MÁI 4
4
Faanɛ́ɛ́ngi kɔwɔ́ato hakpá súwui wa
(Máfiyu 13:1-9; Lúu 8:4-8)
1I ɣɛi ngáá hɔ́wɔ ta, kɛ Jísu i tɔkúla héinga ngáá kalambongí wóndai Galéli Yɛ Walaí la. Faŋaí í yátɛni mba ma, ti yambɔ́ɔ́lɔngɔ i ɣɛi lá ngwala ngáá kɛ i lɛní í héi keléngi h̃u njɛí ya, nungáitii pa tí ló kaséngi ya njɛí la. 2I ti galámboni ngáá faa bíh̃iw̃aa faanɛ́ɛ́ngaitii su. Aáva ngi gálambo ngoí h̃u i ɣɛi ta,
3“A wolílo lɛ́ɛ, siỹɛndópo yiláá tɔ́ wɔ́lɔ í ɣɛ́i na, i liiní hakpá súwu váha mái. 4-8Ná í ɣɛ́i áá fáha, ti lɛ́ingaa ti gúlani pele gaalɛ́i w̃a. Ti lɛ́ingaa ti gúlani kɔtu wɔtú ndɔ́wɔlɔi w̃a. Ná vólu, ti lɛ́ingaa ti gúlani mbéinda ngali ngáli sapeítii ti ɣɛ́i na. Kɛ́ ná fíli sú, hakpá súwui nátii tɛingáá ti gúlani ndɔwɔlɔ́ vánda w̃a. Sítii ti gúlani pele gaalɛ́i w̃a, w̃ɔniáitii tí vááni, tí tí bɔ́le. Sítii ti gúlani kɔ́tu wɔtú ndɔ́wɔlɔi w̃a, pɔlɔ́ áá ɣɛ́i na bih̃í, tí hále fála fala sífaa pɔlɔ́i yakpɔ́tungɔ aa ɣɛi lá ti wu. Kɛ́ ná folói yangí í báni, i hakpá fálei nátii kpandií. Hakpá fálei nátii pa tí yéni bɔw̃álale ti hápeitii taá ɣɛ́i yeiní ndɔwɔlɔ́i wu góóh̃a ma. Ná vólu, sítii ti gúlani mbéinda ngali ngáli sapeítii ti ɣɛ́i na, ngali ngáli tufaí nátii tí háleni, tí hákpa fálei nátii mboló láá yíli. Sítii pa ti gúlani ndɔwɔlɔ́ vándai w̃a, tí háleni, ti bátɛ ti gúla su. Ti lɛ́ingaa lɔkúla héiw̃aa yílaangi ɔ́ɔ́ ɣɛ́ mba ngáá puú sáángɔ, ti lɛ́ingaa puu ngɔ́hitangɔ. Ti lɛ́ingaa va tɔkúla héiw̃aa yílaangi ɔ́ɔ́ nuu yáá laahé bɛ́lɛ.” 9Jísu woo yápumai i ɣɛi ta, “Nuí fíli faa ỹɛ́ni ngóli áá ɣɛ́ ngu mba, í fái sí yéɣe ngáá hɛmbɛ́ fíli.”
Faanɛ́ɛ́ngi héi sáwui
(Máfiyu 13:10-17; Lúu 8:9-10)
10Ná Jísu w̃aagelésangɔ í ɣɛ́i lá, polú yélaitii ɛ́ɣɛ sítii ti ɣɛ́i maayelé mbélengɔ ti Jísu w̃ɔɔniní ngáá í faanɛ́ɛ́ngaitii pólui ɣɛ ngáá ti ye. 11Jísu i ti woo yápoteni, i ɣɛ ti w̃a, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ́ ngáá wú ngátɔ mba. Kɛ́ sítii taa ngáá pólu yélaa, ngáá yɛ́pɛ ti yelé faanɛ́ɛ́ngaa h̃u 12kɛinɔɔ́,
‘Ti bɔ́ɔ́ ỹandái béle ká ká, tɛ́i náa lɔ.
Ná vólu, ti bɔ́ɔ́ wolílo ká ká, tɛ́i faa ỹɛ́ni tɔɔ́ ngátɔ mba,
sífaa, kɛbei ti ɣɛ́i taá ỹánda lɔ, táá faa yátɔ mba,
tɔ́ɔ ɣɛ́ ɣɛ́i volú yáfeni ti háá ỹɔítii mba, ti h̃úúhaa í lo.’ ”
Hakpá súwui háánɛɛngi volúi
(Máfiyu 13:18-23; Lúu 8:11-15)
13Kɛ Jísu i ɣɛa ti w̃a, “Ná wɔ́i ɣɛ́ faanɛ́ɛ́ngi sí yátɔngɔ mba, kɛ wáá ɣéle faanɛ́ɛ́ngi ta fíli ngátɔ náa mba?” 14I ɣɛ ti w̃a, “Sí hakpá súwu vahá mɔ́i í síni kulangɔ́ɔ́ le ngáá Ngalá ndaa wói. 15Nungáitii ti lɛ́ingaa ti gúlangɔɔ le ngáá hakpá súwui í gúlani péle gaalɛ́i w̃a. Ná nɔ́ɔ léi taá Ngála ndaa wói ỹɛ́ni, Setána aa va náa, í Ngála ndaa wói ná gúla ti gi má taa ɣɛ́ mɛniní. 16Ti lɛ́ingaa va ti gúlangɔɔ lé ngáá hakpá súwui sí í gúlani kɔtu wɔtú ndɔwɔlɔí w̃a. Ná táa Ngála ndaa wói ỹɛ́ni, taá lokohéi mbu ngamá ngáá kooh̃unɛɛ. 17Kɛ́ sífaa ti hápe hítɛngɔ ɛ́i ɣɛ́ la, faalɔ, taá ló nɔ́ɔ maa hái h̃u kpɛ́ɛ́. Ná faa bɔ́lunda áá vá tí yelé ɔɔ nungáá tí faa báma lá ti w̃a ngáá sífaa tí lókoheinga Ngalá ndaa wói wu, taá lokogúla Ngala fái h̃u ngamá. 18Ti lɛ́ingaa va ti gúlangɔɔ lé ngáá hakpá súwui sí í gúlani mbéinda ngali ngáli sapeítii ti ɣɛ́i na. Taá Ngalá ndaa wói ỹɛ́ni, 19kɛ́ ndɛɛh̃úi sí h̃uu hái lííhɛlɛngitii taa ɣɛ́ ti w̃a ɛ́ɣɛ ndongí taa ɣɛ́ su ngáá ngeleí sí wuu bátɛitii ɛ́ɣɛ mɔ́ni mɔ́ningi taa ɣɛ́ su taá Ngála ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí hákpa fáleitii mbólo láá yílini, taa wáni. 20Kɛ́ núngai sítii taa Ngála ndaa wói ỹɛ́ni laáva tí lókohei mbu, ti gúlangɔɔ lé ngáá hakpá súwui sítiini ti gúlani ndɔwɔlɔ́ vándai w̃a, ti bátɛni ngwála. Maa yélaitii tɔ táá faa váá kíya nɔ́ɔ hakpá súwui sítii ti lɛ́ingaa ti lɔkúla héiw̃aa yílaangi ɔ́ɔ́ ɣɛ́ mba ngáá puu sáángɔ, ti lɛ́ingaa puu ngɔ́hitangɔ, ti lɛ́ngaa va tɔkúla héiw̃aa yílaangi ɔ́ɔ́ nuu yáá laahé bɛ́lɛ.”
Lámbongi lɔ́ na ngi hóngi hááw̃a
(Lúu 8:16-18)
21Kɛ Jísu i mɔɔ ɣɛa ti w̃a, “Wáá lámbo to, wú mbala bɔ́ki wu baa mbeteí wu? Kɛ́mbɛ wáá to wú seí lámbo seimái, kɛ́lɛ? 22Sífaa sí fíli í ndɔ́ɔ́wu h̃ú, aá lɔ́ ndɔɔwu h̃ú ngáá kɛinɔɔ́ í gúla kalá kála má. Sí fíli pá maa vɛ́lɛngɔ, maa vɛ́lɛngɔɔ lé ngáá kɛinɔɔ́ maa í ɣɛ́ kpál̃au. 23Faalɔ, nuí fíli faa ỹɛ́ni ngóli áá ɣɛ́ ngú mba, í fái sí yéɣe ngáá hɛmbɛ́ fíli.”
24Jísu í mɔ́ɔ ɣɛ ti w̃a, “A wolílo sí w̃a ngáá nde wú w̃á. Suuw̃ángi gɛ́ɣɛlai wáá mbo nuu vékai yɛ, kɛɣɛ́laa h̃úúw̃angi lɔ wáá mááhɔlɔ ɔɔ ná láá lé, í víli maah̃u. 25Sífaa, nuí fíli ŋani áá ɣɛ́ ngeyá bíh̃i, ta áá bahá mba, kɛ́ núi fíli ŋani ɛ́i ɣɛ́ ngeyá bíh̃i, sí gúloi ɣéle tɔ áá ɣɛ́ ngeyá, ɛi ló ngeyá.”
Faanɛ́ɛ́ngi kɔwɔ́ato hakpá fálei wa
26Kɛ Jísu i mɔɔ ɣɛa ta, “Ngalángi w̃ásandai kɛ kíli gúlangɔɔ lé nɔ́ɔ ngáá faanɛ́ɛ́ngi sí, siỹɛndópoi lɔ wɔ́lɔ í ɣɛ́i na, i liiní, í hákpa súwui vahá ngi báálai h̃u. 27Foló p̃ɛ́ɛ́ kpɔkɔ́ p̃ɛ́ɛ́, hakpá fálei i ɣɛi áá vɔ́ɣɛ, áá hále. Siỹɛndópoi ná va ɔ́ɔ́ bɔ́ɔ́ la nyii h̃u ngáá kpindí ngaah̃ú í wo ngáá foló, aa ɣɛi kɔlɔ́ sí áá kɛ hakpá káálɛi áá vɔ́ɣɛ í hále. 28Sífaa ndɔwɔlɔ́i bútei lɔ áá kɛ hakpá káálɛ í hále, nga ndáɣa í gúla, í kooyeɣé, í gúla su. 29Ná nɔ́ɔ léi hakpángi áá híti, kpeelé w̃ɔ́i aa pɛlɛ náa kulamá, bɔw̃álale hakpá kɔ́li sɔ́wɔi aa ɣɛ náa folóni.”
Faanɛ́ɛ́ngi kɔwɔ́ato mɔ́sita wuluí gáálɛi wa
(Máfiyu 13:31-32,34; Lúu 13:18-19)
30Jísu í mɔ́ɔ́ ɣɛ ta, “Bɛɛ́ lɔ a maa ɣɛ́ ta Ngalángi w̃ásandai kɛ kíli gúlangɔɔ lé lá? Ɔɔ faanɛ́ɛ́ngi bɛɛ́ lɔ aa maá séi áá mbaagúla?” 31I ɣɛi ti w̃a, “Kɛ kíli gúlangɔɔ lé ngáá kíya nguluí sí gáálɛi í na taa tolí ngáá mɔ́sita. Maa gáálɛi gulo kw̃ɛ́ɛ́ngɔ í lɔ́ve ngulú gáálɛi kpɛ́lɛɛ mbá. Kɛ́ ná nuu áá sí, 32aa halé, í ɣɛ́ wɔɔlɔ í lɔ́ve ngulú vékaitii mba. Ngi yékeitii tí ɣɛ́ wɔlɔ wɔ́lɔ, w̃ɔniáitii tí vá, tí tí láángai tó nga.”
33Jísu i yɛpɛní ti yelé faanɛ́ɛ́ kpih̃íngɔ h̃u ti gúlangɔ í ɣɛ́i lá ngáá wee ngáá tɔ́ɔ́ ngatɔ́ mba. 34Aa faa fíli ndéni ti w̃a yɔ́ɔ́ ɣɛ́ faanɛɛ ngáá ɣɛ́i ti wa. Kɛ́ ná ti w̃áágelesangɔ ɔ́ɔ́ ɣɛ́ lá taá polú yélaitii, ɔ́ɔ́ kpɛ́lɛɛ súúɣɛ ngáá ti ye.
Jísu i fɛfɛ ngákpangɔi yánjeini
(Máfiyu 8:23-27; Lúu 8:22-25)
35Ná í ɣɛ́i ngáá kpɔkɔ́ folói ná w̃a, Jísu i ɣɛi volú yélaitii ma, “A mu lí njɛ wálai volú.” 36Jísu volú yélaitii tí fáŋai lóni volú véle, ti víli keléngi h̃u Jísu í ɣɛ́i náa héini su kílii, tí li taá tiyéni. Kelé pékani pa ti ɣɛ́i na. 37Fɛfɛ ngákpangɔ wála i ɣɛi áá vá áá héi keléngi wa. Faalɔ, njɛí lákpa lakpangí i ɣɛi náá áá vá ndɔmbú má. 38Jísu va i ɣɛi lááni nyii h̃u keléngi vólu vélei, ngungí i lááni píla kéési w̃a. Polú yélaitii tí maaléveni, ti ɣɛ́ ma, “Kaamɔ́ɔ́, yáá kɔ́lɔ ngáá a muỹá lɔ́ náá saa lowá la?”
39Kɛ Jísu i yooɣénga, í nde fɛfɛ ngákpangɔini ngaa njɛi lákpa lakpangí w̃a, i ɣɛ ti w̃a, “A yanjéi!” Kɛ fɛfɛ ngákpangɔi ná yangí yéinga, naa vá ngí ɣɛ málo málo. 40Kɛ i ɣɛa volú yélaitii ma, “Ndeénii le wáá lúwa ngwala? Nda ngáá nɛ́ɛ́ wú h̃ú kpɛ́?”
41Kɛ́ ti gindáá vílingɔ i ɣɛi lá ngwala, ti h̃úú íwaa bɛ́li. Kɛ tiyá tɔ́ɔ ɣɛ́ ỹɔw̃ɔ́ ỹɔ́w̃ɔ w̃a, “Ele wáá ngáa siỹɛndópoi sí? Fɛfɛ ngákpangɔini ngaa njɛ lákpa lakpangí taá gólo mbɛ!”
Currently Selected:
MÁI 4: KNNT
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000
MÁI 4
4
Faanɛ́ɛ́ngi kɔwɔ́ato hakpá súwui wa
(Máfiyu 13:1-9; Lúu 8:4-8)
1I ɣɛi ngáá hɔ́wɔ ta, kɛ Jísu i tɔkúla héinga ngáá kalambongí wóndai Galéli Yɛ Walaí la. Faŋaí í yátɛni mba ma, ti yambɔ́ɔ́lɔngɔ i ɣɛi lá ngwala ngáá kɛ i lɛní í héi keléngi h̃u njɛí ya, nungáitii pa tí ló kaséngi ya njɛí la. 2I ti galámboni ngáá faa bíh̃iw̃aa faanɛ́ɛ́ngaitii su. Aáva ngi gálambo ngoí h̃u i ɣɛi ta,
3“A wolílo lɛ́ɛ, siỹɛndópo yiláá tɔ́ wɔ́lɔ í ɣɛ́i na, i liiní hakpá súwu váha mái. 4-8Ná í ɣɛ́i áá fáha, ti lɛ́ingaa ti gúlani pele gaalɛ́i w̃a. Ti lɛ́ingaa ti gúlani kɔtu wɔtú ndɔ́wɔlɔi w̃a. Ná vólu, ti lɛ́ingaa ti gúlani mbéinda ngali ngáli sapeítii ti ɣɛ́i na. Kɛ́ ná fíli sú, hakpá súwui nátii tɛingáá ti gúlani ndɔwɔlɔ́ vánda w̃a. Sítii ti gúlani pele gaalɛ́i w̃a, w̃ɔniáitii tí vááni, tí tí bɔ́le. Sítii ti gúlani kɔ́tu wɔtú ndɔ́wɔlɔi w̃a, pɔlɔ́ áá ɣɛ́i na bih̃í, tí hále fála fala sífaa pɔlɔ́i yakpɔ́tungɔ aa ɣɛi lá ti wu. Kɛ́ ná folói yangí í báni, i hakpá fálei nátii kpandií. Hakpá fálei nátii pa tí yéni bɔw̃álale ti hápeitii taá ɣɛ́i yeiní ndɔwɔlɔ́i wu góóh̃a ma. Ná vólu, sítii ti gúlani mbéinda ngali ngáli sapeítii ti ɣɛ́i na, ngali ngáli tufaí nátii tí háleni, tí hákpa fálei nátii mboló láá yíli. Sítii pa ti gúlani ndɔwɔlɔ́ vándai w̃a, tí háleni, ti bátɛ ti gúla su. Ti lɛ́ingaa lɔkúla héiw̃aa yílaangi ɔ́ɔ́ ɣɛ́ mba ngáá puú sáángɔ, ti lɛ́ingaa puu ngɔ́hitangɔ. Ti lɛ́ingaa va tɔkúla héiw̃aa yílaangi ɔ́ɔ́ nuu yáá laahé bɛ́lɛ.” 9Jísu woo yápumai i ɣɛi ta, “Nuí fíli faa ỹɛ́ni ngóli áá ɣɛ́ ngu mba, í fái sí yéɣe ngáá hɛmbɛ́ fíli.”
Faanɛ́ɛ́ngi héi sáwui
(Máfiyu 13:10-17; Lúu 8:9-10)
10Ná Jísu w̃aagelésangɔ í ɣɛ́i lá, polú yélaitii ɛ́ɣɛ sítii ti ɣɛ́i maayelé mbélengɔ ti Jísu w̃ɔɔniní ngáá í faanɛ́ɛ́ngaitii pólui ɣɛ ngáá ti ye. 11Jísu i ti woo yápoteni, i ɣɛ ti w̃a, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ́ ngáá wú ngátɔ mba. Kɛ́ sítii taa ngáá pólu yélaa, ngáá yɛ́pɛ ti yelé faanɛ́ɛ́ngaa h̃u 12kɛinɔɔ́,
‘Ti bɔ́ɔ́ ỹandái béle ká ká, tɛ́i náa lɔ.
Ná vólu, ti bɔ́ɔ́ wolílo ká ká, tɛ́i faa ỹɛ́ni tɔɔ́ ngátɔ mba,
sífaa, kɛbei ti ɣɛ́i taá ỹánda lɔ, táá faa yátɔ mba,
tɔ́ɔ ɣɛ́ ɣɛ́i volú yáfeni ti háá ỹɔítii mba, ti h̃úúhaa í lo.’ ”
Hakpá súwui háánɛɛngi volúi
(Máfiyu 13:18-23; Lúu 8:11-15)
13Kɛ Jísu i ɣɛa ti w̃a, “Ná wɔ́i ɣɛ́ faanɛ́ɛ́ngi sí yátɔngɔ mba, kɛ wáá ɣéle faanɛ́ɛ́ngi ta fíli ngátɔ náa mba?” 14I ɣɛ ti w̃a, “Sí hakpá súwu vahá mɔ́i í síni kulangɔ́ɔ́ le ngáá Ngalá ndaa wói. 15Nungáitii ti lɛ́ingaa ti gúlangɔɔ le ngáá hakpá súwui í gúlani péle gaalɛ́i w̃a. Ná nɔ́ɔ léi taá Ngála ndaa wói ỹɛ́ni, Setána aa va náa, í Ngála ndaa wói ná gúla ti gi má taa ɣɛ́ mɛniní. 16Ti lɛ́ingaa va ti gúlangɔɔ lé ngáá hakpá súwui sí í gúlani kɔtu wɔtú ndɔwɔlɔí w̃a. Ná táa Ngála ndaa wói ỹɛ́ni, taá lokohéi mbu ngamá ngáá kooh̃unɛɛ. 17Kɛ́ sífaa ti hápe hítɛngɔ ɛ́i ɣɛ́ la, faalɔ, taá ló nɔ́ɔ maa hái h̃u kpɛ́ɛ́. Ná faa bɔ́lunda áá vá tí yelé ɔɔ nungáá tí faa báma lá ti w̃a ngáá sífaa tí lókoheinga Ngalá ndaa wói wu, taá lokogúla Ngala fái h̃u ngamá. 18Ti lɛ́ingaa va ti gúlangɔɔ lé ngáá hakpá súwui sí í gúlani mbéinda ngali ngáli sapeítii ti ɣɛ́i na. Taá Ngalá ndaa wói ỹɛ́ni, 19kɛ́ ndɛɛh̃úi sí h̃uu hái lííhɛlɛngitii taa ɣɛ́ ti w̃a ɛ́ɣɛ ndongí taa ɣɛ́ su ngáá ngeleí sí wuu bátɛitii ɛ́ɣɛ mɔ́ni mɔ́ningi taa ɣɛ́ su taá Ngála ndaa wói w̃áá ba. Maa yélai pa tɛ́i faa fíli páá kíya nɔ́ɔ ngali ngáli tufaí hákpa fáleitii mbólo láá yílini, taa wáni. 20Kɛ́ núngai sítii taa Ngála ndaa wói ỹɛ́ni laáva tí lókohei mbu, ti gúlangɔɔ lé ngáá hakpá súwui sítiini ti gúlani ndɔwɔlɔ́ vándai w̃a, ti bátɛni ngwála. Maa yélaitii tɔ táá faa váá kíya nɔ́ɔ hakpá súwui sítii ti lɛ́ingaa ti lɔkúla héiw̃aa yílaangi ɔ́ɔ́ ɣɛ́ mba ngáá puu sáángɔ, ti lɛ́ingaa puu ngɔ́hitangɔ, ti lɛ́ngaa va tɔkúla héiw̃aa yílaangi ɔ́ɔ́ nuu yáá laahé bɛ́lɛ.”
Lámbongi lɔ́ na ngi hóngi hááw̃a
(Lúu 8:16-18)
21Kɛ Jísu i mɔɔ ɣɛa ti w̃a, “Wáá lámbo to, wú mbala bɔ́ki wu baa mbeteí wu? Kɛ́mbɛ wáá to wú seí lámbo seimái, kɛ́lɛ? 22Sífaa sí fíli í ndɔ́ɔ́wu h̃ú, aá lɔ́ ndɔɔwu h̃ú ngáá kɛinɔɔ́ í gúla kalá kála má. Sí fíli pá maa vɛ́lɛngɔ, maa vɛ́lɛngɔɔ lé ngáá kɛinɔɔ́ maa í ɣɛ́ kpál̃au. 23Faalɔ, nuí fíli faa ỹɛ́ni ngóli áá ɣɛ́ ngú mba, í fái sí yéɣe ngáá hɛmbɛ́ fíli.”
24Jísu í mɔ́ɔ ɣɛ ti w̃a, “A wolílo sí w̃a ngáá nde wú w̃á. Suuw̃ángi gɛ́ɣɛlai wáá mbo nuu vékai yɛ, kɛɣɛ́laa h̃úúw̃angi lɔ wáá mááhɔlɔ ɔɔ ná láá lé, í víli maah̃u. 25Sífaa, nuí fíli ŋani áá ɣɛ́ ngeyá bíh̃i, ta áá bahá mba, kɛ́ núi fíli ŋani ɛ́i ɣɛ́ ngeyá bíh̃i, sí gúloi ɣéle tɔ áá ɣɛ́ ngeyá, ɛi ló ngeyá.”
Faanɛ́ɛ́ngi kɔwɔ́ato hakpá fálei wa
26Kɛ Jísu i mɔɔ ɣɛa ta, “Ngalángi w̃ásandai kɛ kíli gúlangɔɔ lé nɔ́ɔ ngáá faanɛ́ɛ́ngi sí, siỹɛndópoi lɔ wɔ́lɔ í ɣɛ́i na, i liiní, í hákpa súwui vahá ngi báálai h̃u. 27Foló p̃ɛ́ɛ́ kpɔkɔ́ p̃ɛ́ɛ́, hakpá fálei i ɣɛi áá vɔ́ɣɛ, áá hále. Siỹɛndópoi ná va ɔ́ɔ́ bɔ́ɔ́ la nyii h̃u ngáá kpindí ngaah̃ú í wo ngáá foló, aa ɣɛi kɔlɔ́ sí áá kɛ hakpá káálɛi áá vɔ́ɣɛ í hále. 28Sífaa ndɔwɔlɔ́i bútei lɔ áá kɛ hakpá káálɛ í hále, nga ndáɣa í gúla, í kooyeɣé, í gúla su. 29Ná nɔ́ɔ léi hakpángi áá híti, kpeelé w̃ɔ́i aa pɛlɛ náa kulamá, bɔw̃álale hakpá kɔ́li sɔ́wɔi aa ɣɛ náa folóni.”
Faanɛ́ɛ́ngi kɔwɔ́ato mɔ́sita wuluí gáálɛi wa
(Máfiyu 13:31-32,34; Lúu 13:18-19)
30Jísu í mɔ́ɔ́ ɣɛ ta, “Bɛɛ́ lɔ a maa ɣɛ́ ta Ngalángi w̃ásandai kɛ kíli gúlangɔɔ lé lá? Ɔɔ faanɛ́ɛ́ngi bɛɛ́ lɔ aa maá séi áá mbaagúla?” 31I ɣɛi ti w̃a, “Kɛ kíli gúlangɔɔ lé ngáá kíya nguluí sí gáálɛi í na taa tolí ngáá mɔ́sita. Maa gáálɛi gulo kw̃ɛ́ɛ́ngɔ í lɔ́ve ngulú gáálɛi kpɛ́lɛɛ mbá. Kɛ́ ná nuu áá sí, 32aa halé, í ɣɛ́ wɔɔlɔ í lɔ́ve ngulú vékaitii mba. Ngi yékeitii tí ɣɛ́ wɔlɔ wɔ́lɔ, w̃ɔniáitii tí vá, tí tí láángai tó nga.”
33Jísu i yɛpɛní ti yelé faanɛ́ɛ́ kpih̃íngɔ h̃u ti gúlangɔ í ɣɛ́i lá ngáá wee ngáá tɔ́ɔ́ ngatɔ́ mba. 34Aa faa fíli ndéni ti w̃a yɔ́ɔ́ ɣɛ́ faanɛɛ ngáá ɣɛ́i ti wa. Kɛ́ ná ti w̃áágelesangɔ ɔ́ɔ́ ɣɛ́ lá taá polú yélaitii, ɔ́ɔ́ kpɛ́lɛɛ súúɣɛ ngáá ti ye.
Jísu i fɛfɛ ngákpangɔi yánjeini
(Máfiyu 8:23-27; Lúu 8:22-25)
35Ná í ɣɛ́i ngáá kpɔkɔ́ folói ná w̃a, Jísu i ɣɛi volú yélaitii ma, “A mu lí njɛ wálai volú.” 36Jísu volú yélaitii tí fáŋai lóni volú véle, ti víli keléngi h̃u Jísu í ɣɛ́i náa héini su kílii, tí li taá tiyéni. Kelé pékani pa ti ɣɛ́i na. 37Fɛfɛ ngákpangɔ wála i ɣɛi áá vá áá héi keléngi wa. Faalɔ, njɛí lákpa lakpangí i ɣɛi náá áá vá ndɔmbú má. 38Jísu va i ɣɛi lááni nyii h̃u keléngi vólu vélei, ngungí i lááni píla kéési w̃a. Polú yélaitii tí maaléveni, ti ɣɛ́ ma, “Kaamɔ́ɔ́, yáá kɔ́lɔ ngáá a muỹá lɔ́ náá saa lowá la?”
39Kɛ Jísu i yooɣénga, í nde fɛfɛ ngákpangɔini ngaa njɛi lákpa lakpangí w̃a, i ɣɛ ti w̃a, “A yanjéi!” Kɛ fɛfɛ ngákpangɔi ná yangí yéinga, naa vá ngí ɣɛ málo málo. 40Kɛ i ɣɛa volú yélaitii ma, “Ndeénii le wáá lúwa ngwala? Nda ngáá nɛ́ɛ́ wú h̃ú kpɛ́?”
41Kɛ́ ti gindáá vílingɔ i ɣɛi lá ngwala, ti h̃úú íwaa bɛ́li. Kɛ tiyá tɔ́ɔ ɣɛ́ ỹɔw̃ɔ́ ỹɔ́w̃ɔ w̃a, “Ele wáá ngáa siỹɛndópoi sí? Fɛfɛ ngákpangɔini ngaa njɛ lákpa lakpangí taá gólo mbɛ!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bandi New Testament © Bible Society in Liberia, 2000