungɔ i ɣɛi lá kɛ́lɛngi sí hááw̃a í ɣɛ́i ngeɣéi ngi hótangaitii kákala. Ná lɔ́ í kɛ́ni í ndéni ngáá bɛ́lɛ nyah̃alói liivó fái í ɣɛ́. 10Faalɔ, i sóyaitii tɔvení ngáá tí Njɔú wúngi léve mba kpindi vɛlɛ́i wu. 11Tí vááni ngáá Njɔú wúngi i lááni nyaakái h̃u, tí fé nyah̃alói yaá, laá bɛ́lɛ í líi lá ngi njéé yelé. 12Ná vólu, Njɔú vólu yélaitii tí vái, tí ngi vúw̃ai yeɣé, tí kpɔ́lu, tí lí tí ndé Jísu w̃a.
Jísu i nuu bíh̃iw̃aa laa wɔ́ni
(Máa 6:30-44; Lúu 9:10-17; Njɔú 6:1-14)
13Ná Jísu i mɛniní ngáá Masangí Hɛ́lɔdi í Njɔú váánga, i gulaí mbéi wa í ɣɛ́i na, í víli keléngi h̃u, í lí tevémba h̃u ngilaá kpé mbéi nuu fíli áá ɣɛ́i ná. Ná nungáitii tí sí w̃áá woo ỹɛ́nini, ti gúlai ti láitii su, ti híya gɔwɔ́ w̃á ti tó mba. 14Ná Jísu í hítɛni keléngi h̃u, i faŋa walá ya tɔ́i vúúni, maaw̃áánungɔ i ɣɛi lá ti hááw̃a ngwala, i sítii mbalóni ti héébɛngɔ í ɣɛ́i la.
15Fitílingi walamái náa, Jísu vólu yélaitii tí vááni ngelé ti ɣɛ́ ma, “Kpindíi vɛ́lɛngɔɔ lé náa kílii, mbéi vá tɔ́ ngáá tévemba h̃u. Nungái sítii tɔve ti lí kokóitii nga tí mɛɛni yáa bɔ́wɔ yɛ.”
16Jísu i ti woo yápoteni, i ɣɛ ti w̃a, “Kule áá tí w̃a tɔɔ gúla mbéi wá, wá ɣéle a mɛɛní hé ti yaá tí mɛ.”
17Tí Jísu woo yápoteni, ti ɣɛ́ ma, “Sítii nɔɔ́ léi tí ni yaá mbéi tiyá waa ngáá, bilé búsa ndɔ́ɔ́lungɔ ɛ́ɣɛ nyɛɛ busá félengɔ.”
18Kɛ Jísu i ɣɛa ti w̃a, “A vá ngáá ti ye ngéle.” 19Kɛ i ndengá nungáitii ma ngáá ti héi kpitingí ya, kɛ i bilé búsa ndɔ́ɔ́lungɔi yeɣéa ɛ́ɣɛ nyɛɛ busá félengɔi, í wú nga séi ngeleí ya, í sɛ́ɣɛɛ gula Ngalá ma. I bileí nátii ngalé ngálei su, í fé vólu yélaitii ngeyá, ngáá nátii tí fé nungáitii ngeyá. 20Nuí kpɛ́lɛɛ tí mɛ́ni í kúlaɣɛ ngáá ti ye. Jísu volú yélaitii tí matái yátɛi mba í ɣɛ́ ngáá kambáli ngwála wála púúngɔ maah̃úú féle. 21Nungái sɔíngi tí ndaa ỹɛ́ngi ná wóni tɔ́ɔ́ ɣɛ́ ngáá siỹɛ́ tásu ndɔ́ɔ́lungɔ, nyah̃áitii ɛ́ɣɛ ndopóaitii taá ɣɛ́i kpaɣai h̃u.
Jísu hiyalái njɛí ya
(Máa 6:45-52; Njɔú 6:15-21)
22Kɛ́ Jísu i ndení volú yélaitii ma ngáá ti víli keléngi h̃u ti lí naa lúwɔ Galéli Yɛ Walái vólu véle. Naa laa lówah̃u, Jísu í nungáitii tɔvé ti láitii su. 23Ná í nungáitii tɔvení, i lɛɛní ngihéi wá ngilangɔ́ kpé, í Ngalá fɛ́li. Ná kpíndi í vɛ́lɛni, Jísu i ɣɛi na ngilangɔ́ kpé. 24Naa laa lówah̃u, keléngi i ɣɛi náa liiní góóh̃ama njɛí ya. Aáva njɛ lákpa lákpangi i ɣɛi áá kélengi liiká lííka, bɔw̃álale, fɛfɛngí i ɣɛi áá gúla ti líí veléi h̃uu véle.
25Ngele sú bíndii, Jísu i vaaní volú yélaitii ngelé áa híya njɛí ya. 26Ná polú yélaitii tí tɔní áa híya njɛí ya, nduwá wála i vúi ti h̃u, tí bái, ti ɣɛ́ ta, “Ngafuw̃ángii le!” Táá bɛ́li ngáá nduwái.
27Kɛ́ Jísu i yɛpɛní ti yelé ngáma i ɣɛ ti w̃a, “Nyáá le. A waa lúwa!”
28Kɛ Pítɛ i ngoo yápotenga, i ɣɛ ma, “Kaamɔ́ɔ́, ná yá kái kái ngáá ɣɛ́ la, kɛ nde má ngí híya njɛí ya, ngí vá í yéle.”
29Kɛ Jísu i ɣɛa ma, “Vá.” Kɛ Pítɛ i hitɛá keléngi h̃u, í tɔkúla hei ngáá hiyaláá njɛ́i ya áá lí Jísu yelé. 30Kɛ́ ná Pítɛ í ngátɔi ngáá kɛ fɛfɛngí lɔɔ vá, nduwái i vuí su, i ɣɛi náa áa lɔ́mbu njɛí wu. Kɛ́ i baíni, i ɣɛ ta, “Kaamɔ́ɔ́, mááwalo kái!”
31Ngamá nɔ́ɔ kɛ Jísu i loko h̃úúhulombónga, í sóu, i ɣɛ ma, “Í lángi gulo kw̃ɛ́ɛ́ngɔɔ lé í í h̃ú! Ndeénii le yí nda tála gúlangɔ?”
32Ná ti félengɔ ti lɛ́i keléngi h̃u, kɛ fɛfɛngí va nga ngí yéinga. 33Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”
Jísu i seebɛ yeláitii mbalóni Gɛnɛ́sɔlɛ
(Máa 6:53-56)
34Kɛ Jísuni ngaa polú yélaitii tí njɛ́i lévenga, ti hítɛ náa tataí sí h̃u taá tóli ngáá Gɛnɛ́sɔlɛ. 35Nungáitii pá tí ɣɛ́i maa ỹándai, ná ti ɣɛ́i kɔlɔ ngáá kɛ Jísu le, tí woo vílini naa bélaa látaitii sú. Nungáitii tí vá ngáá ti héébɛ yélaitii kpɛ́lɛɛ kpɛ́lɛɛ ngelé. 36Tí maanɛ́ɛ́nɛ kɛinɔɔ́ í lúw̃a ma seebɛ yeláitii ti lúba bɛ́lɛ ngi lóma kooh̃aí wolíyangi wa. Laáva sítii kínɛi ti lúbai mba, tí wáloni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000